marylovepooh's Profile

睇到fb 有新綠茶甜品，外表好吸引，好大個綠茶波波，所以決定要一試。order 左要等20分鐘先有，有2杯仔紅豆醬，仲熱辣辣既，自己淋上個抹茶波子上面，就溶左表面果層抹茶朱古力，露出左裡面既綠茶雪糕，外熱內冷，個感覺好有趣，都值得一試。另外叫左檸香芝士餅，唔夠檸檬味，好一般，不試也吧。…Read More

約左朋友要傾旅行既行程，搵到依間cafe 係無限時間任坐，真係岩哂我地，我地1:20上到去結果到6:30先走，食左午餐同下午茶，傾左5個鐘，真係超誇張。講返野食，我地叫左2個午餐加1個小食。午餐既選擇唔多，主打係意粉。卡邦尼意粉芝士味濃， 口味會重小小。而煙三文魚意粉味道較清，口感比較滑。芝士薯條好多芝士係底，不過芝士味就唔係好濃。食完午餐之後，又繼續傾我地既行程，去到4點到，我地再order 左2個甜品，梳乎里有好多味道選擇，我地叫左玫瑰酒，酒味清淡，但比較甜。仲有我既至愛，綠茶心太軟，綠茶茶係夠濃，不過上碟已經漏緊比黎，所以做唔到心太軟既靚靚效果。so far 以每人100蚊，由午餐食到下午茶，又可以坐足5個鐘，而且飲品又夠大杯，hea 足全日，真係唔錯既地方。…Read More

突然間好想食莎樂美腸pizza, 就搵朋友去simplylife 食個brunch, 我地12點去到，已經排左2行隊，結果排左1個鐘。是日餐湯係磨菇湯，好濃郁，好強磨菇蓉，口感好豐富。今次仲試左個新野，個名大約係芝士奄列，不過好小許失望，冇想像中咁多芝士，好似一般旦奄列，不過旦都整得好滑。其實係為個pizza而黎既，不過今次個餅底整到好淋身，但芝士就好足料，之不過冇之前係銅鑼灣咁好食。…Read More

星期日同朋友去荃灣搵食，佢大力推介嘉樂既炸雲吞同阿華田奶昔，就向嘉樂進發。大約3點幾有10個人係門口排隊，排左30分鐘先入到去，叫左熱奶茶，阿華田奶昔，炸雲吞同小奄列。熱奶茶飲第一口茶味濃，但繼續飲落去就覺得奶味太重，不過都香滑既。阿華田奶昔好濃郁，見到檯檯都有叫。炸雲吞係即叫即炸，所以上檯仲係熱，炸到好脆，而且真係每粒都有蝦嫁。平平冇期既奄列，加上小許豉油，旦香味出哂黎，而且旦又夠滑，排隊都值得去食。…Read More

星期六放工，約左旅伴們傾行程，地點簡左牧羊，環境舒服，又可以邊食邊傾。叫左個午餐，三文魚粉意，真係有好多塊三文魚，而且熟既三文魚佢地極得唔會好腥，味道好夾。芝士薯條，我每次都一定會叫，又抵又好味，芝士又夠多，見到都開心。蜜蜂雞冀係單叫既，好脆好香口，不過就熱氣左小小。藍莓芝士旦糕，做到好鬆軟，唔會係好死實果種。…Read More

星期五約埋同事放工飲野，南華會近公司，而且本身又係會員，有得飲又有得食。6點3左右上去到，未有太多客人，所以我地唔使坐高檯，而且又有得坐可以隨地掉花生殼果邊。我地4個人叫左5樣野食，碟碟都好有分量，邊食邊傾都食左2個幾鐘。Round 1, Round 2就冇影啦。Pizza 好抵食，130蚊，好足料，而且餅底好脆，好快上。Ribs 既肉好嫩，好軟，不過就鹹左小小。BBQ Chicken 好鞋，唔係咁好食。pop corn shrimp 炸得好脆，又唔厚粉，happy hour之選。CheezyFries 厚薯條冇得輸，不過唔夠多芝士，食到落底冇哂芝士咪。下次happy hour 一定會再試下其他野食，burger, hot wing, crab cake, fish and chip.....…Read More

係樂富食早餐，朋友推介Alfafa。早餐種類多，環境舒適，有sofa位坐好正。我地2個人都係叫左早餐E, 因為咩都有，有牛角酥，煎旦，火腿扒，腸仔，煙肉。牛角酥夠鬆軟，牛油味重，所以較為油膩。煎太陽旦煎得有點老，冇左流心既效果。煙肉有煙燻既味道，唔錯。埋單50蚊一個人，講食物就一般啦，但環境就唔錯啦。…Read More

星期六放工，約左老公拍下拖，食個晏，行下街。2點鐘到左太古，都有人龍在排隊，等左30分鐘先有位入座，老公話好肚餓，所以2個人叫左3個brunch, Crazy。蘑菇湯好傑身，好多蘑菇粒粒，口感層次豐富。青瓜沙律好fresh, 加上醋好開胃。最先黎係英式早餐，滑旦炒得好滑，蘑菇，腸，同煙肉就比較油膩。車打芝士煙肉牛肉漢堡，係必點，因為抵食夾大件，牛肉好厚，真係啖啖肉，不過就欠缺肉汁，可能煎得太熟啦。忌廉蘑菇蜆肉扁意粉，忌廉太濃味，會有制既感覺，蜆肉都多既，而且蜆肉都有鮮味。…Read More

