KK0212's Profile

本身諗住入去食個麵同小籠包，點知食左個蟹粉宴。個二人餐包好多野食，精裝五小碟包括蒜香四季豆、陳醋雲耳、水晶肉、青瓜海蜇頭和素鵝。四季豆蒜蓉的味道恰到好處。海蜇頭搭配青瓜，口感清新爽口。陳醋雲耳略帶辛辣，增添了風味，而水晶肉則不油膩。生煎蟹粉小籠包小籠包的皮薄而多汁，內裡充滿蟹粉的鮮味，特別之處在於它是用鐵板上的，口感獨特。哆唻咪這道鮮拆蟹粉河蝦仁用量十足，蟹粉的鮮香與蝦仁的鮮味相得益彰，無論搭配飯或麵都非常合適。單吃一匙也不會感到油膩，整體的蟹膏味道濃郁。蟹粉扒菜心菜心爽口無渣，每一條都黏滿了蟹粉，這道菜的蟹粉用量非常慷慨，讓每一口都充滿了蟹肉的鮮香。三蝦煨麵湯底清甜濃郁，內有蝦仁、蝦子和櫻花蝦仔，無論是單吃麵或是撈起來一同享用，都讓人感受到鮮味十足。瑤柱豆腐羹豆腐切得細小，配上蛋絲和瑤柱絲。瑤柱煙韌的質地與豆腐搭配得宜。開心果高力高力外皮熱辣脆口，餡料用開心果醬代替了傳統豆沙，濃郁的開心果味道讓人驚喜。口感類似流心的開心果巧克力，好食。套餐還包了兩杯飲品，可以選擇酸梅湯或豆漿，服務好。…Read More

雲海既lunch 一向多野食，晚市就試左佢個素食套餐，原來都幾豐富！ 這個套餐包含了沙律及枝豆、鐵板燒菜及芝士、豆腐煲、素壽司、素刺身和雪糕，每一道菜都展現了日本料理的精緻與用心。套餐的開端是清新的沙律，使用新鮮的時令蔬菜，搭配特製的醬汁，味道清爽不膩。枝豆新鮮。素刺身相當精緻，選用蒟蒻混合紫菜而成，配有檸檬。搭配特製的醬油及山葵，讓人感受到清新的口感。豆腐煲，質地滑嫩，與各種蔬菜一同煮，讓整道菜散發出濃郁的鮮香。湯底清淡卻不失風味，既能提升豆腐的口感，也讓人感受到食材的原汁原味。鐵板燒菜及芝士，包含了時令的新鮮蔬菜，如茄子、蓮藕和番薯。這些蔬菜經過適度的燒烤，保留了原有的鮮甜與脆口感。燒芝士，輕微的燒烤，外層微微焦脆，內裡則綿滑香濃。素壽司有牛蒡卷、紅蘿蔔及冬菇壽司，色彩繽紛。牛蒡卷爽口特別，每一口都帶來不同的層次感。服務好，環境合適傾計。…Read More

晚餐叫一個主食，就可以加$58做套餐，套餐包左野飲，小食同甜品，值得加做套餐！叫左個豬肋骨加個pizza! 加埋$58做套餐！千島香芒牛油果雞肉pizza-勁足料，熱辣辣，放喺枱面已經聞到好香， 薄餅皮厚薄適中，薄餅邊夠脆，牛油果新鮮，芒果同牛油果經過焗之後都仲係好有口感，牛油果好夾，勁多芝士，仲配有車厘茄同雞肉同洋蔥碎，芒果嘅果味中和咗平時食薄餅嘅油膩感。慢煮BBQ醬美國豬肋骨- 配有番薯條，普羅旺斯燉菜（有南瓜，翠玉瓜，茄子），燉菜夠淋，好夠味。番薯條唔油膩，夠脆，配埋檸檬蛋黃醬，整體好夾。主菜豬肋骨唔會靭，帶有少少黑椒味，bbq個醬唔會太濃，同埋都好多肉，骨嘅左右都脆口，但又唔燶。是拉差醬雞翼- 好大隻，炸粉同雞皮都唔厚，個皮好脆，好多肉，肉嫩多汁，好香牛油味，似越南雞翼嘅口感，配埋是拉差醬食又有另一番風味！ 黑森林蛋糕- 蛋糕夠鬆化，朱古力唔會太甜，每層都有啲朱古力醬，好好食。蘋果肉桂香檸冰茶 - 好重蘋果味，after taste就感受到肉桂味，有一條玉桂放喺面，唔算好甜，味道好特別，清新之餘有輕輕的甜味！ 唔會好多冰，但好夠凍！真冰茶！野食種類都多，同埋好食，最緊要坐得舒服，有氣氛得黎價錢大眾化。 …Read More

