Peti's Profile

五年變化真大, 由港島區搬來沙田石門工作都三年多了, 生活上依然很不適應, 除了交通, 最不慣就是飲食的問題! 對我來說吃得好是我每天非常重要的事, 吃好一個麵包己可滿足回味, 但吃不好魚翅鮑魚都可成垃圾!記得最初搬來時在公司附近打轉, 找到的都是大眾飯堂頖型的餐廳, 試了都不再回頭, 午飯的心情就如地獄! 打後的日子都自己帶飯了.....而這間出品是唯一想再吃的! 但是為一個午餐, 要忍受等位排隊, 伙計面黑不回應, 環境嘈吵如打仗, 最美好的時光未吃已經氣飽了, 天天這樣真是受不住! 現在為了整天保持愉快的工作心情, 偶然想吃都只叫外賣了, 要不是就逃去第一城或自己準備好了!吃過他們的焗飯…..得! 麵…..更得!! 我拿手煮上海菜吃上海菜, 所以他們的麵餐一開始最吸引我, 試了多款我最愛就是紅燒獅子頭! 味道質地分數非常高! 他們的麵, 比較粗幼後, 我喜愛有咬口的粗麵, 不是上海麵”淋淋”的質感, 是自家獨創的風味, 很有個性! 所以今日我又叫了一碗, 正!…Read More

因團購認識"林太", 按地址找到來筲箕灣, 但不知道"林太"在橫街另一角, 唔住個區既人真係好難搵到!! 換了兩個set, 雞槌夠熱又香, 蝦醬味夠出, 但甜味過左火! 叻沙麵的湯底太辣又太甜, 最好在落單前先問客人接受多辣才下單, 會較體貼客人要求! 叻沙中的蝦很鮮, 片片魚片頭夠特別, 但總括只屬一般, 而付送的凍飲好像是羅漢果桂元茶, 但沒有飲管及匙, 食唔到桂元肉, 極不方便! 這裡只可以話試過就算, 未必再有下次啦......…Read More

參加了團購才認識"輕鬆飲", 有優惠1杯drink加2件餅, 相當吸引! 下午2:30人流不多, 只有我1個order, 換了1 set, 要了蜂蜜蘆薈, 味道OK, , 2個餅睇住師夫即埸整, 慢手慢腳仲睇到人O晒咀!, D餅好肉酸啊, 漏到一"pet pet", 好似在玩手工......真係睇見唔想食啊! 如果多d人order, 一定出唔切啦! 食落唔甜, 因為佢地係低糖, 賣相真係唔得! not my cap of tea! …Read More

又再參加團購, 昨天試了這間"嗜點", 這裡的選擇不算多, 2人叫了蝦餃, 牛肉, 鳳爪, 春卷, 叉燒腸粉, 糯米雞等, 蝦餃OK; 牛肉中的馬蹄大大塊如指甲size, 似乎廚房都好求其, 而味道還可以; 鳳爪唔夠味; 春卷材料有紅蘿蔔, 馬蹄, 蝦, 食味麻麻; 腸粉的粉太粉; 比較好的算是糯米雞了, 材料ok糯米軟! 同樣是旺角, 同樣點心, 同樣團購優惠, 比起上兩星期另一間, 就給比了下去! 再看環境裝修和食物種類都是普普通通......…Read More

之前路經點心棧見介紹我最愛的鮑魚燒賣, 心想下次一定要試試, 但一拖大半年過去, 直至參加團購, 終於的起心肝試啦! 那天周末下著雨來到旺角, 中午時份未坐滿人, 2人坐下就叫了飽魚燒賣, 牛肉, 叉燒腸粉, 春卷, 沙薑雞腳, 奶皇包, 糯米雞等... 飽魚燒賣賣相精美, 好抵食, 牛肉彈牙, 叉燒腸粉嫩滑, 沙薑雞腳外表原整味道得, 春卷好, 奶皇包流沙香甜, 糯米雞材料足, 食完回味再回味! 今次我同老公對點心棧的評價都很高,下次都值得長期支持! …Read More

幾年前舊鋪開業初期, 中午曾經食過一次甜品, 當時見到有豬扒包, 很想一試, 但由於甜姨姨午飯時段多數拉半閘未開門, 所以一直無緣......直至這年她們搬了新鋪, 腦中的豬扒包時有出現, 最近才去了一試, 真的很美味!! 薄薄的豬扒, 應該是豬肉薄片, 配上香軟的豬仔包, 美味無窮! 款式方面有招牌, 蜂蜜, 介辣三款味道! 我最愛蜂蜜味! 另加一杯芒果涼粉爽, 就是我fast food既絕配之選, 現在久不久就要食一次呢! …Read More

