Ainos_C's Profile

放工後辛勞一整天想找點美食慰勞自己，旺角區餐廳很多，今天想找一些平日比較少光顧的餐廳大快朵頤時間是晚上六時，基本上我是晚市第一台客，店員詳細介紹餐牌以及今天的特價菜式。不消一會兒熱辣辣的串燒便上桌了！牛油焗金菇$40好香的牛油味，加了一點鹽，沒有其他複雜的調味，反而顯得更香香煎鵝肝多士配紅酒汁 $138 / 2件外脆內軟脂香十足，配上紅酒汁開胃解膩蒜蓉燒蟶子皇$138/ 2隻十月份海鮮非常肥美，香口的蒜蓉加上爽甜蟶子，有金菇墊底，吸收蟶子的鮮甜味不消一會兒串燒登場鹽燒牛舌芯$48- 牛舌厚切，彈牙有口感，但又夠柔軟。燒雞腎$20- 爽口但不韌，沾一下泰式辣醬更添風味。燒泰國蘆筍$24- 食串燒多數都是肉類， 加點蔬菜中和一下燒菠蘿$20- 超甜的菠蘿，食完好想再encore燒豬頸肉$20- 與店家提供的泰式辣醬簡直是絕配，肉質爽口安格斯牛肋串$30- 呢個價錢食到安格斯牛肋其實非常抵食，重點是牛味重得來沒有筋也夠林燒白鱔$49- 皮燒得薄脆，但鱔肉不會乾，非常推介蒜蓉燒茄子$40非常惹味的菜式，原條茄子開半，加上大量蒜蓉，孜然及醬料燒至熟透軟身，同叉子一梳又一梳茄子放進口中，香氣四溢！留意返啤酒做緊買一送一，如果喜愛飲啤酒嘅人士飲啤酒最抵！ 另外讚一讚侍應快手有禮，非常勤力幫我們清理檯面。…Read More

金子半之助由最初落戶奧海城開始我們已經定期光顧，作為日本過江龍天婦羅專門店，金子半之助的水準開業以來一直能夠保持，亦是餐廳成功的原因。環境光猛整潔，平日下午六時未開始有晚飯的人龍，餐廳提供黑豆茶，有益又解膩。半之助沙律$48新鮮蔬菜配三隻天婦羅蝦及沙律醬餐廳貼心在落單時會問客人醬汁是否需要另上，考慮到不同客人的需要。沙律菜十分新鮮，爽口而且完全沒有苦味，配上天婦羅蝦，肉質爽口彈牙。值得一提的是，部份人以為天丼是那種脆口外皮，但其實傳統天丼的做法是把新鮮炸好的天婦羅撈起，然後把秘製醬汁淋上面，讓每一件天婦羅都沾有醬汁，所以傳統天丼並不是酥脆口感，此乃由江戶時代開始流傳至今的天丼做法。虎蝦壽司卷$108眼見其他檯有帶小朋友的食客都有點壽司卷，包含紫菜、青瓜絲，蘿蔔絲、天婦羅蝦，以三文魚子及蟹籽沙律醬作點綴，青瓜及蘿蔔爽口，配上虎蝦的彈牙，三文魚子的鹹香，口感清新美味。穴子$68上菜時有震撼到我，店員說穴子足足30cm長，有我的手臂般長！外脆內軟，穴子肉厚，有時候穴魚子最怕有骨，這裡的穴子完全不會覺得有細骨哽喉。豪華牡蠣迷你天丼配北海道產蕎麥麵（溫）$138主角從來都是天丼，三隻肥美蠔天婦羅，南瓜，豌豆，海苔，炸得剛剛好，灑上秘制醬油，配上熱辣辣珍珠米，粒粒分明，香氣四溢。溫蕎麥麵，店家會提供一盒配料讓你自行添加，有蔥、木魚絲、海苔、碎麵衣，麵質爽滑，湯底順喉，配溫泉蛋，視乎個人喜好拌勻於麵中或是分開吃，個人喜歡分開吃讓濃郁的蛋香圍繞在口腔內。埋單時間七時多，全場滿座，又飽又滿意的一餐。…Read More

