藍精靈十分勁's Profile

放工去左金魚街買魚糧，順便食埋晚飯。呢度都有好幾間港式茶餐廳，門口見到呢間茶餐廳食鐵板扒，都好耐無食過，咁就食番餐先。餐廳光猛，走懷舊港式風格，環境乾淨整齊。餐牌有港式鐵板餐同焗飯，而鐵板餐包左餐包、餐湯跟薯菜，百令蚊抵食又豐富，咁我哋就叫左兩份。餐包：翻熱左暖笠笠，好軟，搽牛油溶左食就OK。餐湯：羅送湯好足料，好多蔬菜，甜甜酸酸，夠開胃。忌廉湯濃結適中，又唔會太淡，夠晒味道。鐵板西冷牛扒：賣相唔錯，跟餐牌相一樣。叫左五成熟，切開仲紅紅地，唔會過熟，剛剛好。牛扒質感軟熟，唔韌無筋，配左黑椒料幾好食。意粉：食薯菜唔夠飽唔緊要，另加$10就有大大碟飯或意粉。鐵板肉眼牛扒：肉眼扒大大塊，同樣叫左五成熟。肉眼同西冷質感差不多，肉眼就比較瘦D。薯條份量都幾多架，仲要係粗身薯條，我就覺得牛扒跟薯菜已經好飽好飽。甜品：啫喱係免費贈送，裡面仲加左雜果，無咁單調，唔太甜，剛剛好。飲品：叫左凍檸茶同凍朱古力，兩杯都夠味正常。…Read More

今日約左朋友食飯，佢話要帶我去食樓上cafe。上到黎見到勁多人，入門口見到門口櫃放左好多board game，可以比客人慢慢玩。餐廳裝修簡約，乾淨整齊，全部都係梳化位。地方闊落，坐得好舒服。呢度有散叫同set dinner，另外套餐加$38就有沙律同蛋糕，勁抵食。沙律：洗得乾淨，爽口，再配上日式麻醬，好fresh呀!黑松露帶子鮮菌會意大利飯：超多帶子同菇，好香黑松露味道，意大利飯濕潤黏口，調味剛好，唔錯。煙三文魚忌廉蕃茄醬扁意粉：煙三文魚卷成花有驚喜，配埋酸酸嘅蕃茄醬汁，更加醒胃，整體味道好好。飲品：朋友叫左特濃朱古力，我就叫左oreo曲奇奶昔，兩杯都鋪滿cream，好吸引，甜度剛好，好好飲。蛋糕：法國朱古力蛋糕口感軟綿，而紐約芝士口感就比較實正同細滑，兩款蛋糕唔會太甜，都幾好味。…Read More

今晚約咗朋友做節食中秋飯，佢話不如食火鍋放題。呢間餐廳都幾大，係頂樓全層。上黎嘅時候唔係太多人，但原來係越夜就越熱鬧。望下餐牌，原來係先食雞煲，然後揀湯底食火鍋。雞煲：雞入味，辣辣地，幾惹味，唔夠可以再加。鯊魚骨猴頭菇湯底：淡淡菇味，清清地，幾好。手切肥牛：估唔到呢度用手切肥牛，脂肪分佈均勻，厚度亦切得比較厚，食落有牛味，有口感。手打墨魚丸、雞軟骨丸、蝦丸同鯪魚丸：睇到都覺得新鮮，細細粒，一口一啖，彈牙爽口又唔腥。海蝦及帆立貝：海蝦新鮮，餐廳唔孤寒，一上就半打，兩款海鮮都好食。菜心苗、唐生菜、金菇及魚皮餃：蔬菜洗得乾淨，爽口，各款配料都可以。響鈴及炸魚皮：炸魚皮都幾大塊，唔會碎濕濕，就咁食都夠脆。兩款配料浸湯食，吸曬湯嘅精華，呢個食法就比較好。飲品：罐裝飲品外面自取，見到有自家製竹蔗茅根，梗係要飲佢清吓熱氣。飲落唔太甜，ok喎。軟雪糕：有朱古力味同雲呢拿味，想食幾多唧幾多，甜度剛好，都幾好味。…Read More