這是我第2次光顧, 星期六行完街, 順路就帶了媽媽來食晚飯! 媽媽喜歡食麵, 而這裡的麵選擇很多, 炒拉麵/年糕, 湯拉麵, 酸辣湯麵, 擔擔麵, 米線等等, 一定有一款合她心意的, 另外這裡有我喜愛的滬菜, 大家都會食得開心. 我們叫了三鮮炒拉麵, 水餃, 醉雞, 賽螃蟹! 三鮮拉麵比較油膩, 味道都ok, 京式水餃細細隻, 味道不錯, 湯底亦花了心思! 醉雞和平常的不太一樣, 可能係酒的問題吧, 雞只是一般, 最後是我的best choice, 我每去一間滬菜飯店都必叫的賽螃蟹! 這裡也算不錯呢!! 這晚食得很開心, 可惜既是他們沒有小籠包, 及欠決了一些甜點小食, 下次再路經上環都可以再來的!…Read More

還記得裝修前既Lunch, 叫呢樣無呢樣, 叫個樣無個樣! 已經唔想再回頭光顧, 不過見佢地裝修左, 即係有心改善, 咁LUNCH再來一次吧....門面係好左, 不過依然坐得好迫, 想食獅子頭菜飯, 我知唔係set lunch, 但menu有散叫就散叫啦, 點知又係話無!! 如果永遠都無, 就唔好係門口貼出來做招排菜啦唔該!!個d永遠不變既set lunch無新意!! 奘修完仲加左價! 食唔到想食既, 只好要了個排骨麵既set, 上碟賣相大塊, 不過好厚粉, 落左重手既鬆肉粉d豬扒林晒, 好似食綿花! 好難食啊!! 記得當年老板坐鎮時, 明明係薄薄的炸粉, 今時今日樣樣都失敗啦!呢次之後, 我永不回頭啦! 美味既豬扒, 獅子頭, 燻魚, 全部都是回憶.....…Read More

上星期老公同客來尖沙咀, 發現這間餐廳水準不錯, 有我最愛的大蝦, 所以今晚就帶我來dinner啦! 走入餐廳, 感覺不到意大利style, 反而像去了Ruby Tuesday, 環境很輕鬆! 星期一的夜晚人不算多, 最o岩外出吃飯! Waiter很熱情, 坐下後很快送上水及menu, 台腳有點不衡, 不用開口已立即調教, 心情好這些小節都不是問題! 看過menu, 主菜我點了2隻大蝦的餐(開心到名都唔記得, 眼中只有"蝦")及Fruit Island, 而老公就點了牛膝焗意大利飯, 另外要了一客蒜蓉包和菠菜焗田螺, 非常豐富呢!蒜蓉包暖暖的很香牛油味, 菠菜焗田螺多汁入味, 我的Fruit Island好好飲夠fresh! 等了不一會, 我倆的主菜就一齊上啦, 一放下碟, 我的大蝦就吸引到一隻芝麻般的小蟲蟲飛在碟邊上, Waiter立即整碟拿走, 再幫我重新煮過, 他們的服務真是乾淨利落, 沒有猶豫, 非常專業!! GOOD!! 雖然看著老公先食, 都好開心啊, 他的牛膝很淋很入味, 骨髓很Juicy, 飯也很有水準! 最後我的大蝦也到了, 2隻燒大蝦很鮮甜, 配上野菌沙律, 好健康! 這晚食得很滿足, 多謝老公! 下次久不久我們都要過海來這裡走一轉! …Read More

收工出街食飯, 和老公商量後決定食雲南米線, 不過weekday既日子去荃灣真的很遠, 他早前去醫院時發現後街這間店, 食過都ok, 今晚就帶我來開餐啦! 晚市冷清是灣仔的特色, 只有晚上才會食得舒服! 這裡的米線都是酸辣及清湯為主, 再自選餸菜, 而小食的選擇並不多, 我們點了各自的米線, 他加了燒排骨和牛腩, 我要了腩肉, 燒排排及豬舌, 小食想叫臭豆腐, 但估清了.......我的什醬米線和他的酸辣米線其實分別不大, 他覺得湯底不夠酸, 辣味卻較重! 而我的什醬米線辣味不太重, 適合不愛辣的我, 燒排骨, 腩肉豬舌都ok!…Read More