今次食第二次，叫左二人餐，有湯或沙律，一個小食，一個主食，2個塔可，一個甜品連兩杯飲品。佢個湯唔係紅湯或白湯，而係大蒜薯仔湯，小食揀咗咖喱炸雞軟骨，咖喱雞軟骨都係第一次試，主菜揀咗軟殼蟹意粉配蟹肉蕃茄忌廉汁，塔可揀左香蔥拖羅蓉同鰻魚玉子，甜品揀咗綠茶Tiramisu。薯仔湯- creamy ，有芝士同香草味，飲落好重薯仔蓉嘅味道。咖喱雞軟骨-粒粒都勁大粒，有咖哩味，用左咖喱粉，點埋個特製沙律醬，成個味好夾。軟殼蟹意粉- 隻軟殼蟹好多蟹膏，唔會炸到好油膩，佢個意粉軟硬適中，成個汁好creamy 好rich，好香蕃茄味同芝士味,啲汁配有碎蟹肉！鰻魚玉子壽司塔可-佢係用一個天婦羅嘅紫菜包住壽司飯，面配有3塊鰻魚，玉子同青瓜絲，食落口感特別，天婦羅紫菜唔油膩，鰻魚夠肥美同無骨，成個口感好清新，有個紙托墊住食，食落好有儀式感。香蔥拖羅蓉牛油果塔可- 勁多拖羅蓉，好新鮮，蔥味好出，主要食拖羅為主，塔可好特色。京都宇治抹茶Tiramisu - Tiramisu 入面配有糖漬紅豆，抹茶味唔算濃，有清酒可以唧入去Tiramisu食，唔濃酒味又出奇地夾。…Read More

我朋友鐘意食越南嘢，見到新開，即刻試下！餐廳乾淨光猛，坐得舒服。咁梗係要點佢既招牌生牛肉湯河同椰子咖啡！生牛肉湯河- 新鮮喺面前加湯入湯河，建議先飲湯，湯好鮮甜，佢嘅河粉係較粗身，好滑好薄，牛肉薄身唔會韌，食落新鮮，肥瘦適中，好夠牛味！配有紫蘇葉，襯出陣陣清香味道，配上青檸汁，加埋洋蔥一齊食，中和左牛肉嘅肉味！越式雞絲扎肉撈檬- 檬粉好幼，食落煙靭，份量夠多，雞肉夠新鮮，扎肉切絲都夠厚身，配菜有青瓜，紅蘿蔔絲同生菜同紫蘇葉，汁唔係一般嘅撈檬汁，係用咗魚露加左醋，但又唔會太酸。越南春卷-內有芋頭絲，木耳絲同豬肉紅蘿蔔絲，點特製魚露，捲埋生菜一齊食，中和油膩咁，超好食，外皮好脆，新鮮整起好好食香茅單骨雞翼- 同春卷一樣要趁熱食，佢個香茅味好突出，幾特別！好味得黎，單骨都多肉，唔油膩！除左香茅單骨雞翼，有個香茅辣椒油，好香，食落口感似xo醬，原來全部辣椒醬係自家製，所以食得出炒到香味既感覺。椰子咖啡- 面頭配有椰子蓉加入鮮奶打成既泡泡, 飲前要攪勻，飲落淡淡椰子香味之餘又好香咖啡味，望住佢個伴碟，更感受到椰香風情百子茶- 百香果配有檸檬加柚子同紅茶，感覺好清新，有百香果香，但又唔會好甜，再有啲檸檬味，好夾，紅茶味唔會太濃，完全唔係糖漿的人造口感，用料新鮮，擺盤好似cocktail 咁靚…Read More

