EuniceChan2104's Profile

佐敦一向都咩好多美食，不過通常都係食中菜大排檔或川菜，今日行過見到新開一間西餐廳，價錢相宜，就入去試下，估唔到都幾有驚喜XO醬雞絲炒粉皮估唔到西餐廳會有咁fushion既選擇，超級惹味！唔會太辣，但非常香口，我同朋友都非常鐘意慢煮牛肋條配上海年糕呢個店員私心推介，話老闆試過好多隻年糕最後決定用上海年糕，初頭以為會好唔夾，點知意外地好出色，年糕煎到外脆內軟，外面香口入面煙靭，再配佢既黑椒汁，令牛肋條勁入味，肉質好淋見呢個咁fusion嘅甜品，又忍唔住嗌，脆卜卜嘅油炸鬼做底，上面加咗雲呢拿雪糕同埋一啲清新酸甜嘅芒果醬，fresh到完全蓋開過晒所有油膩感，幾特別不得不大讚呢間西餐廳嘅廚師好有誠意，feel到佢好用心挑選食材，又大膽配搭，價錢又合理，一定會encore…Read More

又到火鍋獸出動啦，今次試台式火鍋！店舖地理位置方便，上面面積大，好多位，唔使點等就有得入座！適逢係爸爸節，火鍋配料有88折！見上網最多人推介既美人鍋，我當然唔會放過。果然美人鍋底無令我失望一大隻烏雞，桃膠，粟米，藥材，超重料！一水滾就即刻飲左一大碗湯，好鮮甜，好姿補😗烏雞唔似我哋平時屋企煲湯既禁鞋，雞髀直程滑嫩好味！桃膠入味，超甜粟米，好養身🥰叫左個小食，蒜香台灣腸，唔算好油都幾好食！打邊爐最重要配料(沒有之一)!叫左安格斯牛小排雙併黑毛豬梅肉。兩種肉既花紋一睇就知好食，豬肉肥瘦適中，唔會太鞋，重豬味！牛肉超嫩滑，重牛味一定要點！食肉獸既我仲叫左羊肉，淡淡氈味，正常無乜特別。Overall黎講餐牌選擇都算多，牛肉同湯底真係食過翻尋味🥰…Read More

牛魔王又出動喇！出名多嘢食嘅女人街開咗間石阪燒，見到疫情之下都有好多後生仔坐低食就知應該係好東西。牛肉有幾種，唔同種類亦都有唔同gram數，好friendly!見今日唔係好肚餓，同男朋友揀咗180G牛肩排同200g牛柳。另外都有日本汽水選擇。沙律白飯牛肉湯都係任食，椰菜沙律配埋大大粒車厘茄，仲有 柚子汁同芝麻醬配埋，好開胃消滯！清完一碗又一碗！牛肉湯飲落去其實似係冇咁酸嘅羅宋湯，估唔到又幾味，感覺唔似落左味精，不到底仲有好多好冧既牛腩，唔錯唔錯！出面仲有幾種醬汁俾你任添，竟然有大大盆蒜蓉俾我夾住啲牛肉食，重口味既我大推！每台亦都有3支調味粉揀，可以每舊牛肉都唔同口味主角終於出場，好香呀！餐廳細心地為我哋安排圍裙唔會整污糟件衫食左兩種牛發現味道同口感差唔多，牛柳稍為重牛味少少，兩件都好淋身，加少少海鹽同蒜蓉吊味，好正唯一係食石板燒無乜經驗，一早燒哂有啲又過熟有啲到食個時又會已經凍左，見到隔離枱個女仔一開始切開一半擺開佢，燒完另一半食哂先燒剩返嗰啲，應該效果會好好多！唔怕石阪唔熱之後無得燒，因為佢可以隨時換過一塊新嘅俾你！性價比真係不錯！大食既或者男孩子建議食300g或以上，如果唔係會唔夠喉🤭…Read More

知名黃店之一見就關門無乜人排隊即刻買杯試下餐牌勁多選擇！全部都係啲養生既材料，感覺好健康，揀到花多眼亂。今次揀左熱既黑貴婦 少甜 （$36）女孩子每個月苦況，飲多啲黑糖就可以減少經痛，佢每杯都包桃膠係入面，喜愛既可以轉做奇亞籽，超級食物，超級健康桃膠非常足料，好似每啖都補充緊骨膠原禁，口感豐富，桂花加上香片，令茶底非常清香，有啖啖既茶味，好舒服之前亦都試過月滿花香同非常消濟開胃既doublemay，都好值得一試。尖沙咀呢間更有限定，下次經過要再試試！平時飲得多珍珠奶茶，不防試下，減肥養生又好飲！重點係黃色經濟圈！！…Read More

