runger.chi's Profile

今日仲放假去咗西九文化中心，諗住同男朋友一齊感受下呢個地方的文化氣息。呢個地方雖然好少去，但係上網睇吓地點，其實都非常之方便。走到去九龍地鐵站，再過一條天橋，大概15分鐘左右就到西九文化區了。一入到西九文化區，入面嘅設施都非常之齊備，仲有藝術中心。 大片嘅草地，仲有單車踩，一家大細仲係草地上野餐，係香港人難得既放鬆的地方。再行入少少，我見到有幾間餐廳，我哋就揀咗一間餐廳坐低。餐廳裝修非常之清新奪目，藍色嘅裝修，同埋簡約既門面設計，面對着一個大海，同埋草地，感覺十分開揚，原來呢度仲可以帶狗入去,方便呢度放狗既人士！眼見都有不少外國人士在周圍放狗活動，好有渡假的感覺。嚟到呢間餐廳，當然要試吓呢度嘅特色小食啦，我哋都叫店員簡單介紹左一餐呢度嘅餐牌。餐牌設計都非常之得意，精緻既圖畫、唔同嘅熱狗，小食，同埋飲品。當然呢度主打梗係熱狗啦，所以一定要試吓！叫咗一個比較經典嘅熱狗，都係叫一度比較受歡迎嘅, 叫poodle !熱狗上面嘅醬汁都係佢哋自家調配的、非常之用心同埋有特色。當然味道一啲都唔差！ poodle上的醬汁係一層厚的肉醬、食落一啲都唔乾，而且都唔會太漏！另外我哋再叫咗一個cordi 既熱狗黎試下！上面有啲蛋黃醬，脆片嘅洋蔥、同埋煙肉！口感卜卜脆、十分惹味同埋，如果鍾意試新野嘅你，一定要試吓呢個。飲品方面我就叫咗士多啤梨Frappuccino ，味道方面都唔會太甜，而且有少少微酸嘅感覺，上面仲有一個小冬甩、最重要嘅係呢度所叫嘅嘢食，同餐牌上嘅圖片都係一樣， 10分精緻，賣相好吸引！而男友就叫左個blue eyes latte , 上面係一層藍色雪糕。角色嘅飲品同埋熱狗之外，呢度仲有比較特色嘅薯條，我哋分別叫咗一個薯圈，仲有一個甜薯條。薯條嘅味道好特別，除咗有咬口之外，仲可以唔使點任何醬汁，都非常之好味。搬上叫咗呢度少少嘢食，我哋已經非常之飽，其實仲有好多其他嘢食我哋仲未試，下次一定會再嚟試埋其他唔同味道嘅熱狗。呢個地方同三五知己吹下水，渡過簡單輕鬆嘅一個下午，係非常之舒服，最近有正值秋涼，係呢度行吓海邊，傾吓計，飲杯野，真係十分寫意。除咗餐牌上嘅飲品之外，呢一度都有其他啤酒類嘅飲品，選擇比較多，同埋都有充電服務提供，設備算係幾完善！下次一定要再約一班朋友過嚟…Read More

今天約了朋友在觀塘吃東西，打算找一間平平地的自助餐，於是行吓行吓就黎到give me 5呢度。雖然呢度嚟地鐵站唔算特別近，但係勝在啲嘢食比較實惠，同埋環境好。一上到黎呢度就見到好多人，幾乎坐滿哂人。而環境都10分寬敞。今日個晚餐係飲食任飲兩小時，見到個餐單的覺得十分吸引，除咗有即開生蠔，仲有凍蟹，螺，青口同海蝦，仲有沙律同刺身。除左任飲任食既食物之外，仲有一個主菜餐單比我地簡。我就簡左個澳洲肉眼扒配黑菌汁。而朋友就叫左個香燒挪威三文魚配香檳忌廉汁。其實就算食咁多野，都只係298加1 既價錢，比想像中要平。任食既食物入面，我地夾d海蝦，都非常新鮮同大隻。而即開生蠔，排隊既人都好多。即開即食除左新鮮之外，仲可以睇住師傅開蠔既手勢。另外我地仲夾左d青口，每粒都非常大粒厚肉，中意食海鮮既朋友可以黎呢一間餐廳！而甜品方面選擇亦都多，有綠茶蛋糕，有芝士蛋糕，又有啫哩。每件細細件咁，可以嘗試多幾種不同的口味。主食到了，我叫既係肉眼扒，非常多汁，同埋唔會好難切開。肉汁豐富賣相亦都唔差。仲有薯蓉伴碟，而且份量都十足。朋友叫既係三文魚，都燒的十分美味！另外值的一讚既係個紫薯湯，味道十分濃郁，又香甜。而且入口非常滑，仲要係任飲。呢個一定推介。而其他汽水任飲方面，都係一D可樂，橙汁，七喜等等各式各樣既飲品，仲有啤酒，選擇都算多。如果一大班人黎三五知己傾下計食下飯，都可以黎呢度！…Read More

