Daniel Chuang's Profile

好耐無過紅磡站, 所以今晚就同個frd行過去睇下依家紅磡站變成點, 夜晚順便係果邊食埋, 工作壓力大, 好想食串燒! 紅磡勁多串燒, 我地無特別去揾, 見到邊間有位就入去。我地經過呢間 “德利美食” , 坐既位算係露天, 我好鍾意咁樣, 因為有啲似去左大排檔, 好relaxed, 講返食物:# 燒茄子 # ***** *** 8/10都幾juicy, 有淡淡既孜然味, 唔係好濃果一隻, 個老闆仲提我地個皮唔好食埋佢, 好細心# 燒虎蝦 # ***** ***** 9.5/10好鮮甜! 本身唔係太鍾意食串燒既蝦, 因為好多時啲人都燒都燶晒乾晒, 但係呢度燒得好好, 入面係彈牙, 有juicy, 唔乾, 加埋啲調味, 好正! 食埋啲蝦膏…. 今晚最令人回味係呢隻蝦!# 燒雞扒 # ***** ** 7/10燒雞扒, 唔算大塊, 可能之前響第二度食過超大塊, 誤以為週圍既燒雞扒都係咁大塊 hahaha# 燒雞翼 # ***** ** 7/10啲邊燒到有少少脆, 但如果有蜜糖味, 啲調味再重手啲, 會更加好!# 燒韮菜 # ***** *** 8/10串燒必點之一, 啲韮菜好幼嫩, 調味唔會太濃, 不過就算再濃啲都可以, 同埋份量可以多少少# 燒台灣腸 # ***** ** 7/10係正宗台灣腸, 所以都知係咩味道啦, 叫燒台灣腸一定無錯, 不過唔夠熱# 燒雞皮 # ***** **** 8.5/10第一次食燒雞皮, 好正, 好脆, 每一塊都好脆, 我地2個都好鍾意!# 燒魷魚鬚 # **** ** 7.5/10一串有幾條細細條, 如果好似旺角街邊啲鐵板炒魷魚鬚咁大條, 會過癮!# 燒羊肉串 # ***** *** 8/10好有肉羊味, 我自己就好鍾意, 我frd可能唔太食羊, 佢覺得一般般, 我覺得最重要係食落你會知道係咩肉, 加上適量既調味同埋燒得啱啱好, 推介!呢度我推介既野食包括:燒虎蝦、燒羊肉串、燒雞皮今晚食呢個串燒, 好解壓, 好味, 好止到想食串燒既癮!…Read More

搭地鐵返屋企前又忍唔住要食返個西樹泡芺，香脆既泡芺外殼包住一層濃厚而冰凍既忌廉，入口即溶，就好似食菠蘿油果種罪惡感與莫名奇妙既幸福感雙輝映。忌廉下面係一層牛奶布甸，入口順滑香甜，食完一個，我同我frd都忍唔住買多左個黎食。食完2個，我地都不約而同要買多幾個同屋企人分享，如果買4個佢地有個盒裝住，唔怕啲泡芺既醬會整污糟或者整碎左啲泡芺，拎返屋企分享都好方便。個泡芺原來係咁脆，同平時其他地方食冧滋滋果種texture好唔同。好滿足啊! 店員態度超好，加分! 唔洗排隊，唔洗迫，加分! …Read More

