hillloveeat's Profile

今日同朋友去左荃灣呢間浦和食放題 , 都有幾多野食可以選擇 , 而且好多都即叫即做大部份味道都唔錯 , 由其係燒物同刺身都幾好坐低左一陣 , 會有 waiter 向你講解 order 紙點 tick服務態度幾好 , 上菜速度算係幾快 , 可以慢慢落單唔使一次過交左 order 紙後即刻放滿一台都係碟首先一開始時會有個送o既剌身拼盆 , 賣相好 , 樣樣都幾新鮮 , 三文魚肥美 , 甜蝦都幾大隻仲幾甜可惜無得加碼 , 任食o既剌身較特別o既有象拔蚌 壽司 , 卷物種類多 , 質素都相當唔錯 , 推介有玻璃蝦 , 櫻花魷魚 , 炸蠔卷等等 前菜中點左一份枝豆同蟹籽沙律 , 普普通通啦熱食方面可分為炸同燒 , 另外有 d 日式小食 , 日式芝士焗蠔係必食 , 個醬幾惹味 , 似沙律醬天婦羅中蝦係最好食 , 炸粉唔會太厚 , 蝦身彈牙燒物中我地叫左鯖魚同秋刀魚 , 燒得幾靚 , 秋刀魚比較腥同多骨 , 建議食鯖魚會比較好額外送左個羊架 , 我無到 , 朋友話好食 , 唔太羶而串燒亦都係即叫即燒 , 當中七味雞軟骨同鱿魚最好味較特別o既係有一個用煙肉包住粒車厘茄黎燒 , 都唔錯o既最後上o既係一口牛肉粒同清酒煮青口 , 仲有個日式火鍋牛肉粒 menu 話係和牛 , 但食落都幾韌 , 青口就幾香酒味 , 火鍋拼盆係臨尾想食下菜所以叫 , 點左碟牛肉 , 幾好唔太肥甜品我見幾乎台台都有叫呢個泡芙 , 好似雪糕咁 , 正 ^^整體呢間放題都值得再黎 , 坐得幾舒服又唔會太嘈吵 , d waitress waiter 都好快手 , 收碟收得夠密又好禮貌下次都會再考慮浦和 , 可以同朋友慢慢傾 , 因為係無限時嫁…Read More

今日放假可以抖下喇終於, 訓晏左 ,都未整好屋企既野你就已經換好哂衫準備出去咁既樣喇,可能你餓喇於是你自己落左去食野先然後再買外賣俾我!知我鍾意食凍野,揀左個雞絲冷麵俾我食!外賣拎走都唔需要加錢,咁就慳左$1喇!就咁望落去份量都okay,上面見到材料都幾多,有葱,芫茜,雞絲,芝麻,底下仲有好多青瓜絲!麵幾夠凍,幼得黎食落去唔會覺得好淋,不過d汁有d油!每啖麵都會食到芝麻,幾香口!雞絲唔會好勁雪藏味,而且份量比例岩岩好,唔錯!芫茜同葱配落呢個冷麵都幾夾,幾爽口!不過食完個口有d臭,芫茜味好重!…Read More

今日憑著一張換領券黎到側魚涌換領美心月餅,門外排隊等候既人唔算多,派餅姐姐都幾得閒!放工反到屋企好肚餓之制就諗起可以食月餅,於是開左一個自己食!雙黃白蓮蓉月餅一切開已經見到蛋黃既油流出黎,好似好肥膩咁!分開4件,每件都有黃,都幾均勻!食第一件都okay,可能我太肚餓無咩感覺!食第二件就開始覺得好甜,d蓮蓉漿住哂系個口度,蛋黃油就即刻必哂出黎,又油又漿混合既感覺就好唔夾,就好似水溝油咁!食到第三件直頭覺得好漏,d油同蓮蓉仲痴住系d牙度,已經覺得唔系好食得落喇!由於開左既關係,唔想留系屋企,於是抖左一陣再戰第四件!其實真系好濟喇食到,第四件足足用左十分鐘先完成到,所以建議如果要食呢個月餅真系唔好一個人食,多幾個人分享都會開心d!呢個月餅一句講哂"少食多滋味"!…Read More

今日黎到沙角邨既大牌檔食飯,呢度除左可以打邊爐,仲可以叫小炒架,我地叫左碟乾炒牛河,另外加左$8任飲汽水!汽水系自助支裝,自己去到出面開,幾個大鐵水箱裝住好多支冰凍既汽水,今日有可樂,忌廉同芬達,加$8飲兩支都抵反!等左十幾分鐘乾炒牛河就到喇,上枱時好香同出哂煙添!好熱辣辣好夠鑊氣,河粉好令身,有d芽菜同葱炒埋落去好香!不過油就油左少少,但系好入味同真系好夠鑊氣,幾好!牛肉都幾大片而且都幾多,份量同河粉既比例都好岩,加埋飲左兩支汽水真系好夠飽!整體黎講呢餐大排檔既野食都幾好味,就算無冷氣得大風扇都好值得試,好有風味呢!…Read More

