jennnnii's Profile

成日經過呢度，見到好多人係度飲酒，以為呢個地段價錢一定好貴，點知入到黎發現一個餐都係100以內有找，叫左一個餐加一個薯條兩杯酒可以慢慢坐好耐，加埋呢個無敵海景性價比真係超級高。叫左一個炸雞配墨魚飯，炸雞炸得幾酥脆，炸粉亦都唔係太厚，幾好食。炒飯啲飯粒好粒粒分明，好有口感，比起中式炒飯就唔係好惹味，都算好食。推薦呢度既薯條，炸得好好食，外脆內軟，有薯仔既香味，而且全部都無炸過龍既地方。唯一美中不足既地方就可能係室外有啲熱，無乜風，但係係可以接受到既。…Read More

cls隘左個鹽雞白湯，結果啲湯底係餿嘅………………但係我又懷疑係咪個湯特別啲，就好委婉咁問個店員啲湯係咪suppose酸酸地，之後個廚房就即時整左第二碗湯嚟，新個湯就正常好多，但係新一碗麵都係無比😓食翻浸曬餿湯嘅麵😓唔係講笑，食完真係少肚痛。而且啲麵嘅分量好少……我唔係咩大食人，正常分量，但係珍真心吃唔飽，吃完要再吃下甜品先填到肚。湯底又餿麵又少，元朗嚟講呢個價真係好唔抵。。😓評論係咪全部打手😓😓😓😓…Read More

呢間餐廳係區內都開左幾耐，但係服務態度真係越黎越差，唔知係因為換左經理定點。叫左兩碗糖水，個侍應直接assume左我地係叫起，無問過，到最後食完都無人黎問係咪上甜品，最後埋單嗰陣要扣翻筆錢，仲比個收銀串：「咁你地無叫起啊嘛！」咁其實叫起呢件事我地無提到咁都自認理虧，但係後黎我地又加左碗白飯，到最後埋單先發現個白飯無比到我地，白飯仲要叫起咩？自己都係餐廳做過，基本對客人既禮儀同落單呢啲公司都有訓練過，但係呢間餐廳由開業到依家感覺到係越做越差，有幾位做得耐既姐姐都係咁好態度，新人就真係要多提點下。至於食物，不過不失，但係叫獅子頭上到黎係散既，希望可以改善翻。…Read More

係長沙兩日staycation，附近唔係特別多餐廳，呢間係海邊又幾有feel。長沙呢個地方唔係特別出名，平日無乜友人，無booking都可以直接walk in坐海邊位。先講環境，衛生唔錯，無明顯既污糟地方，可以面向大海，下晝仲會有牛群經過，好適合chill一chill。再講食物，同朋友夾埋叫左一個前菜，一個主菜，再加兩杯cocktail，合共500幾蚊，抵唔抵就見仁見智。食物同飲品賣相都唔錯，非常啱打卡。再講味道，蒜頭蝦蒜味夠濃，香口，蝦就應該唔係新鮮海蝦，蝦肉都算彈牙，但係蝦線無整乾淨，個人就有少少介意，整體味道都唔錯。巴東牛肉份量比想像中多，個餅好好食，但係淨係得一塊。牛肉燉得入味，唔係好老，無食過正宗巴東牛肉係點樣，所以不多作評價。兩杯cocktail唔記得左個名，味道都幾特別，唔難飲，個人唔係好鍾意飲酒，但係都接受到。整體黎講食物賣相9分，味道7.5分，份量比較少，但係勝在環境。 …Read More

行街經過K11，見到對面有間印度菜就想試下，餐廳出面有招牌所以都唔難搵。叫左兩個餸一個餅一個甜品，埋單354蚊，都算划算。咖哩羊肉煲唔算辣，羊肉無騒味，燉到幾軟下容易入口。一個廚師推薦入面既雞，分量略微顯少，味道超正，比起一般咖哩要creamy啲，配搭翻個燒餅真係完美，就係每樣食物既分量略嫌少，整體上味道同環境可以比8／10，餐廳裝修好有印度feel座位都闊落，個印度叔叔都好nice！絕對有8.5／10。…Read More