新開商場有好多間餐廳，朋友介紹抵食之選，佢食過早餐話幾正，但就話午餐時候勁爆多人，所以我接佢放工時就喺呢度食晚飯。我地一人叫一個餐都食唔晒，啲野好大份抵食。叫左一個什扒鐵板配話梅柚子梳打，另一個叫左主打既晚餐set, 個set可選一小食同餸，仲有湯同燉蛋兼飲品，加左錢轉芝麻醬烏冬同加配粉紅西柚烏龍茶。什扒鐵板，扒面勁多新鮮蒜蓉，熱辣上碟，有雞扒，豬扒，司華力芝士腸，煙肉，夠多蔬菜，有粟米、蕃茄、紅蘿蔔、翠玉瓜同椰菜花，蔬菜夠熱，唔會太乾身，雞扒肉嫩多汁，新鮮蒜蓉好味，豬排半肥瘦，唔會太靭。跟餐既羅宋湯，夠杰身，足料。招牌晚餐set，擺碟好靚，好夠飽，仲有杯龍眼杞子蜜。入面既雪梨排骨湯，好足料，有好多粒排骨，夠甜，排骨夠腍，我食埋啲湯渣。 日式燉蛋，蛋味好濃，配有鳴門卷同冬菇及雞肉，有咬口。小食揀左蒜泥白肉，唔辣，夠多蒜蓉，肉唔會太肥，連青瓜一齊食都唔會有油膩感。改咗做胡麻醬烏冬，熱辣辣嘅麻醬烏冬！ 烏冬煙靭，唔會太腍，熱食胡麻烏冬都幾好味。主菜揀左西檸雞，檸檬味出眾，炸得好脆，雞肉嫩滑，配有杏仁片，酸酸地好開胃。整體超級大份，一般女生食唔晒。最緊環返去唔會勁口渴，唔係味精湯！ 話梅柚子梳打的口感特別，少少咸同柚子味可以咁夾！粉紅色嘅烏龍茶的茶味同西柚味均勻，少少甜又有啲果味，茶味唔會太濃！…Read More

呢度主打健康食品， 好欣賞佢每個食品都會列埋總卡路里，總脂肪等營養指引，啱晒要控制食量，食得健康嘅人士。一行二人點左兩個主食，兩杯飲品同一個甜品。紅菜頭水果茶- 賣相精緻，勁多生果，有士多啤梨，西瓜，紅菜頭，有青提子，有紅提子，提子係去埋核，全部切咗一粒粒喺茶入面，同平時飲開嘅水果茶好唔同，因為唔係得個甜字，仲飲到茶味同埋唔甜，感覺飲完都唔會肥，好light 好清新！ 同埋生果好有咬口！ 苦瓜青檸伯爵茶- 係夏天限定餐飲，冇諗過苦瓜同檸檬咁夾，杯茶一啲都唔苦，仲好fresh, 入面有粒粒苦瓜肉。香煎比目魚配檸檬牛油汁意粉- 好香蒜蓉味，檸檬牛油汁，酸酸地中和左牛油的油膩感，感覺好開胃，仲有黑椒調味，比目魚好滑，唔識食骨既人就要小心食，即叫即整，食得出用心製作，食晒成碟後都唔會滯，好好味！輕煎帶子黑松露菠菜牛肝菌意粉- 好香牛肝菌味，帶子煎到金黃色，係剛剛好熟，口感好好，意粉唔會太硬， 仲有好多菠菜，夠creamy，好好食。招牌藍莓乳酪雲石芝士餅- 用咗乳酪取代忌廉，健康之餘仲無咁heavy，好似布甸既口感，餅底夠實唔會散，中間有藍莓夾心，食晒成個都唔會滯。一坐低就會比杯花茶你飲，同埋怕你熱會比個座枱風扇你，睇得出店主好有heart , 好多客人佢都認得，與客人打成一片，係用心經營的小店。…Read More