平時好少黎深水步呢頭，今日特登約朋友黎呢度係因為想黎一間已經久仰大名既茶餐廳，老鳳冰室。一黎到既時候，係門口見到餐廳其貌不揚，但竟然門口排住長長既人龍。我同朋友都要等左成十分中先有得入去。一入到去，位置雖然有點逼，但一陣老香港情懷就散發了出黎。除左因爲呢度d裝修好有老香港味道，食物都係加入左呢d原素，令到呢度座無虛席。牆身仲貼左好多古舊既明星海報，電影海報，同埋宣傳海報等等。如果帶爸爸媽媽黎呢度，都可以比佢地回憶一返舊既時光。我地叫左幾個特色同埋比較地道既野食，分別係雞翼，口水雞飯，同埋海鮮焗飯。呢度既食物質素非常高，除左賣相吸引，份量都十分足。有別於去連鎖快餐店，食物都係細細碟，所以呢度兩個人食，都已經好夠飽。如下次要再試多d不同既食物 ，可以叫多d朋友一齊黎。…Read More

今日去到銅鑼灣搵好嘢食，咁啱朋友又係利園返工，於是就去附近搵餐廳食嘢同傾計，行吓行吓，就係彌敦道搵到一間活地餐廳，於是見到個裝修都幾靚，就入去試吓。感覺呢度都幾多上班族收工之後黎輕鬆嘅地方， 十分休閑舒適。一坐到入去，人流雖然未算太多，可能因為我哋比較遲食飯。但係呢度嘅環境，同埋裝修都俾到一種係鬧市中好寧靜好舒服嘅感覺。除咗環境方面好靚之外，呢一度仲有live show,我哋仲可以一路點歌，一路食飯傾計，最重要嘅係，呢度食嘢都唔貴。再要睇埋食物質素，呢一度係一個高級嘅享受。店主推介燒春雞，我哋就叫咗一個黎試吓。我哋兩個人食一個，果然係店主推介，因為呢一度嘅燒春雞嘅雞肉十分嫩滑，而且燒得十分香口，而且外型都十分吸引，未食已經令人流口水。下次嚟到呢一度一定係必食之選！除咗燒春雞係店內的主打之外，黑椒肉醬腸意粉，都係我極力推介嘅主菜。原因因為我本身唔太鍾意食意大利粉，但係呢度嘅意大利粉真係令我會食唔停口，除咗意大利粉唔會太硬身之外，佢嘅肉醬都唔會俾人太過油膩嘅感覺，再配合埋肉腸，又唔會太過乾身，口感非常之好。而朋友就食咗一個鰻魚飯，就買上嚟睇已經100分，因為鰻魚好大塊，而且飯嘅份量都非常之多，以呢個價錢食到一個咁高級嘅鰻魚飯，而且喺銅鑼灣地段， 10分值回票價。飲品方面，我就叫左一個青檸梳打，朋友就叫咗一個成熟的蜜桃，除咗飲品方面，呢一度仲有酒可以order ,下次同三五知己黎傾心事或者收工食飯嘅時候，可以再嚟試吓呢一度嘅酒類飲品！…Read More

