apmj6nggrbns's Profile

🥴😵‍💫😵最好17:45前到，就唔使大排長龍！⏰我哋約17:30到步就即刻有得入！環境都係一般熟食街市setting ，入到去就有舒服嘅冷氣❄️，但係出面排隊就真係冇冷氣，所以大家都要注意啲時間🕐🧾喺門口排隊嘅時候就要填定食啲乜嘢✍🏻🍹如果要飲嘢，喺門口就要拎埋🪑同埋大家預咗一定要搭枱！（除非你4個人）😋試咗以下2個湯底：1）麻酸辣湯米線（$55配一餸）🌶️BB辣（平時食開譚仔三小辣， BB辣就食得好舒服～試過基本上小辣都OK嘅）🍜湯底整體都係一如既往嘅好食，不過就略嫌酸味唔夠出，都唔係太夠鹹🧂不過麻味就好足夠！而且肉碎同酸菜都好足料！2）蒜香辣湯米線（$55配一餸）（蔥都係用匙羹分開嘅，照片係我已經撈左落去）🌶️ BB辣（平時食開譚仔三小辣， BB辣就食得好舒服～但試過基本上小辣都OK嘅）🍜喺其他地方真係搵唔到呢種湯底😍😍😍蒜蓉味真係勁香！🧄！3）炸雞球（配米線）🍗外皮炸得好脆，雞肉都算嫩滑，質素係中間偏上！🐓欣賞餐廳嘅炸物係會分開上，咁就唔會搞到淋晒！4）反斗蝦膠豆卜（配米線）🍤🍤🍤尼個係好食過炸雞球！就咁食會有啲乾，但浸埋落湯係啱啱好！😍🌟‼️一定要試尼個‼️🌟So far食過佢每款炸物都係熱辣辣脆卜卜，真係新鮮炸起！整體來講，愈好時間唔使大熱天時排隊會再去！正！…Read More

🪑乾淨～一般商場餐廳setting，不過冷氣係靠商場中央冷氣，所以都唔涼快🧊，但唔會熱到呼吸唔到咁解🚫❄️（如果滿坐我估會有啲嘈同埋真係熱）📚可以網上事先訂位！🙆🏻‍♀️員工 態度好👍🏻1）午餐set $9X （包冰茶&小食）🍗炸雞好食嘅，外皮炸到好脆，同埋係熱辣辣咁上嘅～滷肉飯就係正常嘢，冇咩特色😹🍆前菜茄子：麻油好香，口感似燒茄子，表層既皮係好食既👍🏻2）五花肉串燒 $5X🍢一叫就要落4串🌶️有唔辣同少辣揀，我哋叫咗少辣，都唔係太辣（10小辣level），唔會太咸，合適香港人口味🐷肉肥瘦平均，肉質偏硬，有啲口感3）羊肉串$19.9（追加價）🐐最期待嘅羊肉串，午餐可以追加$19.9加2串（如果唔跟餐最少要落5串）🍖肉唔會有羊羶味，我覺得唔食羊嘅人應該都接受到，可以趁機會試吓🌶️一樣可以揀唔辣或者小辣（唔辣）4）燒茄子 $3X🍆一般燒茄子嘅味，唔算太惹味、唔夠香口，勝在感覺幾乾淨，個皮唔會燒到完全黑晒好污糟咁🌶️一樣可以揀唔辣或者小辣（唔辣）🍆一般燒茄子嘅味，唔算太惹味，感覺幾乾淨，個皮唔會燒到完全黑晒好污糟咁🌶️一樣可以揀唔辣或者小辣（唔辣）5）生啤（買一送一）$3X🍺🍻勁大杯，有泡泡，好正🤣😆🤑🤑🤑重點係買一送一！一杯單價都唔使$20！…Read More

幾特別 平靚正嘅東北食店！👩🏼‍🦰老闆同老闆娘應該都係東北人，非常親切，坐低可以慢慢點嘢食～🪑環境簡單，位置唔多，得4枱，小店1）🐮牛肉餡餅 $25😋😋😋超級Juicy ！大推🌟🌟🌟🌟🌟- 外皮脆卜卜😍- 牛肉唔會有肥肉粒- 有湯汁爆出嚟！2）擔擔面 $39差唔多食晒先記得影😅😅😅🍜普通嘅味道，少少辣🤣🌶️3）涼拌豆腐皮 $33😋尼個甜甜地，都幾好食😍通常涼拌食開辣嘅，但呢個唔辣之餘，個味道好好！😌夏天咁熱，可以點下涼拌開下胃🧊4）茴香鮮肉餃 $49（10隻）🥟🥟係平時唔會食到嘅味道🐷雖然湯餃有咁脆，但都食到香料嘅味道🌿🥟餃子細細粒，食完10粒仲有quota食其他嘢😂…Read More