放工黎飲野同同frd吹水，原來呢度係直播Bxg Bxg Chanxel 既地方，live band係度唱歌，唱得好好聽，今晚有Sunset or Rise同RT，佢地都唱得好好聽! 即刻follow埋佢地IG。不過呢度啲價錢都真係唔平，但就都好好味。# 威靈頓美國特級牛柳 # ***** *** 8/10出面個酥皮香脆得黎入面係有啲mushroom醬，所以好香，而且入面係濕濕地，感覺無咁熱氣。入面既牛扒有少少似慢煮果種鬆化既感覺，唔係超tender而係鬆化，而且超鮮甜! # 黃金龍蝦意大利飯 # ***** ***** 10/10無得彈。啲飯有咬口但係已經係全熟，而且超吸汁，好鮮甜! 龍蝦我地以為係用芝士焗，但原來係蛋黃，所以都好香，好惹味，但重點係好少食到焗既龍蝦可以焗得咁滑而夠熟，好難得! # Cocktail - Marry Me # ***** ** 7.5/10唔開心一定要飲返杯! 有一陣花香味，飲落好舒服，最緊要係唔太甜!# Cocktail - Fall in Love # ***** ** 7.5/10好多cream，我frd一黎就筆走啲cream，下面既rock (ice cubes)都有酒味，就算融左都唔會溝淡左杯酒。飲到差唔到9點先走，聽日又要返工啦! 揾日再黎飲野吹水。…Read More

一星期黎食左兩次呀我，同frd食左一次之後忍唔住要同另一個frd黎再食多次，今次叫左個 鹽燒魚 同埋 豬手飯。先講個環境，呢度係好有好大張皮sofa，坐得好舒服，好闊落，而而位與位之間都有足夠空間，夠晒私隱。服務方面，所有侍應都超級有禮貌，有啲仲好似識泰文，可能係泰國華僑或者泰國人，超級nice。鹽燒魚 ***** *** 8/10個鹽燒魚超滑，而且個魚明顯係勁新鮮，因為好甜，燒到剛剛好熟，魚肉超滑，揾返泰國燒魚既感覺。唯一不足係佢地既辣汁唔係青色果隻。豬手飯 ***** **** 9/10勁勁勁好食，豬手好有膠質，軟熟得黎有彈性，啲飯粒粒分明，係靚米，個汁甜度剛剛好，無野好彈，好味過響泰國食過任何一個豬手飯。好快又會再返黎食架啦!…Read More

一向都覺得翠華lunch set大份又好味，今次覺得細份左，可能係因為點左薯菜既關係。# 香草雞扒set lunch #今次叫左個香草雞扒set lunch，有紅湯/白湯，個紅湯都ok，正常羅宋湯既味，唔會太辣或者太酸甜，亦唔會太油，恰到好處。肉既份量亦唔會太多或者太少，啲肉夠軟熟。香草雞扒既香草味唔算好濃，唔係好出，但勝在個雞扒煎得夠脆皮，而且肉質好嫩滑，都算煎得ok，而且醃得夠入味，而雞扒內裡都夠熟。跟餐薯菜只有小薯3粒，少左啲啲。不過翠華始終不失為價錢ok既set lunch之選。…Read More

其實想返黎食清真惠記好耐，不過天氣太熱就令我遲遲無過黎食，今日下晝肚餓就約朋友過黎醫肚，佢清真惠記既咖喱燒鴨飯真係無得輸。清真惠記位於鵝頸橋街市熟食中心入面，所以當然會迫啲，但係我地係下午茶時間黎，無乜人，坐得舒服好多。食佢地既燒鴨飯一定要記住加咖哩汁，好正架。我叫左燒鴨肶飯，啲肉會多啲，而且又滑啲，貴幾蚊係值得架。個咖喱汁超香濃，唔辣，係香，甘香，用黎送飯，或者點個燒鴨肶，都係無得彈。呢度下午好早收工，要食就要趁早呀!…Read More

大熱天時食個下午茶梗係要揾間坐得舒服既，我係米線控，同埋又唔想食得太heavy，就選擇左食翠華既魚腐米線。其實我唔係話超鍾意食魚腐架平時，但係翠華既魚腐就真係做得幾出色，剛剛上枱既魚腐係粒粒大過乒乓波，漲卜卜，好搞笑，而咬落係相當有咬口，最好味既精髓再於魚腐充滿住陳皮既香味，好清新，中和左魚腐炸過既油膩感覺，超好既配搭。我次次食佢地個魚腐米線都會飲晒個湯，不過今次有少少咸，無飲晒，係魚湯黎，應該都幾健康。…Read More