今日放工已經好肚餓喇,點解我大食左咁多架呢?放工反到沙田諗住同你買送,結果我餓到要即刻食野,哈哈!諗左好耐食咩,初頭行左一間快餐店,但個間好多野食都無哂,結果又要行多幾步路餓多幾分鐘,最後行到沙田廣場大快活下午茶!呢度既選擇都算幾多,不過正當我諗好食咩既時候個樣野食都無埋,睇黎我今日系黑仔日!選擇恐懼症又出現了,爭札左好耐最後揀左粒粒紅豆冰茶餐既迷你熱狗餐,似反下午茶唔好食到太飽丫嘛!迷你熱狗真系幾迷你,得掌心咁大,連條腸都迷你,好得意!包仲熱熱地,個皮仲脆脆地,外脆內軟幾好味!條腸脆卜卜咬落去卜一聲,加埋他他醬既味真系好夾,仲有一塊生菜,好似食緊沙律咁,好健康!至於紅豆冰,紅豆份量都幾多,佔三份一杯,睇住個姐姐不完紅豆再不奶,最後再加水,初頭個諗住會好淡啦,點知又okay喎,味道岩岩好,奶味唔會太重,紅豆本身浸過糖水有甜味,所以姐姐都無再落糖喇!$19呢個下午茶唔算太貴亦唔算抵,味道唔錯有機會再黎食其他野先!…Read More

今日要反通宵更,反工之前要搵小小野食先得!黎到大圍見到間小食店,又突然好想食煎饟三寶,之後就系呢度揀左5件!唔算太多款揀,我大約得7-8款選擇,我揀左豆腐,紅腸,魚蛋,青椒同茄子!我一路叫姐就一路夾無特登再翻熱!拎上手又真系幾熱喎,旁邊醬料同竹籤都系自助既,我淨系揀左甜醬,開頭都有懷疑自己有無拎錯醬因為一拎起入面d醬都搖一搖,好水好稀,可見呢間舖都幾慳,甜醬溝得好稀!吱完醬快d食一件先,第一件食紅腸,原來凍既!因為凍左,所以咬落去好實,唔系幾好味!豆腐就好熱辣辣,不過咬落去好水,d水仲會滴出黎搞到舊豆腐散左!青椒算系最好味,好夠熱之餘唔會熟到淋哂,咬落去卜卜聲好青脆!至於茄子,都系好水,再加埋d水甜醬一齊滴,令到個袋都濕哂!一吉落去點解唔見左舊肉既?原來已經分開左,可能因為茄子好濕所以痴唔埋喇!魚蛋都夠熱,好彈牙,但唔知點解無魚味!唔知系咪又系溝稀左呢d魚肉?今時今日有10蚊5件既煎饟三寶已經唔系好多地方有,賣到平左d料縮水都正常既!…Read More

早排我地都系飲食男女度download左張coupon,食滿$100可以減$10!對於好鍾意食日本野我地,而且大角咀區都系我地成日出沒既地方,當然唔會放過!擇左個吉日貢左入黎搵黑木堂,地址唔難搵,系響d唐樓附近既地舖"去到門口見到成個玻璃都貼哂d食物既相,感覺好似都有好多款野食揀咁喎!入到去原來仲多相俾你選擇,真系就算唔識字既都可以揀圖揀野食,好有心思!眼見座位有限,一眼望哂估計最多能夠容納十幾人"桌椅全部都系用木製品,有種復古同親切既感覺帶俾我!Menu得一版紙,除左menu之外,牆上面仲有d推介食品"睇睇個menu先,魚生飯選擇款式都幾多,價錢有平有貴,想食平既$48都有!正系選擇恐懼症出現之制,見到師父為隔離枱既客人上餐,個個餐就吸引到我要即刻叫佢喇!再睇反個menu搵下先,原來系牆上面推介之一黎架!於是我就點左海鮮上三色魚生飯,呢個飯最吸引我既就系隻珍寶牡丹蝦,另外個兩樣刺身都系我好鍾意食既,就系帆立貝同三文魚腩!落單既時候侍應哥哥問我要唔要轉定食,加$10就有碗麵豉湯同一個前菜!前菜無咩特別,系螺肉!螺肉都算幾大粒,系幾好味既凍食前菜!至於麵豉湯,有d昆布豆腐粒,仲有三文魚添,幾足料既麵豉湯,豆腐粒好滑,但味道無咩特別,不過好夠熱好好飲!終於黎到我最期待既海鮮上三色魚生飯,順帶一提,呢度有魚生飯既建議食法,用豉油適量地順時針倒一圈,然後攪拌,令醋飯更香甜彈牙而不覺酸,更具風味!我就即管用呢個方法食,其實都好似無咩特別姐,但系點解要系順時針呢?哈哈!望一望個賣相,全部都舖排得好整齊好靚!呢個魚生飯可謂極上魚生飯,珍寶牡丹蝦真系好大隻,淨系個蝦頭已經長過中指!味道好鮮甜,蝦身唔會漿口,再分開個蝦頭,睇到蝦膏好多,而痴住系蝦頭既肉望落去都好滑好令身!淨系食隻蝦都令我感覺好回味!至於帆立貝,比我想像中大片好多,咬落去好鮮甜之餘絕對無雪藏味,趙多兩趙d鮮味都出哂黎,令我真系唔捨得吞,呢兩片帶子令我食得好滿足!聽說三文魚要切得有紋理及指定的厚度,必定要有好既刀功,黑木堂師傅的切功令我覺得是完美的!三文魚腩肉質嫩滑,厚身之餘唔會覺得肥,而且花紋漂亮,仲有一種入口即溶既感覺,好佩服師傅既切功!壽司飯既醋落得岩岩好,微酸得黎令d飯好痴身,每粒米都吸收到壽司醋,而且令飯粒好有韌度,好好味!呢一餐令我食得好回味,有機會一定會再黎光顧!…Read More