朋友話lunch經過見到間餐廳好chill，想試下，陪佢試下順便傾下計，坐低發現都幾啱傾計。點左2杯野飲同埋2個小食同1個主食！啲飲品名，令我會好想試，叫左杯mocktail 名叫Happy 既野飲, 佢係有荔枝青瓜同西柚汁，飲落好清新，飲得出係鮮榨果汁嘅口感，唔係人造糖水，唔會得個甜字。另一杯cocktail 係How long will I love you- 比較重莓同酒味，唔會太甜，飲完之後，莓味仲喺個口，飲到底有啲菠蘿蓉，口感係smoothies。埃及風沙雞翼-佢係雞鎚啖啖肉，配有香荽醬汁，鍾意芫荽嘅，實會鍾意個醬，佢俾咗個碟我哋裝骨，好細心，雞肉外脆內滑，雞皮炸到幾香口，熱辣辣好味道。墨西哥蟹肉薄餅-餅底好薄好脆，面頭勁多蟹肉，有鮮味，配好薄嘅芝士碎，有少少辣味，配有牛油果醬，食落唔會好Heavy，感覺好light，好鐘意呢個，雖然貌似平平無奇，但其實好好味，幾特別！照燒比目魚柳-用沙律襯底碎嘅蘋果粒配上乾提子同合桃，淨係食個沙律都好好味，都多沙律醬，比目魚煎到香口金黃色，魚皮好脆身肉質好滑，夠大份。…Read More

成日經過見好多人排隊，忍唔住要試一試！原來真係好好食。點左佢個招牌烤魚，佢每款烤魚都有3款魚既種類可選擇，揀左最平嗰個魚。鮮青椒爽麻味烤魚，揀左淩波魚，上菜嘅時候熱騰騰，好香麻椒味，揀咗中麻中辣，好大份，夠麻味，魚好滑，無咩細骨，啖啖肉，椒味濃，豆腐係軟綿綿嘅口感，中麻中辣都幾辣，不過如果怕辣嘅朋友都可以揀蒜香味烤魚。 加咗寬粉，寬粉煙煙韌韌好好味，一般寬粉厚身，但口感極好，連埋魚湯更好食。叫咗一把滿足魷魚鬚，細細條，好香口，好香芝麻同香茅味，有孜然粉，鬚尾脆脆地！建議要嗌飲力無限好飲天團，勁大桶，幾個人都夠飲，一啖烤魚一啖勁冰嘅柑桔茶，一個字「爽」…Read More

上餐廳前既樓梯都有日本居酒屋風格，上到去坐，啲位都闊落，坐得舒服。揀左啲特色野食。火龍果佛手柑熊茶，藍蝶花佛手柑熊茶都好大杯，有隻熊仔做裝飾，仲有幾多朵玫瑰花，建議飲咗第一二啖先好用飲管，如果唔係會滿晒出嚟， 配有檸檬，檸茶中帶點火龍果/蝶豆花嘅味道。三味鐵板A5和牛鵝肝，石板上菜，一到枱就聞到陣陣香味，熱辣辣超新鮮，配有明太子香蔥豉油，佢連幾塊麵包用嚟配鵝肝食，鵝肝好腍，無腥味，入口即溶，仲配有洋蔥，連卜卜脆嘅麵包，成個口感好好。大蔥蒜蓉和牛，配明太子香蔥豉油，豉油入邊有帶點酸味，剛好中和返和牛嘅油。厚切A5和牛，做到半生熟，外熟內生，好Juicy口感好好，夠腍冇筋。黑糖啤酒拉麵2.0 ，以啤酒杯上，杯面係奶蓋，底下係冷面，味道似係烏龍茶奶蓋拉麵，味道出奇地夾，配埋芥辣香蔥同紫菜，好有新鮮感嘅冷麵，食落唔會甜，味道啱啱好！手羽雞翼塔， 有8件雞，皮脆肉嫩，係炸雞翼，配有酸忌廉醬，食嘅時候建議將塔上的雞翼掹咗落嚟先再食，炸粉唔厚，配酒一流。…Read More