飲過好多間既珍珠奶茶，覺得質數都幾參差，覺得始終要飲一啲大牌子大路野會好啲，今次跟朋友推介試左KOI，果然無令我失望。榛果奶茶好香既榛香味，同奶茶味好夾 ，呢杯野茶味都好清香，無被榛果香味蓋過，唔會太甜。不過講到最正既，梗係要加珍珠啦，同埋加珍珠都係加2蚊咋，好多珍珠，好有咬口，不過如果啲珍珠煮得再煙un啲就真係仲正啲啦!呢間分店都幾多人，所以人多既時候真係要預起碼等十幾二十分鐘先至到你呀，不過好味既野係值得等下既。…Read More

今日難得day off，同呀爸過黎銅鑼灣買野。買咩? 嘛就係黎緊母親節既野囉! 中午就響附近食，想食日本野，黎左呢間叫勝手既餐廳，都幾有feel，有啲西餐廳bar枱feel，但更加係好日系風格，唔算好大間，但絕對係好靚好有情調。佢地 set lunch都幾多選擇，我地揀左個 安格斯牛扒照燒定食 同埋 銀鱈魚西京燒定食。跟餐有面豉湯、沙律、甜品等，好似都幾抵。首先黎既沙律，好清新，有生菜、蕃茄、仲有橙，好開胃，左上去既汁紅紅地，甜甜酸酸，啱晒今日咁熱既天氣食。一齊上枱既仲有一細碗漬茄子粒，好好食! 加左啲芝麻，好香好惹味。細細粒既茄子做前菜，我唔捨得一口氣食晒佢，留左啲黎送飯。面豉湯入面有豆腐、少少蕃茄同埋金菇，好少飲面豉湯會有咁多湯料，加左蕃茄又清新左，成碗湯好香甜，好鍾意，唔太咸。食完個沙律好快個飯同主菜都上埋，嘩，百幾蚊一塊安格斯牛扒咁大塊?! 嚇左一嚇，份量好大! 牛扒一睇就知燒得好好，好靚，外層微微焦香，入面係勁juicy勁tender! 而個汁做到夠薄身，唔會好似平時見到啲照燒汁咁濃咁杰咁甜，啱啱好夠味! 一啖牛肉一啖飯，超正。個牛扒係啖啖香甜既牛肉味，配個飯食係一流。個銀鱈魚西京燒，係我嗌架，但係我爸係咁食我碟銀鱈魚，佢話好好味! 我都覺。魚肉極嫩滑，唔講以為係蒸架添! 不過出面係燒到好香，我最喜歡個魚皮，好大塊，微脆，所以成個combination 係魚皮脆，魚肉嫩。執邊既mayonnaise 唔會好甜，而因為當中既油份配埋個魚係更加嫩滑，魚肉本身係勁鮮甜!個飯唔記得講，係加左飯素架! 雖然飯素唔多但咁先唔會搶左主角牛扒同西京燒既風頭吖嘛! 好有誠意。之後仲有甜品，係黑糖黃豆粉蕨餅，好香黑糖味，面頭係烤焗黃豆整既黃豆粉，有陣陣既焦香黃豆味，而黃豆粉又中和左蕨餅既甜味! 用呢個蕨餅做呢餐既總結，正。下次黎銅鑼灣，要試埋佢地既晚餐先!…Read More

