Charmaine_v's Profile

走進全店黑白色嘅Ululra，感覺像進入了二次元嘅漫畫世界，黑白線條對比強烈，打咭型格幾有feel。想不到餐廳最近推出咗港式情懷菜式Fusion Menu，好有創意，專登同朋友過嚟試吓。《港式情懷系列》🥚古早手工煎肉餅蟹肉風沙鹹蛋燴意大利飯 煎肉餅一向都係港人嘅Comfort food，想不到可以配意大利飯，仲要係飯面灑滿鹹蛋黃風沙！望落去好似好唔夾，但係略煎嘅肉餅幾香口，鹹蛋金沙意大利飯亦比平常更惹味，幾好味。🍝石斑扒配珠江橋牌豆豉鯪魚炒意粉 石斑魚都幾大件，煎得外脆肉嫩，豆豉鯪魚令意粉略帶鹹香，中西合璧幾特別。除咗港色情懷系列，我哋都叫咗幾款主菜分享。🐷荔枝味1/4脆脆豬 乳豬皮脆，略略有荔枝果香味，有點西式食法，味道都唔錯。🥩紐西蘭穀飼羊架 羊羶味唔重，建議五成熟肉質更juicy嫩滑。☕️Tiramisu Coffee（跟餐加＄28）QQ手指餅幾得意，咖啡泡沫好豐富，攪均底部 Tiramisu 飲更有層次。🍸Virgin Peach Mojito淡淡桃味幾清新。🍹Pineapple Popcorn Colada呢杯colada甜甜地有菠蘿汁香，不過小編最喜歡面頭嘅爆谷，要快啲食，如果唔係會浸淋咗。🎂ULURU 2D Cake 二次元立體夢幻蛋糕經典純白色2D蛋糕打卡一流，海綿蛋糕嘅夾層係草莓果醬，超級受歡迎。🗻⛩️富士芝櫻祭 採用「丸久小山園」，茶香醇厚，富士山造型好浪漫。🧇🧋港式奶茶麻糬窩夫 心形窩夫入邊有煙韌奶茶麻糬，再配香濃奶茶雪糕，奶茶控千祈唔好錯過。🌹玫瑰奶凍配雪糕 奶凍有淡淡玫瑰香，個人更喜歡豆腐雪糕嘅清新。…Read More

小編朋友非常喜歡暖胃養生嘅韓國湯飯，趁天氣開始轉涼，想試一試尖沙咀呢間由韓國人主廚嘅小店，佢哋嘅招牌蔘雞湯同韓式拌飯。蔘雞湯 蔘雞湯一上枱就聞到濃濃嘅人蔘香氣，餐牌介紹原隻雞內填入人蔘、大棗、板栗、松子仁、糯米、大蒜等食材後，經長時間熬煮而成，怪不得湯底濃稠，雞肉嫩滑，彷彿雞骨都溶化在湯內。炒豬肉石鍋拌飯 拌飯選用較健康嘅紅米，而配料亦很豐富，有炒豬肉、芽菜，翠玉瓜絲、菇、紅蘿蔔絲、菠菜等，再配上自家製嘅甜醬，熱騰騰更惹味。餃子王 餃子好飽滿，脹卜卜一大隻以蒸籠奉上。餃子皮略帶煙靭，餡料除咗肉之外仲加入咗豆芽、蘑菇、粉絲等。店內仲有多款韓國嘅特色飲料，酸酸甜甜幾吸引。韓國果肉果汁（蜜桃）韓國有氣波蘿汁…Read More

新開咗幾個月嘅宴食堂，門口‘巨大‘招牌好吸睛，吸引咗我哋入去試吓。餐廳主打多款日式定食，$100左右便食到吉列魚柳、壽喜燒同銀鱈魚等定食，性價比唔錯。🥢超巨型 吉列魚柳滑蛋丼 $88據講係宴食堂名物！店子採用 25cm 長嘅吉列魚柳，仲長過我隻手板，勁Igable 。以為只係打咭靚，但原來脆漿唔厚，炸得剛剛好，外脆內嫩，配埋好有蛋香嘅丼飯，幾滿足。🥘豬肉壽喜燒鍋定食 $108壽喜燒湯頭鮮甜配嫩滑豬肉，啱晒呢個天氣食。跟餐仲有日式茶碗蒸同前菜，喜歡打邊爐feel嘅話，仲可以加$10轉烏冬。餐廳另外都有牛肉壽喜燒鍋選擇，牛魔王必選。🍱銀鱈魚西京燒定食 $108喜歡清淡少少嘅朋友，都可以選擇銀鱈魚西京燒定食，有兩大舊銀鱈魚，燒汁味香濃，味道唔錯，健康抵食之選。🍧鮮榨四季柑雪糕 $24雪糕有淡淡的柑香，好refresh同解膩。🍹香芒粒粒紅茶 $38🍹沖繩四季柑梳打 $38…Read More