葵廣美食聚多，但每次必食既總係呢度既章魚燒，呢到既章魚燒有好多唔同口味，但我每次都只會叫...黑松露章魚燒！$34（6粒）$40 （8粒）每次都係即叫即整，食個時熱辣辣，好正！上面每粒都有黑松露醬，未算話好濃郁，但好香！配埋佢下面既沙律醬，好creamy好襯好好味！章魚燒既靈魂入面個粒章魚一啲都唔吝嗇！每舊入面都大大粒，有時仲唔止一粒章魚🥰唔會好韌又唔會雪到無哂味，成件事好出！雖然呢間章魚燒比出面既價錢略會貴啲，但絕對係物超所值！😋…Read More

突然又口痕想食辣，今次試下麻辣派對，入到去覺得裝修好有特色幾靚好適合一大班後生仔女一齊食。另外佢選擇都好多，今次揀左鮮椒味既江團魚$168，適合鐘意食麻但又唔食得太辣既朋友仔。佢魚身軟滑，無乜骨，鍋到有大量蔥花，夠哂香！但我個人認為佢稍為唔夠辣下次應該會帶水煮味，希望會更惹味！佢另外可以加配料係鍋底入邊我揀咗薯粉同田雞，薯粉吸哂d湯好正！但要小心食到啲花椒🤭田雞好令人失望，完全無味，肉質亦都好鞋口，食左一舊就冇再食了。另外叫左香炸雞脆骨$68，雖然炸到好香口，但佢啲調味粉得面頭少少，下面個d完全無味，建議加埋一齊炒左先上碟，唯一一讚既係佢的確俾左好多雞軟骨，食極都未食完🤣最後叫左干扁四季豆$68呢個都有得選擇辣度幾窩心，個味唔錯，但覺得呢個唔夠乾身唔夠惹味，應該係走油唔夠。有待改善🤨…Read More

今晚經過呢間居酒屋忍唔住想試一下，睇下有無日本風味😛雖然店舖唔大，不過裝修幾有特色。坐底後店員就同我地介紹由時令刺身組合既拼盤，價錢唔算貴。落單係用電話qr code，夠哂環保！軟骨餃子$38我本身好鍾意食雞軟骨，而男朋友又好鍾意食餃子，所以叫咗呢個軟骨餃子。第一次聽軟骨做餡嘅餃子，估唔到食落口味道又幾夾，而且口感幾特別。串燒拼盤有菠蘿，海蝦，冬菇，翠玉瓜，豬腩肉同雞翼，相當抵食！ 侍應們另外介紹兩個調味料：日式山椒粉同埋麻辣椒鹽。腩肉本身已經有黑椒醃過，燒得一啲都唔乾身，而且肥瘦比例平均，唔需要另加調味料都已經好好食！燒雞翼係我既串燒至愛之一，呢度既燒雞翼亦都冇令到我失望！ 燒冬菇第一啖食落去覺得味道好特別， 在細心一諗覺得佢應該用sake浸過， 味道好特別冇違和感。鰻魚飯$98雖然鰻魚唔算好大條，但都幾肥美，燒得岩岩好，唔會太乾身。甜甜既鰻魚汁真係配飯一流！刺身拼盤B $398有四隻日本蠔刺身，大紅蝦，三文魚，紋甲墨魚，帶子，海膽。每款刺身都好新鮮味道 日本蠔一啲都唔腥！仲好creamy,不過我男朋友略嫌唔夠有海水味。海膽係加拿大海膽冇腥味。 三文魚腩好厚切口感一流。…Read More

雖然唔係處於熱鬧嘅大街小巷，但行街經過美麗華直行過去其實都好方便。奶昔同沙冰都有好多味可以揀，全部都裝飾得好靚，好ig-able! 各款都係用movenpick雪糕整成，所以4十幾蚊一杯一啲都唔貴。今次試左曲奇焦糖奶昔，上面有一大層cream，好正好邪恶！如果唔鐘意cream店員仲會好貼心幫你整溶啲棉花糖代替，好窩心呀！🥰上面撒左大量蜜糖星星同曲奇碎，仲有啲朱古力醬，奶昔打到好滑，配合啲toppings，成件事好豐富好正呀！…Read More

