為食小琳's Profile

實不相門我因為睇咗YouTuber嘅介紹而嚟試。果個超大 Monster burger 令人嘆為觀止。話說我係晏晝4:30去到，基本上都係得好少人，但係侍應都唔多殷勤，叫幾次先影，或者好耐先至過嚟。算啦，衰嘢唔講多，佢哋個龍蝦包好多龍蝦肉有驚喜，Buffalo wings都好食。反而另外叫咗個bacon burger 一般般，marshmallow chocolate milkshake 都係平平。如果去開尖沙咀想食少少野都推介去食個龍蝦包。…Read More

今日第一次試, 因為睇到OPENRICE食評好唔錯, 就同朋友黎食,  我叫左肉醬意粉, 十分差.. 長通粉好夠熱, 但係下面全部都係水.... 唔知咩事..   肉醬係冇味道.. 係咪忘記加調味?   長通粉亦冇味道既.... 怪...      以為自己有問題, 但聽到隔離張台個女仔都係講一樣既野, 就知道唔係我有問題..      我相信男仔會鐘意哩度, 因為真係好大碟, 朋友叫左吉列豬排蛋包飯, 我估果度有成MUD米, 堅大碟.. 可惜朋友話吉列豬好硬, 唔好味。.最後到甜品出場,  好在....  蛋糕真係好軟好鬆, 好味~ …Read More

放工出黎搵食, 就試下哩間係openrice 都算有人氣既 cafe 啦尖沙咀厚福街, 地點冇得輸啦, 就腳又方便。網上睇到既食物, 吸引到我既都係輕食為主, 所以我都照樣叫哂果D.  因為BOOK左位所以唔洗等炸薯條, dip truffle 醬 哩個combination 係我既至愛呀! 雖然好多地方都食到...哈哈...單骨焦糖雞亦, 焦糖太太太多...偏甜, 食到好痴牙.... 男性友人表示不喜歡Waffle 好趣, 中間仲好似有麻薯咁Q彈, 好食~  上面隻熊仔餅都好好食~炸蠔, 都幾好食 水果茶好香好好味又唔太甜 芝麻吞拿魚小食, with wasabi sauce, 麻麻地.... 係個醬OK 所以要點好多好多先好食....…Read More

Hightea 有靚境, 靚場, 靚CAKE, 更係一絕, 對不對~Angelina 出名飲好香濃既朱古力, 今日終於試到, 朋友仔叫熱, 咁我就叫凍啦,  可以互相試試麻~   熱朱古力, 份量一D都唔小, 佢將朱古力放係另一個器皿入面, 自己倒入柸中, 倒多倒小由你自己決定, very good.  飲一啖 "正"  好杰身,好香濃, 果然冇失望呀!  好好味呀~  $88凍朱古力, 都好味, 但比起熱既就當堂失色左喇.  但都好好味好濃~$88Chocolate Tart 好好味, 餅底又趣..總之就正~~~  朱古力狂迷一定要試~  $90   (90蚊一件既蛋糕真係算我大鄉里, 真心覺得有點兒overpriced... 雖然好味.)…Read More

朋友食完話一試難忘既'明太子'餐廳.    今日放工飛住咁去試下, 朋友推介左明太子烏冬同埋茶漬飯,  我當然兩樣都叫左黎試啦.  再加左個SALAD.明太子牛油果吞拿魚沙律, 好味~~  有小小辣好野味.明太子撈烏冬, 哩個都幾辣下, 已經叫左佢小辣但係可能聽唔到...  明太子三文魚茶漬飯, 一黎到當然要試下唔加茶既味道先啦, 但係麻麻地.... 飯有小小熱, 味道都唔係想像中咁.   之後加入佢地比既湯茶, 咁樣即時好味左好多~~   都唔失望 但係最最最好味既係明太子蛋捲, 真係好正呀!!要再黎。果晚我6:30去到餐廳冇咩人客, 但侍應們聚哂門口位吹水, 其實感覺麻麻, 到我點菜時一名比較年輕既侍應黎幫我落單, 態度OK 但係好似有小小未訓醒咁, 個人推算出個烏冬冇小辣既原因都係因為咁.  …Read More

又係LUNCH TIME 又係搵食時間, 上openrice 搵到間新既甜品舖又要飛過黎試下先啦~~~本身都好想食Red velvet果個因為紅色好sharp 好吸引, 不過最後都敵不過朱古力既威力, 所以簡左藍色既MOON , 因為佢有朱古力爆炸糖, 同朱古力醬on top~ 間舖入面有2個姐姐, 好NICE, 都同我吹左幾句, 佢話星期六, 日就比較多人, 8-9PM都已經會賣哂關門.  (想試既朋友仔要注意)原價$45既MOON, 原來如果你要加埋D 食得既玩味卡通紙就要加多$5,  咁我專成黎得,當然唔爭在比多5蚊要個Full version 啦係咪~~主角黎到喇, 藍色雪糕老實講, 我食唔出係咩味, 係甜甜地有小小似棉花糖味, 幾好食架~   個柸我覺得似牛油曲奇味 (店長姐姐話係有果味, 但我食唔出).  到外面張紙都係冇味既, 硬硬地, 我斯開佢放埋份雪糕到食, 幾得意.  總括我會比80分, 樣靚又有創意我鍾意…Read More