經過見到新開的chill coffee shop, 佢啲咖啡好特別咁，仲要有set! 叫左黯然銷魂菠蘿叉燒三文治同蔥油雞三文治，飲品叫左lemon tea 同grapefruit black tea tonic。黯然銷魂菠蘿叉燒三文治係以菠蘿包夾住叉燒，青瓜同蛋口感創新，菠蘿包皮脆，叉燒夠瘦，又唔會靭，香口，蛋配有香蔥松露嘅味道，加上一片酸瓜中和左叉燒嘅油膩感，食落大滿足！ 配喺旁邊嘅沙律揀咗咖啡油醋汁，同沙律好配合，同埋出邊比較少呢個醋，建議揀呢一個醬汁配沙律！蔥油雞三文治，都係配有菠蘿包皮連乾蔥同生菜，中間個醬好有蔥味，雞肉夠juicy 唔乾，好好味！ 配喺旁邊嘅沙律揀咗柚子檸檬汁，柚子味比檸檬味重，好開胃，較日式風味。grapefruit black tea tonic 的茶底濃，有淡淡西柚味，唔會太甜，清新得黎又有濃濃茶味！ 即使檸檬茶都係黑茶底，茶味較濃！ 西式的檸檬茶！ 整體三文治都幾大份，味道好，飲品都係以茶底或咖啡為主！ …Read More

之前朋友食過話尖沙咀嗰間幾好食，今日行開銅鑼灣就試吓，佢有好多套餐揀，我哋揀咗姚姚雞泡魚套餐，有酸菜魚同雞煲，仲有小食同飲品都係$398。有酸菜魚點可以無寬粉，所以加左$38寬粉，仲加左萵筍。小食酸辣土豆絲，係涼菜，好爽脆，切絲夠幼，加上辣油，辣味比酸味多少少，酸酸辣辣好開胃。酸菜魚兩人份，魚片夠大塊，份量大，係超多魚片，配有香蔥香蒜，乾辣椒等啊，但要加寬粉，佢同個酸菜湯好夾，魚片好滑，無骨同鬆化，酸味濃，叫中辣就啱啱好，寬粉厚身有咬口，煙煙韌韌，配埋酸菜魚湯係超好食！萵筍夠爽口，酸菜配埋魚片少少辣好惹味。雞鍋配料好多，有洋蔥冬菇竹筍同少少辣椒香蔥，仲有木耳，啲配菜好入味，雞件好香口，因為佢有爆香炸左先炒，惹味得黎唔太鹹，味道係好既，啱鐘意吮骨之人。值得一讚嘅係佢有用火暖住啲酸菜魚同雞煲，keep住個溫度，所以可以慢慢食慢慢傾計！…Read More

官塘高質素日本野，點左焰燒三文魚帶子丼同埋滑蛋鰻魚丼定食，仲有唐揚章魚小食！升級做套餐配左藍莓梳打同甜品！推介必食刺身丼飯，三文魚聞落都淡淡炭燒味，三文魚同帶子配有黑胡椒， 即使有胡椒都食得出有鮮味，而燒到恰到好處半生熟嘅效果，魚子脹卜卜，咬落爆汁，新鮮！最正嘅係可以有三個食法，可就咁食個飯連刺身試吓個鮮味，又或者配有醋啫喱，用嚟撈飯，自製壽司飯咁，可以酸到任你調教，當食剩三份一之後可以加入茶同埋小碟三味就可以變埋茶漬飯，一個價錢三個食法，佢個茶其實係柚子魚湯，用魚頭煲嘅魚湯，就咁飲都好好飲，有魚嘅鮮味，再配上柚子嘅味道，用足料嘅魚湯撈飯！ 滑蛋鰻魚飯，出邊比較少有，原鍋上熱辣辣，蛋有香蔥，蛋既熟度恰到好處，鰻魚冇乜骨，無腥味，口感新鮮好食，成個定食仲配有麵豉湯同前菜，份量夠又好食！唐楊章魚，食落好新鮮，又咬口，唔會太靭，愈食愈好食，好彈牙。甜品，洋甘香橙芝士蛋糕，士多啤梨芝士蛋糕，香橙蛋糕好fresh，佢係用啫喱包住芝士蛋糕再有香橙嘅橙皮，口感比較特別，有餅底。士多啤梨芝士蛋糕偏硬身，包住嘅外層有啲似羊羹嘅口感。飲品係有藍莓渣，所以唔係就咁糖水，有誠意！…Read More