星期日晚九點鐘餐廳冇人等緊，叫兩個donut等左好耐都冇再去問佢竟然漏單催完單之後仲要整錯味，我話唔要朱古力佢話已經整左喇喎 焗我要真係非常差而且唔覺得佢唔好意思…Read More

周末行完街想買的飯後甜品返屋企做宵夜，朗豪坊地庫一直都係甜品集中地，好多間我都幫襯過，呢間cocolo Tokyo Cake Factory 我未試過，應該開左冇幾耐，打着日本直送嘅旗號，就吸引咗我去試下餐廳主打青森直送嘅人手製蘋果批，另外仲有其他蛋糕任君選擇，唔想食甜食佢仲有一款比較特別嘅和風牛肉餡批，但今次我主要想試甜食為主，就冇買到呢一種鹹批。青森蘋果批$33 呢間嘅蘋果批比起其他過江龍店平少少，但都幾大個，喺餐廳買嘅時候都仲係暖暖地，返到屋企先食可以放入焗爐加熱會更好食，酥皮層層分明，蘋果集中在底部，雖然我擺咗幾個鐘頭後先食但係口感都仲保持到，青森蘋果有質素嘅保證，唔會死甜而帶有獨特既果香。三層抹茶蛋糕$25作為抹茶愛好者既我忍唔住都要叫一件抹茶蛋糕嚟試吓，沒有花巧既裝飾，賣點就係真材實料，蛋糕鬆軟濕潤，配上濃郁的抹茶忌廉，比例剛好唔太膩，配返杯綠茶同吃更好。其實餐廳都有堂食，現場食蘋果批味道應該更加好，價錢都算公道，應該會再光顧…Read More

係尖沙咀行左半日，又攰又口渴，想搵個地方飲杯野坐下抖下，係尖沙咀區其實不容易，好多時飲品店都是外帶，咁岩行過the one見到呢間茶墨有野飲有得坐，又不是太多人，就決定係到抖抖吧！店舖很開揚，坐位在扶手電梯旁，因為是平日加上樓層較高，仍可享受一絲絲寧靜！我們點了兩杯野飲加件蛋糕麻糬芝麻烏龍鮮奶茶(熱）$39本身想話水墨風打卡應該好靚，點知忘記左熱飲杯不是透明的，所以看不到黑白雲石紋，留意返碟子都是水墨風！平時食得多珍珠，今次是佩麻糬，同樣煙煙韌韌，飲落有點似芝麻糊，幾特別。焦糖芝士濃香鐵觀音茶$35焦糖芝士奶蓋帶點鹹味可中和本身奶蓋的膩感，芝士奶蓋濃稠度適中，至於鐵觀音茶也不錯，茶香在口腔四溢仍能繞樑一會。跟餐加配了 日向夏橙芝士蛋糕$28我幾喜歡佢酸酸地開胃既味道，唔會太膩，橙香幾清新，蛋糕鬆軟絕對不是隔夜貨，早知叫多一款其他口味！盛惠$102，都坐左好耐，抖完又可以繼續行街！…Read More

以前細個最中意食西式糖水，越多花款越中意，貪新鮮嘛！反而人大左開始慢慢識欣賞中式傳統糖水個種細膩與真材實料，特別現在做左準媽媽，更懂欣賞中式糖水的美味。是日行完旺角，雖然有疫情但仍人山人海，想找地方歇息再補充體力，誤打誤撞到了這間合桃緣。其實鋪頭應該未開始營業，因為只開了一邊的閘，但老闆娘示意我們可以入座。店家只賣中式糖水，沒有太多花樣，當中栗子糊較為特別，我與朋友分別點了栗子糊及核桃芝麻糊雙拼。核桃芝麻糊$33首先我十分欣賞它的溫度，非常夠熱！濃稠度剛剛好，因為其實太杰的話吃到一半已經涸喉，芝麻及核桃的香味也拿捏得不錯，一定不是用粉開的。栗子糊$35大力推介！可能因為本人十分喜歡食栗子，栗子糊內仲有粒粒栗子，有咬口亦沒有那麼單調，甜度適中，為是日推介！順帶一提，店鋪位置比較隱蔽，在登打士街賣槍/車模型的鋪頭旁，很容易走漏眼呢！…Read More