約咗好友聚舊當然唔少得一餐豐富晚餐，朋友介紹呢間任飲任食神戶屋日韓放題，位於旺角區， 鄰近港鐵站， 步行只需幾分鐘，十分方便!時間尚早人唔算太多，環境以綠色為主，座位都好密集但靠牆卡座位比較寬敞舒適，店員服務很好。呢度用QR Code落單…仲有火鍋供應嫁，食物款式有好多選擇，今次我點咗刺身，壽司，串燒及炸物…我先點咗刺身:有三文魚，北寄貝，希靈魚，海膽，生蠔，原隻赤蝦，美式凍蝦，赤貝，馬刀貝，八爪魚，珍寶帶子，泰式生蝦，厚燒玉子，北海道角螺及鮑片。全部十分新鮮。赤貝及馬刀貝質感爽口!生蠔肉厚夠大隻!珍寶帶子壽司，海膽赤蝦壽司，黑松露玻璃蝦壽司…帶子肉厚鮮甜，海膽味濃赤蝦夠爽，而黑松露味道十分特出，特別係菇菌味超濃。榴槤炸彈…外脆內軟榴槤味濃， 榴槤粉絲必食!吉列廣島蠔…金黃色外脆內暖，有海水味道!芝麻雞翼…熱辣辣, 香噴噴 ,卜卜脆, 冇雪味。蒜蓉粉絲元貝 …粉絲夠多元貝彈牙蒜蓉味香濃。鹽燒活海蝦…蝦肉新鮮爽口。呢度嘅汽水任飲，雪條任食嫁，款式都唔少!…Read More

同朋友去咗旺角Shopping，夜晚朋友話帶我去食好嘢，呢間叫肉浦團火鍋放題全港祇得一間。 鄰近旺角港鐵站 ，步行只需幾分鐘!呢度係用QR Code落單，見到Menu有好多款湯底，我就點咗清酒味噌卜卜蜆湯，當然唔少得瓶清酒，可跟個人口味加落湯底入面，唔夠仲可問店員拎嫁! 今次揀咗M5M8和牛Set任食放題!澳洲M5M8和牛: 薄切牛味濃，肉質嫩滑 ，彈牙有咬感!牛鍵肉: 牛小腿上的肌肉，肉纖維豐富，純粹瘦肉，口感實淨!封門柳: 部位刁鑽而稀少，肉質柔軟牛味濃!牛頸脊: 牛頸部位的肉，經常活動的部位，肉的纖維較多 ，有咬口!自助區有炸物，炸魚皮， 響鈴 ，菜，菇，丸…全部任食!仲有飲品任飲!魚皮: 薄而大片，夠脆!菠菜: 唔係間間放題都有嘅貴價菜，菜夠鮮嫰!貢丸: 入面鎖住肉汁，彈牙好味!南瓜飽: 內裡佈滿南瓜蓉，甜甜地味道夠特別!仲有越南虎蝦，北吉廣島蠔，石斑魚片，蝦肉實淨，蠔夠鮮味，石斑魚唔腥!最後仲有雪櫃及抹茶芝士餅做甜品(2選1)。…Read More

咁啱經過荃灣，呢間餐廳未夠7點已經有6成客人，啱就不如入去食個晚餐!地方唔算好大，座位坐得幾舒服，店員服務都幾好!見到餐牌都有好多選擇…我叫咗香煎澳洲牛肉眼(7安士)加$30可跟餐湯， 蒜蓉多士及餐茶(凍飲另加$3)牛扒份量都唔少，我叫咗7成熟跟薯菜(配黑椒汁) 牛扒肉質唔太韌有嚼頭，大眾化口味!跟餐可追加甜品(每款減$10)我叫咗心太軟伴雪糕，朱古力味道濃郁，外脆內暖有流心，再配埋雲尼拿雪糕…簡直超級滿足!…Read More

