Skyuen5011's Profile

話說有個半公務飯局要2130先開始搵場，自然搵酒吧閒日凌晨1點收，2330先last order，ok睇食評，竟然見到有自製魚湯，正去到仲有燒蠔，燒蟶子，汁煮蘿蔔油甘魚少見的洋蔥雞爽肉，啱口味刺身貨色中上，夠肥第一次去飲酒，飲到咁養生，大喜今晚胃舒服，頭不痛遺憾是公務就沒影食物可回頭啲食物及飲品每款都是幾十蚊，豐儉由人。ps, 職員話，佢哋冬天有日式邊爐，自稱有酒飲的火鍋店。幾萬元消費就可包場。well～你睇個裝修，明顯就係養生系酒吧，笑…Read More

所謂夜繽紛就是九點半都未到就要埋單，瘋狂執枱，抹枱，變相趕人走。8點幾先入座，又唔係一秒上齊餸，2個人4個菜，2杯嘢飲，成枱菜只食到一半時，成班員工為了早收工就來要人埋單，又嚟左執右執，又收碗又想收碟，搞到人無心機食，打包即走。想早收工，不如8點就唔畀入座，做少輪枱啦。食到火都嚟。…Read More

慧安園遺珠 位於擴展部份，有間夫妻檔，過去唔見有開，今日行過，聞到好香，首次幫襯。那裡就無咩環境裝潢，就普通幾個高櫈圍住廚房的位，但勝在可以跟老闆吹水，睇下佢點煮。點了嫩蛋蝦飯，即叫即炒，超滑無油，濃濃住家味。雖然用雪蝦但該是蝦餃級數，而且好大隻，還用了少少胡椒粉及海苔調一調，是令人有記憶點的丼飯。餐飲叫了普通檸茶，但見佢用大size靚檸檬，用料有誠意。重點是成個餐先52蚊，抵到爛。老闆還有自己製紅豆沙等甜品，可惜今日無賣，試了個桃膠，唔太甜潤喉。另喊了個日本芝士春卷就正常嘢，但若有去開涷肉店買嘢回家氣炸的人就可以不試。飯$52，芝士春卷$20，桃膠$18=$90至於店內的香味，懷疑是老闆煮黑醋豬時散發出來的，下次試下。平日開1200至1830，太晏去就白行一趟。…Read More

豪食隱藏菜單熟食中心通常食鑊氣平平地午市套餐三十多元都有交易但到晚上識食梗係食隱藏菜式朋友n世前帶我試過，念念不忘到昨日自己跟朋友來，為的就是豉椒炒蟶子大大條粗過手指公6隻炒上來，成碟蟶子麵咁配料足，又有鑊氣，屋企好難整到朋友則想食蟹訂了個薑葱炒蟹，一人一隻，上菜時，見到明明是花蟹，但好似肉蟹咁飽滿，啖啖肉呢家休漁期又不是入秋，有咁嘅質素，實在驚喜店家仲留了超巨型扇貝畀我們成隻手掌咁大，舊肉都闊過可樂樽加埋啲蒜泥粉絲，吸晒啲貝鮮味最初店家以為我們是3個人，留咗三隻，但見我2個人，就替我們退一隻，計少一隻錢頂，勁後悔，早知叫佢哋蒸埋食多半舊都好之後，就即場點多2樣叫了個炸墨魚餅咬開有一粒粒墨魚，食落好過癮另外點多個椒鹽九肚魚就正常大排檔味道珠肉在前就無特別2個人，食5道海鮮，加1枝汽水，及1枝啤酒埋單先每人325元，真是熟食中心先做到呢個價打個電話去，講底預算及想食咩，~咩即日靚海鮮又可以替你搵計埋呢份心思人工比揼幾舊水食冷盤自助餐開心疫情下到小店豪食先至痛快…Read More

自由行集中地找間平少少快手食個晚餐都不是那麼容易行遍整個商場都是台灣菜食碗麵划算點但整個晚餐套餐牌，麵餐要65元起跳，飲品還要另計感覺仍是貴把整間店餐牌看來看去嘩，忽然見到這個台灣面單點有菜有肉有蛋還有蘿蔔跟冬菇才45元，即刻來一客雖然材料簡單但菜好新鮮，有揀過菜肉用鹽水烚一下，沒雪味蘿蔔甜，冬菇彈麵都是彈牙感覺清新健康優質小館，性價比極高加15元，還來多杯布丁奶茶，爽今晚十分超值ps 值得一提，是店中男主管，有問必答，客氣細心唯一改善的，是店中大部分食品很早賣光，想另點外賣跟家人分享時傷腦筋…Read More

