小龜大世界's Profile

同朋友搵地方食下午茶，行行下見到依到假日都有tea set就入左黎Tea set都好多選擇，咸甜小食都有，讚最後我地要左芝士薯蓉同香蕉酥芝士薯蓉係香濃既芝士味，絕對收貨（其實好難整得難食？）香蕉批就直頭有驚喜，入面有新鮮香蕉片，香濃香蕉味，又唔會太甜，估佢唔到唯一失望係杯咖啡，西式餐廳諗住依d唔會差，點之完全唔香，茶記都好過佢總結：食物非常唔錯，價錢抵食。係搵位比較麻煩，同埋飲品失望左d（下次可能試下其他）都會有下次既。…Read More

朋友帶路下來到依間小店（老實說，門口不在大街，平日走過根本唔會注意到依到有間餐廳）一入去，簡約裝潢，有一種小店獨有風味平日午餐包餐湯/salad，主菜，甜品（$98，飲品要加$20）當天提供的是蕃茄湯很足料，滿滿的蕃茄蓉，酸酸地很開胃（其實無咩特別，只係個餐包左，反而朋友的沙律好像更吸引）主菜選了5成熟的牛扒（要加$40, 其他選擇都唔使加錢）很有驚喜的主菜，牛扒超有牛味，口感亦很好，真的要讚。薯條係粗薯新鮮炸起。個主菜真係。食完仲有個超邪惡甜品：雪糕brownie, 對於極愛甜品既我真係無得頂（依d真係外國味道既甜品，仲正過cheese cake...!）另外要左杯coffee($20），又係高質貨，很香濃的味道整體來講，除左頭盤唔太特別，其他食物都算得上高水準，價錢唔算平（$170），但係真係對得住個價，合理…Read More

平時感覺蟹膳係間高級餐廳，從沒有想過到訪，因朋友提出，才有機會到此一試。由於趕時間關係，朋友希望訂位時先點餐，待到達已經可以上菜。店方非常配合，更以電郵方式預先提供餐牌，十分貼心的服務。我們都點了蟹天婦羅套餐天婦羅賣相很是討好（味道也不錯），烏冬和蔬菜另上要自己係座位前的鍋子煮，蔬菜賣相也是一流的（可惜沒有拍照）。當然茶碗蒸味道也很好，只是不突出（我還沒有吃過不好吃的...）另外我們也order了一客蟹膏，只得一丁點卻索價$80一客，感覺很貴。可是味道也是驚為天人的，第一次食到咁甘香既味，而且仲久久不散，真係必食最後有咖啡雪糕作結尾（如果可以選草莓味就仲正）…Read More

一向都愛魚麵，魚湯等食物（特別是魚麵，很少地方有供應的），所以一直對依間餐廳很有興趣以往每次到來都是要湯魚麵的（另外，叫得墨丸專家，餸一定選墨魚類，未試過失望）不過今次鄰坐一碟炒魚麵傳來陣陣香味，立馬改變主意，要了一碟墨魚蝦卷炒魚麵（可選黑/白魚麵，我要了黑的）第一次試，起初有點擔心，但一上菜就傳來陣陣香味，就知沒有叫錯魚麵依舊彈牙（實在是很好吃！！），加入芽菜，蛋絲，青菜，味道有點像上海粗炒，但因為用的是魚麵，味道比一般粗炒好很多總括來說，不論是湯的或是炒的，我都覺得店家做得很好。以後還會再來！…Read More