朋友喜歡串燒，帶我來到銅鑼灣嘅牛惣燒酎屋，昏黃燈光木系裝修幾有日本feel。餐廳原來主打串燒和燒酎，而家仲有夜食餐牌，於星期六至四9:00後各款炭火串燒低至 $15，真係越夜越精彩啊😄《沙律前菜》店員先奉上前菜，有沙葛條、青瓜和日本椰菜，可蘸自家製麵豉醬。和風番茄沙律-新鮮蕃茄配和風醬汁，開胃解膩鱈魚白子-冬季時令食材，口感綿滑，好似豆腐一樣《串燒類》·芫荽牛肉串·牛小排串·牛肋條·秋葵豚肉卷·雞肝·雞肉大蔥·自家制豆腐（厚揚）呢度主打牛串燒，小編個人最喜歡牛肋條和牛小排，即叫即燒滿滿炭火香氣，牛味濃厚夠Juicy。芫荽控可以試吓芫荽牛肉卷，嫩滑牛肉包住芫荽，味道超夾，必選。自家製嘅燒豆腐都唔錯，豆腐燒得外脆內嫩，配上木魚絲和燒汁夠惹味。 （夜食時段）油甘魚餃 $88油甘魚鮫份量唔少魚肉嫩滑，最重要係夜食時段半價就可以食到！《🍶燒酎》·烏龍茶割燒酎 Dolong High Ball $68去居酒屋梗係要飲High Ball! 呢杯好特別，入口有淡淡的烏龍茶香，但其實酒精濃度唔算低，配串燒啱晒！·淺間梅酒 $79呢杯有梅酒香氣易入口，女仔都可以飲多幾杯。…Read More

朋友介紹位於銅鑼灣嘅三原，由日籍主廚主理，今年仲入選咗2025年米芝蓮指南，但午市鐵板燒set只須$480，即刻試吓先！季節沙律 先來加入芒果汁嘅野菜沙律，清甜開胃。茶碗蒸 - 加入高湯嘅蒸蛋好香滑，內裡有蟹肉、蟹籽、香菇等，口感嫩滑味道極鮮。北海道帶子完全係一道充滿藝術感嘅創作料理👍 北海道帶子厚身鮮甜，師傅將炸得香脆嘅白粟米鬚包裹着帶子煎煮，外脆內嫩，口感十足！再配搭奈良漬他他醬和三文魚子提鮮，底層嘅翠玉瓜吸收咗各種鮮味，配角都令人有驚喜！鐵板銀鱈魚 鱈魚肉質鮮嫩，師傅更將魚皮煎得像薄脆一樣，並巧妙地搭配昆布牛油汁，而令底層嘅茄子亦吸收咗所有精華，完全係星級味道！宮崎和牛薄燒 牛肉油花細緻均勻，喜歡薄燒口感，入口油香四溢好 juicy，配菠菜香菇和特製醬汁份外惹味，最後蘸上日本生蛋黃，牛味更香濃。鐵板蒜香炒飯炒飯炒得粒粒分明，充滿蒜香，加入洋蔥和煙肉等配料，係令人很滿足嘅收結。赤味噌湯 比一般味噌湯更濃郁，加上滿滿配料，暖胃解膩。自家制GELATO 雪糕香滑，焦糖味香濃，為這一餐畫上完美句號。…Read More