今日約咗朋友出旺角搵好嘢食，今晚大家都放假，所以就想吃放題，而旺角出名最多就係放題㗎啦，於是行行吓就嚟到創興中心，搵搵有邊間野啱食。最後我哋就揀咗韓舍，上到去嘅時候，雖然係lunch時間，但係人都非常之多，好就好在呢度環境非常之大，座位非常之闊落，同三五知己，或者同男女朋友一齊嚟，都係唔錯嘅選擇。坐低之後，我哋就急不及待去拎嘢食。呢度食物選擇非常多，除咗有生嘅食物之外，都有好多熟食，而且有湯啦，有粥啦，甜品等等應有盡有。而且甜品嘅種類都分好多，除咗有蛋糕之外，仲有啫喱，仲有一部棉花糖機，同埋朱古力瀑布。配套十分足夠。而且仲有我最愛嘅雪糕可以拎，而且價錢方面呢一度都唔算非常之貴，所以間唔中同朋友嚟食下放題，呢一度都幾正㗎。熟食方面，呢度有咖喱豬扒，福建炒飯等等，熟食質素都唔差，方便一啲唔想燒嘢食，但一坐低就好肚餓嘅朋友，就可以叫呢啲。當然所有嘅服務都係自助啦，生嘅食物方面，佢嘅肉類選擇都非常多，除咗有香辣雞翼，原味雞翼，之外仲有雞柳，雞腎，同埋唔同嘅牛扒，豬扒之類，鍾意食肉嘅朋友，可以試吓呢一間餐廳。因為唔同其他一般嘅放題，其他放題嘅食肆可能就會比較多菜，但係呢度嘅食物選擇相對來講就會比較多。而小食方面，呢度仲有麥樂雞，同埋薯條，除此之外，仲有沙律，沙律野種類都可以自己配搭，有粟米有中華沙律等等。最初以為呢到人相對來講比較多，服務質素相對冇咁好啦，但係又出乎我哋意料之外，侍應服務都不錯，因為燒燒下嘢食嘅時候忽然間，可能我哋個鐵板落得油唔太多，所以有少少燶咗，侍應見到咁嘅情況就即刻同我地換過塊新嘅鐵板。咁我哋可以安心地燒嘢食。飲品方面都係全自助嘅，除咗有汽水之外，仲有啲熱嘅飲品，例如阿華田嗰啲。呢度下次可以值得再黎，同一班三五知己聚會嘅時候可以再嚟試多啲不同嘅嘢食。…Read More

今日去咗觀塘搵好嘢食，眾所周知，觀塘工廈入邊好多新開嘅餐廳，或者一啲嘅特色餐廳，於是我哋就去咗其中一棟嘅工廠大廈，搵咗一間高質素嘅西餐野，同男朋友享受一個寧靜又舒服嘅晚上。一入到去嘅時候，餐廳環境十分舒服，燈光微暗， 十分適合情侶一齊來，或者三五知己喺度傾閑偈。呢度啲場地都非常之大，除咗有呢間餐廳之外，隔離仲係一個食雞煲嘅餐聽，而且仲有訂標場，仲有live聽，環境簡直就係一百分。於是我哋就坐低靜靜享受我哋一個晚上。睇一睇個Menu ，覺得呢度嘅餐牌都幾豐富，除咗啲相影得好靚之外，食物嘅選擇都非常之多，我哋就望左望set dinner for one, 個價錢都唔貴，再加上呢度嘅環境，覺得已經值回票價。我哋分別叫咗一個炭燒美國肉眼扒，同埋海鹽燒原條石斑魚。係上菜之前佢仲俾咗一啲小食我哋，係一個墨西哥脆餅，個脆餅非常之好食，而湯方面係一個紫薯湯，紫著湯真係非常之正，味道好濃郁好鮮甜。餐前仲送咗一個沙律，十分之開胃。肉眼扒嘅size非常之大，而且燒得十分靚，肉質都非常豐富。以為切落去會可能有少少韌啦，點知入口非常鬆軟。而且肉味好濃郁。加埋有少少炭燒，所以食落去都非常香口。牛扒配薯蓉，呢個唔係一般嘅薯蓉，而係紫薯嘅薯蓉，味道出奇地夾，同出邊嘅餐廳唔同。係一個非常之特別嘅配搭。我哋叫咗一個鹽燒石斑魚，條魚嘅size都非常之大，基本上一個人食晒都好飽，魚皮燒得脆卜卜，再加上鹽燒，同埋魚嘅鮮甜，真係第一次食到咁好食嘅烤魚。而且魚又唔多骨，啲肉相對比較嫩滑，鍾意食魚嘅人，下次一定要試吓呢一個烤魚。成道菜冇多餘嘅調味料，只有海鹽，但係簡單得來又幾好食。另外我哋仲叫咗個蟹膏帶子作為小食，因為見到呢一道菜都有做特價，就叫咗一個黎試吓，蟹膏嘅味道十分濃郁，所以佢都放咗一啲白飯，俾我哋一齊食。蟹膏上面就有兩粒帶子，都燒得非常香口，帶子上面仲擺咗啲蟹子，原本以為食呢一個會好漏啦，但係由於佢個份量都唔算太大，所以都唔會覺得好濟。而甜品方面，我哋就叫左一個精選甜品，係個朱古力嘅蛋糕，味道都非常之好，朱古力唔會太甜，個底仲有啲朱古力脆脆，成個餐都令我哋非常之滿足。…Read More