昨晚完成了一整天煩重的工作, 收工突然想起這裡美味的炸豬, 就call老公一齊來dinner!轉眼大半年, 這是至去年9月後第二次光顧, 食物依然美味!! 最開心的是他們真的改進了不少, 向前跨出了幾步! 踏入豚組, waiter沒有邰慢招呼, 入坐後留意到坐位上方增設了較光的燈, 不用再"盲摸摸"數手指, 今次老花都可以清楚睇到menu啦! 他們的menu修改成一本, 不再是以前一張過膠的, 食物的選擇亦多元化了, 有魚生, 又有沙律, 有set, 亦有自由配定食, 還可以追加, 小食方面及炸物的種類亦很豐富! 真的, 用心才會贏得讚賞, 非常好!細食的我經過第一次後, 真係食不完一個set, 所以決定今晚同老公一齊share一個自由配定食, 另外再叫一些小食及沙律, 兩個人就夠食啦! 這晚叫了2杯特價西瓜汁, 時令的西瓜夠青甜! 另外要了煙豬肝, 一片片的薄切很美味, 如果可以厚片d就更加有口感囉! 食炸豬其實幾肥膩, 所以order了沙律, 煙三文加蟹肉夠fresh, 除了可以自由配外, 醬汁都有多款選擇, 如果想有新意思, 桌上還有柚子及wasabi沙律汁隨時給你自由發揮調味, 而wasabi汁配出來的效果真的不錯呢, 一份的沙律一點也不少, 兩個人食o岩o岩好, 但如果一個人要keep fit, order一個沙律加杯drink就可以食得好健康啦! 我地的主角定食就要了炸豬+炸蝦+鵝肝漢堡, 非常豐富呢! 這晚我倆食得很滿足又開心! 今次真的有驚喜, 我最回味的是鵝肝漢堡!!! 好juicy的鵝肝, 又香又滑又濃郁的味道, 可惜沒有得散叫呢.....不過下次我可以order追加, 一定要加2件比自己!!!…Read More

無論住杏花村或北角區, 我和老公對筲箕灣都有一份情意結! 愛煮的我倆最喜歡在這區買菜! 而每年拜山後都會在附近飲茶, 過往只識去楚留香及明星, 但今年卻發現這間"豪庭"! 一食就愛上了!! 其實這間酒樓並不起眼, 沒有豪華的裝修, 只是一般舊區的街坊茶樓, 但他們的點心, 燒味, 小炒, 粉麵卻很出色!! 看得出他們的廚房師父很用心, 而且廚藝了得!! 更重要的是價錢超平"!! 所以我和老公每1-2個星期的周末必定去一次! 喜歡他們所有的美食! 蝦餃皮QQ的, 裡面鮮蝦多汁又新鮮! 燒賣昨天第一次叫, 上面一粒蝦有蝦子, 裡面又用肉包了一隻蝦! 好好味! 牛肉係小點一定要叫來食! 腸粉很滑很彈! 炸魷魚鬚薄薄的一層炸粉炸得很香口, 是我們每次的必食! 叉燒包very good! 仲有超超超低食的**燒腩仔**, 都只係$19個幾一碟去邊度搵! BB乳鴿我都很鍾意!! Oh.....還有就係流沙奶黃包! 我們每次會叫2籠, 一籠即食, 一籠帶走!! 雖然帶回家再蒸不會再流沙, 但它的味道依然很香滑! 有次因為周日睡到中午1:00, 起床後就決定去"豪庭", 原來下午茶仲抵食好多! 點心都是$6個幾, 最意外就是那$11個幾的粉麵, 我當天叫了一款燒鵝賴粉, 燒鵝竟是**燒鵝脾", 薄薄的皮沒有肥, 而賴粉的湯看上去普通, 但味道非常好! 我和老公說, 以後來飲茶每次我都要叫一碗自己食呢! 上星期五收工, 兩口子想外出吃飯, 就決定再來"豪庭", 幾站MTR好快到呢! 記得他們晚市有超抵食的A, B, C餐, 我們當晚點了$36的A餐, 是BB鴿2隻, 加一碟咕嚕蝦球! $36去邊度食啊?! BB鴿很香嫩, 咕嚕蝦球無得頂! 另外試了他們的推介"鮑魚魚翅撈飯", 都只係$88! 足夠2人份量!!! 飯是炒底的, 很有鑊氣, 淋上雞絲翅, 上面有一隻6cm左右的飽魚! 好好味啊! 經濟市道差, 2個人都可以晚晚食鮑魚魚翅撈飯啊!!! 下次叫家人一齊晚飯, 就可以叫$90幾的C餐, 有雞有海斑, 再加一個冬瓜盅, 都不錯呢! 當晚賣單我倆都只是$180幾蚊, 隔離桌5個人大魚大肉都不過$300, 茶餐聽都唔止啦......很回味! 早前搬新屋, 差點因為"豪庭"搬來筲箕灣呢! 不過就算坐幾站MTR, 我們都情願去一轉筲箕灣! 因為北角真係無邊間酒樓可以同"豪庭"比! 以新都會為例, 最多係夠大同埋坐得好D, 但論出品及價錢, 請行過一邊吧! 而北角明星, 周日等位就最痛苦, 價錢又唔平, 水準時好時壞.... 只有筲箕灣, 才有價錢公道便宜, 同真正用心的大師父會做出味美的食物!! 令到我倆都很感動, 食得很開心, 我地一定會支持佢地! 亦希望佢地可以繼續保持水準, 做到最好! …Read More

