irenewoy's Profile

外賣一杯Ice mocha , 竟然沒有飲管跟上，問店員取飲管，她說要$1。我問她咖啡怎樣攪拌，佢竟然叫我搖下個杯。最後還發現原來住客有85折的優惠，可惜付款前無留意，而店員也沒有提醒。我再問她頭先沒有留意，還有沒有優惠嗎？她說下次🥲🥲…Read More

見新開，食評又好似好多好評，就試下！點知超伏，而家懷疑之前食評係打手。一去到，職員帶我哋去咗一間鐵板燒房，一張枱六個人，佢安排我哋坐側邊，我哋要求坐中間對住師傅煮嘢食，點知職員話唔可以，話先嚟係要由側邊坐起。我未試過遇到服務係咁差！之後師傅嚟到，全程師傅都無乜笑容，執野開雪櫃又大力，感覺唔願做！ 食物無特別好味，不過唔值咁嘅價錢。人手又唔夠，食完嘅碗碟好耐先有人收拾！最後埋單，我兩個人叫咗兩個$380 set , 照計加埋一都係$836，點知佢拎張單嚟係$16xx😡😡佢計咗兩個$5xx set 加一個$380 set , 總共3個set 。我問佢點解會係呢個數，佢仲好意思答我，你食咗呢啲野嘛！ 呢間野真係由頭到尾都冇樣得。真係叫佢做啲收檔。…Read More

三個人叫了個爆膏蟹粥底火鍋，鮮牛肉丸、五寶丸、美國牛肉、半隻雞、雜菜籃。蟹好新鮮，牛肉丸和五寶丸都是手打的，好好味。開頭感覺粥底比較淡，但後來加埋隻雞落去，最後令個粥唔同晒，我吔食完一碗又添一碗，好味😋😋用粥底烚菜初時覺得有點奇怪，但原來都有驚喜，是好味的。整體來說都唔錯，因為食材好新鮮！👍👍老闆又好好人，地方又乾淨，真係值得推介！如果唔喜歡粥底，都有好多唔同嘅鍋底選擇。下次會再來試下唔同嘅鍋底！…Read More

之前都食過隱泉，真係幾好味，環境好有日本feel 。 不過尋晚食食下，無啦啦有隻小強走咗去我朋有個身到，我朋友嚇得大叫起來，但小強走得好快，到最後捉唔到佢亦影唔到相。跟住店員話完全睇唔到隻小強，叫我吔唔好嚇親其他人！ 好彩後面有枱好心哥哥話佢都見到小強，有冇攪錯，我唔係介意有小強，只係覺得店員嘅態度好有問題，唔好意思都無句，仲叫我吔唔好嚇親其他人。幾好食都好，態度唔好！唔會再去。…Read More