醫院飯堂 d 飯 , 其實都無乜大期望 , 估計都係味道淡 , 又貴又唔好食因朋友關係 , 今日黎左法國醫院食飯 , 叫左個是日廚師推介 ,係焗粟米魚柳飯 , 加錢可以轉凍飲 , 於是叫左杯凍檸茶等左大約五分鐘左右就有得拎 , 原來仲有一小碟菜 , 好健康呢個 canteen 都幾多人 , 有少少嘈 , 姑娘食完飯會執埋自己個餐盆而且地方都唔細 ,座位幾充足 , 所以都唔係話太難搵位坐 ~焗飯份量一般 , 不過因為係白汁 , 都好夠飽 , 唔會話好油膩有少少芝士焗燶左o係面 , 個飯又用雞蛋炒過 , 都幾香魚柳有兩大塊 , 味道都唔錯喎 , 係粟米粒無乜甜味 , 不過好夠汁黎撈飯食碟菜係白烚椰菜 , 無味道好清淡 , 可能要配合病人o既口味杯凍檸茶都幾好飲 , 唔會太甜 , 仲有好多片檸檬添 …Read More

今日反工前去左附近博康買早餐,見到呢間幾大既麵包先生,走入去揀下,麵包款唔算多,好似俾人買左好多咁!系剩下既麵包我揀左吞拿魚包,個樣都整得唔錯,面上面有一點沙律醬!咬落去第一啖就有餡料以為好抵,點知咬多兩啖連餡料都唔見埋,之後就無再出現過吞拿魚喇!餡料少成咁都賣$5.8,好唔抵姐!個包幾軟既,都okay既!下次都系揀d眼見到有幾多餡料既包,有保證d!…Read More

琴日買左個波仔叮叮飯盒做今日既晚餐,揀左個特價系列既飯盒,粟米斑塊蛋炒飯,加$5有埋糖水,成個餐都系$20幾抵下!一打開個飯盒諗住叮之制,見到汁個邊瓊左一pat野咁,有d肉酸!$15既粟米斑塊蛋炒飯特價得黎原來咁少汁,其實本身個飯盒深度已經好淺,個汁少到連0.5cm既高度都無,仲要放汁個area比起上黎系好細,因此粟米粒都好少斑塊份量比例上都okay,不過雪藏野始終雪藏野,咬落去又淋又濕之餘,好勁雪藏味!不過個飯都okay, 蛋炒左系d飯度變左有味道d,如果唔系有少少蛋就真系要成餐食白飯咁制!至於椰汁紫米露,我無叮熱佢就咁凍食,都幾好味喎!椰汁味唔算重,紫米好煙韌好好趙,而且好足料,每一啖都有好多紫米!食完個飯都唔覺得飽,食埋個紫米露就岩岩好,加$5真系好抵!…Read More

今日系海洋公園玩左成日,夜晚由原本諗住反黎沙田唱k,結果無唱到周圍逛,行到黎第一城搵野食,我地主要系好想有杯汽水鋸下,麥當勞就無幾耐之前食完,竟然系第一城俾我地搵到kfc,咁耐無食梗系唔放過啦!黎到門口見到都好似出左好多新野食喎,我揀左其中一個,加大碼雞脾皇餐,睇下隻雞脾系咪真系勁大先!比我想像中細少少,都唔系咁king size姐,不過蕃茄味就真系幾好味,個皮脆得黎除左有蕃茄味仲有d辣味,我點左d辣醬都仲有蕃茄味,味道幾濃幾好!呢個餐跟個葡撻,我本身都好鍾意食架喇,不過我覺得今次食特別好味,酥皮好鬆脆,蛋漿甜得黎有少少窿味,我好鍾意食!至於個雞皇飯就差少少喇,標明系用燕麥飯真系有燕麥既,不過好少,而且本身個飯好濕好淋,感覺好似食緊d飯加水再叮咁淋既飯,好難食!加上個汁完全一d味都無,食左少少就已經唔想食落去!鋸一鋸我揀左百事可樂,平時唔系好鍾意飲百事因為覺得百事少汽d同甜d,但今日竟然覺得好好飲,可能我太口渴喇!…Read More

