派對王的個人專頁

忙足成日未食飯，搵朋友出嚟傾吓偈，估唔到酒吧咁夜有飯有串燒，更加諗唔到就係唔想飲酒精飲品，其他梳打飲品唔係Hea調，好飲。同朋友點咗啲串燒，價錢合理，牛舌可以用薄燒好食啲（個人口味）。🫣除咗happy hour，每日好似都有特選啤酒買一送一，朋友點咗set，我就飲無酒精飲品兩杯。😊環境氣氛還可以，唔算太嘈，適合傾偈。👍🏽有陣時攰攰地淨係想傾偈，搵個地方坐吓聽吓歌，揸車唔想飲酒，竟然有驚喜！👍🏽…查看更多

今晚一試台灣飯台灣食品一向俾我感覺係小食多，上不到宴客朋友的感覺，另外多數係小店先食到地道口味。今晚就試試呢間，起初選擇原因係位置方便，更重要係不限1.5小時用餐（本人對此規矩好反感）食物/環境的配合都係餐中的原素之一，趕頭選擇食品，趕命吞嚥…..我哋香港人唔駛咁苦下化😅餐牌價錢一睇確實唔吸引，一定唔係小店價，但難得聚，就點下啲特別菜或招牌菜，唔好食最多下次唔返嚟都係輸一次。-豬手餐牌得三件要百幾蚊，出到嚟原來唔止三件，醬汁入味，最重要軟身口感好-臭豆腐香脆可口-牛肉都好古早味-甜品都好滿足其實簡單嚟講，餐牌圖畫和食物上枱的份量不一致，有多無少，呢嗰味道呢個價錢係值得嘅，喺大型商場內食台灣菜有呢個質素，舒服地坐，我覺得合格，也會再光顧。…查看更多

今日好鬼悶熱，又唔使開工， lunch最麻煩唔知食物好…..無無聊就去了平時做嘢諗嘢的工厦飯堂利申：我工作環境不在此地或工厦，但就係仲意去呢間工厦飯堂😉平時工厦飯堂比我嘅感覺：食物馬虎或者環境麻床好逼夾…..但係呢間啲嘢食，即叫即煮，又夠鑊氣，選擇多，又坐得舒服……種種原因都會令我食完返嚟再食.🤣我避開咗食飯時間，大約兩點到，餐廳夥計任我坐。唔知食乜好，餐牌係有個選擇更加令我麻煩，叫咗個福建炒飯…..我都係第一次睇到呢一款嘅福建炒飯！炒飯內有雞肉，燒肉，蟹柳，急凍蝦，菜心切粒….賣相一般，但食落去味道好喎，軒汁下的炒飯仍然是一粒粒，真係冇馬虎👍🏽呢間餐廳食過7-8次，都係冇失望收場除咗小店，工厦飯堂都係有機會搵到廚藝高手嘅地方，哈哈😋希望飯堂可以保持水準，價錢份量合理下，俾打工仔一餐好的午餐，繼而開心工作啦💪🏽…查看更多

牛肉部位都算多元化，味道也配合大眾，有原味，海鹽和味噌。上菜速度好快，一般任食餐廳，落咗單你又怕漏單又要追單，都花好多時間去處理。呢間餐廳比我嘅感覺算唔錯，先用iPad自己點，每件計可能你會覺得咁少，但係就係逐件逐件計，你先知道嚟咗幾多，又唔浪費又知道點菜成功👍🏽除咗有不同牛的部位，又有少量海鮮，菜類和豬，兩人食左580,即240有任食水準高的牛，真係抵。員工服務態度都唔錯，我燒牛過火了，亦會主動來指點交流幾句，好友善成晚食得輕鬆開心🥳…查看更多

好耐冇食過金鳳都係出於嘗試心態，老實說在街外食100多元的鐵板餐不是很多選擇，當支持下老店。可惜的是食物質量與價錢不成正比，份量是足夠的，可惜你食落去時，自然感覺到烹廚的技巧確是不高，或少少馬虎添！我食的是大蝦配牛扒，份量可以的，叫了5成熟，來到已差不多7成，下次可能要叫3成？！不合格的是大蝦，size真係大，可惜蝦膏有苦澀味和臭，可能係壞了。總括依然，食金鳳係希望食返以前的懷舊味，但若果期望過高的烹調技巧，就會少少失望而回呢！…查看更多

Yeah~我仲意細細居酒屋呢間居酒雖然細，食物種類卻係多主要係蟹/刺身/串燒/煱物/主食/清酒/梅酒第一次初賞，無叫套餐，想食得精啲，今晚就主打刺身和串燒啦油甘魚鮮但未夠肥👍🏽劍魚腩好新鮮😋章紅魚雖不名貴，但口感和鮮味好配合，可追加👍🏽👍🏽👍🏽串燒款好多，order 咗16串，最正係免治雞軟骨肉配生蛋😋👍🏽👍🏽👍🏽食味：可再試其他菜款環境：地方不大，會聽到隔離枱的對話，居酒屋就係咁樣先有FEEL, 氣氛好都可令食客有另一番體會呢可改善：甜品款和味道未一大驚喜會再光顧的一間地方小店🥳…查看更多

