金婆婆's Profile

有朋友推介話好好食，所以就即刻試試佢。散叫咗pizza, burger, 薯條, 雞翼。Pizza好食，感覺到係手工嘢，唔係hea整嘅，個邊仲有醬可以點，所以解決咗一班食餡唔食邊嘅大嘥鬼👻Burger 我覺得好好食，係雞burger, 唔鞋, 好多菜，多到好似以前某炸雞店嘅菜絲沙律咁，好正！相中嘅burger已經急不及待比我切開咗，所以影得唔靚📷雞翼係單骨，容易食，辣辣地。薯條正常發揮，唔會太鹹。店家出手大方，用心經營，希望長做長有，如果想係元朗食pizza, 呢間一定係首選👍🏼…Read More

Lunch time 去食飯，門口個侍應帶位，帶上2樓近樓梯口位置的一張二人枱。其實當時仲有其他位可以選擇嘅。呢張枱好近樓梯，睇緊Menu時，每當有人上落，我都要起身讓人經過，所以就問個侍應，可以調去另一張枱嗎？佢好晦氣咁講話Ok, 當我地坐去另一張枱時，要我哋坐到最入都唔緊要，竟然無啦啦拎塊好厚好高嘅實木板出嚟隔離咗我哋，無冷氣已經覺得好焗，仲要有塊大木板成度門咁封住我地。唯有即刻起身離開，同佢講唔好意思，坐得都幾辛苦所以唔食啦，點知佢對住空氣回應：啊！好呀，隨便你地啦～咁有性格嘅餐廳，我真係無資格幫襯！…Read More

食到一肚氣！叫咗朱古力雪花冰，個冰底實到一pat pat, 香蕉係生嘅，仲有少少乾到硬嘅棉花糖，唔知已經放咗幾耐。餐具污糟，根本無洗乾淨。另外叫咗腸粉魚蛋燒賣，腸粉係蒸到硬哂，硬到咬唔到，起哂角，要吐返出嚟嗰種。燒賣魚蛋都係一般正常嘢，係個腸粉十分之差，唔明點解咁都可以拎出嚟。仲有個仙草冰，其實都無乜嘢，係好甜。全程坐室內，幾個男職員大聲傾偈，不停講粗口，室內空間唔太大，其實知唔知咁樣好滋擾？到比錢啦，係cashier個男職員係黑口黑面，一句嘢都無講，連幾錢都無講，莫講話一句多謝。三樣嘢，盛惠$145，永無下次！如果同路人係會咁樣對待同路人的話，Sorry, 你哋唔值得同路人嘅支持。…Read More

午飯時間，見新開就去試吓。由入門口一刻，個短頭髮侍應生（定係經理）指住我，好有威嚴咁叫我入去，已經打咗個突。坐低咗10分鐘，個落單嘅QR code都未比我哋，已經開始懷疑係咪入錯嚟！叫個黑松露薯條，無期望就無失望，薯條唔多，又炸燶哂。主角嚟啦，意式蕃茄大蝦意粉，盛惠$88！碟嘢嚟到，唔明點解可以咁肉酸，茶餐廳嘅乾炒牛柳意粉都好過佢。意粉算多，碟入面有稀稀嘅茄膏水，茄味極假，一粒蕃茄粒都無，係一粒都無！大蝦呢？係用雪藏蝦，無味嘅，有4大隻咁多，躲藏係一大Pat 意粉下面！凍檸茶，個茶反哂，混濁啲囉！總結經驗，永無下次，睇吓下一次係邊間接手租呢個舖。…Read More

話說係附近嗰間PHI 比錢買難受之後，有啲唔爽，所以嚟馬會尋吓開心😂上到嚟個環境坐得好舒服，兩邊牆身都有大電視，睇波睇馬，悉隨尊便。講真，Lady M都出名貴，但我個人認為以呢間嘅位置，服務，舒適度去計，咁就好值得。蛋糕未必係驚天動地，但都係好食嘅，而兩杯飲品就好滿意，一杯係Ice mocha, 另一杯係Rose tea latte.下次會去試吓set lunch, 聽個侍應妹妹話，如果撞正race day, 就記得要訂位，無得walk in架～…Read More

