lkp0420's Profile

第一次嚟係餐廳剛開業第二日 晚飯時候人龍水蛇春咁長🐍 而饑民👩🏽表示好肚餓 所以就放棄冇排隊 去咗第二度搵食我視pho如命 所以過咗幾日再來 可能因為今次比放工人潮早到達 排咗大概15分鐘便安排入座 我同女朋友一人一個Pho 加個菜 再嗌多兩杯coffee 啱啱好 👌🏽1️⃣生牛肉貝殼牛肉丸湯河粉 🍜7.343/10蔡瀾從Melbourne 引入嘅湯底 果然名不虛傳 湯頭飲落去清新鮮甜 同我之前喺南澳食過嘅越南粉湯底感覺好似 啱哂嗰啲唔重口味嘅朋友仔 生牛肉水準正常 唔會浸到熟哂 牛肉丸細細粒咬落去好爽口 自家製河粉任添唔嬲 啱哂小林尊啲friend🌭 本人覺得河粉夠滑 但稍嫌唔夠入味 女朋友就嗌在淨生牛河 佢都覺得個湯鮮甜但就話飲完有少少口渴 我地仲嗌咗蝦醬通菜同越南滴漏咖啡 ☕️蝦醬通菜正常水準👌🏽6.833/10越南咖啡淡而無味😓 嗌青檸梳打穩陣啲🍋 整體評分我俾7.12/10👍🏽…Read More

星期一lunch hour同女朋友兩個人去咗新開唔夠一星期嘅吃什麼 原本擔心好多人排隊 但最後等左大概5分鐘就可以入座 兩個人嗌咗一碗滷肉飯一個牛肉麵同埋一個粟米芝士蛋餅1️⃣大大碗滷肉飯 🍛7.532/10目測滷肉飯嘅飯量係其他餐廳嘅3倍 我知台灣媽媽可能想我哋有均衡飲食 所以滷肉飯唔止有主角滷肉 飯上面仲鋪滿枝豆芽菜粉絲菜甫 滷肉煮得入味 但配菜真係太多食唔晒（因為女朋友唔食啲配菜 得我一個食🤦🏽‍♂️）2️⃣外省牛肉麵(牛肋)🍜 8.232/10好似去咗台灣食牛肉麵嘅感覺 湯底有少少辣但非常濃郁 飲完唔會覺得口渴 牛肋肉一咬落去軟淋淋 唔會癡牙 麵條煙韌有咬勁 值得一試3️⃣粟米芝士蛋餅 🌯7.8/10我同女朋友都係蛋餅嘅忠實擁躉😋 吃什麼嘅蛋餅絕對冇令我哋兩個失望 粟米同芝士當然好夾 蛋皮亦不會太厚 加埋沙律醬冇得彈 但吃什麼嘅蛋餅唔係我哋喺香港食過最喜歡嘅 屬中上之作 整體評分我俾 7.768/10👍🏽…Read More

