為食肥豬's Profile

話說星期五係習慣咗1+5口會唔煮飯，會出街食飯嘅日子。因為有啲地方想行所以就去咗愉景新城醫肚。見到呢一間餐廳開咗多一點時間，但係都未試過於是就企係門口睇吓餐牌先，期間是的話我哋有tatami坐，而且仲有兒童餐添，所以我哋就即刻入咗去啦。先係我點嘅藍青口龍蝦汁意大利飯，我成個意大利飯都睇得出佢係用日本嘅珍珠米，而且龍蝦汁一啲都冇龍蝦味，反而俾佢番茄味搶咗，變咗做茄汁意大利粉，藍青口有四隻細細隻，不過已經說到冇咩味，帶子煎得算好，但有陣雪味。講到我老公所點嘅鰻魚飯，可能燒鰻魚燒得太耐嘅關係，鰻魚一邊已經係10分乾身，一啲平時有嘅鰻魚嘅肥油都冇，好失望。兒童餐來講份量算多，好在都食得晒嘅，冇乜特別嘅兒童餐。呢啲話係用咗越南可可豆沖成嘅可可咖啡，入口嘅時候係有一種可可味嘅但係唔係真係話咁好味呢又未一定係講到咁好味，後尾我發現佢嘅熱咖啡嘅味道同本身跟餐熱咖啡嘅嗰陣味道完全一樣只不過係加咗少少朱古力味。你杯淨係跟餐唔需要加錢嘅熱咖啡，味道一般。小朋友就有暖嘅牛奶，上面仲有奶泡添都算唔錯。…Read More

話說一家5口去尖沙咀行下，見到有我同我老公最中意食嘅土耳奇捲餅，所以就停低黎食啦。舖頭比較細，但好快已經塞滿人。老公食左呢個印度雞肉炒飯，佢讚左3次好味。飯粒爽身，好香嘅香料味，辣味剛剛好，食到人停唔到口。我d女就食牛肉捲餅，我d女少食肉都話好食，牛肉有燒烤過嘅香味，入面仲有好多特色醬料，太惹味了。芒果Lassi 好香芒果味，小朋友好中意飲，食完老公個印度雞肉炒飯用黎解辣一流。希望下次會再黎食啦…Read More

話說我初一十五都係食齋嘅，有陣時已經諗唔到可以係邊一度食素食比較好，咁啱我哋就經過D2 Place諗起有一間新式嘅素食餐廳，於是就1家5口立即去試試啦。因為佢係新式嘅素食，會特別吸引小朋友去食，我哋就所以決定同老公嗌個二人套餐然之後再加多個意粉同炒飯就可以夠飽啦。先講我同老公嘅二人餐係包左一個漢堡扒，再有一個焗飯，再加甜品嘅。先講講下漢堡扒先，下邊有配菜同薯條，漢堡扒食味同真牛嘅冇乜分別而且我老公話食落都幾飽，好似仲飽過出去食真係用牛肉做嘅漢堡一樣而我叫嘅海鮮焗飯，原來佢係鴛鴦汁嘅。佢有兩晒素魚柳兩件數下，同埋會有幾粒素蟹柳，同埋一個素魷魚圈，個鴛鴦汁同一般出邊喺酒樓食鴛鴦炒飯冇乜分別，蝦係好爽口好好味連小朋友都鍾意食，素蟹柳就同真蟹柳冇分別一樣味道，而且個飯嘅份量都幾大份食完已經飽。小朋友食嘅意粉，佢哋都食過返尋味，佢哋食到素火腿覺得同平時嘅火腿味道都差唔多冇乜分別佢哋食唔出原來呢一碟係素來嘅，不過火腿絲就少咗啲。印尼黃姜飯配串燒，佢嘅串燒嘅肉似係我哋之前喺出邊買過嘅素沙茶肉嘅味道，而因為佢唔可以用蝦嘅原因呢啲蝦餅轉咗做木薯餅同埋紫薯餅，仲有兩條春卷春卷入邊都係蔬菜。甜品都唔錯，好甜好好味。佢哋呢度除咗有本身你叫嘅嘢食之外，佢哋都會有個自助食品吧，俾你可以食下前菜，我哋今日嘅有酸辣薯粉，醃左嘅白蘿蔔，紅蘿蔔，醃青瓜，除咗呢樣之外佢哋仲有素湯，仲有白飯俾你任裝添。…Read More