放題分2段時間，6-8:30及 8:45-11，好彩有預位，我地 5:45到，已經要係排隊等入去，超誇張，好多人排隊，而且佢個場都好大，職員分唔同區別去service 客人，所以分餐同收碟既速度都好快。因為忙住食野，只係影左刺身既相。三文魚全部都係腩位，但都唔係好肥美，不過件件都係厚切。帶子好大粒，好鮮甜。 天使蝦同甜蝦都好新鮮，唔會腥。因為當晚食左好多野，大致上都係好食既，不過有好幾種食物係重點推介，龍蝦湯-雖然味道都清淡，但有龍蝦鮮味，唔會只得味精既味道。天婦羅蝦-蝦肉彈牙，炸粉唔會好厚。燒菠蘿-真係件件都又甜又多汁。…Read More

星期六要去官塘買野，搵定個地方同朋友high tea, 而且又可以坐等耐傾下計，見佢既下午茶係由3點至5點半，時間岩哂我地。到左餐廳其實得幾檯客，所以分得好開坐，唔會好嘈，環境好靜，好舒服。講返野食，有好多沙律菜供應，而且又有唔同既醋同沙律醬，可以迎合唔同人既口味。而佢地有起碼8-10款熱盤既食物，包括紅酒牛尾，咖哩雞，紅燒豆腐，種類多元化。另外仲有壽司，甜品，生果，雪糕，貴精不貴多。星期六，日約埋三五知己邊食邊傾，係一個唔錯既地方。…Read More

1號係埋數日，假日都要返工，已經好辛苦，Lunch 實行食好d,獎勵下自己，去左希慎搵食，見到個menu 都幾岩食，3人簡定就入左餐廳。職員安排我地位sofa位，好舒服。3個人叫左3個mains, 2個甜品 shares 食。要加35蚊加餐先有湯同飲品，我地感覺唔抵，所以冇加餐。職員先上餐包，溫馨既係餐包係熱嫁，搽上牛油好快會容左落餐包，而且餐包唔會好似石頭咁硬。蟹肉大蝦意粉，味道鮮甜，意粉中真係有好多蟹肉絲，唔會好腥，大蝦好爽脆彈牙。有hard 既係隻碟都預熱左既，能保持意粉既溫度。芝士風乾火腿漢堡包配薯條，因為漢堡包都係 shares, 我切個包果時已經覺得好 juice,因為不斷流肉汁出黎，果然食落口真係好多肉汁，而且漢堡牛牛好厚，好足料。粗薯條好脆，就算我地擺耐左先食，依然係脆既。肉眼牛扒煎旦，我地叫5成熟，但出到黎好似7成熟，不過肉都係嫩口既。最精彩係上面兩隻煎旦，完全係流心旦，一野拍落口，滑到不得了。焦糖燉旦係跟餐加錢叫既，焦糖燒得好脆，有小小燶先夠香口，唔會好甜口感好滑，燉旦中有小許檸檬味，感覺較清新。桑子玫瑰雪糕配千層酥，一見到佢係粉紅色外型已經深深吸引住，非叫不可， 雪糕酸酸甜甜，千層酥鬆化，但單叫48蚊有點兒貴。…Read More

Lunch Time 行過，見到有 Buy 2 Get 1 Free Promotion, 就買左3件返公司請同事食下午茶。2點買到返公司，3點幾先開黎食，我就係食Raspberry Honey, 酸酸甜甜，有清淡既蜜糖香味，面頭有小許乾桑子粒粒，增加口感，而且味道清新。Milk Chocolate Hazelnut 同事話好重榛子，而且佢配上果條kinder 一齊食，好好味，雖然kinder 說疏左小小氣。佢既旦糕底好鬆軟，唔會太重牛油，感覺會較健康。…Read More

同事生日，同佢慶祝，所以搵間好食，環境又好的餐廳，因為之後曾經幫襯一次，感覺良好，所以今次就選定依間。午餐價錢合理，大約90至130左右，我地叫左一個豬扒，一個牛扒。分別係飲羅宋湯，同白湯，羅宋湯保持佢既水準，好料。而白湯就比較傑身，有菇菇及幾件雞肉，味道都唔錯。蘋果汁配豬扒，蘋果汁調得好香，唔會好甜，但豬扒有d過老。而同事叫既牛扒半成熟，果然肉質鮮嫩，仲係粉紅色既，不過唔記得相機先食。午餐定時轉新menu,唔會好厭，值得一讚。…Read More

睇openrice 同ig, 見到有新 pizza店，6點準時放工，去到唔使等位，我地2個人叫左一個pizza，一客薯條。黑松露炸薯條，一見到有就諗都唔使諗，就叫左佢，果然冇令我失望，薯條好脆，黑松露同車打芝士味都好濃，值得一試。另外，pizza 入口鬆脆，而且都好足料，不過就辣左小小，批面佈滿火箭菜，食落口冇咁油膩，感覺健康好多。…Read More

去megabox 睇戲，梗係要去食ikea 餐廳啦，咁抵食，2個人都唔理食唔食得哂，總之想食就叫，埋單都係150蚊，抵到爛呀。脆炸黃金雞中冀，炸到好香好脆，而且又唔會油立立，好乾身。瑞典肉丸係必食之選，其實只係抵食，味道就一般啦。燒特級西冷，已經係10成熟，好老好鞋，不過50幾蚊，仲想有咩要求。無骨豬手雖然係好肥，但好彈牙，又唔會好鹹，我覺得係唔錯既。炸薯條，鐘意佢係粗薯，過口引，正呀。…Read More