工作時 路過食個快飯見人少少 唔迫就試下茶仔一間本來無期望但揀麵餐見到湯底可選魚湯 或鯊魚骨雞湯 又好似有啲料到主打上海菜，北方雲吞 及水餃於是點了個豬扒韮菜餃上海麵一試 正喎個湯好鮮味 唔肥膩 食到尾畀我飲埋餃子 堅多菜 餡料綠油油 食到忘了影豬扒有調味 入味 大大塊厚切唔包嘢飲44元 價錢ok侍應nice 似住附近街坊婦女食客問路又詳細教我要食藥又畀暖水如果開喺屋企附近 一定成日幫襯…Read More

一家旅行 隨意入內想不到遇到一間隱世美食店點心店 人頭湧湧茶仔格局 地點非旅遊區 澳門人為主講美食極力推介 魚蓉魚餅唔講得小 兩面薄薄的脆漿 夾着薄而嫩滑的魚漿脆而不油 具魚香而不膩質感新鮮值得回頭其他點心皆精細不膩不妨一試服務就50 50 侍應有細心 亦有黑面神順氣 抑或 受氣就要看看你運氣了…Read More

一家口痕友2030過後，食個夜飯，飲夜茶皆因宵夜時間，經濟實惠，味道又穩定$10隻蒸鮑魚，陳皮味夠，若不是家母埋單，想獨食一打$10 燒乳鴿，皮脆，仲要有汁唔乾，正原本想叫58元4隻扇貝，但其他人話蒸咗鮑魚就唔叫扇貝，sad改叫 蠔煲，好入味，好似啫啫煲，啲蠔煮完都有5蚊錢咁大，大約幾十蚊，忘了幾錢月阿媽最鍾意個魚滑莧菜，當麵食其他仲有雞粥，牛柏頁，椒鹽蝦，沙薑雞腳叫到成枱都係，先幾400幾元，食到好爽，又唔肉痛至於服務呢～ 職員都是老人家，老過我阿爸手腳無後生咁快，有啲論盡就食風味，唔好咁高期望，但都會加水，換碟睇住樓面傳茶佢哋熟到爛，互相寸寸下，好似聽緊電台節目18樓c座咁，都幾搞笑0…Read More

上次見到壽司咁靚心思思再試過壽司依然好食今回點了極上壽司餐正 ！件件厚切壽司飯軟硬甜酸剛好熟蝦竟然是驚喜位好紮實新鮮另外再點了份炸物繼續乾柴該日後都不用點炸嘢今次最不同的是店員個個快手了可能今次1400後才入座有時間主動添茶 收碟 派甜點最厲害還是壽司師傅摩打手 還不停發號施令無廢話「唔該，拎得，第幾號枱」店員就自動拎盤在壽司枱的客就師傅自己遞不用煩店員同步跟埋貨量 壽司盤數量強勢…Read More

晚餐後見這間新裝修完口痕試下 叫了幾款煮花螺油甘魚及赤蝦壽司炸雞軟骨埋單101元 唔貴食物呢涷花螺幾好 只是略甜 及有少少沙有漬蘿蔔墊底壽司最好食 油甘魚厚切 12元件飯是我喜愛的醋度手握再實些更佳性價比好過元氣炸雞軟骨都正常 略乾 及緊緊熟整體ok 平民食堂138元壽司套餐 該最抵下次試…Read More

早陣子食銅鑼灣怡東板長壽司，總覺得飯變質了昨日再到銅鑼怡東分店，仍是一模樣壽司盛全部飯都死實死實，似將飯放在手中掐爛，再搓成球狀加上可能10pm入 order飯還有點乾好難吃，後來索性吃魚不吃飯同店都有大叔食客投訴飯有問題不過，壽司師傅就不同意待大叔走後，小聲補一句難吃便不要來唷其他趕收工的服務就不提了到今日，我到太古分店吃啊，都比想像中死實該是轉了材料或做法不過，沒銅鑼灣怡東那麼糟怡東的飯 真是好實好粘，再帶點乾如能改回最初的飯感就好了…Read More