香格里拉酒店一向都係我心目中數一數二好既酒店,  今日忽然唸起我成日都好想去Island Gourmet 飲茶, 冇錯我唔係high tea 而係去飲中茶。Lunch time 時段Island Gourmet 係可以叫 夏宮果邊既點心去食既,  最正既地方係飲完中茶, 仲可以叫柸咖啡同蛋糕做甜品麻, 真係一次就滿足哂3個願望呀! 今日我地3個人所以都叫多左小小野, 又飯又點心, 最好食係脆腸粉, 真係好正, 沙律明蝦角都好好食. 個燒賣即時就普通哂~ 食完更係食埋件CAKE先圓滿啦~~ YUMMY…Read More

有位好朋友真係好鍾意食burger, 可能佢都係半個鬼仔啦，次次佢一知道有新burger 試，　就會叫埋我去食。　今次我地專誠黎到ＩＦＣ食佢所謂＂聽講好正既ＢＵＲＧＥＲ＂！黎到餐廳所有waiter/ waitress都係年青既外國人，　感覺上好西化，好有活力，　order食物係自助形式既，　自己排隊買，之後waiter / waitress　會送上我地個位。　一場黎到更係要試最出名既　Le Bartholomé　啦，叫要叫combo試埋薯條啦，　係指定動作！位位$175一Ｄ都唔平架。試試薯條先，　林既。。。點解呀？unbelievable 個樣明明好似已經番炸過好金黃，我真係好失望。唯一好既係佢每張台上都有一支ketchup，　如果要Mayonnaise 可以問店員要幾包。再試試個burger, 嘩。。。好多香草味呀，成個醬汁都好重香草味，仲要係印度菜果種好濃烈既味. 我個人唔係太喜歡。　所以唔會再黎…Read More

Lunch time 又係我出動試新餐廳既時間, little vegas 其實都已經開左一段時間, 但係就一直抽唔到時間出黎試, 今日好即興咁就彈左上黎食LUNCH. 12:30前到都幾乎未有食客, 但坐多陣大約1:00 就已經FULL HOUSE, 建議預約會好D. 我地兩個人叫左2個餐, 一個Truffle mushroom pizza, 同 burger set.  Burger 好正, 有驚喜! 落ORDER時姐姐都問左我地係咪SHARE, 如果係就唔幫我地做太陽蛋,會叫廚師幫我地分開埋先上碟, 佢咁問到我地就決定,我地就決定要試原裝板既 太陽蛋Burger 啦!!好味喎, LIKE! 另外個PIZZA 就差D喇, 個底好厚, 友人話覺得D MUSHROON 淡而無味..食左一塊就停手, 我覺得mushroon淡都仲可以接受, 因為佢有加到 truffle 醬, 咁都吊起到個味, 但個批底實在太厚... 真係食唔到咁多.    兩柸飲味都OK 環境特別, 有花心思去裝飾過, 每張餐桌都有糖仔, 應該係比客人任食既。唔錯, LUNCH 可以再黎。…Read More

weekend 更係出黎搵野食既時間啦, 出到尖沙咀想食韓國野, 行到喜來希肉下面見到大排長龍, 因為太肚餓喇, 所以再向前行, 睇下有咩好食啦。   經過梨泰園我醒起,佢地有醬蟹架~   去完韓國後都一直念念不忘, 咁就同HONEY 去試下啦。 $350 兩隻醬蟹係佢地既standard.  味道都可以, 比韓國食既這裡有小小腥啦, 但可以接受, 下次想再食醬蟹都可以黎止下咳先~ 另外我地仲叫左人蔘雞湯同炆牛肋骨, 兩樣都OK。   總括係可以再黎既~…Read More

老實講, 我係為左條粟米而黎既.  係openrice睇過其他人既相, 見到環境好似唔錯, 可以同朋友食個casual meal, 所以就簡左佢。   上到黎先發覺原來佢同applegreen 應該係同一個group 架!  粟米好食, 好得意, 留意到幾乎每張台都有人叫. Mushroom cheese burger - 好味, cheese 同 mushroom 不嬲都夾架啦~ 個牛肉法包就差D喇... 乾左D  不得不提個千層芝士薯仔好好味, 掛住食唔記得影相…Read More