朋友特意在午膳時段由中環過來灣仔相聚。今次就選了坐落於軒尼詩道，近灣仔地鐵站既意粉屋。除了地理位置很好，亦都貪佢可以訂位，更可以慢慢坐，慢慢吹水，唔使趕頭趕命。餐牌，選擇滿多和吸引的，價錢也很親民我地選左芝士焗龍蝦帶子天使麵+紅酒牛肋條扁意粉首先送上龍蝦湯，一般西餐廳都只有紅湯白湯，親算有龍蝦湯供應，也是要加錢的，今次個餐包埋，我非常滿意，味道也是正常水準之後到主菜：芝士焗龍蝦帶子天使麵，聽個名都覺得吸引。不過可能期望太高，個天使麵太乾身，芝士汁唔夠，有點兒失望另一主菜，紅酒牛肋條扁意大利粉，味道正常，不過不失總結：食物一般，達合格水準，未見突出。不過分量算大碟，價錢合理（2個餐，包湯包餐飲，用左vip卡免加一，共$212）服務唔錯，侍應有禮，環境亦算ok，唔會坐得好迫。如果為左想舒服傾計，我會再黎…Read More

今日一個人，想起好久沒食過雲吞麵，即時就想起依度午飯時段，人流不算多（大抵一般人都覺得雲吞麵唔夠飽/很快肚餓+黎得既食客一般都係"速戰速決"，很少會坐低慢慢吹水）基本上都唔使點等位，岩晒我心意選依度既原因都不外乎3個：環境唔差（冷氣足，加d枱唔算迫，最怕同人頂背），味道ok （我最愛牛腩/雲吞麵），另外就係非常抵食（最平$19就有交易，加多個菜都係多$9）有時如果午餐唔想食太飽，想輕怡一點，黎依度真係岩晒…Read More

返工last day，酷愛日本菜既上司提議黎依到farewell之前聽說依到係sell遊客既地方，貴夾唔飽，名過於實，所以一直不在wish list之列一入去，餐廳與hello kitty有些合作推廣，所以場內有d佈置，亦有hello kitty丼供應（不過我地選左壽司set）場內只有一行行既座位，沒有面對面的，對於著重傾計既唔太適合，不過我好喜歡對住個海食飯入正題：我們一行2人，各自點左一個午餐特上壽司set+個龍蝦泡飯share10件壽司+1個烏冬（$148）注：杯茶另加（$8，感覺不便宜啊）壽司非常新鮮，味道不錯的，另外賣相也算吸引烏冬沒什麼特別，配角只是用來填飽肚子？最初點10件壽司怕不夠飽，所以再加一客龍蝦泡飯（$78)。一上場，龍蝦香的不得了，味道鮮甜，沒有叫錯。（錯的是一客壽司午餐已經夠飽，之前怕唔夠是多慮了，最後差點吃不完...）整體說，餐廳用料新鮮，價錢沒有想像中貴，絕對可以一試…Read More

公司同事話想試，就同佢黎試下一入黎裝修幾靚，坐位唔迫，唯一唔好係坐高椅(普通位已經滿座），相信普通位會舒服d首先黎個薯仔湯，個湯感覺幾稀，但估唔到飲落唔錯，好香。麵包係歐式包加蕃茄，感覺清新主菜，Set lunch 選擇唔多，我地2個都選雞肉意粉。講明係新鮮意粉，食落同乾意粉有明顯分別，但可惜味道上唔算出色，好彩個汁分量岩岩好，唔會太乾/濕，意粉上有d果仁，可以增加口感。跟住加$20要左個homemade tiramisu,岩岩食個陣太冰，無咩味道，但食食下又覺得好好食，好香，最有驚喜係佢set lunch唔包野飲，同事叫左杯咖啡（跟set有半價，大概$2x杯），賣相吸引整體黎講，成間餐廳最好係環境，味道ok，如果想靜靜地係度食餐飯，傾下計，其實都幾唔錯…Read More

同事提意黎依到，起初怕食包會唔夠飽，但個名又講明食三文治，無理由唔試下（btw. 依到除左飯/意粉，連炒公仔麵都有，更甚好似聽到有人叫左餐牌無既米線。真係估佢唔到）講返正題，個包亦都有驚喜，用大個餐包夾牛肉，芝士，蕃茄，菜，食落足料。$45仲包杯熱飲，灣仔黎講算抵。唯一唔好係間店真係好細，坐得好逼，要坐得耐/舒服都唔太岩。不過唔使$50味道唔錯（其實仲幾特別，好香港feel，完全唔似麥記既美式burger），我覺得食得過…Read More