今晚過黎美孚揾friend, 佢話佢樓下間牛肉涮涮鍋ok, 咁就試下啦, 6:50pm黎到, 等到差唔多7:25pm先有位, 超多人, 鋪面經理忙到不得了, 見到啲員工忙個不停.... 我地試既係 <<晚市90分鐘日式火鍋放題>>, 無加任食刺身/燒物, 因為怕食唔到咁多野... 我地都鍾意食瘦的既牛肉, 所以選擇左 <<美國頂級牛小排>> (每位$238).   # 湯底 - 骨膠原雞湯 # *******  7/10個雞湯底唔錯, 我friend話飲得出無落味精, 因為食完個邊爐唔會口渴, 個湯底幾清甜, 個名唔係 "人蔘雞湯", 但唔知點解我總係飲到啲人蔘味.# 小魚蕃茄湯 # **** 4/10通常打邊爐, 除左日式甜鼓油係必嗌, 就係蕃茄湯, 實無死. 點知今次嗌錯左, 唔知個湯既 "小魚" 係銀魚乾, 所以個湯底有少少銀魚乾既鯹味, 我地都唔太喜歡, 而且蕃茄味唔夠, 我地唯有拎啲新鮮蕃茄慢慢煲做湯底.# 主角 - 美國頂級牛小排 # ********  8/10牛小排好滑, 烚10秒左右, 好嫩滑, 脂肪唔多, 幾好, 不過係牛味唔夠濃.# 飲品 # ********* 9/10我地都好喜歡呢度既野飲, 好多韓式野飲, 有檸檬sparkling water, 同埋我地加錢飲 Hoegaarden, 啲飲品種類多, 夠冰凍, 抵讚!一啲我地覺得好味既食物highlight:# 雞肉 # ********* 9/10好鮮甜, 好嫩滑, 唔肥#蔬菜 # ******** 8/10新鮮, 最喜歡既有金菇, 茶樹菇, 既蟲草花, 蕃茄, 西洋菜, 芥蘭仔, 娃娃菜# 雪糕 # ********* 10/10呢10分, 係比每人一盒既Movenpick! Maple Walnut味無得輸, 我地仲拎左盒雀巢芒果味雪糕...... 食完個Movenpick你會後悔食其他平啲既牌子.......# 冰鮮 / 丸類 # ******** 8/10重點推介:  麻吉燒!!!!!!!!! 好好味!!!!  熊貓魚蛋, 係得意既, 味道無乜特別, 無乜味.... 爆濃海芋球勁推介, 入面係滿滿甜芋頭蓉.... 仲有牛栢葉, 水魷魚都係打邊爐必備! 魚皮夠脆, 必食! 韓國公仔面, 唔少得!# 服務 # ****** 6.5/10其實我地本身仲想試埋佢啲海鮮, 見到執邊枱食緊既海鮮有 帆立貝, 龍蝦, 蟹, 幾吸引, 但餐廳好似人手好不足, 問左好耐係咪可以加海鮮, 到有人答到我地既時候已經話賣晒......   啲野食refill得有啲慢.... 7:30pm 出到去食物枱, 好多都比人擺晒... 牛都黎得有啲慢# 座位空間 # ****** 6/10我地坐既位......比較迫, 好彩問左侍應拎多張櫈擺我地既袋....…Read More