話說早兩日同小朋友出完街之後，小朋友話好想買糖水返屋企食，於是老公就上網search下邊度有特別糖水買。後來佢搵到喺附近深水埗有一間糖水舖買懷舊嘅香港糖水，所以我哋於是就諗住係試吓啦。可能因為仲係有限最令嘅原因，所以糖水舖入邊冇客人大部份嘅人都係嗌外賣，我見到佢有呢一個老香港懷舊色嘅裝修，好吸引年青一代。我去到望一望餐牌果然係買一啲香港嘅懷舊糖水，再深入少少佢哋自創嘅特色糖水，於是我就決定嗌個出名嘅亝元豆花。開頭我以為乜都有嘅糖水會比較混亂，食唔出味道，但係估唔到呢個豆花一啲都冇令到我覺得食到頭都亂晒嘅感覺。豆花入邊有當然有豆腐花啦，有珍珠，有紫色西米嘅物體，有戶縣，有南瓜丸，我另外加咗紅豆同埋清心丸，甜都唔會話太甜，上面嘅戶縣珍珠食到你甜嘅時候，就食底層一啖嘅豆花食就清新左一下你嘅口。呢個豆花係會食到我一試難忘，下次都會再去食，另外一提佢加錢嘅清心丸都唔錯，煙銀，連我個女都鍾意食。…Read More

話說星期六同老公加三個女去行下荃灣廣場，見到有間新開嘅雪糕店，寫明糖尿病人都食得，咁啱我老公就係糖尿病人，一見到食得2個字就9秒9沖過去。糖尿病人可以食得嘅口味都算多，連估唔到嘅榴連同山竹都有。咁就同老公試下啦，老公揀左佢恨食嘅榴連味，我就揀左清酒啤梨味。先講榴連味，開頭以為榴連味會因為要適合糖尿病人而改成淡味，點知食落去仲係好香好大陣榴連味，同食真嘅榴連冇分別。而清酒啤梨味，食到啤梨獨有嘅粒粒感覺，但清酒味就唔多覺，不過都食到甜味。雖然價錢比一般雪糕貴，但因為糖尿病人都食得，應該會下次行過再食…Read More

一早已聽講香港會開一間專賣肉桂卷嘅舖頭，今日終於有幸去試下。一去到已經聞到好香嘅肉桂味，仲有幾款選擇，我立即選擇困難症上身。但諗諗下都係食一件Classic，再加杯熱cappuccino 先試一試。我叫店員幫忙切開4分，因為其實佢一件都幾大件下，三十幾蚊。好重牛油香，都有好強勁嘅肉桂味，但又唔會甜到喊。好開心可以食到佢 寫完呢件後悔買得一件咁小。…Read More

難得星期日食飽飯老公車我地去九龍城食糖水，食完糖水後行下當消化下。咁啱比我見到我之前好想食而一路未有機會食過嘅越式法包，咁當然幾飽一都要立即去試下啦。店立同我講佢媽媽係女越南係街邊賣左法包好多年，佢地係香港只係開左一年，眼見店舖入面都有好多越南嘅相、同埋有得就咁賣法包同札肉，老闆話佢地嘅法包同平時係出面買到嘅唔同，冇出面嘅咁硬實、係比較鬆脆。我地叫左個小辣嘅細法包黎試下冇。老闆貼心地幫我地切開一半比我同我老公share食，仲比多左一個雞皮紙袋方要係車食。一咬落去 個法包果然係同出面嘅唔同，唔會硬到咬到口都損，包身會比較鬆軟，而且瑞有少少咸香味。入面有札肉同肥肉，好咸香好正，仲有酸青瓜同蘿蔔絲、仲食到有胡椒粒同似係醃過嘅辣椒仔。好快就食哂了 ，下次要買條大嘅先夠皮。…Read More