跟朋友即興 happy Friday 6點book枱 間間爆 呢間有位仲可以食1930 限時120分鐘刺身+燒肉為主加埋18元任燒蠔 每人大約345 元係貴少少 但時間夾到就試下額外收費食材都多 青口 貴妃蚌 逐隻收錢 無試刺身唔錯 整體新鮮 特別推介 帶子刺身 有鮮味 其次 吞拿魚 甜蝦都是中上肉就牛舌幾好 其他就無特別 牛味不是濃 質地正常 一般反而雞腿肉不錯燒海鮮強烈推介虎蝦 正 肉質不錯又大隻花枝 魷魚質地中上 要自己調味清酒煮蜆 好味 清酒濃 放在錫紙兜等牠開口唯蜆有沙 要洗下其他海鮮就一般講到燒蠔加18元無所謂但隻隻抽獎咁 有些金屬味濃又刺口 有些質地怪 有些正常想不想抽獎呢 就自己諗反而炸蠔正常 想食蠔 不如叫炸的 不用加錢其他炸物正常無特別特別一提 食店用平板下單 所有嘢清楚快捷服務都好好 有招呼 有收碟 有計傾值得一讚整體來說 如果食黃金時間都是選擇特登去食就動力不大…Read More

這間新店中午1200開店1155見有十多個人等開檔，又排埋一份試下一個人被安排壽司吧前作為第一批客，就睇唔到隔離飯做參考草草叫了個lunch box一路等，見壽司師傅快速整了好多盤極上壽司件件好新鮮，發光咁，啲丼都好有心機但我睇完一集飲食節目，打埋機都未有得食於是睇下吧枱搞咩原來等廚房炸物去擺盤壽司師傅晨咁早整好壽司那部份，放在lunch box內曬太陽期間樓面又瘋狂搞錯其他客嘅單畀錯嘢食再狂改壽司order搞到師傅都燥底又成日唔拎走啲壽司師傅都無位上菜啲侍應行來行去好似好忙但又唔係落緊order或湊客只係唔知自己做咩一時又跌晒啲盤落地的確，啲侍應是發夢的問佢是否只有一款餐牌一個話係等多陣問另一個又拎到另一款餐牌出嚟上菜個餐盒ok嘅但我那盒有燒物，有炸物，有刺身剛才講到啲炸物十世都未炸好結果啲燒物都涷咗咁啲但如果熱應該好食嘅刺身厚切好食炸物是海鮮餅但食唔出有咩味就咁一舊炸粉嘅味其實lunchbox好豐富如果唔係出菜問題應該好好食的因為用料是好的性價比高埋單 叫咗十世催幾次終於有人嚟收錢91無加一畀張100元竟然等十世都無人找錢原來個收錢侍應，就咁放咗收錢簿在收銀機附近仲有啲侍應，走去抹盤要我轉晒身，望住佢哋先至去開個收銀機找返錢真係唔想畀貼士食物ok 但啲服務咁樣真係食EQ…Read More

今日十下十下，買了票才知自助午餐仍有半小時就完結但友人仍有排先到店員好好咁畀我拎定一大堆嘢食先又等埋我朋友到，安頓好，拎多2轉先收枱超好講返食物佢哋啲節瓜入味唔肥湯又清新印度嘢最好食綠咖哩及咖哩角一流好滿意…Read More

開咗好幾個月尋日lunch第一次試，好ok 點咗個海鮮湯伴飯，份量唔太多，但好足料包括一只近半隻掌心大的花甲，又另放了蜆，極鮮甜驚喜位仲有墨魚滑及年糕，每款一小小塊特別一提係2隻蝦身都剝了殼，好有誠意連同蕃茄等蔬菜，以及用肥肥米煮的白飯（仲有紫菜鋪面），周日lunch價先$55,仲無加一。不過，要嘢飲就要加$8，好彩有水提供。至於味道，可能佢地強調無落味精，唔似其他韓店咁惹味，清清地，但食到食材本身味道，home made feel, 加上咁細心處理食材，似女朋友煮飯，唔係識飛天，但好有心思咁下次想試芝士炸雞，今次一個人食唔晒，又要成舊水。…Read More