朋友情有獨鍾日系酒吧，帶小編來到Takumi ，環境低調奢華，有點像置身於日本銀座嘅小酒吧，很適合談天約會。餐廳被譽為Top 100 Tables 2025，採用的食材極致講究，不論係選用日本時令水果，或是以各款茶葉調配嘅cocktail ，均展現調酒師的匠心演繹，幾有驚喜。· Yamanashi lchinomiya Peach Cocktail 山梨縣一宮水蜜桃雞尾酒選用日本山梨縣水蜜桃，以 Sake 做基調，入口滿滿水蜜桃果香，餘韻則洋溢醇醇酒香，兩者極致平衡。飲到最後仲有一小顆水蜜桃🍑，清甜滿足。這杯恍如藝術品嘅雞尾酒，外柔內剛，令人心動。·Matcha - Green Tea Cocktail 以日本燒酎為基底，本身帶有穀物的香氣。再配上日本頂級抹茶，口感帶點creamy ，初嚐有點matcha latte 嘅綿密細膩口感，飲下去慢慢感受到Shochu 嘅酒香回甘，應該幾適合喜歡抹茶嘅朋友。·Roasted Smoked Bacon & Cheddar Cheese 炙り燻製煙肉 配車打芝士 充滿煙燻香氣嘅厚身煙肉 配略帶鹹香嘅車打芝士，係完美嘅佐酒小吃。…Read More

位於尖沙咀嘅La Famille Cafe，原來除咗蛋糕之外，仲有沙律同牛角包set可以選擇，啱晒尖沙咀嘅OL又或者同閨蜜過嚟嘆吓咖啡🥗自選沙律 $69自選沙律，包括一款沙律菜、四款食材及一種醬汁。食材有多達28款可以揀，總有一款啱你心水。小編選咗混合沙律菜、toppings 就揀咗香烤雞肉，吞拿魚沙律，烤南瓜同新鮮櫻桃蕃茄，感覺好balance好豐富！另外醬汁選擇咗焙煎胡麻沙律醬，係小編最愛嘅口味。🥐牛角包三文治 （單點30+，套餐$60）作為簡單午餐，呢一個set性價比幾高。croissant 有四款可以選擇，套餐仲連一杯$42或以下嘅飲品，抵食又健康😍· 火腿芝士牛角包· 蛋沙律芝士牛角包· 吞拿魚沙律牛角包· 牛油果三文魚牛角包🍰一人戚風蛋糕套餐 $95 （套餐連一杯$42或以下嘅飲品）作為開心果控，我選擇咗特濃開心果口味。戚風蛋糕質地一向輕盈，面頭嘅開心果碎蓉反而令我有驚喜- 開心果碎好有口感，混合咗cream後仲令蛋糕更濕潤和creamy。…Read More

Last Sunday we went to Sai Ying Pun and found a comfy place to work or chill. Detour starts from 7:30am and we could have some breakfast bites there. 🥑 Avocado & Za‘atar Open Sourdough Toast牛油果酸種麵包多士Love this simple sourdough bread with a generous amount of avocado! Topped with their secret paprika spice and herbs, which make the toast super yummy.🥗Prosciutto Brunch Plates(With Sourdough Toasts & Butter)風乾火腿早午餐 （連酸種麵包）Japanese Boiled Egg | Avocado | Tomato | Parmesan | Baby SpinachA well-balanced brunch plate with all sorts of healthy & tasty components.🍩 Dubai Chocolate 🍫 Pistachio Cookies 🍪杜拜朱古力·開心果曲奇Although it tastes a bit sweet, the texture and flavour is so delicate that I would definitely go back to try other flavours.☕️Flat WhiteSmooth and well balanced in flavor🍯Homemade Ginger Cordialginger plus raw honey tea - a cooler option for ginger lovers…Read More