話說難得揸車入黃大仙搵朋友。 咁就諗住係度醫埋貓先走。眼見呢間叫亞金咁多人排隊，又有我最愛嘅喇沙同肉骨茶 咁當然要試下。排隊等左20分鐘左右有位我就叫左我大愛嘅肉骨茶，一上菜，聞落去唔夠香，佢有齊油炸鬼同醬料，。碗大約有三條骨，先飲一下個茶，果然唔夠香料味，可能我偏好係重藥材味嘅，肉亦都冇味，睇黎係同個茶分開煮。老公叫左個喇沙參參，即係咩面都有，卜一試個湯底發現唔夠平時係超市買㫒2-3十蚊一包嘅即食面個湯底好味...有點失望，而雞扒仲要唔太熟，有d位置比較生。另外我女叫香茅豬扒撈檬，面就夠多嘅，肉都有2大塊 但香茅味都係唔夠，靠上面嘅蔥油撘夠。呢間舖都係試一次好了。…Read More

話說 想帶我三個女重拾當年爸爸媽媽拍拖嘅地方。於是就揸車入黎同佢地食個早餐。我地一黎度好在有位，雖然天氣熱但小朋友見到有羊就開心到咩都唔記得。我地叫左呢度出名嘅牛奶，買左大盒裝，一家五口剛好一人一杯，果然同平時係超市飲嘅其他大牌子唔同。仲叫左個薑汁撞奶，小朋友就唔啱食啦，但媽媽我就十分喜歡，薑味濃，牛奶香滑。燉奶就小朋友搶住食。茶葉蛋，本身係媽媽我好中意食，我剝完殼之後d女一人一啖就食哂...仲話好好味叫我再買.....不過又真係整得好味嘅，睇隻蛋嘅顏色都知已經醃左一段時間。另外仲有叫左碗叉蛋面，不過冇咩特別，仲算貴，三十幾蚊一碗，不過預左啦，黎呢度主要目的都係牛奶姐。…Read More

話說假期帶小朋友去黃金海岸玩水，玩完梗係要醫肚啦。但對呢頭完全唔熟，只好叫朋友介紹好味食店。一問朋友佢就介紹呢間泰國菜，佢話平靚正。帶到咁講就梗係二話不說揸車去啦。原來舖頭出面咁啱有一堆咪標位，方便揸車人士去。店面坐到大約2-30枱客人左右，店員全部係泰國人，有幾位正在準備生蝦刺身，有幾位負責將春卷皮分開。我地一行6人先坐低，店員就送上龍眼水解渴，全好飲，夏天飲一流木瓜沙律： 好香辣，好爽口，都幾大碟。泰式春卷：香口，因為睇住佢地自己包，覺得特別正泰式肉碎生菜包： 炒得好好味，辣味剛好，都好多肉菠蘿炒飯：因為我細女大愛食菠蘿炒飯，所以我冇食到就冇哂了，不過我女話好好味，不過細碟左少少。泰式炒金邊粉：酸酸地好開胃，但因為其他野食太好味，金邊粉就比下去了馬拉盞炒椰菜苗： 唔知點解同平時係九龍城嘅椰菜苗有少少唔同，但個汁炒出黎比起係九龍城嘅更好味，令到我食極唔夠，好香嘅魚露味好惹味。紅咖哩雞：呢個咖哩實在超級太好食，令我回想返2年前去泰國食過嘅咖哩，我係香港一路都搵唔返，估唔到今次食得返，好香嘅椰汁味，入面仲有豆角，泰國小茄子。因為個汁太好味，連我2個大女都食到停唔到口，搞到最後仲要再叫多個紅咖哩，本先一個咖哩有跟一碗飯，我地要另加多一碗飯黎撈咖哩食龍眼冰：我妹叫完先見到免費送嘅係龍眼水，味道一樣，只係龍眼冰有龍眼肉係入面同大杯d。不過後黎見到有人入到店都冇得送龍眼水 可能已經送哂。芒果冰： 沙冰黎，但好好味，好香芒果味，唔似係落芒果香油，飲到尾有少少芒果肉。菠蘿冰：好清甜，好正，一樣都係沙冰黎。全部食左咁多野都只係400蚊落樓！真係平靚正！…Read More