近排轉咗新工，夜晚就響荃灣呢度週圍揾食。今晚想食牛扒，咁就不如食老字號牛扒啦!時間尚早，餐廳都唔算話好多人，等咗一陣間就有位，坐位ok，都坐得舒服，我就叫咗個港式西冷牛扒套餐，有湯有餐包有飲品，全包宴。加$2元可以有蒜蓉更加好味道!再配埋黑椒或蒜蓉汁2選1，見到都口水流呀!好快先上餐湯(有羅宋或忌廉湯)及餐飽…湯夠熱，飽仲暖好夾!等咗一陣牛扒就跟鐵板上可保持溫度，再淋埋我最愛嘅黑椒汁，再配上蒜蓉簡直係完美配搭!牛扒我點七成熟，肉質好淋唔會韌。配菜仲有薯條跟翠玉瓜，牛扒份量都唔少!今餐很豐富又滿足，再叫柸凍檸茶可以幫助消化。…Read More

放工好肚餓，不如就響呢頭揾食，行過見到呢間舖頭，係一間居酒屋，好似幾好咁，於是入去睇睇!餐廳有兩層地方唔大唔細，睇落好有日本風格。坐得幾舒服，環境乾淨整齊。睇到餐牌好多嘢都想食，我就叫咗牛腸鍋，份量都唔少，鍋入面有牛腸，粉絲，冬菇，金菇菜，雞脾菇，大葱，苟菜，娃娃菜，紅辣椒。牛腸入面夠粉 煙韌彈牙。小食就叫咗自家手作雞肉棒，阿波尾雞翼。雞肉棒口感豐富淡淡肉，雞翼香噴噴燒得剛好金黃色。串炸物我叫咗日本宮崎腸，日本白板魚蛋，三文親子。(再配上燒汁)，宮崎腸味道特別，似煙燻過，外皮炸得唔太厚，唔會膩。魚蛋彈牙夠爽!炸三文魚配上魚子最啱係送酒!本人酒量麻麻，點咗柸山梨巨峰Sawa氣酒，有水果味容易入口，味道都唔錯。…Read More

咁啱夜晚7點經過旺角呢區特別多食肆，而日本菜又係我至愛，係兆萬地下望上去對面…我見到掛咗好多紅色日本燈籠，於是我就上去2樓睇下呢間日本料理餐廳要唔要等位先，又估佢唔到當時入面已經有六成嘅顧客，店員好快就安排咗卡位比我，座位舒適又寬闊!呢度係用QR Code落單，見到餐牌有好多款式(刺身\壽司\炸物\串燒\沙律... ...真係太多啦!)三文魚腩刺身(4片)…味道好鮮，魚腩夠肥滑，魚油豐富，有入口即溶感覺!花之戀壽司 ， 油甘魚腩壽司，帶子壽司…花之戀壽司上面放滿卜卜脆嘅蟹籽，三文魚包住d壽司飯，看似一朶花!三文魚/帶子夠鮮甜!油甘魚腩位置…夠特別，腩位 夠嫩滑 ，油脂分布夠平均，入口好有滿足感覺!!牛油果軟殼蟹卷…軟殼蟹炸得外脆內暖(份量十足)，再卷上紫菜及青瓜，層次更豐富，上面加咗好多沙律醬再配上熟成牛油果同蟹籽!(好足料)香草燒雞翼(3隻)…香草味道夠濃， 熱辣辣…香噴噴…燒得好香口!…Read More

咁啱去開東涌東薈城 outlet shopping, 經過見到呢間台式餐廳唔算多人等位, 就決定食埋晚飯先返屋企!平日夜晚8點後會較為少人,好快店員安排了卡坐位比我!環境乾淨又舒服!d裝修以木色為主!呢度係用QR Code點餐嫁!打開本餐牌,見到有好多好吸引嘅台式食物/飲品/甜品呀!!!見到全部都好想食呀，真係太掛住台灣d美食啦!好快就點咗… …台式滷水拼盤…有滷水雞中翼,金錢展,金錢肚,腩肉,豆腐, 流心蛋及花生!金錢展同腩肉炆得好冧,好入味!金錢肚有咬感!雞中翼入口冇雪味(有飛水處理過)!!櫻花蝦花枝餅…外面炸到金黃色,入面熱辣辣超香口!仲配埋甜醬!最啱小朋友!櫻花蝦魚湯浸娃娃菜…青綠色嘅娃娃菜好甜仲好"淋"添!仲配有好多櫻花蝦!大人細路都啱食!!再加埋呢柸"台式抹茶拿鐵"…唔太甜嘅台式抹茶飲品!(入面加咗: 寒天晶球)…Read More