朋友好喜歡一盅兩件，特登同佢試吓呢一間裝修新派，但充滿香港懷舊色彩嘅茶居試吓。餐牌多款點心都好特別，首先叫咗一龍大滿足，一籠入邊有晒6款招牌點心，擺盤好靚，啱晒打卡。💕一龍大滿足• 酸菜魚鳳眼餃• 鹹蛋黃墨魚燒賣• 蟹粉菠菜香蝦餃• 松露野菌晶瑩餃• 筍尖蝦餃皇• 斑蘭麻蓉桃子💕脆脆富貴紅米腸 - 金黃越南炸網皮鬆脆，粉紅薄皮軟糯，隨心配 酸辣、花生、豉油醬汁，三種風味！💕 龍炸拼盤 - 炸物鬆脆唔油膩，仲可以一次過試勻四款招牌炸物，小編朋友好欣賞。 大澳蝦醬鮮魷卷 ｜ 蘿蔔絲酥 ｜ 一口鹹水角 ｜ 龍芋酥💕拉絲菠蘿包 - 菠蘿皮酥脆，配拉絲芝士餡邪惡但好夾！💕豆腐布丁— 滑嘟嘟賣相吸引，啱晒夏天食除咗點心之外，原來仲有一啲香港特色手信賣，款式好特別，有啲仲係同香港老牌子聯乘，感覺幾有特色。…Read More

位於尖沙咀嘅「Milu Thai」主打地道泰國菜，推出左近期泰國大熱嘅海鮮火鍋麵❗️食麵都有打火鍋🥘嘅感覺? 即刻同朋友book位試吓。🍜Thai Suki 海鮮媽媽麵媽媽麵成個火鍋上，湯底有Suki湯底 / 冬蔭功湯。我地選咗Thai Suki,，湯底濃郁少少辣，但加左甜、酸，相當開胃醒神，難怪大受歡迎！食材以海鮮搭配，有：鮮蝦，墨魚，魚片等，鮮味滿滿；仲有泰式醃製豬腩肉，酥脆不肥膩。火鍋的份量不少，足夠2-3人吃，啱晒同班friend 開心share。🥩泰式青咖哩燒羊架（3件）羊架有3大件，肉質軟嫩，本身已經煎得好惹味juicy ，再沾一點招牌青咖哩，多左份咖哩甜香，份外有泰式滋味❗️🍍菠蘿海鮮炒飯 海鮮炒飯原個菠蘿上，飯粒炒得金黃色粒粒分明，加埋肉鬆腰果提子等配料，好味有咬口，轉眼便K.O.咗成個炒飯。🥗雜菜 （馬拉盞）炒雜菜正常發揮，用馬拉盞炒鹹香微辣夠惹味。🥭芒果糯米飯 最後食埋招牌芒果糯米飯，糯米飯軟糯配清甜椰漿，芒果份量唔少仲要件件都幾甜，大滿足！🧉椰青 🍹凍青檸茶食泰國菜又點少得椰青，青檸茶 ？清甜、解渴、Refresh!…Read More

小編朋友生日，佢十分喜歡吃日本菜，所以選咗鮨逸嘅高級廚師發辦套餐，主打時令海鮮，食材每日由日本空運到港，夠新鮮。「逸」套餐 $1580🥦前菜💫沖繩水雲 - 清新開胃💫鮟鱇魚肝- 口感細膩滑溜，滿滿魚肝香氣💫平政魚海膽豆腐卷-薄切嘅平政魚，包住順滑海膽豆腐，味道好夾！💫蟹肉蟹膏豆腐-鮮甜蟹膏同松葉蟹蟹肉好鮮味🦀刺身💫磯粒貝 - 質感爽口唔韌💫黑梅貝-肉質鮮嫩彈牙💫活龍蝦刺身- 龍蝦上枱嘅時候仍然生猛，看得出的新鮮！刺身呈半透明狀，肉質鮮嫩彈牙，可以話係全晚嘅亮點‼️💫海膽伴鱈魚片(配淡雪鹽) - 原來甜美濃郁的海膽同鱈魚乾係絕配！師傅撒左大量沖繩淡雪鹽，食落唔鹹，但能帶出海膽嘅鮮味。💫岩手縣赤崎産真蠔🦪：小編不吃生蠔，師傅貼心幫我煮熟，但蠔肉新鮮肥美，仍然鮮甜濃郁。💫煙燻鰆魚-淡淡煙燻香氣配上刺身的鮮味，美味又有儀式感💫真鯛刺身配青瓜漬-真鯛魚皮略燒滿油香，配青瓜漬微酸更清新。💫松葉蟹肉黃身酢：蛋黃醋配松葉蟹能提升鮮味，加左少許紫蘇花，食落有淡淡紫蘇花香🍣季節壽司六貫🌟深海池魚🌟赤貝🌟金目鯛 -魚皮鮮紅中帶著金色光澤, 屬極上刺身級🌟鰤魚·柚子胡椒-增添左清新香氣🌟鯖魚·昆布🌟香蒜炙燒銀鱈魚·蒜蓉：經過炙燒微微焦香，配蒜蓉味道更鮮🌟吞拿魚腩壽司 ·炸薯𢇁-新鮮肥美，入口即溶🌟大拖羅伴蛋黃漬 炸蔥絲 ：最期待嘅大拖羅滿滿油脂香，入口即溶，配淡淡鹹香嘅蛋黃漬，口感更濃郁細膩，完全係今晚嘅MVP💕🌟吞拿魚蓉手卷·大葉天婦羅：質地綿密油潤，配口感香脆大葉天婦羅，超美味！季節熟食🌟磯煮鮑魚·蟹味噌醬 ：鮑魚經過慢煮4小時煮得腍滑入味🌟天婦羅饎魚-饎魚炸得外脆內軟，配菠菜有助解膩🫕汁物舞茸菇龍蝦頭清湯-最後來一盒熱辣辣嘅鮮甜清湯，暖胃順喉🍬甘物🍮玉子布甸🍈哈密瓜配荔枝味雪糕-赤肉蜜瓜超甜，配荔枝味雪糕，勁滿足…Read More