一家五口陪完老公洗車，走去食個甜品開心一下。呢間甜品其實如果唔係住係附近或者有車都未必會知道。我地都係經親戚介紹黎食，話呢度嘅窩夫好出名。一黎到停低架車就聞到好香嘅味道。老公因為洗完車好攰冇咩胃口，只想飲野就叫左呢個抺茶梳打，好香嘅抹茶粉，自己再倒上梳打水，就算唔洗落糖我都覺得已經好好味。我本人本身好鍾意食蘋果玉桂，呢個好香好味，蘋果醬好甜，窩夫新鮮整好又香又脆又熱。我女好中意食oreo，見到呢個又點會唔叫黎食 佢連窩夫中間都夾有 oreo另一個女中意紫薯，佢就叫左呢個，有雪糕糯米糍，佢話超好味。下一次一定會再黎。…Read More

話說老公話要揸架車去天水圍洗車，我地就一家五口揸車入去元朗食飯，因為有親戚介紹話呢度好食咁就試下。係門口等左一陣位，等嘅時候點左菜先，見到每樣野食都唔貴，我地就叫下叫下都叫左幾多。坐低左之後比張order 紙待應，佢睇完都覺得我地點得太多，提出幫我地減少一個烏冬，好貼心。起碼唔會因為要搵錢由得我地食唔哂。但我地叫完野食就後悔啦，眼望到隔離枱每碟都咁大，真係嚇一嚇。先黎個加洲捲叫比小朋友食，平時係荃灣或青衣叫呢個都係得4-6件，呢度有8件大大件、真係好抵，加洲捲入面係玉子，青瓜，蟹柳。呢個係我叫嘅，雜錦魚生壽司。平時完全冇見過有呢隻壽司，貪得意叫左。佢有章紅魚，吞拿魚，希靈魚同一隻唔知咩嘅魚生。都幾得意，仲好大件。叫比小朋友嘅豚肉烏冬，冇諗過係咁多肉，好抵，個湯底仲有得揀，我地揀左豬骨，好味。燒多春魚，唔會話燒得太乾，好味燒雞泡魚乾，送酒一流，但我地冇叫酒飲。燒三文魚骨，一上枱見到有薑蔥以為好唔夾，點知食落又好正！醬燒茄子，用燒汁黎燒，好味嘅燒鯖魚，好味😋唔會乾身得滯炸軟殼蟹，三十幾蚊有咁呢個份量已經嚇到我，雖然佢下面有2件炸茄子墊左底，但都有4件左右嘅軟殼蟹，蟹蓋位炸得好，少粉。赤貝壽司，大大塊原隻赤貝、好鮮甜好好味。呢一餐真係飽到抱住個肚走。…Read More