疫情既關係真是很久沒有外出用餐，近來疫情稍為放緩，便到附近開了不久的泰菜食晚餐！餐廳有分室外及室內，秋意正濃就算晚上坐室外也不會覺得熱，但愛拍食物照的我還是選擇室內吧店員都是泰國裔，但能說流利廣東話，食物價錢在奧海城之中不算貴。菠蘿海鮮炒飯$98真的是超澎湃的呢！薑黃炒飯內有肉鬆、腰果、臘肉、雜菜、青口、魷魚、蝦、蜆，以及食得出係鮮菠蘿粒！炒飯唔油膩，好足料，食到底仲可以刮到菠蘿肉出黎食，個菠蘿好甜好juicy 泰式明爐烏頭$148上碟時配上煮魚的湯一邊煮一邊加湯及泰式酸辣汁蘸魚之用，值得一提的是魚帶黃油，懂吃烏頭的朋友也知是肥美烏頭才會有黃油的！湯汁酸微微很開胃，魚肉連配菜同吃很滿足。最後以三色冰作結本來欲點芒果糯米飯，但真的太飽了！兩個人能試到的菜式較少，下回邀請朋友一齊來可以嘗試店家更多菜式！…Read More

原來諗住食越苑，點知摸門釘，見到附近又有間越南粉環境都企理所以就試下我覺得冷氣唔多夠，有少少熱，但室內光猛而家尚算整潔。餐廳標榜越南人主理，冇味精。我叫左 牛生肉湯河$50 同埋 鹹梅梳打$26食物味道ok, 湯都清甜，河粉夠滑，牛肉大概有五大塊，加上大量配菜增添風味，飲完湯都唔多覺口渴，應該冇味精鹹梅梳打走冰都夠凍，鹹鹹酸酸幾醒胃如果餐廳有套餐供應會更好，飲品單點其實有的貴不過最大問題係其中一個店員全程冇戴口罩處理食物，係肺炎疫情下覺得唔太衛生，希望店家可以改善下…Read More

早排社會氣氛欠佳，都一段時間沒有和老公拍拖、享受美食，趁着星期五晚上空閒，便決定來這可以享受維港醉人美景的餐廳享用晚餐，而這間來自西班牙的餐廳更獲得米芝蓮一星的美譽。餐廳空間感十足，不是那種安靜得連呼吸聲都聽到的餐廳，反而可以讓人邊用膳邊暢談，顧客可以選擇餐廳室外位置，更清楚飽覽維港的景色，但由於今晚有點凍，所以我們都是選擇坐在室內。餐牌有分Big plates or small plates,喜歡飲酒的朋友可以叫多幾碟small plates. 前菜：小蟶子伴西班牙香腸醋醬$188基本上這道菜是我全晚最喜愛的菜式，雖然說是小蟶子，但其實一點也不少，蟶子剛熟爽口不韌，仍食得出蟶子的鮮味，伴以牛油和黑醋煮成的醬汁，加上西班牙香腸的鹹香，味到得以提升。自家製麵包配牛骨髓$138我大概以前沒有吃過牛骨髓，覺得幾特別，又不是主要的成份應該都是脂肪吧！烤過之後味道更香濃，搽在自家制麵包上，我個人更欣賞他們的自家製麵包，外脆內軟，就算不搽牛油都已經滋味十足。大蜆及海膽西班牙圓米燉飯 $218最適合喜歡海鮮的人，首先海膽非常鮮甜！（比我上月在長崎吃到的海膽還要鮮甜呢）可惜忘了問侍應海膽的產地。燉飯中心留一點硬，是傳統的煮法，我不知道廚師有沒有另加海鮮湯到飯中煮，因為海水味是非常的濃，若不喜歡海鮮的人應該接受不了，但喜愛海鮮的人會覺得是鮮甜味。野鴿配時令蔬菜伴味噌西柚醬$268原本想試放養雞的但剛巧今天沒有供應，上菜是有點被鴿腳嚇一跳因為平日大概很少會見到原隻鴿腳上碟吧？鴿肉兩片起了骨，煎封技巧很好，肉汁得以保留，我猜應該有烤過所以外表很香口。可惜一隻鴿只能起兩片肉，可以多吃幾片就好了。整體來講服務都不錯，坐得舒適，如有特別慶祝來也不錯…Read More