今日約咗個朋友一齊食午餐，因為大家都係附近返工，於是近近地就喺佐敦附近搵好嘢食，呢一度其實有好多餐廳同選擇，行行吓見到呢間係酒店隔離嘅餐廳，坐滿晒人，於是就想試試。果然一入到門口，侍應都需要我哋等位，因為撞正lunch時間，座無虛席。侍應嘅服務態度都好好，等待期間都有同我地講，好快會有位。坐低之後望一望個Menu。呢度嘅lunch set價錢都唔貴，而且選擇都幾多。於是我同朋友就叫咗一個香草忌廉煙三文魚天使麵，同埋一個香煎龍利魚跟薯菜，湯方面我哋就揀咗一個野菌忌廉湯同埋雜菜湯。據聞呢一度嘅野菌忌廉湯係好出名嘅，一於就試吓。果然名不虛傳，呢一度嘅忌廉湯味道十分濃郁，但係又唔會太鹹，入邊嘅蘑菇粒亦都好香，飲落都覺得好軟滑。而係main course嚟之前，侍應都為我哋奉上餐包。主菜黎左，原本以為香煎龍利魚，份量會比較少啲，但係食完成個餐，都覺得幾飽，因為香煎龍利魚個份量都算大，再配合埋薯條，加埋沙律，都已經夠晒一個人嘅份量。朋友食嗰個天使麵份量亦都十分足夠，佢係男仔，但係都覺得好夠飽，除咗味道好之外，賣相都非常之吸引。所以以一個平民價錢，食到一間幾高質嘅西餐廳，都幾享受㗎。小食方面我就叫左兩個美國生蠔，因為咁啱做緊特價，生蠔好大粒，而且非常新鮮。鍾意食蠔嘅人，一定要食呢一間餐廳，因為除咗美國生蠔之外，呢度仲有好多不同種類嘅蠔選擇。甜品方面，我就叫左個燉蛋，朋友就叫咗一個心太軟，兩個賣相都非常之吸引，心太軟隔離仲有一個雪糕，仲有啲忌廉同埋生果做伴碟。燉蛋都係有別於出邊食嘅燉蛋，呢度嘅燉蛋賣相好似一舊布甸咁，都有水果同忌廉係隔離做伴碟，賣相同味道都係一百分。總括而言，呢間餐廳好值得再嚟，除咗侍應嘅服務態度好之外，餐廳環境亦夠大，位置亦坐得非常舒服，唔會好逼夾，食物質素同價錢都係值回票價的。下次一定會介紹同事一齊再來…Read More

今日去咗銅鑼灣搵好嘢食，平時其實好少嚟銅鑼灣食嘢，就算食都係食開果幾間。咁岩上網睇到呢一間鋪頭叫做麻辣派對，一睇個名就覺得好正，於是同朋友黎試吓。因為我哋都好鍾意食麻辣嘅食物，而呢一間睇起上嚟都好似幾正宗。上到嚟嘅時候覺得呢度啲裝修，都同出邊嘅麻辣火鍋店有啲唔同，呢度嘅裝修比較高級，而且感覺地方好乾淨，啲座位都比較闊落，所以一路打邊爐，一路同朋友傾計，或者傾生意，我覺得呢個都係唔錯嘅地方選擇。打開個餐牌，見到有各式各樣嘅火鍋選擇，有一系列係秋冬私房火鍋，除咗有最家常嘅重慶麻辣雞煲之外，仲有泡椒家常雞煲，另外仲有黑草羊腩煲，都係比較特別嘅選擇。但我哋就揀咗一個重慶麻辣雞煲。除咗雞煲之外，佢仲有好多不同嘅小食，真係見到相都流晒口水。而我哋就揀咗一個香油海蜇，泡椒鳳爪，同埋爽脆生腸。除咗雞煲有得揀不同嘅辣度之外，各色嘅小食都可以俾我哋揀不同嘅辣度，而我哋就揀咗小辣。侍應都有溫馨提示我哋，小辣都係相對會比較辣少少，諗住我哋食得辣嘅應該都OK 。我哋叫咗半隻雞煲，兩個人嘅份量，而雞煲嘅味道都係十分濃郁，而除咗辣之外仲覺得好香。平時食雞煲最驚會令到件衫有好大浸雞煲味，但係呢一度竟然打完邊爐，食完雞煲件衫都唔覺得好臭。呢一樣真係值得一讚。小食方面，海蜇十分爽脆，酸酸辣辣咁樣， 十分開胃。泡椒鳳爪感覺上好辣，對於冇食得咁辣嘅朋友來講，下次可以叫BB辣會比較好。但鳳爪都感覺上係用辣椒浸過，都好入味。爽脆生腸應該係咁多個小菜入邊比較冇咁辣嘅，都係比較醒神開胃。佢嘅小菜入邊都唔算太過油膩，因為有時出邊食一啲麻辣小菜，會見到大量嘅辣椒油，感覺上不太健康。最後我仲叫咗一個好特別嘅甜品，叫做水中花，因為見到張相好靚，原來呢一個係一個薑汁豆腐花，除咗買相好吸引之外，味道都十分之好，下次再嚟嘅時候，呢一個一定要試吓。總括而言呢間餐廳質素幾高，可以同朋友或者三五知己再來…Read More