餐廳位於美麗華商場，全白色木系裝修，門口甜品櫃擺有好多款自家製蛋糕同日式卷蛋，色彩繽紛，即刻同朋友入去試吓。🍜雞絲蛋白麵小編第一次吃蛋白麵，口感較一般麵條爽口，但原來每份擁有高達21.5 克蛋白質。 雞絲則有點像切條雞塊，juicy唔嚡口，配埋蛋白麵絕對係蛋白質double up!🍱迷你三重丼套餐 迷你三重井｜溫野菜｜日本軟雪糕脆筒（北海道牛乳/抹茶）｜日式綠茶三重丼：鰻魚丼＋銅藻烏冬+吞拿魚蓉丼 鰻魚好蜜味，銅藻烏冬原來係日本健康名物，配埋吞拿魚蓉，同煮得好腍嘅野菜，營養幾均勻，仲有牛奶味濃嘅軟雪糕，最後加杯熱綠茶🍵，滿足！🍰Summer Latte + Cake Set 凍抹茶香芋鮮奶 配 小香芋卷 凍抹茶芒果鮮奶 配 小抹茶芒果卷 喜愛甜品的話，不妨試吓呢個latte set。抹茶濃郁有餘韻，配香芋或芒果都幾夾！宏嘅招牌卷蛋原來有好多種口味，抹茶控必試抹茶味卷蛋，抹茶味好濃郁。小編則最愛🌈彩虹焦糖卷 ，七彩繽紛嘅外表，配合口感綿綿的幼滑忌廉，內裏仲有焦糖脆脆，三種口感夠滋味。…Read More

位於六國酒店嘅Le Menu ，推出咗豪華盛宴自助餐，即刻同閨蜜去試吓，同大家分享吓小編幾個心水回本位。🦞凍海鮮區 波士頓龍蝦 - 質感彈牙唔嚡，仲要任食加拿大雪花蟹腳 - 肉質唔錯幾鮮甜｜麵包蟹 多膏正🦐熱盤區 •鮑汁燴花膠 - 炆得入味仲要好搶手•芝士蘑菇焗蟹蓋 - 芝士香濃，入面真有一梳梳蟹肉•酥炸生蠔 - 隻隻飽滿香脆 •椒鹽大蝦 - 惹味彈牙•龍蝦海鮮茶碗蒸 - 蒸蛋好滑鮮甜•蒜蓉粉絲蒸扇貝 - 帶子偏細，但粉絲滿滿蒜蓉香•避風塘炒龍蝦鉗 - 惹味有鑊氣 •上湯菜膽雞 - 雞好滑, 充滿上湯精華🍢爐端燒首推 鴨肝多士，鴨肝細膩滑嫩，多士亦夠香脆 。燒虎蝦夠彈牙帶焦香🍖肉車區•片皮鵝- 第一次食片皮鵝，鵝肉比鴨肉味道更嫩滑有鵝油香氣·燒肉眼扒- 肉眼扒牛味香濃。👨‍🍳廚師即席烹調 LIVE SHOW🌟🍴每晚有大廚現場烹調表演，即整即食熱辣辣香噴噴。❣️堂弄原隻扣鮑魚鴨掌（每位一客）- 鮑魚炆得勁腍❣️富貴雞 - 以裏泥烘烤，敲殼時香氣四溢。❣️火焰雪山 - 冰火交融，視覺和味覺都好滿足。❣️美酒煮櫻桃 - 櫻桃用酒烹調後，味道特別濃郁帶酒香。🍜日式拉麵配料有帆立貝、溏心蛋、叉燒，連湯底都可以選：醬油湯、豚骨湯、日式辣湯。自助餐少見。🍰 甜品區• 泡芙 塔- 焦糖脆皮夠crunchy。• 西瓜士多啤梨蛋糕 - 蛋糕頂層是果凍包裹草莓，中間夾着一層西瓜，清甜不膩• 士多啤梨拿破崙 - 餅底脆水果鮮甜· Häagen-Dazs雪糕有五款，可隨自己喜好自製窩夫…Read More