係日本食過美登利絕對會上癮！知道沙田開左即刻要去止下渴，雖然預左無日本禁高質抵食，都深信總有品質既保證！閒日一點去到要等二十張枱，不過唔洗半個鐘就有很入去！美登利有好多唔同既壽司set，同朋友左度右度，最後都決定散叫，可以滿足哂所有願望🤪壽司大致上都新鮮，燒三文魚腩好重油香味好正！帶子鮮甜，中拖甘香，池魚略嫌唔夠新鮮，油甘魚肥美！重點一提係呢個蟹羔蟹肉沙律！呢個係半份，只係$55！性價比特高！佢上面舖滿厚厚既蟹羔，一啲腥味都無，仲要好鮮甜，托底既全部都係蟹肉！係全部！完美既配搭，每一啖都好滿足！強烈推介俾大家！…Read More

身為茶理史粉絲，點可以唔為佢打一篇食評呢？今次要介紹既係飲十次有八次都會飲既芋香鮮乳地瓜小芋圓$26可另加腐竹/白玉珍珠等，但個人認為本身個配搭已經夠哂令人滿足一飲落去，好香滑既芋頭牛奶味呀！再飲落d，有好多地瓜小芋圓！平時唔太好芋圓既我成日都怕太難消化，但呢到既芋圓唔同，有煙un既感覺，但唔會太硬太難咬感覺唔難消化，軟硬適中，咬落去仲有啖啖既蕃薯味！大愛！❤️最令人意想唔到既係有差不多三分一杯既芋泥！好滿足呀！不過預左飲完會好飽！講起又好想飲添！…Read More

成日都聽朋友介紹農米莊主打養生米線，而且湯底好多選擇，好多都好出色！今日係尖沙咀行完街，終於試左我既第一次今次要介紹既係椰汁雞湯米線一上枱見到佢呢碗濃白既湯底，即刻忍唔住飲左幾啖，好濃郁嘅椰子香味，好清甜好正，忍唔住飲完又飲，米線好入味，仲有少量豆卜同支竹，吸哂個湯！仲有，不得不讚下佢既雞，好滑好嫩！就算係雞胸都一啲都唔「鞋」，一見佢d黃油雞皮就知佢唔係雪藏雞農米莊入面仲有好多其他湯底，好多都好養生，將會黎好多次續一試哂佢地…Read More

至尊壽司A $348呢個價錢有16舊壽司都幾親民，仲要每一件都大大舊又新鮮！三文魚勁肥勁香，呑拿魚都好甘香，有似赤身既感覺，海膽鮮甜，但紫菜唔夠脆，變得好難咬開，甜蝦勁大隻勁甜勁肥美，唯一最失望係舊八爪魚，好「銀」好難咬，仲好腥，拖低左全碟既水準！蔥花海膽大板卷$88海膽和風軍艦$84呢兩件都係邪恶之選！有超級鮮甜既海膽配合拖羅蓉，每一啖都好滿足，兩個味道融合左，已經唔再需要分邊啖係拖羅邊啖係海膽了。。唯一美中不足都係佢塊唔夠香脆既紫菜。蟹羔蟹肉玉子燒$98見佢個樣唔係好討好，但食落又幾好味，雖然裏面唔係包住好多蟹羔，但咬落去都有一絲絲既蟹羔味，又唔會太漏，幾正！蒜香牛舌粒$68一叫呢個店員就見我地諗清楚因爲呢個唔係牛舌芯，可能會覺得太「銀」咬唔到，但考慮左一陣，我地都係決定試一試。點知，呢個真係令我地好有驚喜，可能本身無乜期望啦！一咬落去，超級嫩滑，仲有啲炸蒜撈埋係鐵板上面，好香口好惹味！仲要有好多，性價比勁高！龍蝦粥（2-3人份量）$268見好多人都叫呢個熱門菜，我地都試一試，呢個即叫即整，趕時間既朋友就唔好叫啦因爲制作需時呀。一上枱，佢蒲面既龍蝦多到見唔到啲粥禁濟，全隻龍蝦上，認真抵！雖然龍蝦無羔，但肉質鮮甜爽口，食得出好新鮮！粥底都好甜，食完唔會好渴，唔似落左好多味精，推介推介！…Read More