頂果層係煙三文魚牛角包不過幫我望清楚啲就發現個盒係列咗嘅，而且有啲污糟唔知係唔係冇洗過。之前同一班中學決定去搵一個地方high tea,因為大家都覺得自己已經成為少婦係時候先至去做一啲少婦先會做嘅活動，經過我搵左好耐終於搵到一間唔太貴，而食物望落去又好靚嘅地方。我哋行咗好耐終於搵到呢一間酒店，酒店係精品嘅酒店所以比較難搵，去到就發現原來我哋嘅餐廳係喺酒店嘅頂樓，而且餐廳嘅面積10分細，大約只係坐到10張枱左右而每張枱都係二人枱嚟嘅，一入到門口嘅右手邊就已經見到係吧枱上面有一把大排檔風扇吹緊係水吧做緊嘅侍應已經覺得有啲奇怪，但係既然都嚟到喇又冇理由走啦。我哋一坐低就有侍應走埋嚟同我地推介有兩款唔同嘅下午茶套餐，一款係用摩天輪另外一款係珠光寶氣嘅套餐，咁佢話我哋因為有四個人嘅關係呢就推薦我哋兩款都要一套，咁我哋就當然係聽佢哋推薦所以每樣一份。當我地坐低冇耐之後就已經發現餐廳可能係因為頂樓嘅關係，冷氣唔夠，我哋係一路食嘢一路出汗而且係需要拎手提風扇來為自己解熱，我唔怪得知入門口嘅時候見到嗰一把大排檔風扇。入面播住唔同嘅英文歌，但係唔知發生咩事佢可能係個音響出現問題，一路播歌一路發出好嘈嘅聲，就好似防空洞的警報一樣，侍應冇立即解決個問題而係喺一邊掛住笑，感覺不是太好。講返食物先，首先講摩天輪嘅套餐，摩天輪上邊係有幾件馬卡龍，同蝴蝶酥，馬卡龍食得出係喺出邊買而唔係自己整嘅，所以都唔會差得去邊，蝴蝶酥一樣都係喺出邊買所以冇特別唔需要特別講。另外嗰四支插喺度嘅係炮谷蝦同埋雞串，首先四串野係凍嘅，不過都無所謂啦橫掂我都已經係一個好熱嘅地方啦，炮谷蝦嘅味道還可以嘅，雞肉串嘅感覺就好似食緊一包包雪藏即食嘅雞肉串一樣味道。三文魚tart嘅三文魚就反而偏暖，不過都擺得入口。吞拿魚就太多黑胡椒所以朋友食唔到我就覺得還可以嘅。鬆餅都好鬆軟呢個係喜出望外嘅，不過就唔肯定係唔係佢哋自己整。另外果兩個甜品都OK嘅，一個係朱古力布朗尼另外一個係紅桑子蛋糕。都講返珠光寶氣嗰個套餐，一上到黎係好吸睛嘅，不過幫我望清楚啲就發現個盒係列咗嘅，而且有啲污糟唔知係唔係冇洗過。頂果層係蕃茄火腿牛角包，所以味道唔係太特別。其實兩個套餐都有幾多相同嘅食物所以我哋都覺得好似有啲唔抵，當然係我哋有問題冇去望清楚個Menu啦。幫到佢嘅套餐特別係有鵝肝，但唔知係咪太熱嘅關係，一上到檯已經見到佢熱到出油.....今次嘅少婦high tea 幻滅了...好失望。…Read More

話說星期四要同一個朋友去到旺角信和中心租渡假屋，咁我就1家5口加埋我一個朋友決定去小曼中心搵放題食，上到去逐間逐間睇，但係間間都好多人，我哋開頭以為閑日唔會有咁多人點知係錯嘅，我哋由最高嗰層慢慢行落去睇，點知去到呢一層一間係唔需要等位，入邊仲有好多空位，因為唔想小朋友餓得太耐所以決定唔理咁多食咗先講。服務態度就一定冇咁好，大部份嘅事普通話，全部都好似唔係好想做咁樣，過都明白可能佢哋平時返工係好辛苦。講返食物先，款式嘅選擇係比較少，但係都明白一分錢一分貨，呢一間放題係成幢中心來講算平嘅一間，所以佢選擇少好多我都明白嘅。魚生來講當年係好大浸雪味，但係都仲食得出有啲魚生味嘅，但係赤貝呢就完全冇味，只係食緊一舊爽口嘅嘢。壽司嘅款式當然都係算少喇，但係難得佢有海膽手卷咁我梗係要來試吓啦，但係啲海膽係成埋水咁樣，見到有少少唔開胃嘅，但係都明白到咁平嘅放題，點會有靚嘅海膽食呢？熟食嚟講都不過不失啦，串燒呢就反而係燒得乾身嘅，不過就冇咩點落調味料，所以味道就淡，炸蝦天婦羅都係冇落到調味料嘅。唯一需要特別講嘅就係一個炒蜆，唔知佢係咪因為放左好耐，首先佢上枱嘅時候已經唔係熱㗎啦， 汁料仲要係變成啫喱一樣，有啲難入口。另外有個送嘅芝士焗蠔，每人一隻，不過好好細隻所以睇唔到咁滯，個面都係有一堆沙律汁。飲品呢就係自己係個雪櫃到攞罐裝飲品。呢度果然係睇冇得揀嘅情況下唯一嘅選擇，不過如果係都唔會再嚟啦。…Read More

