Ar Be's Profile

我一個人坐二人檯放咗部電話喺檯面睇片成張檯只係放咗一碗野同一隻碟仔明明仲有好多位放多一碟野有個戴眼鏡姐陳嘅上菜阿姐竟然用手拎開我部電話放野食佢隻手仲要黐住醬呢間野服務真係好癲真心，啲野係好食但呢個阿姐待客態度太誇張上次已經當面sip我係咪唔記得自己返緊工以為自己係我老母？…Read More

同觀塘分店相比呢度大好多多客嗰時就變成人爭貓想摸都唔一定搵到貓摸我個人比較鍾意觀塘分店（有垃圾桶用，有店內廁所方便洗手）食物方面芝麻雞翼超好食（儲5個印花有得送）薯絲脆蝦麻麻地，冇咩味意粉類都唔錯汁濃彈牙午市飯餐都ok係肉燥鹵水雞髀特別難食雞扒都有浸騷味烏冬類厚實彈牙整體算合格係甜品比較遜色伯爵芝士蛋糕同日式蛋卷係垃圾草莓芝士蛋糕勉強入口海鹽芝士奶蓋牛角包窩夫唔鬆軟，味道亦一般朱古力窩夫好食但成日冇得嗌同埋每個甜品都會加棉花糖粒粒感覺好廉價同化學如果可以走就好除咗食嘢，呢度仲可以觀察到好多人類厚面皮嘅自私行為：1. 好多小朋友（甚至有啲大人）會唔理啲貓瞓緊覺照搞逼到啲貓未瞓夠就要起身2. 好多人會夾硬抱貓/捉住唔畀貓走3. 賣貓梳嘅架寫住冇得試玩但見過唔少小朋友直接拎起同貓梳毛直到家長同佢講話唔用得佢先將仲黐住貓毛嘅梳放返低但從來冇見過家長因為小朋友用過就買返建議舖頭將貓梳放喺小朋友唔夠高拎嘅位置4. 有人會放墊俾貓訓最誇張見過放咗七個位一個人留住店面四分一嘅貓5. 有啲人會自備逗貓棒重要成米幾長（好似釣魚咁）係周圍咁多枱櫈同人經過嘅地方fing6. 有人想將食剩嘅嘢餵貓食7. 對貓最滋擾都係小朋友會跑住追貓會搵嘢篤佢哋會特登嚇貓而且好多時係兩三個幼稚園小朋友圍埋一齊完全見唔到家長指導喺呢度係同時感受到幸福同憤怒…Read More

曾經牧羊係我最鍾意嘅餐廳之一環境舒服食物質素高下午茶抵食平時約朋友食下午茶都會去連我今年生日都係約咗朋友去牧羊食飯但我而家已經決定唔會再去事緣幾個月前我需要搵地方坐得耐做嘢差唔多每星期都會去一兩次葵芳牧羊tea連續兩三個月食到部分員工都認得我但最後食嗰次我食完嘢之後拎咗粒糖出嚟食然後一個疑似經理阿姐嘅人要另一個男同事走過嚟同我講餐廳唔可以食外來食物嗰下好愕然通常外來食物係指餐廳本身有提供嘅同類食物因為會影響消費額或者驚食完肚痛餐廳要負責但。。。糖咋喎？我返去之後上咗牧羊官網send message問想了解下外來食物嘅定義/準則但問咗兩次都冇回覆我對呢間嘢太失望自從嗰次之後就再冇去過…Read More

荃灣區冇咩甜品鋪松記糖水份量勁縮水另一間行文青風又下下六七十蚊唯有試下呢一間小方糖呢次係第一次食平時夜晚見都坐得幾滿但就唔夠松記好生意呢次嗌咗兩樣甜品第一樣係香蕉朱古力拿破崙本身以為要焗，所以要等好耐點知幾分鐘上檯雖然佢同傳統拿破崙嘅外表風馬牛不相及係一粒粒個樣似現成零食嘅野但連埋配料食嘅話其實味道都ok食完之後唔夠喉又嗌咗椰汁西米露又係好快上檯呢碗野真係不得了冇椰汁味得花奶味西米又淋到嘔好似煮完擺咗幾日咁堪稱係我呢世人食過最難食嘅西米露我食咗三啖就決定舉白旗埋單走人…Read More