一個星期前準備7-11他的興祝日, 搞盡腦汁要和他玩足15個鐘! 早上下午節目完畢後, 晚上和他來了Grill Cafe, 這裡真如想像中一樣人很少, 寧靜舒適的感覺其他地方星期六日再難找得到, 音樂播放著8,90年代的英文歌, 時光像回到我們初相識的那一年....他很喜歡我的安排! Stone Grill + 自助沙律dinner亦很合他心意! 看了Menu, 他點了肉眼扒配大蝦, 不食牛羊的我海鮮最o岩我口味, 我要了鮑魚配大蝦! 這裡的自助沙律Bar選擇很豐富, 冷盤, 火腿, 沙律, 餐湯, 麵包,芝士, 甜品, 生果, 選擇多多, 而且用料亦有水準, 青口有鮮味, 煙三文魚我最鍾意, 老公平時少吃沙律, 但對這裡的沙律卻讚不絕口! 這裡的House Wine很低飲, 他吃紅肉就要了一杯, $12的價錢去那裡找呢! 下次可以多些朋友開一枝! 主菜方面全自助grill, 他燒的三成肉眼很鮮嫩又Juicy, 而我的大蝦及鮑魚都很鮮甜, 配上每人一份的什菜焗暑, 什麼醬料都不用加, 吃它的原味已很足夠!這一餐生日dinner大家食飽笑著走, 這麼好的地方一定要在未宣傳出去前多些光顧!!…Read More

搬新屋老公要送我"空中花園", 星期日太陽下山才去花墟, 人少d好行好多! 半小時就買齊所有花架, 臨走一定要去我至愛既貴族入貨啦! 行經7記, 點解咁香?! 似曾相識, 原來貴族搬左新鋪!! 地方大左, 員工轉新look, 仲有多左獨家朱古力賣呢, 不過我未有睇真, 先入左1磅我心愛既朱古力cookies, 見台面有新出品, 係朱古力夾心cookies, 大大塊好吸引, 我又要左1磅! 因為同老公2人太多野在手, 時間又不早, 所以匆匆的就走了, 沒時間睇真d朱古力...... 下次我一定要買幾款返來試!!!!!!!!回家就試左d朱古力夾心cookies, 新出品有佢既特色! 比起食開既朱古力cookies, 夾心外層實小小, 牛油味又淡小小, 朱古力都ok, 不過我都係鍾意No.1既朱古力cookies多d! 兩者雖然口感唔同, 都可以一齊入貨的! …Read More

早前Auntie專登去四重奏買cookies, 仲幫媽媽買了一盒雜錦的, 她分了一半給我拿回家, 我當然第一時間同老公一齊食啦, 不過食了數片大家就停手啦, 因為真係唔多好食, 可能"健康"過頭! 太多果仁穀物啦! 又死死實實唔夠鬆化, vanila係香, 但牛油味唔出, 呢d健康野, o岩媽媽老人家食多d, 我都係鍾意出面鬆鬆地多朱古力個d! 食淨左既3/4放左係度成個幾月....最後就去左垃圾埇, 如果要自己比錢買, 一定唔會啦!…Read More