成日聽人講日月堂台灣菜，今日終於黎左試， 上到去見到咁多人，都知係好食又抵食！叫左主食，小食同飲品，每人都係$130左右，仲要係好夠飽！嘢飲嘢食全部都係新鮮送上，熱飲係熱辣辣！份量大，好夠食，麵同埋小食都好有份量。紅燒半筋半牛肉麵，麵質夠滑而麵條闊度適中易入口 ，又有嚼頭。嘅闊度適中好煙靭，湯有牛肉鮮味偏甜有掛汁 ，牛肉半肥瘦適中，而且夠冧入口，怕吃肥肉的都好啱食。麻辣雲吞撈麵，麵底煙靭有干蒜同埋櫻花蝦，入口香口但略為較辣，如果唔能夠食辣嘅人可以建議小辣，配有滷蛋同埋五粒雲吞菜肉雲吞，用料足，餡多汁！ 酥炸花枝丸，個炸皮同一般不同！ 唔會好油膩同厚！ 鹽酥雞香口，炸粉唔重唔厚，食多兩舊都唔覺得Heavy！同埋好香口，有椒鹽味！鳳梨綠茶走冰勁大杯，鳳梨味重唔算太甜，同綠茶好夾好好飲，加左珍珠，煙靭有咬口。值得一讚menu內，除了有紅茶綠茶等一般台式飲品選擇，還有一款係鮮奶加上黑糖珍珠供選擇，好適合怕飲完茶睡不著的人，算是很貼心的服務。…Read More

西餐成日食，今日朋友揀左巴西菜食，仲可以慢慢食，慢慢傾，完全唔會比人趕！食足3個鐘，可以慢慢食慢慢傾！ 每次會送一兩份餐點，等你食晒之後先會再上另外嘅食物！ 叫左個weekend brunch, 有5個小食，2個main, 再有甜品。蟹柳蛋黃醬牛油果卷- 口感幾特別，外邊嘅飯薄薄地，入邊配有牛油果同青瓜另外有啲沙律蟹柳有啲蔥，入口溶化，又少少辣，好惹味，辣味好特別，有七味粉同辣嘅沙律醬配呢個飯卷好夾好有新鮮感！池魚唐辛子墨西哥辣椒汁- 鮮魚片，無腥味，食落新鮮幾清新，肉質肥瘦均勻。伴底的汁好似青咖喱的味道，配上鮮魚片，蟹籽同香葉，魚生配青咖喱都係第一次！木薯芝士粒- 食落有淡淡的芝士味，木薯煙煙韌韌外表炸嘅粒粒炸到脆卜卜，食緊一個外脆內軟嘅糯米糍咁，配上甜辣醬就有另一番風味。燒椰菜花配香草沙律醬- 香口嘅西蘭花，外邊燒到金黃色，入邊都腍，唔會好似平時嗰啲外熟內生，好好食。微辛甜酸炸雞- 炸雞後配有酸甜醬有芝麻同香蔥，口感似韓式炸雞嘅味道，但個醬汁比較辣，但雞肉好鮮嫩。主菜點左烤魚配木薯沙律同豬肋排。烤魚啲肉好嫩好滑，個木薯沙律好有sour cream 的味道，配合起個魚係好夾，好好食！ 豬肋排食得出食誠意之作，好好食，煮得好腍，好入味，配有脆脆蒜蓉粒，唔使點燒烤醬都好夠味，仲有少少菠蘿做伴菜，菠蘿配豬仔骨，感覺好開胃！甜品拼盤- 熱帶甜品拼盤，有唔同嘅鮮果，熱情果panna cotta ，朱古力雪糕，芒果雪葩，藍莓cheese cake，賣相靚之餘仲好好食。cheese cake 餅底好鬆脆，芝士蛋糕嘅內餡唔會太硬，芒果雪葩好fresh好新鮮好有果味，好有自家製嘅感覺，朱古力雪糕感覺好似石板街，panna cotta上面嘅熱情果醬，配有餅碎，口感突出，布甸好滑好好食。…Read More