今次黎開黃埔呢頭做野, 行過見到呢條街幾多野食, 其中一間串燒店唔太起眼, 但細細間, 有一股好香既食物味傳出, 就試下佢啦~佢門口個位置其實唔太顯眼架~ 小店經營阿~得20個位左右佢menu主要係串燒同埋米線,今次我主要食串燒~首先叫左個鵝肝多士! 佢個鵝肝燒到外脆內軟, 好香濃既味道阿! 而多士就係脆卜卜既, 一脆一軟感覺相當好!燒韭菜~佢燒得幾香,而且面頭加左辣粉。可惜本身韭菜比較老燒bb蘆筍。呢個蘆筍就唔太老, 燒到香香地, 唔錯燒羊架~佢面頭加左好多蒜泥同辣粉落去~ 可惜唔知點解碟野底下有D水, 令到個香脆感覺無左燒牛舌~呢個就出奇地好食wor~ 牛舌完全無渣、好嫩同軟,加埋檸檬落去就更加正~食左咁多野都係132蚊~ 勝在即叫即燒, 夠哂熱~ 小店經營, 值得支持阿!…Read More

中環lunch 搵食唔容易，但晚飯時間就靜好多，平日呢間炊豕店lunch大排長龍，晚餐就唔洗等位可以直入。 中環食飯一向偏貴，炊豕店算少有的又平又抵，從小店名字不難知道主打是同豬有關。話梅花雕豬手飯$52怕食唔晒我點了少飯，可減$1，豬手炆得q軟q軟的，完全唔韌，甜甜地有話梅鹹香，又有豐富膠質，食完個咀唇痴住左。另外加了$8 要蔥油，蔥油另上可以同友人share, 送飯一流。沖繩豬軟骨飯$57老公點的，用上沖繩豬軟骨，入口即化，食埋中間的軟骨都冇問題。椒鹽魷魚鬚$38炸魷魚鬚加上炸蒜，油了點但勝在夠脆，兩個人食都幾多，最後加支豆漿$10有興趣想試的朋友我會建議晚餐時間來，可以慢慢食唔洗同人逼…Read More

星期日下午係灣仔附近搵野食，由於條街好熱所以見呢間餐廳有位就衝入去。冷氣夠大，呢點抵讚，全店連收銀得一個店員，做到踢晒腳，唯有自己拎水杯自行斟水見佢推介自家製咖哩牛筋飯$88 便點了試試，點知就中伏我好中意食牛筋，牛腩就好怕韌，點知全碟一舊牛筋都冇，全部都係的又瘦勁柴皮既牛腩（其實柴到我都唔知係咪牛腩....) 咬唔開都係成舊吞好失望呀老公個個安格斯牛丼就幾好食既....另外抵讚嘅就係餐具同杯都好乾淨餐牌上的 牛筋飯英文譯作beef tendon, 點睇都唔應該變左牛腩飯 (通常叫beef brisket ），一舊牛筋都冇，咁樣算唔算違反商品說明條例呢？…Read More

本身諗住買喜茶，點知話要等一個鐘，梗係唔等啦，但又好口渴就搵下k11有咩飲品店鋪位置相對較隱蔽，人流都幾少，點左杯推介既 抹茶芝士丸丸$42基本上一兩分鐘已經整好，預設係半糖，味道不錯抹茶香濃，甜度剛好，有細細粒既mochi用飲管都吸到，再加上芝士奶蓋，味道香濃奶滑，其實拍得住喜茶既芝士，由於味道好rich所以唔算太解渴，如果店家有light d既茶飲配芝士就更好。整體幾有驚喜，重點係唔洗等，不過呢個位置人流較少，希望小店能做多的宣傳…Read More