九龍城廣場地下原來新開咗個food court🤪🪑環境：一般food court，因為唔算旺場，所以都即刻有位坐⏰ 基本上5分鐘內就有👍🏻1）生炸髀煎蛋飯 $58🍗一般炸雞髀～都幾大隻！外皮都算脆嘅，不過因為有汁，食食吓就冧左，味道偏鹹，可能少汁會好啲！🍚飯量係偏少嘅，但係因為隻炸髀好大隻，女仔食差唔多～🥫汁可以自己揀配：燒汁/沙嗲汁/瑞士汁/蒜蓉汁（+$2）/黑椒汁🍺免費配熱飲㗎！（凍飲+$3）2）鹽酥雞炸髀煎蛋飯 $60🍗「鹽酥」係做得幾好，不過我同朋友都覺得普通生炸髀好食啲，酥炸係比較脆口，但我哋覺得唔係幾襯雞髀🤣（可能試佢其他酥炸嘅食物都唔錯！）🧂味道都係偏鹹！預咗要飲水🍚飯量都係偏少🥫汁可以自己揀配：燒汁/沙嗲汁/瑞士汁/蒜蓉汁（+$2）/黑椒汁🍺免費配熱飲㗎！（凍飲+$3）3）飲品就係一般茶餐廳嘅飲品😂冇咩特別～…Read More

一入到嚟，環境好有民族特色～👩🏻‍💼老闆娘係香港人，會主動傾偈㗎😂🤣閒日嘅夜晚唔算太多人，小店來講都算坐得舒服👍🏻🍔🌮🌯食物方面～1）墨西哥食雞肉芝士軟烤餅 $68好味程度：⭐️⭐️⭐️⭐️⭐️⭐️詳細：😋好食，三個醬係酸酸辣辣嘅「莎莎醬」、「牛油果蓉」、「酸忌廉」😋薄餅入邊夾住雞肉，加埋三種唔同嘅醬一齊食就啱啱好2）羊肉咖喱配原味烤餅/飯（餐） $75好味程度：⭐️⭐️⭐️⭐️⭐️詳細：😋平時唔會整羊肉，所以出街食都盡量想試吓羊肉～咖喱冇咩特別，唔算太辣，都幾啱香港人口味；羊肉唔會有臊味😋原味烤餅好有咬口，份量好足，我覺得一定要揀烤餅！🍺夜晚都有套餐，送一罐汽水🥤…Read More

香港食韓國嘢都好貴，但竟然係雞地搵到間平靚正韓國菜！尼間韓國菜主打刀削麵，兩個人星期日晚食計埋嘢飲🍻$200有找💰🪑環境：乾淨企理，兩個人都俾咗張四人卡位，枱面好寬闊👍🏻👍🏻👍🏻1）泡菜🥬一埋位就上泡菜，泡菜都有水份，不過偏辣，怕辣嘅可能食完要飲啖水，但就幾啱我地口味😋🤤2）辣拌刀削麵🌶️🥣好大碗，刀削麵好有咬口！🐮有4塊牛～🌶️整體偏辣，我食開3小辣就啱啱好，唔食得辣嘅建議嗌其他款3）五花肉泡菜煎餅⭐️⭐️⭐️⭐️⭐️🔴🔴🔴大推🔴🔴🔴🤤🤤好好食！人生食過最好食嘅泡菜煎餅，真係有一大舊五花肉係入邊，真材實料，但係又唔會太硬！一定要嗌！…Read More

🪑餐廳坐位好寬敞乾淨，坐得舒服，因為係平日中午去，所以都冇咩人🤭👍🏻👍🏻👍🏻服務員態度都超好，好有親切感～🍱食物方面～1）英式早餐English breakfast $108🥑牛油果好正，成熟度啱啱好🍞塊麵包本來睇落乾乾地，但食落有牛油香味，有驚喜🧈🥔薯角脆脆地嘅～腸仔好似係芝士腸🤣其他嘢都正正常常～2）卡邦尼意粉 $58🥛佢唔係平時食開好Creamy嗰種，但係芝士味同cream味係好夠，啲意粉偏硬身好有咬口，我個人都鍾意硬身啲😉3）苦瓜汁（慢磨汁）$45飲得出真材實料😅都真係苦苦地，feel到有落到蜂蜜嘅甜味，但我平時冇飲開就唔慣😂🤣（太健康嘅味道）⚠️注意：慢磨汁冇得計跟餐半價4）宇治抹茶沙冰 $40（跟餐半價$20）🤣就係想像中嘅味道🤣🤣嫌佢太細杯，唔夠候添🤣🤣😅😅📩其他資訊：🚴🚴單車友平日有優惠！總結：食物就係正常cafe水準，就係可以慢慢坐，如果平日想搵個地方傾吓偈，係一個好選擇～…Read More