最近係FB 見到好多朋友仔都話有間CAFE 好好坐, 野食野飲又特別, 所以我專成過黎試下既, 因為已經食飽飯所以就黎食甜品啦.玫瑰龍捲風 - $78相信作為一名潮人, 當然要去潮聖叫全店最出名果樣野啦.  咁當個棉花糖由廚房拎出黎既時候確實係好驚喜既, 因為真係好大個, 大過個頭既份量, 但係佢最差既地方係, 佢既糖不停咁溶解整到成張台都係。  棉花糖就係棉花糖味, 一向食得甜既我都盡力去食哂佢.   食完大大既棉花糖後, 你就會見到blueberry 奶凍, 上面仲有D好似消化餅既碎碎, 味道都OK既, 但絕對唔係咩大師級出品既味道。  總括黎講, 係好得意, 女仔會鍾意, 拍拖黎玩下影下相唔錯.   但食一次就夠喇~~…Read More

已經係第3次黎食 Oddies 既甜品架喇.  由Night wolf , 之後有個有支針筒果個, 到今次"9AM" 佢都冇令我失望過!今次食既係有BACON 脆片 on top , 上面仲有一隻豬型既多士. 好盞鬼, 我最欣賞佢地既朱古力gelato, 好rich!  下面仲有焦糖味既冰冰.  真係一次過滿足哂3個願望呀!   一定會再黎第4次~…Read More

Lunch Time 最鍾意同同事們周圍試新野. 知道金朝陽中心二期開左好多間餐廳, 我地打算全部都要試!  第一間係OPENRICE見到最吸引既就係PENTHOUSE by harlan.  就試佢啦.我地叫左starter & dessert 任食, main course自選, 大概每人$250.   Starter 同 dessert都算多款式, 甜品全部都係細細件/柸, 咁就唔會浪費啦, 而且樣樣都唔錯,  係有誠意既食物! 當日我叫左Burger做main, 上下層既包都有用牛油煎過, 所以好香口, 中間既漢堡都係合格既, 我個人覺得可以一試!    Dessert: 我覺得Tiramisu 係最好食. 一定要試!!    好味, 會再去!…Read More

同事話有間新地方食Crêpe , 當然要去試一試, 好好彩12:20去到唔洗排隊既情況下仲有2張枱.   入到去都幾焗可能人多而且地方細。 其實環境算唔錯係一D 外國FEEL既CAFE咁, 有D 外國既畫。 入返正題先, LUNCH佢有SET 亦可以單叫, lunch set 有 1) 熱湯 or 凍湯 (今日南瓜熱湯同蕃茄雜菜凍湯)  2) MAIN (鹹Crêpe  - cheese , mushroom, egg,  有pasta 仲有一款唔記得左係tuna 咩)  3) COFFEE/TEA ,  +$20 可以加一個甜Crêpe 不過只有醬, 如果你想加雪糕要再另外比多$15。 其實所有野我都覺得ok, reasonable。  收錢果位我相信係老闆外籍人士黎, 咁我出去落完order後,睇到佢入既野係正確既但黎既所有食物都係錯既...   首先我要凍檸茶, 朋友要熱檸水, 佢比左2柸凍檸茶我地, 都算數,  之後到湯, 明明我地一人叫左一款, 佢又拎左兩碗熱湯黎, 咁當然叫佢換啦.  到main 我地叫左2份鹹Crêpe終於係黎o岩左,  不過crepe 唔脆佢比上面既菜同cheese整到成塊crepe"林"哂, 其實味道好一般, 冇驚喜....      食完之後當然係等食我最愛既甜品啦.  但係...  當我地話上得既時候 waitress 係完全唔知我叫左 dessert, 問返我係叫咩, 咁我地都仍然好有禮貌咁講叫左 caramel crepe 加左個 hazelnut ice-cream,  相隔幾分鐘 caramel crepe 到左, 不過我球雪糕呢?   比左$15架!!   因為係另一位服務員佢再問我,,叫左咩味... 我地再講,  好快甜品再次送上.  其實係好味既, 今次個CREPE有小小脆, 味道OK!  ((((((不過只係短短半小時既食飯時間, 叫左兩份SET LUNCH, 黎既野錯左3次,  其實真係唔OK....    而且係咪真係要好食到回頭, 唔係.. 所以.. 我相信我唔會再去. 其實仲有好多細位都已經冇講,,,好似柸凍檸茶其實係半熱狀態, D 冰係已經溶哂入去, 仲有佢放係每枱上面既餐具籃入面成日都唔夠數, 我坐低時入面只有一把刀.... 食完MAIN後又要再問佢拎多轉餐具食甜品, 我覺得好多野都有待改善))))  完...…Read More