之前已經來過這家餐廳吃晚飯，晚餐時段會有駐場歌手唱歌，氣氛良好， 而且食物質素不錯，所以今天午餐便和老公一起再來光顧。外面氣溫高達32度，陽光猛烈，幸好餐廳冷氣夠強，梳化亦坐得舒適，留意番午餐時段沒有駐場歌手唱歌哦！由於太肚餓，還是點些肉類會更飽肚先來餐湯-蕃茄薯仔湯飲得出是以新鮮薯仔及番茄打成的湯，而不是以味粉開出來的，薯仔味道濃郁，如熱一點更好加拿大保濕嫩豬鞍配 馬鈴薯泥 蘋果乾蔥甜辣醬$148個人其實挺欣賞餐廳的餐具及碟子，特別是這種雲石紋的！豬鞍煎得金黃，內裡果然不失濕潤有肉汁，略鹹一點但配上甜甜的蘋果醬卻又帶出另一層次，味道更豐富。薯蓉以煙肉調味，看著份量不大，但令我飽得幾乎完成不了！慢煮澳洲肉眼配 荷蘭汁 沙律及薯粒 $148留意番因為是慢煮的關係只能夠選七成熟或全熟。因為我也不知道什麼是荷蘭汁， 維基百科告訴我荷蘭汁是用牛油、雞蛋、檸檬汁煮成的，不知怎地我吃的時候竟然覺得有一種黑松露的味道！ 我的牛扒不會太熟，約完成熟，肉質軟稔。飲品我們點了Strawberry及blueberry milkshake. 雖然是特飲但不用加錢呢！酸酸甜甜的，應該也是用新鮮水果打成，大杯一點更好！然後我們加了$30是日甜品- 檸檬蛋白撻 及 焦糖朱古力蛋糕一個清新，一個香濃，不會過甜，軟硬度適中，配以消化餅及焦糖脆脆，很不錯的結尾。服務質素也不錯，侍應們都勤快有禮，也會頻頻為客人加水，而且坐得舒適，慢慢消磨一個下午也不錯👍🏻…Read More

旺角油麻地一帶多了很多新商廈，新的零售、食肆陸續開張，今次帶朋友試試這家新開的西餐，位置在彌敦道新建的商廈，一點也不難找。打開lift門已是餐廳內部，先被漂亮的聖誕樹懾著眼球，我們6:30到達，仍未有客人，餐廳環境較暗，以柔和淺木色作主色，樓底高和落地玻璃是餐廳優勢。餐牌多以西班牙菜為主，所以先點了西班牙海鮮湯$98海鮮湯有大蝦、蜆肉、青口等海鮮，最特別是加入了大量蒜片及鹹肉，鹹肉有點像中國的金華火腿，為湯添加了一份鹹香味。餐廳奉上了兩款麵包，均烘得外脆內軟，尤其芝麻包，香氣十足。水牛城雞翼$58最欣賞是單骨雞翼，讓客人們食得方便又有儀態！水牛城口味較甜，但不辣，外表仍香脆，一碟有十隻單骨，兩個人食都算幾多架！炭燒牛肩胛10oz $208個人喜歡牛肩胛牛味較濃，沒肉眼般肥膩，炭燒還加添一份風味，但壞處是有機會較韌及有筋。點了五成熟，切開都合格剛剛半熟！有點嚼勁但不屬於韌，炭燒風味十足，伴上烤蒜頭，蕃茄及秋葵，個人覺得如果伴菜多一點會更好。西班牙辣肉腸八爪魚意大利飯$148原來以為是烤八爪魚，原來更像八爪魚沙律，意大利飯保留傳統風味，中心點帶有一點硬，而不是煮到全透的港式風味，西班牙辣肉腸原來就是我一直說的「鬼佬金華火腿」，代替了煙肉。本來想試甜品，但太飽了要留待下次再試，個人覺得幾抵食，份量都幾大，而且沒有時間限制，同朋友傾偈食飯不錯的選擇。…Read More