訂了枱，準時出席，前面排咗個男人同師奶。師奶一個人一支箭衝入去揀咗4人枱坐，侍應話Ok, 跟住侍應出返嚟帶男人入座，安排另一張4人枱。然後到我同男朋友啦，帶我地入去就聽個男侍應求其話：坐呢張啦！係最迫嘅牆角位置2人圓枱，問佢點解前面兩個人都係Single一位，但可以坐4人枱？侍應竟然話，因為餐廳無1人枱，所以分別每人比張4人枱！我即刻笑咗出嚟，呆咗，呢啲究竟係乜嘢垃圾邏輯？特別一提，著綠白色波鞋嘅女侍應，全程黑面，中午12點就話要留起3張枱比員工食飯，所以唔會比客坐👍🏼到食物啦，味道一般，價錢中上，完！講效率，Pancake 等咗25分鐘都上唔到，最後取消咗！總括來說，如果想坐得舒服啲，就唔該一個人去食，多過一個人就預咗要坐得好迫。…Read More

澳門又多一個好選擇🤩記得要係OpenRice 訂位先，因為我哋去到嗰日，雖然係平日，但都不停有人walk in, 而餐廳唔算好大，如果full咗就要等啦～樣樣都好食，最愛威靈頓牛柳，酥皮好正，有牛油香但唔油膩，封滿蘑菇，牛柳軟腍豬扒包係媽媽嘅至愛，驚為天人，同澳門巿面上嘅豬扒包相比，係天花板嘅級數其他菜式都很妥當企理，唔會令人失望。而飲品方面，飲咗果茶類，唔太甜，但相對食物就比較普通啲。已經諗定下次一定要試fish and chips同埋千層蛋糕…Read More

有朋友食過，好推介呢間木玥巷。係OpenRice 見到有得預購二人餐，順便訂埋位，一條龍服務。價錢已經包括兩款小食，兩款小菜，兩份細鹵肉飯，兩杯水果茶，仲包埋加一。入座時同職員講返係預購，就係咁簡單，唔使再慢慢諗要食乜，對選擇困難嘅人嚟講，實在太方便了😆反而等到食飽飽之後，亦都係乜都唔使搞，揮一揮衣袖就可以走啦，感覺怪怪的🤪魯肉飯係安格斯牛肉，好味~鹽酥雞，要點蜜糖食，好好味~咕嚕肉，連埋菠蘿一齊食，好味~炒水蓮，食到爽爽聲，好味~烤地瓜，凍食，好味，不過敏感牙齒嘅朋友要小心😂~兩杯水果茶，不知不覺就飲哂了，好飲~…Read More

其實已經食過好多次，因為懶，一直拖到今次先寫，忍唔住要同大家分享吓個人認為泰妹記嘅食物水準係好過好多同區內嘅泰式餐廳，舖頭雖小但會食得開心嘅泰菜選擇。我已經諗定下次食咩啦，下次要食菠蘿海鮮炒飯，串燒，炒芥蘭，炸蝦餅，泰式生蝦，芒果糯米飯。。。講返今次嘅評價先～炭燒豬頸肉: 好香，肥瘦適中柚子蝦沙律: 新鮮，醒甜開胃泰式炒金邊粉: 我的最愛菜式馬拉盞炒通菜(無影相) : 大份，唔孤寒熱檸蜜, 咸檸七(無影相): 正常味道 …Read More

發現新大陸, 元朗小皇子餐廳 ~由細到大都愛鋸扒, 可能是情意結吧。和媽媽兩人點了芝士焗菠菜, 雜菜湯, 酥皮龍蝦湯, 頂級肉眼扒, 酥炸杏仁吉列美國黑毛豬, 心太軟, 雲妮拿梳乎理, 凍檸茶, 凍奶茶 , 埋單只係HKD 530 ~~~ 嘩, 好開心呀~~~芝士焗菠菜 -- 好香, 夠芝士, 唔會太爛 pat pat雜菜湯, 酥皮龍蝦湯 -- OK, 正常頂級肉眼扒 -- 好實在, 無鬆肉粉, like !!酥炸杏仁吉列美國黑毛豬 -- 個名好長, 哈哈!! 堅JUICE, 不過如果炸粉薄番D會更好心太軟 -- 好濃, 女士恩物雲妮拿梳乎理 -- 絕對值得推介, 下次會試埋個朱古力味凍檸茶,  凍奶茶 -- 幾好, 有水準, 最怕又苦又澀, 不過呢度已經係好高分 !! 整體來說, 絕對可以再幫襯 !!…Read More