上個月食咗幾次韓國菜好掛住牛肋湯但又懶得出街所以嗌戶戶送叫東大門外賣第一次嗌戶戶送即係第一次食東大門估唔到俾咁厚禮我炒粉絲入面送原隻曱甴仲要係長腳大隻佢一定係怕我唔夠蛋白質嘞即刻影左張相同大家開心share想打電話去多謝佢哋點知打咗兩次都冇人聽可能真係生意太興隆啦另外仲嗌咗牛肋骨湯飯味道麻麻 冇乜味咁同之前喺其他韓國餐廳飲到嘅味完全唔同配菜要咗薯仔 泡菜同白蘿蔔全部都一般般正常發揮…Read More

上次入黎已經係一年前今日重遊舊地(老闆竟然仲認得我 !口!)再黎食Movenpick瑞士朱古力雪糕班戟$38發現驚為天人!!!!比以前進步左好多!!!!原來老闆改良左配方個班戟皮蛋香濃左好多而且咬落去表皮係鬆化 薄脆!!!另外班戟包法唔同左出面一般係中間塞一堆cream外面幾層班戟皮疊埋一齊老闆改良左做法將兩層皮中間夾住一層cream皮同cream比例啱啱好食落有層次感係我食過最好食嘅雪糕班戟!!!!食完決定以後入黎長洲一定要食過!!!!同埋老闆真係好好人見我地熱到溶雖然兩個人只係買左一個班戟都主動俾冰水我地飲好滾動@^@(老闆我愛你呀!!!!!)咁好食又有良心嘅小店大家要多多支持呀!!!…Read More

之前食過幾次  覺得幾好食  所以同FD去食多次點知...差左好多  應該都唔會再去食離譜事1: 首先  冇晒SET DINNER  散叫貴都算  都唔好連以前SET DINNER D ITEM都冇埋丫D野想食都食唔返得返勁少選擇  意大利飯得幾款  PASTA得好似兩三款  漢堡得三款度  主菜又係得幾款  揀極都揀唔落手以前揀唔到係因為SET DINNER好多款都想食  而家樣樣都唔中口味幾經辛苦先諗到食墨汁意大利飯  又話冇晒結果是但要左松露牛肉闊條麵FD要左青檸椰汁雞肉意大利飯另外要左個雞翼同兩個酥皮龍蝦湯離譜事2: 點解一個侍應會O係個客仲睇緊MENU O個時要求收返??? 離譜事3: 龍蝦湯極度難飲  又咸又苦 (我FD話腥)  係我有生以黎最難飲GE龍蝦湯  結果飲左兩啖湯  齋食酥皮算 (仲要極力避免D酥皮跌落湯)食物質素:雞翼幾好食  仲有雜菌  牛油味幾香濃  雞翼仲拆左做單骨  易食左松露牛肉闊條麵得3舊牛肉  牛味濃  但有兩舊UN到咬唔開  我真心覺得乾炒牛河好食D  青檸椰汁雞肉意大利飯FD話一般般  大家小心唔好落太多青檸汁 一開頭仲想食埋甜品GE  但之後失望到...唔想再俾錢佢賺  所以轉戰AWFULLY CHOCOLATE …Read More