今日去咗尖沙咀呢間餐廳食嘢，之前一早就已經預約好，見呢間餐廳嘅評價都不錯所以就同朋友嚟咗食lunch ,餐廳位於地鐵站A2出口附近， 十分方便，行幾步路就到了。而呢一棟大廈入邊都有不同嘅嘢食，一上到去嘅時候，見到餐廳嘅裝修都美輪美奐，感覺上好休閑同埋整潔。餐牌都十分之簡單，睇咗一陣之後，我哋就揀咗一個八安士肉眼扒配薯角蔬菜，同埋香煎魚柳配忌廉蘑菇汁，呢度嘅價錢都算比較實惠，靜靜地享受一個lunch ,又可以同朋友傾下計，呢度嘅環境真係唔錯。加上座位都比較大，坐都坐得比較舒服啲。而餐廳係採用綠色嘅設計，望落去覺得養眼之餘、對眼都覺得特別舒服。而湯方面我哋就揀咗蘑菇忌廉湯，呢一個嘅蘑菇忌廉湯味道十分濃郁，配上碟邊既麵包，味道仲香甜，而且份量都足夠。香煎魚柳，用一個黑色嘅碟盛住，擺盤有心思之餘亦都非常之靚，影相一流。魚柳嘅味道都係十分香口，再配上忌廉汁，成個味道都非常之夾，加上碟入邊嘅小菜，都非常之好食，呢個份量又適合女士，又唔想食太多, 又想有健康嘅人。朋友就叫咗一個肉眼扒。肉眼扒要5成熟，都係煎得好香，賣相都非常之吸引。而甜品方面就叫咗一個咖啡味嘅蛋糕，除咗擺盤好靚之外，咖啡味道比較濃郁，而且都唔會太甜，食完主菜之後食甜品都唔會覺得太漏，下次一定要再黎過，試埋佢個晚餐先！…Read More

今日我哋一齊嚟到長沙灣食法國野，呢一間係喺OpenRice搵到嘅餐廳，估唔到長沙灣都有呢一類高質cafe 可以食到。呢度嘅地點其實都非常之容易搵到，就係喺長沙灣地鐵站附近，行幾分鐘就到。剛剛入到這間餐廳，呢間餐廳嘅裝修同埋格局都非常之精緻，隱藏着一陣休閑風，餐廳嘅佈置充滿休閑風，光線微暗，感覺十分輕鬆同埋舒服。門口位置有一個吧枱，適合夜晚時客人嚟到同朋友一齊把酒談歡，暢談心事。呢度嘅Menu設計都非常之精緻，除咗文字之外，仲有一幅幅嘅圖片，令人睇起上嚟精神為之一振，文字都係偏向比較大，唔會令人睇得非常之辛苦。最重要嘅就係圖片上嘅食物同實物係差唔多㗎 ，符合到客人對食物嘅期望。最重要嘅就係圖片上嘅食物同實物係差唔多架，符合到客人對食物嘅期望。由於係下午茶時間嘅關係，我同朋友都叫咗一個all day breakfast 試吓，all day birthday嘅材料非常之豐富，有兩個好大嘅牛角包，有沙律，有茄汁豆，有腸仔，有薯角，同埋煙肉蛋等等。以為呢一個係一人份量啦，點知其實兩個人食都可以。所以以呢個價錢來講，兩個人嘅份量真係好平呀。之後我哋再叫咗一個卡幫尼意粉，同出面嘅卡幫尼意粉有啲唔同嘅係，呢一度嘅意粉味道十分濃郁，感覺上十分creamy ，而且份量都係非常之多，我哋都一樣係兩個人食。至於甜品方面我哋再嗌左一個多士，呢一度嘅多士同出邊嘅賣相十分唔同，呢一度嘅甜品十分之精緻美觀，除咗係多士之外，隔離仲有一啲雪糕伴碟。感覺自己食緊一個高級下午茶甜品一樣，除咗賣相吸引之外，味道都十分之正！配上一啲蜜糖，同埋雪糕，中和左多士嗰種熱氣嘅感覺，而且多士都是切成一塊塊，方便客人進食。總括來講呢間係一間幾高質嘅餐廳，除咗下午茶之外，相信晚餐都會係一個好嘅選擇！…Read More