難得平日放假，終於俾我試到期待已久嘅lamlamli！十二點五十分去到已經有兩三個排緊隊， 不過都仲買到我最想食嘅抹茶流心千層蛋糕 同埋 伯爵茶千層蛋糕！抹茶流心千層蛋糕作為一個抹茶控，我覺得呢個抹茶嘅味道真係好好食。佢食落唔會覺得漏，抹茶味道唔會太甘，或者太甜，啱啱好。每層千層糕都好薄，口感非常之好。配合埋濃濃嘅抹茶流心，成個配搭真係100分。伯爵茶千層蛋糕至於另外一個我好想試嘅味道就係伯爵茶千層蛋糕。口感一樣非常之好，伯爵茶味就好香好濃， 一啲都唔俗，真係好好食！總結兩隻味都好好食！我甚至認為lamlamli比某大連鎖蛋糕店嘅千層蛋糕仲要好味！！有機會仲好想下抹茶奶蓋同埋曲奇口味！…Read More

紅磡一向多美食，無辣不歡既我今日揀左食烤魚，入到去無論環境，餐牌或是味道都有深圳既風味，真係唔洗禁遠特登北上食烤魚！揀左經典麻辣味既清江魚（$258）另外仲有多款唔同類型既魚選擇，魚身嫩滑，無乜骨，啱哂怕食魚既你地。湯底黎講幾惹味，夠哂麻，但小心食到花椒⚠️如果唔係條脷就有排麻痹！食得辣嘅可以揀個中辣或大辣，小辣來講小編略嫌唔夠喉。不過總括來講都幾好食嘅！但最好快啲食哂啲魚先打邊爐，因為啲水蒸發到禁上下個湯就會變得好咸，初初食就岩岩好既！涼拌土豆絲（$38）呢個必食嘅開胃小菜之一，小小酸都夠晒辣，略嫌唔夠凍做唔到涼拌嘅效果，但土豆絲爽脆，幾開胃！口水雞呢個亦都係川菜必點之一，但呢碟菜令我有啲失望，一上枱連冰都未解哂，咬落去好似舊冰塊禁😖😖好彩同店員講佢即刻換過一份，第二碟雖然正常好多，但都略嫌凍左啲，應該係整左好耐放係雪櫃，感覺不太良好🤢…Read More

經過厚福街，每次都有一羅美食令我選擇困難症發作，今日特別想食壽司又見到新開嘅立食壽司店就入去試一試！店內有好多唔同壽司套餐，想食豪dd甚至有omakase set($380/$450)，師傅會為你預備個日最新鮮嘅食材，對比出邊價錢一啲都唔貴仲好親民！我地揀左呢個$158 自選10件壽司set!呢個性價比好高唯翻$15.8一件但有得揀深海池魚，帶子，真鯛等等，一啲都唔失禮！每款最多揀兩件，帶子雖然個樣唔夠肥美但食落去竟然好鮮甜好驚喜！深海池魚夠厚身我鐘意！最右上角係魴鮄壽司，師傅話係白身魚一種，第一次食又幾清新！另外再點左一個特上壽司盛合（$250）入面有齊哂我既至愛忍唔住第一啖鯨呑左舊海膽，好鮮甜，一啲腥味都無，平時唔食三文魚籽既我竟然完全改觀，每一粒魚釨都好甜好juicy喔！係唯一不足既就係軍艦既紫菜唔夠脆身，好快就林哂。仲有壓軸嘅吞拿魚腩，雖然唔係超級肥美嘅大toro，但亦都係入口即溶好有油香味！雖然食到好飽但見到牆上seasonal recommendations 既生銀雪魚壽司($38)真係好好奇想試一試！生銀雪魚壽司唔止第一次食仲係第一次見到有得賣！師傅最後喺銀雪魚上邊輕輕火炙一下，食落去好大陣油香味，好full既口感！好強烈建議大家要試下！總括而言，大部份壽司都好新鮮好高質價錢相比起出面千幾蚊一餐嘅omakase 黎講亦都好親民，仍需改善嘅地方係我覺得佢嘅壽司豉油略為鹹咗啲，同埋要企住喺度食如果約朋友想邊食邊傾計就唔多方便啦！…Read More