(注意:由於本人係死懶鬼  此食評唔會出現任何真相....你懂的)老老__ __  如果單純由食物質素評分  我會俾中評拉麵: 我揀左博多濃厚豚骨拉麵 加多隻溏心蛋店長(好似係)話平均一碗湯要用一公斤豬骨 絕無味精 我信  因為D湯真係好濃  但食完O個晚完全唔口乾我要左"淡一點" GE湯底都夠咸  但由於本人見到檯面放住聲稱用左N種(N>20) 海鮮調味料造GE拉麵醬油個樽望落又好好玩於是又手多多加左一格最後...個湯咸得濟BTW 個湯本身GE調味我覺得普普通通拉麵醬油除左咸  我GE木舌亦試唔出邊N種海鮮調味料....所以呢  個湯係足料  但我唔覺得特別好飲至於個麵  我要左硬  佢GE麵只有幼麵  而我係鍾意粗麵GE不過我都覺得麵底好夠煙UN彈牙  係少數我覺得好食GE幼麵我建議鍾意硬麵GE人要"硬"都夠  唔使要"超硬"而個本來要$12一隻GE溏心蛋  係原隻上  其實我鍾意佢俾人解體左先...個心其實過生  有一半GE心似係溫泉蛋  呈流質狀味道好淡X燒幾淋  (而其實我不喜歡日式X燒)關於小食  個餃子真係值得試  因為個外皮夠薄脆薯仔沙律加左蛋白粒  味道普通啦炸雞好好好大舊  我覺得炸得還好  唔算乾  但可以再JUICY D炒飯呢  都夠乾身  但咸左D LO  味道冇咩特別  唔試都得唔知出左呢篇食評之後  仲有冇人肯俾我去試食會呢...…Read More

從沒吃過那麼難吃的心太軟...竟然是鹹鹹的=口=味道十分古怪而且不知道為何服務員沒有問要什麼味道的雪糕...來的是雲厘拿味有兩球小小的朋友吃了一口, 說..."維記黎個喎"以$38這個價錢來說...完全不值(其實那麼難吃...就算是免費也心領好了)…Read More

呢篇食評唔寫唔得....因為我真係未食過咁難食ge拉麵(仲要唔算平)!!!!所有拉麵愛好者/對食物有一定要求ge人入去之前一定要諗清諗楚!!!本來我見咁多食評話佢d豬骨湯好濃好得 諗住今餐又有好野食 滿心歡喜咁拉埋個fd去試 點知竟然係一場惡夢!!!我同我個fd都係要達磨豚角豚骨湯拉麵一黎到見個賣相靚靚 d湯好似真係好濃咁 點知一飲落去...只係得一股濃到令我覺得反胃ge純豬肉味 我一向都食得濃味 但佢真係太濃...而且o個種濃味似係冇調過味ge豬肉味!!!!d麵硬得黎又完全唔彈牙 好似粗身米粉咁 而且冇味(可能係d湯太濃)湯又差麵又差 成碗野真係難食到可以用黎做遊戲大懲罰 請我食我都唔會要!!!唯一可以入口ge係蛋同紫菜但奇怪ge係...我個fd竟然話好食我試一試佢個湯...發覺....唔係呀嘩...唔同味ge!!!佢o個碗正常好多!!!(雖然都唔算好食 但至少入到口)個fd又試左我d湯...佢都話係兩種味最後我食淨三分之二碗....如果大家好有錢又天生好運都可以去挑戰一下自己ge彩數話唔定真係好好彩咁食到正常拉麵(只係正常 唔係好食)睇黎我以後食拉麵都係要返油麻地...又平又正…Read More

綜合了各位食家的意見 點了一客芝士手抓餅不用排隊 但也等待了十分鐘手抓餅很香口 沒有麵粉味不用加配料也很滋味吃了一半才看見芝士...老實說 個人認為芝士和手抓餅沒有花火 而且芝士把手抓餅原本的味道蓋過了加上$4 一片片裝芝士有點不值 再吃的話 我寧願點原味手抓餅…Read More