收工約咗朋友去食日本野，由於好耐冇見了，就想搵一間比較有質素嘅日本餐廳食嘢。於是行行下，就係佐敦搵到一間幾特別嘅日本餐廳，我同朋友上嚟試下！呢間餐廳亦非常之方便，除咗近我公司之外，都比較近地鐵站，就喺佐敦是C2出口附近。餐廳唔係以食放題咁嘅形式，通常食放題的話多數我覺得質素比較麻麻哋，因為食物大量咁製造，反而冇咁有質素。呢一間餐廳嘅形式係以每件咁樣叫嘅形式去order ,除咗可以揀啲有特色嘅嘢食之外，都可以揀你喜歡嘅嘢食，同埋可以控制返每件食物嘅數量。呢到比較特別嘅壽司有和牛壽司，鵝肝壽司，同牡丹蝦壽司都係店長非常推介，同比較人氣嘅壽司。我同朋友就好想試吓鵝肝壽司，一黎係出邊未食過，二來覺得非常之特別，感覺都非常高級，於是就同朋友order左兩件。一上碟時，鵝肝壽司非常之大件，係本身塊鵝肝非常分量十足，而下面舊壽司飯就分量適當，一放入嘴嘅時候，鵝肝有入口即溶嘅感覺，而且烤得有少少濃濃地，食落口嘅感覺非常之甘香，亦都唔會有非常油膩嘅感覺。即使唔使點任何醬汁，都俾人一種煥然一新嘅感覺。下次嚟到嘅時候一定要叫呢個！之後我哋再叫咗多個店長推介嘅金龍蝦卷，呢個份量都非常之夠，而且賣相都好吸引，除咗佢嘅炸蝦好甘香之外，再加上一啲嘅沙律醬，食落又唔會覺得好油膩，而且開胃，份量又啱啱好有八件，啱啱適合兩個人食。之後我哋再叫咗一個三郎一口黑豚肉，黑豚肉炸得好甘香鬆脆，咬落去一啲都唔實，而且唔會比炸咗嘅麵粉蓋過左本身嘅肉味。再點埋秘製嘅醬汁，令人食過返尋味。炸嘢方面我哋再叫咗一個南瓜天婦羅，呢個係日本料理入邊一定係必叫嘅嘢食，南瓜十分香甜，再配上外層脆卜卜，都係非常之回味。當然呢度嘅食物賣相每一件都非常精緻吸引，未食嘅時候都已經令人垂涎欲滴。之後我哋就叫咗一個牛扒山葵燒，呢一個都係一個特色推介，因為喺日本餐廳入邊比較少食牛扒，因為見到呢一個嘅賣相幾特別，於是就order左，牛扒嘅份量都好大，上面都非常之多嘅醬汁，員工話呢一啲係燒汁加上Wasabi ,估唔到出到嚟嘅味道竟然非常之夾，因為本身朋友唔太鍾意食Wasabi ,而呢一個牛扒上嘅Wasabi都唔會有好辣或好濃嘅味道，襯落塊牛扒度，反而帶出咗牛扒嘅鮮味，連朋友都非常之讚！之後我哋再叫咗一個我好鍾意食嘅鹽燒秋刀魚。秋刀魚感覺到非常之新鮮。而且條魚都一啲唔腥。呢度仲有好多值得叫嘅嘢食，例如牡丹蝦，和牛，同埋吞拿魚腩！但係因為我哋只係兩個人食，剛剛叫嘅食物份量，已經食到非常之飽啦，講緊埋單兩個人都唔使＄500。要環境方面呢一度都非常之具日本風，除咗牆上面有好多日本嘅壁畫之外，呢一度嘅食物擺設，門面都覺得非常之傳統而有特色，估唔到係呢一區入邊都搵到一間咁好食咁有質素嘅餐廳！…Read More