性價比不高, 味道一般朋友喜歡呢一間一人一鍋, 佢食過幾次, 今次佢帶埋我黎食, 一行入店內, 一陣麻辣香味撲鼻而來, 好令人期待! # 巴蜀烤魚鍋 # ******* 6/10 ($112)烤魚選用左鯇魚, 比較多骨,而且一大舊, 比較難入味, 要自己切開等佢慢慢入味。巴蜀烤魚鍋，只有辣，完全食唔到花椒既麻，比較失望… 配料, 簡單黎講, 一般啦…# 咖喱奶蓋(肥牛)鍋 # **** 4/10 ($120)我同我朋友都唔太鍾意呢鍋, 好淡, 完全食唔到有咖喱味… 成鍋, 可以話係難食 … 不願置評。# 滷肉飯 # *** 3/10 $12 (跟餐既飯/粉絲, 加$12轉滷肉飯)可以話係我食過最差既滷肉飯, 完全唔係台灣食到甜甜幸福感覺既滷肉飯, 只有鼓油味, 沒有其他…. 唔係甜甜的…# 微糖芝士凍頂烏龍茶 加珍珠 # ******** 7/10 ($36)不錯, 芝士味很濃很好味, 珍珠有咬口, 但當然唔可以同 「乜乜堂」果啲比啦, 但有呢杯野飲, 今餐增色不少。# 酥炸花枝墨魚丸 # ********** 10/10 ($36/6粒)我要比滿分! 自從響台灣食過超好味既炸花枝丸, 響香港一直好想揾返果種味道。呢度既炸花枝丸非常出色, 每一口都係爽口彈牙既花枝丸肉, 啖啖都食到一粒粒既鮮花枝肉, 點埋甜辣醬 同 胡椒粉, 無敵!# 麻辣臭豆腐 # (我唔食，不評論) ($38)座位, 比較迫, 坐得唔太舒服, 唔夠位擺食物。價錢, 連埋加一, 2個人食左$376, 唔夠飽, 平均每人食左$180, 我朋友無嗌野飲添, 我地亦唔見得食左啲咩好好既野, 所以性價比唔算高。總括而言, 鍋物一般般, 如果比多次機會呢間餐廳, 我會試個沙茶牛肉鍋。估唔到, 小食炸花枝丸係最好味。…Read More

炎燒布丁梳乎厘斑戟雖然見到都有大約10個人圍住係am pm, 但係落單同整班戟既時間都非常之快, 落完單唔洗5分鐘已經有得食! 我同我frd見到咁靚既疏乎里班戟第一時間都拎部相機出黎影影影!# 炎燒布丁梳乎厘斑戟 # ******* 7/10 $48/份一份班戟其實都夠2個人share, 份量唔算細 (甜品黎講)。班戟食落軟綿綿, 疏乎里班戟上面有一層薄薄既焦糖, 一切落去, 滿心驚喜既感覺! 點埋執邊既焦糖布丁醬, 唔會太甜, 做飯後點品, 很滿足! 如果有位可以坐就perfect啦!…Read More

食過Emack & Bolio's 既雪糕真係返唔到轉頭! 評分 : ********** 10/10 YeahhhChocolate Sprinkles 雪糕筒，見到個雪糕筒沾滿朱古力再雪成脆筒，都知咬落個口感會有幾正。好鬆脆呀! 朱古力味香濃。好有口感!雪糕我要左低糖合桃，沒有想像中般低糖，但因為幾乎每一口都可以咬到粒粒合核，個感覺超perfect!我同我啲friend都覺得，Emack & Bolio's 既雪糕無得輸!❤❤❤❤❤❤❤❤❤❤…Read More

平時行經中環都好想試下呢間Fish & Chips, 因為都好似幾多人識呢間餐廳, 所以今日滿懷希望咁去試佢地既Fish & Chips! 天氣有啲熱, 所以一定要配返杯凍飲。# Fish & Chips # typical – 經典炸魚薯條 **** $68份量好大, 如果係女仔一個人肯定食唔晒, 可以選2種醬, 我要左mustard芥辣 同埋 hot chili 辣椒醬。其實我想食鱈魚多啲, 識食梗係食鱈魚啦, 啲肉實啲又甜啲, 雖然係貴啲。無計, 賣晒咁我唯有食普通既Fish & Chips。先講個炸魚, 份好大塊, 啱啱打開個盒我 「嘩」左一聲，炸得夠脆, 但其實條魚既肉好薄, 有少少似龍脷柳 (唔肯定係唔係), 啲肉唔算甜, 如果好味既 炸魚, 就咁落少少鹽, 再滴啲檸檬汁已經好好味, 不過呢個炸魚, 我要點 mustard 先覺得好味, 個mustard 甜甜地, 幾好。Hot chili sauce 有啲似辣椒仔既味, 太辣…薯條…好多, 但係炸得過左火, 薯條咬落裡面已經乾左, 乾爭爭, 食多幾條會咬到啲牙好酸軟, 外面唔夠脆…. 麻麻地….總括而言, 炸魚同薯條都令到感到失望, 唔算好食。# Fried Oysters # 炸生蠔 ********* $48 for 3pcs出奇地, 炸生蠔好好味, 啲蠔好大隻, 好滑, 而個炸粉炸得夠脆, 蠔又好鮮甜, 同樣只係落左少少檸檬汁, 但而經好好味, 配埋杯凍飲好正。# Mango Lemonade # ***** $28酸酸甜甜, 夠凍, 價錢相宜, 配炸魚薯條同炸生蠔都是ok的。值得一提, 某位店員既服務態度唔係幾好, 我問啲炸魚係咪都有跟檸檬, 佢用諷刺既語氣同冷笑既態度同我講 「我地所有都有跟檸檬」, 我都係多口問一句啫…. 我坐低食左幾分鐘果位女店員就放左工, 唔通我阻住左佢收工?我記得在英國既時候食過Whitney既炸魚薯條, 當地既英國人聲稱果度既Fish & Chips 係全英國最好味, 無錯, 至今我仍然揾唔返果種咁好味既炸魚薯條...小提示，在店員面前讚好餐廳Facebook可獲贈free onion rings!…Read More