今日難得同媽咪，我1家5口，加埋我妹全部人去到德福行街，行到咁上下喺度諗因為係假日，怕會好多人等位不如早啲食飯，咁又咁岩諗起早排我喺葵芳新都會嘅simply life 食咗幾件好好味嘅蛋糕，想喺度試吓再食多次，所以就黎左呢度食晚飯。點知入到去其實啲侍應嘅招呼都麻麻哋，好似唔係好想做生意咁，一眼望落去冇放蛋糕嘅雪櫃，得返一堆堆嘅麵包，原來呢度係冇蛋糕食只係有麵包買。有少少失望，不過唔緊要啦入邊嗰個裝修好靚，氣氛一流。有一種fine dinning 感覺.一坐低等左大約幾分鐘侍應先至將餐牌拎上嚟，我哋等咗好耐都唔見到有侍應針水但係枱面呢就每人都會有一隻水杯，我哋呢就諗住睇吓係咪遲啲先會有人針所以我哋決定叫咗嘢食先。點知落完單之後侍應將所有杯收起。每一個主菜加＄18就可以得到餐湯或沙律加飲品。呢一個係是日沙律，沙律嘅醬汁係油醋汁，但係偏酸，食到個個都me埋眼。佢有少少沙律菜，加上面嘅橙肉同埋一塊青瓜就冇其他啦。是日餐湯係要我地問侍應係呢佢先至答，今日嘅餐湯係甘筍湯，上到黎見到甘筍湯入邊除咗甘筍之外仲有藜麥，有芝士粒，有一兩塊嘅薄荷葉。湯幾重甘筍味，感覺不錯。老公叫左個芝士煙肉漢堡包，佢話中間塊肉煎得太燶，好大浸燶味，有啲失望，薯條亦都麻麻比好食小朋友都食唔晒。我媽咪同阿妹要左呢一個松露忌廉雜菌糙米飯，味道幾濃幾香但可惜個汁有啲稀，料都夠嘅不過其實份量好少，因為隻碟根本唔深仲好淺食咗幾啖就冇晒了。我自己就叫咗羊架食，我明明係叫五成熟，但係上到枱已經變咗七成仲有一堆血水係個碟上面，望落去有啲嘔心，羊架並無配上任何芥末或者薄荷醬，羊架本身味道亦都唔足夠，香草薯仔煮得偏硬，亦都唔足夠香草味，另外有一啲茄子但係茄子煮到林到一pat pat ,亦都係唔夠味道嘅。呢一個菜式係十分之失望。另外我叫左個茄汁雜肉腸闊條麵比我嘅女食，雜肉腸係變成肉碎一般，已經好似變咗肉醬意粉一樣，個汁有少少辣但係佢係餐牌上冇寫上有辣嘅，同埋有浸蘇味所以我啲女都唔係好肯食。但難得地，呢度嘅麵包係真係幾好食嘅，特別係每一份麵包盤上面都得一塊嘅提子乾橙皮麵包，呢個係好好食好軟熟嘅，橙皮都好香，不過每一份得一塊。不過礙於呢度嘅服務一般而且味道一般，應該下次都只係會喺第二啲分店買蛋糕食就算了。…Read More