呢排天氣咁凍，除咗假日去燒烤之外，最適合就係打邊爐啦。咁岩今日約咗一個好耐冇見嘅朋友一齊食飯，大家都諗唔到食咩嘅時候，於是就諗到打邊爐啦。同埋大家都好耐無一齊打邊爐！於是就搵去旺角附近有邊間好食嘅火鍋店。但係我哋又唔想去酒樓入邊打邊爐，因為酒樓入邊多數嘅質素都一般般，食物嘅質素冇咁新鮮。於是我哋就行左內街入邊，搵到一間叫做滾喜火鍋。淨係你個名都覺得似乎幾吸引，於是就行咗入去試試。係未等到朋友嚟嘅時候，我已經急不及待地叫咗一個鴛鴦火鍋，分別係秘製麻辣湯火鍋，同埋香茜皮蛋鍋。而餐廳員工動作都非常之快，喺未等到朋友嚟嘅時候，佢已經成鍋上枱了。煲咗一陣，啲湯底就滾晒啦，於是我就急不及待地睇餐單上嘅嘢食。餐單上嘅食物選擇非常之多，有海鮮類，小食類，牛類，自家手工制，粉面，菇菌類等等。一樣適合鍾意食肉，或者淨係食齋嘅人士。我就分別叫咗花膠筒，招牌炸響鈴，爽滑豬頸肉，蒙古羊肉卷，蜂巢豆腐，娃娃菜同手打牛筋丸。飲品方面就叫咗竹蔗茅根。湯底滾起左之後，聞到味道非常之濃郁，勺一啖黎飲，都覺得非常之鮮味。而另外醬汁配料方面佢都係俾我哋調教自己喜歡嘅份量。花膠筒嘅份量都非常之多，而且咬口十分爽脆，每一塊都非常之大塊。值得一讚嘅係蒙古羊肉卷，呢度嘅羊肉唔會有好大浸騷味，但肉味非常之濃郁，呢啲天氣食真係非常之暖胃。而羊肉都伴隨着少少脂肪，所以食落都覺得好甘香。另外蜂巢豆腐都係我嘅最愛，擺落啲湯底度，滾一陣間，就會吸收晒湯底嘅精華，咬落去非常之多汁入味。而豬頸肉，望落去賣相都非常之吸引，脂肪分布平均，而且十分新鮮，厚薄適中，滾完之後都唔會非常之難咬。炸響鈴都一定係必叫嘅嘢食，因為呢度既炸響玲每一條都脆卜卜，而且份量非常之夠，兩個人食仲有啲嫌多添。而係啲湯底入面，入邊嘅皮蛋份量非常之足料。餐廳環境方面都非常之寬敞，一個個卡位適合三五知己一齊打邊爐聚會。所以呢間我都一定會再推薦朋友嚟食！…Read More

今日嚟到尖沙咀同同事一齊食午飯，由於呢度附近好多餐廳都食過晒，都覺得比較沉悶，於是我哋就行遠少少，去到厚福街附近，搵到一間非常之特別嘅餐廳。因為見到樓下樹立左招牌，於是就同同事想去試吓，一上到去嘅時候，感覺呢間餐廳裝修得非常之特別，除咗非常之大之外，座位亦好寬敞，非常之適合慢慢享受下，傾計，或者開party之用。咁岩有臨近聖誕，呢一度嘅佈置都好有聖誕氣氛。於是我哋就坐低睇一睇lunch Menu , lunch嘅Menu嘅選擇有五種，我就叫左一個紐西蘭肉眼扒配野菌汁，而朋友就叫咗一個香煎豬柳配藍梅燒汁，聽個名都覺得非常吸引，好期待我哋食物嘅來臨。坐低嘅時候發現張枱隔離仲有一一張好窩心嘅卡仔，每張卡仔都會寫上唔同嘅金句，我就抽到一張「擁有好朋友，好的書籍和一顆寧願的心，就是理想的生活」。餐廳嘅安排真係非常之細心，令到人享受食物之餘，都會享受到呢度嘅環境，同埋啟示。除咗台面上嘅卡仔之外，餐廳嘅玻璃窗，都有印滿左一啲不同嘅金句，每一句都會令人反思，每一句都令人有所感悟。我覺得香港呢一類嘅餐廳都非常少，起碼呢一間餐廳留俾我嘅印象都非常之深刻。湯方面我就叫咗一個南瓜湯，南瓜湯嘅味道非常之濃郁，除咗有南瓜的鮮甜味道之外，好似仲有一陣奶嘅味道，而且仲非常之滑。而我叫嘅紐西蘭肉眼，就叫咗七成熟，牛扒都唔會非常之un 同難据，同埋据落去都非常之多汁，肉味好濃，加上佢秘製嘅汁，都令到成個牛扒非常好味，而除咗牛扒之外值得大贊嘅，就係佢嗰配菜！薯仔，有別於出邊用嘅薯條，呢一度係以薯仔做配菜，而且係一舊一舊，好爽口。除咗薯仔之外仲有一啲豆角，好鮮甜。而朋友叫嘅豬柳都比想像中質素好，因為除咗煎得好香口之外，仲有少少燶燶地，都非常之吸引。我地食完兩個主菜之後仲有一個是日甜品，呢個甜品就係士多啤梨芝士蛋糕，個size恰到好處，都唔會太大。因為食完主菜之後好多時後都已經好飽食唔落甜品，但係呢一個細細塊嘅芝士蛋糕令你享受到個甜品之餘，又唔會覺得好濟。只係午餐都已經質素咁好，而且環境都好寧靜，可以比兩個人靜靜地傾吓計，或傾傾吓公事，同埋又適合派對，下次約男朋友慶祝生日，或食晚飯的時候一定要試一試呢一間餐廳！…Read More