同朋友經過愉景新城，見到呢間外觀感覺好有意式風格嘅西餐廳…於是就急不及待走入去試下!好快服務員安排了座位及送上餐牌，呢間餐廳d價錢算係中高級價格!食物質素一定要有水準啦...我地點咗個黑松露牛肝菌磨菇濃湯、巴馬火腿及蜜瓜配火箭菜伴黑醋汁、初榨純橄欖油蒜香白酒煮紐西蘭海鑽蜆扁意粉(微辣)、香草焗原條法國海鱸魚(配水煮新薯及雜菜、伴白酒忌廉汁)而飲品就點咗兩柸特飲菠蘿斑蘭葉及士多啤梨香蕉朱古力!呢個濃湯…極之好味!牛肝菌及蘑菇味道十分特出!巴馬火腿咸咸地再配埋超甜蜜瓜...放入口中真係絶配呀!呢個用咗白酒煮嘅紐西蘭海鑽蜆扁意粉…d意粉超彈牙再加埋咁大隻嘅蜆味道真係好鮮甜呀!呢條焗法國鱸魚…拎到枱前面已經聞到香噴噴!入口熱辣辣再配上個白酒忌廉汁…帶出條魚嘅鮮甜味道!加埋兩柸冰凍特飲簡直係超級享受…菠蘿斑蘭葉，斑蘭味道特別香濃，有點似食緊斑蘭蛋糕feel，而朱古力濃郁再加埋香蕉士多啤梨，呢柸好有滿足感哦!…Read More

咁啱Lunch Hour經過呢間舖頭…聞到陣陣香噴噴嘅蛋糕味道!又有Promo就買咗個試下!見到佢熱辣辣新鮮出爐，師傅仲即場表演切蛋糕!真係好懷念台灣d地道風味美食哦!遇到新鮮出爐一定要即買即食啦!…熱辣辣香噴噴!口感仲軟綿綿添!古早味蛋糕雞蛋味道好濃郁，又唔會太過甜!仲有兩種食法添…原來雪凍黎食仲有特別風味嫁!(記得要連埋個盒及裡面張紙包住一齊放入雪櫃呀!)可以鎖住蛋糕d水份嫁!…Read More

咁啱經過油麻地區，又唔知食咩好，又咁啱見到呢間茶記有下午茶就走入去試下啦...都係第一次幫襯...見到餐牌都係一般茶餐廳嘅款式，冇特別驚喜下就點咗個香茅雞扒扎肉飯配黑椒汁，餐飲熱奶茶。黑椒汁原來會另上嫁!塊香茅雞扒肉質都幾好，口味也合趕時間的上班族!(食飽即閃無要求!)而扎肉就薄薄的有4片。熱奶茶入口就有點澀口，本人不太喜歡這味道!…Read More

好耐冇食過呢間連鎖餐廳，疫情下好多食肆都要用手機掃QR Code黎落單，不過呢間有著數，自己落單下午茶餐仲有得…減2蚊呀!仲要星期六、日都有供應嫁!我點咗個輕量白咖喱香茅豬扒飯，可選汁另上及肉碎上添!!!餐飲配番柸我至愛嘅熱奶茶先!老實講吖…輕量d份量都唔少嫁!!!下次記得改少飯先!(以免浪費)炸香茅豬扒d肉質入口一d都唔會''鞋"仲會有香茅嘅味道!而白咖喱汁味道好香而且仲唔辣唔太膩!再配上白飯簡直係''絕配''呀!熱奶茶入口很香滑，唔會澀!…Read More

咁啱呢頭返工…收晚10好多食肆都已經關曬門喇!好彩仲有佢做外賣到零晨12點炸...等我唔駛晚晚要崖餓!睇見餐牌選擇都有好多吖…今次係第一次幫襯佢，就點個三式芝士牛丼(M Size)試下先啦!其實平時經過見佢門口大排長龍就係等堂食嫁!今晚見到有外賣唔算多人就入去買個飯拎返屋企食先… ...1小時後我終於返到屋企喇…個飯仲暖嫁!!!雖然d芝士已經變得硬咗小小，但依然很好味，d牛肉仲配有洋蔥，份量仲有得揀(有S、M、L及LL)味道很好，又唔會太咸，D飯軟硬度適中!…Read More