最近經常看到木糠布甸 可惜找不到機會吃(想吃的東西太多了...)想不到在逛街的時候會遇上 而且剛巧想吃點甜品 於是駐足起來看店的姨姨人很好 結我試吃了戚風蛋糕和原味木糠布甸戚風蛋糕的質地較乾和粗糙(不綿密) 而且沒什麼味道 中間的CREAM也什麼特別反而木糠布甸的質地綿滑 像CREAM一樣 是個人喜歡的口感 (但絕對不是噴裝忌廉 味道不同的) (最怕硬得要命的木糠布甸....為什麼很多店子都不採用CREAM狀的呢?)其實樽裝布丁看起來也很是吸引 但由於味道不明 還是乖乖選了試吃過的木糠布甸 綠茶木糠布甸 餅碎是消化餅的味道 綠茶味能吃出來 但沒有綠茶的苦味 算是不過不失 那些CREAMY的東東如果更甜些會更討好 (個人口味)整體來說可以一試P.S. 試吃的時侯 姨姨說木糠布甸不是太甜其實吃甜品不就是為了它的甜味嗎?為什麼現在很多人也認為'唔係好甜' 是一種讚賞呢?我想 大概他們不是真的欣賞甜品就像不喝咖啡的人認為沒有苦味的咖啡好喝…Read More

吃了譚仔數回 都不是三哥的 聽說三哥特別好吃 於是滿懷希望來到此店點了鮮冬菇糊辣米線 $20基本的糊辣是十小辣的 吃起來其實沒有什麼辣的感覺 湯底有一股說不出的特別味道 可惜....不覺得特別好吃我個人認為麻辣(四小辣)更為出色另外 米線的份量很多 最後幾經努力還是吃剩1/3 尖椒皮蛋 $13十分令我失望的一道小吃...曾在葵芳譚仔(非三哥)吃過 當時覺得驚為天人 但這次的...為什麼多了一股酸味之餘 連辣味也失去了???一點也不香口/惹味.. 凍好立克 $4味道還算濃 合格整體來說 水準令我失望 我想我還是光顧非三哥算了...…Read More

沒想到深水埗也有FROYO呢二話不說便進店了份量方面可選小/中/大(還有模型參考)我選了一杯小的配料選擇不少有常見的水果和脆片最令我喜出望外的是竟然有我最愛的BROWNIE和焦糖爆谷!!!!想不到能在同一家店吃到!!!BROWNIE朱古力味頗濃 帶點煙UNPOP CORN仍是脆脆的太讚了另外MOCHI也是驚喜之作極為軟綿但不失彈牙質感很討我喜歡可惜大顆了點....令粉味過重 (但圓圓的像波子也蠻可愛)士多啤梨也很甜(不是糖水那種甜, 是天然的)比昨天在CHIPS REPUBLIC吃的好太多了至於主角FROYO 酸甜並重 質地軟滑店內還有位子坐有機會的話一定要再來!!!P.S. 由於有優惠 $24.8 ---> $22.8…Read More

一直也很想吃吃朱古力火鍋...今年難得許留山推出了 而且價錢相宜 (只是$49哦!!!) 於是連日來經常想找機會嚐嚐本來想到鑽石山廣場吃的可惜那家分店沒有供應於是特意再乘地鐵到此碰運氣皇天不負有心人 終於有機會吃!!!點了蜜瓜雪糕 味道不錯 而且在火鍋來了後才上檯主角嘛...朱古力味極香濃!!!!絕對不是便宜貨色而且溫度剛剛好朱古力保持熔化的同時又不會燙口(數年前在和民吃..火太大 朱古力都乾涸了)配料方面 餅乾條和棉花糖各有三件而已...真的太少很多生果的味道和朱古力毫無火花 分開吃似乎效果更佳把配料吃光後還有三分之一的朱古力...於是再點了鮮果拼盤 ($8) (雖然餅乾條和棉花糖才是最配的...但$5只有6件 太不值了!)服務員還允許我只要香蕉和士多啤梨...份量沒少 真好吃後十分滿足 好像吃了許多心太軟似的!!有機會要再吃!…Read More