同女朋友嚟過兩次 一次星期六 一次星期一 lunch time 兩次都坐無虛席👨‍👩‍👧👩‍👩‍👦👨‍👨‍👧👨‍👩‍👧‍👦四眼佬老闆態度服務俱佳🤓 眼見老闆不時同熟客打招呼 係充滿人情味嘅氣息😉 食物同老闆一樣 有層次有水準實而不華😌今次介紹三樣嘢 1️⃣魔鬼奶油多 🥪9.678/10其實係幾層煉奶加牛油嘅厚多士 再潵上阿華田粉同埋糖 餐廳將烘好麪包切半加上奶油 口感極好 咬落去食到幾層煉奶同牛油一齊必出嚟 多士脆卜卜 再加埋阿華田粉 真係冇得輸 感覺唔會太甜 係我同女朋友最愛😍2️⃣蔥花蛋治烘底 🥪7.815/10將蔥蛋炒埋一碟再加埋牛油 都係烘濃麪包切半 都係厚多士 都好味 都有層次 女朋友原本冇興趣 但係都食到lamlam脷👅 本人就鍾意魔鬼多士多啲 不嗜甜嘅朋友可以嗌3️⃣ 麻辣撈蔥油手撕雞龍蝦丸通粉 🍲8.887/10🌶自家製麻辣超水準 食辣朋友必吃!! 極多雞肉極多蔥油 雞肉唔會鞋烚烚 龍蝦丸炸得超好 我原本唔好龍蝦丸都覺得好好味老闆仲推薦左椒鹽炸燒賣俾我哋 十蚊七粒 抵食爆燈 炸得有水準 但唔係我食過最好味嘅炸燒賣 如果可以加埋辣油就會更佳🤟🏼我哋仲嗌咗飲品 食到懷孕🤰🏻價錢都只係百幾蚊 建議可以嗌多兩三個朋友一齊嚟試多啲嘢 去觀塘一定要食 不過要留意 工廠區茶餐廳 唔做晚市的 唔好食閉門羹🤪整體評分絕對值8.5分以上(10分滿分）👍🏽…Read More

上次嚟食咗龍蝦沾麵 水準不俗 成個餐有飯有醬汁有芝士有龍蝦有蛋有麪好豐富 碗飯仲加咗好多芫茜 本人是好茜之人 好啱胃口 唔食茜嘅記得叫佢走茜 8.659/10因為上次用餐經驗良好所以今次再嚟兩個人點了3個dishes1. Empire Roll 8.563/10fresh with uni tuna shrimp and crab roe海膽吞拿魚蓉甜蝦蟹籽卷味道清新 食材新鮮 海膽冇臭味 亦是店家推介2. Truffle Fries 7.9999/10好濃烈嘅黑松露味 薯條炸得啱啱好 唔使用黑松露醬都能凸顯出黑松露嘅味道 薯條略嫌多油 可以隔耐啲啲油先送上嚟3. Skewers Platter 7.321/10有雞肉串 海膽鵝肝串 雞蛋串 牛肉番茄串 同埋 青椒芝士煙肉串 雞肉正常 加七味粉味道更佳海膽鵝肝串好好味 鵝肝煎得啱啱好 味道香濃 海膽新鮮 夾埋一絕 建議一嚟到趁熱食雞蛋煮得啱啱好唔會太熟牛肉粒嫩滑唔會難咬青椒初頭以為佢釀咗啲魚肉或者豬肉落去 點知咬落去係加咗啲cheese再加左少少bacon拉絲在青椒上 口感一流 （女朋友不吃青椒只吃cheese 青椒我食哂）兩次嚟都見到好多中環人喺度happy hour 氣氛好好 餐廳有小店感覺 食物水準穩定 去開IFC嘅話可以嚟試吓推介日本手工啤 有海洋感覺嘅沖繩手工啤酒 味道唔會太甜 亦不會太苦見到好多人都點拉麵食 下次再嚟試吓先整體用餐評分 7.459/10 …Read More

九月第一天 晚上同女朋友一行二人到嚐中菜坊用膳 兩個人點了四道菜 第一道菜：黃金炸魚皮9/10新鲜 香口 䶢蛋均勻佈滿魚皮 同坊間出面食開嘅魚皮比較更高水準第二道菜：黑松露生蠔8.123/10醬汁惹味 生蠔煎得啱啱好 加埋黑松露喺上面好配合 第三道菜： 金銀蛋莧菜 7.233/10正常質素都好味道第四道菜：瑤柱蒸水蛋 7.895/10好似冇喺出面餐廳食過咁滑嘅水蛋 味道中上豉油同蛋配合得啱啱好 加埋瑤柱令水蛋更上一層樓 撈飯一流餐飯食得好飽 嗌埋白飯加兩支啤酒大概$500 呢個質素絕對抵食 唯一弊處係餐廳裏面可能因為落雨所以好多飛飛小昆蟲 呢餐飯整體我俾7.569/10 …Read More