簡單來說:■地點■ **** 4/5離地鐵站唔算太近，但亦正因為咁，唔洗同人迫馬路，所以對我黎講係好事 🤣■員工服務及態度■ ***** 5/5員工態度非常好，不停為你加水，而且每一個都非常有禮及親切，完全感受到咩叫5星級服務。芥辣都會問你想要法國定(英美？忘記了）既芥辣，而且不停講唔好意思，超有禮貌。■環境■ ***** 5/5 小店黎講絕對5粒星，因為坐得舒服唔太迫，冷氣夠凍(出面三十幾度？），廚房果邊仲有個bar位放左啲酒，幾有情調，店面裝修簡約時尚，而且樓底高所以唔會焗束，簡單舒服。■食物■ ***** 5/5唔比5粒星我過唔到自己既良心呀! 咁既價錢，咁好味既食物，紹對超值，唯一係食完會覺得唔夠飽，可能因為太好味啦，哈哈! 我同我朋友食左以下既野做late lunch:# 牛肉漢堡配薯條 # ********* 9/10牛肉好嫩滑，充滿十足既牛肉香味，加上蕃茄生菜好清新，面包微脆，好好好好味! 值得特別一提既係跟餐薯條，食落你會feel到廚師為左你享受到既炸薯條既温度比左好多愛落去，好有誠意! 對唔住，可唔可以refill呀？ 唔比10分，唯一係因為起初我以為係用漢堡扒! 吖，特別要講既係條酸瓜，太細條啦，因為太好味啦! 微酸，甜甜地，我未食過咁好味既酸瓜，好彩我無擺條酸瓜埋一面咋!# 紐西蘭草飼肉眼 # ********* 9/10無可挑剔..... 肉嫩，juicy但切落唔會流血水，係真真正正既五成熟，而且啖啖充滿牛香.... 滿滿既幸福感。 毋須多講，好味既牛扒，你知係點既。# Salad and bread # ******** 8/10Salad 好清新，酸醋汁都係唔太酸，甜甜地我好鍾意，藜麥夠健康，super food啱晒我注重健康! 面包好細好的色，可唔可以大件小小呀？ haha，好味!# 水 # ********** 10/10一定比10分。飲落我飲得出微微既果香，係士多啤梨呀! 係愛呀 ! 完全無水喉水味! 最怕有時去啲出名連鎖餐廳或者扒房都比成陣銹味既水喉水你飲， 1987 Kitchen既士多啤梨水真係好fresh，店員加水既時候你會見到雕左花既一粒士多啤啤響個水瓶浮下浮下，係誠意!我無收錢賣廣告架，我絕對會再黎試呢間餐廳既晚飯，我一定要食到你地既斧頭扒!!!…Read More