反工前買定個晚餐先,岩岩食左個咁飽既lunch,晚餐又咁快食,於是就系附近買左兩個包做晚餐喇!揀左好普通既腸仔包同叉燒包,叉燒包咬左半個都未見餡料,少得好緊要,咬到最後剩反三啖先食到,頭個大半個包都系食白包咁,就算包鬆軟都唔系咁食架,我系食叉燒包唔系食白麵包丫嘛!腸仔包不過不失,麵包軟軟地我選擇食哂成個包先食條腸,就咁個包甜甜地個皮有少少脆,都唔錯!腸仔都okay,始終焗過系同平時食既唔同!…Read More

今日出街之前黎到屋企附近搵野食,是但貢入呢間茶記食早餐例牌茶記早餐都系沙嗲牛肉通,配左午餐肉同太陽蛋,加個牛油方包,再跟杯凍檸茶!野食好快到齊,先試啖湯,望落去好沙嗲咁但都幾味精喎,沙嗲牛肉都okay合格既,不過隻味唔系好似沙嗲,唔知咩味道!通粉勁淋,感覺好似浸左好耐咁,個口感唔系幾好!午餐肉無咩特別,好似平時煎咁!但系個蛋點解反轉上?仲要餐肉撻上面,個蛋黃將會爆咁!我覺得如果呢d分到正面既就應該正面上!至於個牛油方包,同食白麵包無分別,入面既牛油慳到好似無搽過咁都幾難食!成餐最好系杯凍檸茶,要好飲好似無咩技巧咁幾片檸檬加紅茶加糖水就okay咁!真系好想系屋企附近尋覓一間平靚正既茶記,好似以前系大角咀咁,一落樓下就有間高水準既茶記!…Read More

今日係平日,難得門外無佈滿人群,於是等埋你就入座,入到去諗都唔洗諗就黎兩碗豬潤麵同一個咖央西多"等左唔洗5分鐘碗豬潤麵就黎喇,好熱辣辣好滿,真系佩服d姐姐完全唔怕熱唔會辣手!豬潤好足料,一碗麵有十幾塊,簡直食每一啖麵都可以加塊豬潤一齊食!豬潤熟得岩岩好,咬落去即斷唔會韌,好爽口好彈牙!平時打邊爐要自己淥豬潤要淥到熟又唔韌真係好難,維記能夠將每一片豬潤薄薄咁切之餘每一片熟得均勻,真系好難!由於豬潤會有d穌味,維記好細心咁落左d薑僻味!好簡單配合公仔麵就令整體好好味,成本唔多所以呢個麵既價錢好抵食!湯入面既一點二點全部都系豬潤度走出黎,好鮮甜既湯,令平時食公仔麵唔飲湯既我都全部清哂!絕對無浪費豬潤既精華,好明顯睇得出係叫一碗即做一碗!以前唔食蛋既我今日已經好鍾意食,知道蛋可以有好多好多唔同既整法,而咖央西多就係其中一種!少少甜甜地卻又充滿蛋味,明知道系煎出黎但咬落去都唔會必油,真係好特別好好味!中間個層既咖央甜甜地,唔需要再落糖漿"成餐飯真系好抵食,食得好滿足!…Read More

估唔到食飽行過食肆都仲有意欲去買野食,不過要即刻食就食唔落喇,買左個炒麵同幾粒豬肉燒賣做第二日既午餐"姨姨好均真,我話要盒炒麵,佢問我要包定盒呀,原來有得一包包咁買,包既$7盒就$10,我梗係買盒啦,平d又可以揀一個小食做送"炒麵有張隔油紙吸哂d油,平時好多時都食到成咀油,呢個炒麵食完直頭可以唔洗抹咀!麵條幼細,但係成個麵無咩味道,食調味醬既味多過豉油味!一條條既葱趙趙下會攝住牙那,而且趙極唔斷!整體黎講呢個炒麵都唔系幾好味,不過豬肉燒賣加分啦,平時食開既魚肉都系彈牙,豬肉就反而好多肉汁收埋系燒賣入面,面上既蟹子就真系好裝飾,無味道既,不過豬肉燒賣比較少地方有得食,$5有4粒都好抵!…Read More