今日嚟到中環等個朋友收工，想搵間餐廳坐坐，食厭左西式据扒，食厭左中餐，想搵間另類少少既餐廳食晚飯。我就搵左一下，就搵到一間印度餐廳，餐廳環境好舒服浪漫，雖然不是地舖，是位於2樓地段都總算方便。印度餐廳離不開幾種嘢食，咖喱同薄餅，原本都沒有抱太大嘅期望，因為對重口味嘅嘢食都唔少都有少少抗拒，但係因為朋友鍾意食，所以最尾都嚟咗呢間餐廳。但係質素估唔到係比我地想像中好好多。我哋叫咗一個印度咖喱角，有別於中國嘅咖喱角，佢嘅咖喱角份量非常之多，每一粒都非常之大粒，而且餡料十分豐富，再配埋秘製嘅醬汁，有三種醬汁俾我哋選擇，就係類似薄荷嘅醬汁，一個係甜啲嘅，另一種係辣嘅。點落去嘅時候，令到成個袋咖喱角嘅味道都提升左。除咗可以點咖哩角之外，仲可以點薄餅，呢度嘅薄餅係必點之選，唔會太厚而且整得十分香脆，之後我哋叫咗一個印度燒雞，同平時我哋食嘅燒春雞唔同，呢個燒雞有好多嘅蔬菜喺隔離，就好似沙律一樣，雞嘅味道都係好正，入味！之後我哋再叫咗一個羊肉炒飯，羊肉炒飯好味。除左羊肉外，仲有雞，牛肉比我地選擇，佢既羊肉唔會騷之外，而且啲人仲炆得好林，完全好容易入口，本身係唔太食肉嘅人，都覺得佢整得非常之好，而且份量都係非常之多。湯我地叫咗一個番茄湯，同傳統中國人嘅番茄個色都唔同，佢嘅番茄湯顏色比較深，而且酸酸地，湯底都好濃，飲品方面叫咗佢地既特色奶昔色，其實係芒果奶昔，大大杯， 好滿足。…Read More

今日我地黎到黃大仙搵好嘢食，一向覺得黃大仙冇咩好嘢食，可能唔熟呢頭！但係上網一搵就發覺呢頭其實都好多正嘢食，尤其係近黃大仙同慈雲山附近嘅地方，就正正係環鳳街呢一頭。而家凍凍地嘅天氣，除咗食打邊爐之外，食辣野都非常一流，所以我哋揀咗一間泰國菜，享受我哋呢一晚嘅晚餐。呢度嘅環境都好好，除咗夠大之外，呢一度都有分室內同室內，店舖入邊有好多酒類飲品，而且有一個好大嘅電視螢幕，可以一齊享受食物之餘，可以一路睇電視，甚至係睇一啲足球嘅球賽，啱晒一班三五知己收工嘅時間或者放假嘅時候黎。呢度有好多套餐選擇，包括二人套餐，三人餐，四人餐，連10至12個人嘅餐都有，不過我哋今次選擇散叫，可以試多啲唔同嘅嘢食，二來可以叫d套餐都冇嘅嘢食。頭盤我哋叫左一個生蝦，碟嘅佈局都好靚，生蝦都十分新鮮同大隻，配上辣椒同蒜頭，加埋佢哋嘅醬汁，食過返尋味。咁嘅食物質素，亦都令我哋十分期待嚟緊嘅嘢食。之後我哋再叫咗一個生菜包，生菜包肌肉碎同辣椒混合埋一齊， 好醒神開胃，雖然係有d辣，但係咁嘅天氣食都好暖笠笠。主打嘅我哋就係叫咗一個燒倉魚，呢個都係必食推介，因為倉魚廚師燒得好香口，而且皮脆肉嫩，再點埋酸辣汁，連我平時都唔太食魚嘅人都覺得好食，而且冇咩腥味。之後仲叫咗一個咖喱青口，聽講呢度有四種唔同嘅咖喱，而家都可以配上唔同嘅海鮮，例如青口，蝦，蟹，等等，我哋就揀咗青口配紅咖喱，咖喱汁都唔算十分之辣，但係咖喱味都好濃，咖啡汁除咗可以配青口食之外，配上佢秘製嘅薄餅都味道都非常之夾。飲品方面我地就叫左紅豆冰同珍多冰，好大杯，好滿足！…Read More