坐得舒服，適合傾偈嘅餐廳🫦性價比都幾高🤙🏼（1）燒牛舌 $98質素正正常常，冇叫到特級，覺得都夠食。茶碗蒸真係好滑，配菜好夠🙌🏻想過下癮，燒下牛肉就可以叫🐮（2）吉列豬扒 $108呢個吉列豬扒定食，食得出係好靚嘅豚肉，習炸粉好脆，沾埋個汁都夾嘅。不過我又冇覺得好特別，$108都貴，純粹係佢啲配菜夾埋我先至覺得值🙌🏻（3）吞拿魚蓉飯 $105呢個魚蓉飯好抵食！真係食到尾都係啖啖魚肉！我覺得仲好味過吉列豬扒添！推介啊！…Read More

👩‍🍳係一間好細嘅鋪頭仔，但係嘢食就好有驚喜！去開佐敦一帶其實真係可以試！🤑💰💵佢哋嗌咗3個lunch set，每個都係$120，包1個前菜🥗，1個主食🍝，1杯嘢飲☕️🍝首先講下啲主食先！（1）牛油果卡邦尼意粉🥑個汁好滑，連埋一隻溫泉蛋🍳，撈埋超級掛汁超級Creamy！其實牛油果嘅味道又唔算太重👩‍🍳，不過我就覺得所有嘢就恰到好處！係推介大家試架！仲要食落係有好健康嘅感覺😹（2）黑松露雜菌意粉😭😭唔小心delete咗張相呀😭😭呢個仲好味過牛油果意粉！因為佢係勁重黑松露味，然後佢扁意粉嘅質感係有手工意粉嘅感覺（唔知係咪呢），口感極佳！⭐️大大力推介！（3）南瓜烤雞呢個南瓜烤雞比較耐先至上，但係係超級好味😋佢個南瓜蓉係好滑身，撈埋啲烤雞食係好夾（第一次咁配搭）。烤雞係素雞嚟，上面有啲汁好惹味、好香口，重口味人士一定鍾意！又係另一道⭐️大大力推介嘅餸！（4）吞拿魚他他沙律呢一個係第一碟上嘅菜，我本來以為跟set上嘅沙律只係求其一隻碗仔入邊有啲菜咁，所以真係好有驚喜！（係我影得有啲樣衰，真實係好靚）⭐️大大力推介！我覺得呢款沙律係所有沙律之中最好味嘅，佢用嘅芒果好甜🥭，夾其他雜菜，有青瓜、紫洋蔥etc, 全部都係好Fresh好juicy!!!（5）牛油果果愛文芒沙律呢個擺盤真係幾靚，底下係一啲火箭菜，正正常常，佢嘅調味都可以蓋過火箭菜嘅苦味，重點係佢嘅芒果真係好甜🥭我個人唔特別鍾意食火箭菜，所以恕我唔識比comment🙈（6）凱撒沙律凱撒沙律用嘅雞肉同南瓜烤雞嘅係一樣，雖然係素雞，但係個味道都一樣咁好味！食落仲有健康嘅感覺添！作為一個唔係食素嘅人，呢個「雞」係好有驚喜！（7）Mocha and Flat white☕️我本身唔係好咖啡嘅人，我覺得都唔錯， 一個餐包埋杯咖啡，已經唔話得🥰真係超值！…Read More

見到係喺尖沙咀嘅小店，所以想試一試🧐🏠舖頭係好細嘅，因為12點就到，所以唔使等就入得啦，食食下都見到出面有人開始等位🫣一般小店嚟講，都算坐得舒服～📱鋪頭係用QR code落單嘅，方便🕑食物都好快就到(1)牛肉麵 $75🐮牛肉真係幾好味嘅，唔會太韌，都夠入味，4塊嘅份量啱啱好🍜麵唔錯嘅，個人都幾鍾意食煙韌嘅麵！好有咬口！其實佢有得俾你淋啲嘅，不過我就覺得正常就係最好🥣其實你都唔會食到有好頸渴嘅感覺，不過可能我個人比較合重口味啦，所以我就覺得係正正常常，唔算太特別💬可能本身有啲大期望，所以食落反而覺得平平無奇，我又唔會特別推薦大家特登去排隊試🤔（2）滷肉飯（中） $28🐷滷肉飯反而更加好味！佢比嘅份量啱啱好撈晒成碗飯食😍😌夠鹹，好好送飯😙💬平價之選，可以一試最後比張單大家睇吓～…Read More