其實我適唔適合寫食評？！食物味道我會評，環境描述也會評，侍應態度又評，我認為品賞美食係一個整合的享受，希望食眾接受我的風格，一齊交流，尋找好美食啦。疫情防控下，好多食市嗌救命.....明白的理解的，今日又係食貼地平民嘢.....肉餅飯！「老地方」好多唔同新派的肉餅，大家喜好各有不同，接受度都好唔同。我好傳統，食返正常款，今日點咗章魚肉餅，好重章魚味，有章魚粒，口感Ok但今日主角並不是此肉餅，我再說好吃，再點講，只能比過去的點評改動更好的形容詞，無新意....但今日的啟發係餐廳環境！！！我今日一邊食一邊講說話，好開懷，唔怕影響第二枱客又有私隱度，好relax 咁品賞我的碟頭飯。疫情下，餐廳加添隔簾，令每張枱的食客均有空間進食，而不影響他人。今日疫情困苦，生意寒冬，你可以一齊嗌救命，但你亦可以轉危為機....餐廳咁樣改善，食客無懼自然會重來。呢啲時候退還是留，就睇下店主想帶咩信息俾食客啦！我收到的係： [慢慢品嚐，不限時不怕口水飛沫橫飛，請你安心食啦！]P.S. 好肚餓好食，食食下先記得要影相，食物照片無修飾，不要介意，哈…查看更多

抗疫期間少去咗大型商場，搵食自然去左唔同街頭的小店，都成為咗一種習慣。今次就落咗長沙灣，找到一間好細好細好細間的日本🇯🇵麵店......驚喜往往就係呢啲環境下育成店的選擇不多，亦無須多，只有三款，三款都有海老作湯底，鮮！係店你會睇或體會到.....1師傅的認真2侍應的禮物3學徒的謹慎4食物的滋味換來食客的滿足咁樣寫食評，比主觀的味蕾更中肯呢係疫情下，希望大家都食得開心輕鬆啦小店的濃情確實在亂世中發光發亮利申：我係沾麵控🍜我會再光顧…查看更多

今日點兩款午餐海南雞飯配熱奶茶都炒海鮮檬粉配凍奶茶味道不錯，可惜今天遇兩事，餐廳要好好改善1. 炒海鮮越南檬粉粉，海鮮白灼另上，原因㕑師忘記落鑊炒，事後上還一聲不好意思都無，無味的海鮮，抱著健康態度，不追究。2. 凍奶茶杯底發現有一隻小小小小強，手拿飲管告知店，店員用手捽走，說是茶葉，激氣！我不是要免費午餐，但希望餐廳注意衛生，有錯承認對食客尊重，公道自在人心。今次用膳後，失望，若不改善未必再光顧了。…查看更多

社會緊張，食乜都無心機.......今日唔打唔撞，食了熟食市場，呢份味道，係呢四個月最濃人情味，比派糖更甜更有心煮的！今日食左個撈面，雖然滿滿醬油，但麵質不淋，仲好彈牙，配了豬頸肉，好有燒烤味，睇相為證.......份量足，味道濃，飲品正！飲品點左菠蘿冰，唔係什麼高當次，勝在特別，普通午膳都可以飲下特飲，5蚊乍！無伏...好飲近期淚氣太多，今日平民食市的開心無休，願呢類小店繼續煮好食物給大家，生意興隆…查看更多

選店前睇左好多餐廳評價網，寬巷子受高度評選，餐廳位於LCX,應該彼有特色.....確實有一種特色...貴！當日有Lunch Set 或散叫火鍋，諗住一賞賞好評餐廳，所以不食lunch set, 午餐也豪一豪，滾一滾！點左好多特色火鍋配料，是日全視覺享受，味覺則乏味無趣......唯一讚就是火鍋湯底，好味，飯後也不口渴，相信不含味精心舒服一點啦時日視覺享受為700/人，值不值....自己諗，本人試一次就夠了…查看更多

食店環境好簡約，坐係大玻璃旁好舒服😌去洗手間的的佈置都幾特別，有花花草草，好完洗手間又有一個直身鏡，其實店長都幾窩心，整體感覺舒服，市中花園啦。享受食物前，好環境好心情啦。今日點左兩道菜.1.牛油果三文魚三文治真好食，可惜配菜份量少，或可以配一此特別的沙律呀2.南瓜八爪魚沙律特別，南瓜打得好滑，可再試！午餐種類有四項不多不少，每樣味道和種類都很不同食物份量多返少少，咁就整體達至Very GOOD下次應試試Cake…查看更多

餐廳好清潔企理和裝潢設計好舒適，無論坐邊都好舒服。侍應生服務態度，10分滿分，我俾8-9分，自己體會下，呢度始終係餐飲食物食評為主。今次用餐係午餐時段，侍應生推薦我Lunch Set (2-3人份量)。我睇到有5款，我估以辣的情度定製（我估）套餐份量足，樣樣好精緻，我最愛蝦球和豬手。蝦球：微辣不失蝦的鮮味和爽口，伴蒼亦好花心思。豬手：應該係套餐的主角，辣度比蝦高，會帶麻辣，我其實一向不食辣，但都被這道菜吸引，值，巧功夫。整個用餐感覺良好，會再來品嚐其他美菜…查看更多