Non Kitchen Hub 喺五月新開， 環境好舒服，走高質西餐路線，但價錢親民，觀塘返工嘅朋友話而家有新開幕優惠，憑NON KITCHEN其他分店嘅收據即可享晚餐八折優惠！🌟$398二人晚餐🌟1️⃣ 是日餐湯 + 芝士蒜蓉包 + 開胃小吃芝士包香脆，仲有滿滿蒜蓉。流心蛋小吃上有紅菜頭同脆脆煙肉碎，有創意。2️⃣ 羽衣甘藍紅菜頭沙律配黃薑蜜糖汁 (+$68)羽衣甘藍紅菜頭好新鮮，有機種子脆脆健康有口感，啱晒鍾意superfood 嘅粉絲。 3️⃣ 蜜糖芥末煙三文魚薄餅Pizza上有勁多三文魚，同蜜糖芥末醬好match，有日式fusion 感覺。4️⃣ 咖啡黑椒烤羊架 ( +$50)羊架肉質好嫩滑，邊皮略煎至焦香，帶出淡淡嘅咖啡同黑椒香氣，好特別，有記憶感。5️⃣ 巴斯克芝士蛋糕 （ +$48）呢個蛋糕亦係近期吃過最好味嘅巴斯克，質感Creamy，濃濃芝士香，係今晚嘅happy ending。6️⃣ COFFEE OR TEA 咖啡或茶…Read More

晚上喺尖沙咀搵食，見到呢間餐廳餐廳幾有港式情懷 - 懷舊窗框，復古手繪牆壁，仿如老店招牌的霓虹燈，傾偈約會都幾有feel。呢度原來逢二、四、六，9點後有歌手現場演唱，啱晒鍾意聽歌嘅朋友。餐廳近日推出咗二人Dinner Set (HK$598)，性價比唔錯。1️⃣ 經典凱撒沙律2️⃣ 小食拖羅蓉飛魚子牛油果脆筒|檸檬蛋黃醬創意十足嘅小食。軟滑嘅拖羅蓉同充滿鹹香嘅飛魚子包在脆筒內，做法日式又fusion，配檸檬蛋黃醬好清新。3️⃣意大利粉紅酒燉牛尾肉|番茄羅勒巴馬臣芝士汁大通粉牛尾肉燉得好腍入味，有濃濃肉香，面頭灑咗大量巴馬臣芝士，芝士香氣，同紅酒、蕃茄羅勒融和，意料之外的好味。4️⃣ 主食 烤焗開心果寶雲蘇澳洲羊架澳洲羊架焗到帶點焦香，內𥚃鮮嫩唔鞋口，面頭塗上厚厚嘅大熱開心果碎，有口感亦豐富咗味道嘅層次。5️⃣ 甜品精選甜點 - 芒果、綠茶蛋捲配雲呢拿雪糕以為套餐嘅甜品一定好普通？呢個甜品嘅擺盤都幾驚喜，三色蛋卷雪糕，顏色令人感覺愉悅，為這一餐完美作結。飲品想飲返兩杯盡興啲，仲可以半價選購2杯葡萄酒、生啤、有酒 或無酒精飲品…Read More