去到長洲必食啊！一路已經久仰大名！點知真係咁好味😻😻😻（1）沙嗲牛米通🐮完全係平靚正之選，牛肉嘅份量啱啱好，口感亦都係食到肉嘅質感，但又唔會太靭🔥個湯底係好濃，但又冇味精感，唔會令到你好口渴🙌🏻，食每一啖米通都好掛汁，每一啖都有足夠嘅味道！至於個米通，平時真係冇咩地方可以食得到🥰所以入到嚟長洲絕對可以試一試🤭（2）鹹牛肉蛋治🥪呢個三文治就係正常質素😄佢有得比你揀要唔要烘底，烘底都唔需要加錢🤑如果你有quota先叫嚟食啦～長洲有咁多特色餐廳，又唔使特登試。…Read More

本來唔係打算食呢一間，不過經過見到餐廳裝修好新淨，價錢又好平民就入咗去試～喺尖沙咀嚟講，尼個價錢都唔錯！🤑環境乾淨，坐得幾舒服，店員都好好態度～（1）頂級慢煮牛肉盛丼 150g $88女仔嚟講，150 g已經好夠食，佢嘅燒汁好好味，超級送飯，基本上用果汁飯都好正！🍳佢俾咗隻生蛋黃，完全沒有蛋嘅腥味🥚，同啲燒汁白飯撈埋一齊，令所有嘢都好滑！🍖講返主角牛肉，其實又唔算太嫩滑，不過佢切得夠薄，又好夠牛味，食落都唔會鞋口😋！佢亦比咗一啲乳酪配牛肉，令啲牛肉食落滑啲，呢種配搭都幾特別，我個人都幾鍾意❤️🤑$88嚟講絕對可以一試（2）海膽牡丹蝦海鮮什錦刺身丼 $148落咗單之後，超級快就上菜！🍣刺身質素全部都幾好㗎，特別係海膽，都唔會太少，過下口癮啱啱好，亦都唔會有唔新鮮嘅苦味！🐠油甘魚同吞拿魚浸味都好出，唔係凍冰冰一塊肉，而係食得出魚味，但係我就略嫌佢太細塊同埋太薄啦🥴！🦐蝦同帆立貝就正常！感覺都係好新鮮。🥚🍳生蛋黃同樣都係冇腥味，好好送飯，基本上唔落豉油都食得晒成個飯🍚我覺得一個有海膽嘅刺身飯嚟講，呢個價錢都合理嘅。（3）青瓜青蘋果沙冰🥒🍹🫣我個人就唔係幾鍾意青瓜用來做飲品嘅，而且我覺得有少少太甜，特別係食完餐飯，啲沙冰融得7788嘅時候就更加甜不過同行嘅朋友就好鍾意呢杯嘢啦～所以我諗都係睇個人口味啦！…Read More

🌶愛辣之人可以試下啊❤️‍🔥（1）酸菜魚-鱸魚-BB辣🐟 $98🐟魚肉好滑呀！而且冇骨嘅！🍚 $98配埋飯/米線/薯粉，個底有好多芽菜同酸菜，不過就冇其他種類嘅配菜，如果想食就要自己加啦！🌶平時食到三小辣嘅我叫咗BB辣，就覺得係啱啱好，大家記得要量力而為啊！個湯底夠辣夠惹味！（2）涼拌牛展套餐🐮-小辣 $69🍚🍹叫套餐就有杯嘢飲同飯跟～🐮雖然係涼拌，但係佢嘅溫度只係常溫，略嫌啲牛展切得有啲厚身，所以食落嘅口感唔淋；個人就唔係太鍾意，不過如果你鍾意啖啖肉嘅感覺都可以試下！🌶牛展我哋嗌咗小辣，不過我就覺得唔係幾夠味（3）串燒牛、羊（$28/2串） 豆腐皮（$15）🐂🐑羊肉就冇羶味，牛肉就偏乾，其實就普普通通，唔係Juicy嘅肉，但個調味好惹味，似喺內地食嘅感覺～豆腐皮就幾好味！🤑價錢合理！調味好正🤭值得一試！…Read More