Sadcho's Profile

唔明點解張單雞乸咁大隻字寫住走花生但仍然都係落花生仲要我兩樣嘢都寫咗走花生然後兩樣嘢都落晒花生我唔係花生敏感我只係唔鍾意食花生冇問題嘅，我自己逐粒逐粒咁挑返出嚟但我想問，如果係花生敏感嘅咁點算？知唔知花生敏感真係會死人…Read More

應該係新餐廳，所以冇任何食評，同埋見某外賣平台而家做緊免運費，就諗住試吓啦肥牛正常，麻辣大腸有啲韌，同埋完全唔麻辣，米線正常，有啲酸菜芽菜但最重要係個湯底出晒事，已經叫大辣，備註埋特大辣，但水了了到不得了只有顏色沒有味道叫得麻辣湯底就係想食辣嘢，我而家好似飲緊清水咁如果大辣都只係咁樣，小辣嘅味道簡直無法想像另外個外賣盒漏咗啲湯出嚟，全個盒同埋副餐具都係油同埋兩餸米線，要65，其實都頗為昂貴絕對不會再encore了清水？ …Read More

食物已經係大多唔好食，價錢仲要唔係平，成4百幾蚊一個頭，唔明白一間新開張的舖頭，應該係要留客，應該係要改善，點解個server既態度仲可以咁差，係真係好似好唔願做咁我自己都係做侍應做左好多年，都明白到有時啲客好難服侍，但我地已經唔多要求，仲要唔係無理要求亦態度好好，想要多個sauce，個湯暖既想叮返熱少少，食完魚加蝦加蟹成碟都係骨同殼想換碟，唔算好過分掛，點解佢啲嘴臉可以咁難看，究竟知唔知道自己係做緊服務性行業。唯一可取之處係唔收corkage但唔會再幫襯，亦不會推介…Read More

記得上次去一入門口，已經係極差態度呼喝"無位呀"今日一入門有張4位吉枱，個侍應問我地幾位，我話兩位，講左句"坐嗰度"，要我地同人搭枱就行開左，算，照坐。坐低左後無任何招呼，等左成分鐘終於肯行過黎，以下係我地既對話侍應:要咩呀我:有無餐牌呀侍應:我地得串燒，無其他野食嫁，飲啲咩呀，有啤酒，sake我:我知，但有無餐牌呀侍應:牆上面有啲中文既，你睇下睇唔睇到啦，飲咩呀，啤酒，sake我二話不說即刻起身走。不知所謂到不得了，態度極差仲要凶神惡煞，好似殺左佢全家咁！永不錄用。…Read More

杯cocktail等左15分鐘都未上，上食物既時間更是耐得誇張同行友人3個飲sparkling water，2個人飲still water 但係佢地無問過就亂斟，個lamp rack煎到燶得滯食落口係苦既，個sea bass 係鞋口，你點可以想像到個魚肉係乾到一絲絲咁剝甩既狀態。咁既質素收咁既價錢，而且無服務可言，賣單個陣連多謝都無句以後唔會再幫襯！I really regret to visit this restaurant and if they don't take guests common seriously and make changes regarding services and food fieldsI would difinately not recommend this shit restaurant…Read More

見佢有位，同門口個餐牌都幾吸引咁，比佢呃左入黎。叫左三文魚腩壽師，煙鴨胸壽師，焗蠔，龍蝦湯大蝦烏冬，海鮮鍋配牛肉飯，芒果沙冰，熱清酒叫左三樣野係賣晒既，象拔蚌壽師，赤貝壽師，鹽燒三文魚餃食物我唔會逐樣評論，因為基本上所以食物一樣，好難食現在係評論佢上食物既次序首先第一樣黎竟然係烏冬第二樣係壽師第三樣焗蠔第四樣係沙冰喺我食完哂頭三樣食物張枱都比佢清晒，正當我忍唔住想取消個熱清酒既時候，支野終於黎。最後個鍋配飯都上埋。埋單3百幾蚊講完，唔會再幫襯…Read More

第一次黎食，因為朋友介紹所以黎試食一入門口感覺都幾好，環境同情調都好好坐低後睇完menu，就落order叫左一支德國既pieroth wine價值$238食物方面，見到啲蠔都幾抵原本想叫fine de claire但個waitress話得番2隻所以叫左半打irish rock價值$230及半打coffin bay價值$150之後叫左個set dinner，包括黑松露菌忌簾湯x2不知名沙律大盤8選2選擇了黑松露菌蟹肉意大利飯及鮮蝦磨茹墨魚麵點解唔點steak或者lamb嗰啲因為以我既經驗，呢一啲既野食實在係太危險，如果唔係啲高級啲既餐廳就唔好叫依啲野食，因為會隨時出事之後加$98有個頭盤升級優惠分別係有生蠔x2，帶子x2，牡丹蝦x2加多$68有一個side dish既升級優惠6選2，選擇了田螺薯蓉及鵝肝多士到起餐時起左6隻coffin bay先我要攤晒6隻生蠔等埋另外6隻irish rock黎Common sense係咪應該食左海水味無咁重既蠔先呢？！但係最大既問題就係佢起完12隻蠔之後先至起支酒比我，如果一間正常西餐廳既做法係咪應該起左飲品先，然後先至會起野食呢？！試都無機會試直接倒兩杯就走左人好，食野，食完嗰12隻蠔之後之後覺得都OK，所以encore多6隻coffin bay之後食物基本上都無咩特別了但係加左$68嗰兩個side dish漏左單無黎到有個citi bank discount，埋單1100總括就係，如果你求平靚正你會滿意，食物大致上都叫好食食左打半蠔，一個set，一支酒，1100抵到爛但係service完全係零我成支酒全部都係自己湛，佢除左一開始湛左兩杯之後，就係我自己serve自己但我個朋友就話，呢度係旺角呀，你想有咩service呀。咁我都明白既，$1100食左咁多野求食物質素定求服務，各有所需啦…Read More

兩個人，叫左個酸辣米線，咖喱雞米線，兩個小食。除左一個小食炸蠔，因為係炸，香口易入口接受到，但並不是好食外，其他野都難食到爆！仲要埋單先知要收茶錢，又有加一，請問憑咩呀！一定唔會再黎。…Read More