EvaMax's Profile

set lunch $230 二道菜，$260 三道菜， 飲品要另外加錢，因為是日甜品唔係咁啱， 所以只叫左$230 set.頭盤有沙律 / 湯， 主菜有pizza, 意大利飯， 牛肋條 同 魚， 選擇唔算太多餐包味道唔錯， 熱辣辣， 外脆內軟， 好香， 但有點咸個湯都几好味， 飲落去有點飲泡泡的感覺， 入面好多空氣， 几特別主菜我地揀左雙拼pizza 同 risotto，pizza係norcina拼margherita, pizza 皮好薄， 餡多， margherita好多番茄醬， 加埋羅勒酸酸哋几好味， 但我鍾意norcina多點， 因為有好多野菌， 好香菌味， 好正risotto - 番茄汁燴蟹肉蝦肉， 味道普通，食落似龍蝦汁多過番茄汁， 唔係好覺有蟹肉， 蝦肉就有几粒， 食落有點漏， 飯粒硬度偏向正宗， 所以較硬， 唔係太習慣…Read More

新開冇耐，一直都鍾意食日本野，見佢個樣靚靚仔仔咁， 試下冇壞外賣盒打開，其實賣相望落都ok, 只係份量有點細，女仔仲ok, 男仔應該唔夠飽叫左原祖燒牛肉飯同燒雞飯， 先講燒牛肉， 點牛肉好乾，又韌， 又油， 又唔夠味，個飯又冇咩汁， 完全冇燒汁味， 最好味應該係配菜腌蘿蔔， 唔會再試燒雞飯， 打開飯盒第一時間覺得有點怪， 因為點雞切到好細粒， 係雞丁。。haha, 不過點雞算有味， 但似滷水雞多過燒雞， 不過味道都ok, 但點飯一樣又係冇咩汁， 有點乾冇咩味順帶一提個奶茶反而几好飲…Read More

本身都好鍾意食越南野， 听講越南同越北口味唔一樣， 就試下有咩特別。佢本身個午餐價錢都ok, 唔算貴， 仲可以加錢叫點小食， 選擇都几多。野食方面， 都好一般， 我地叫左香矛豬扒金邊粉同炸蝦餅。一般食湯河都會飲啖湯， 呢間個湯淡淡地， 鮮味同香料味都冇咩， 麻麻地。金邊粉太碎， 用筷子都夾唔晒， 要用匙羹幫手先食到， 味道又一般。豬扒方面， 香矛味夠， 有少少甜甜地，但肉的質地較硬， 唔夠juice 。到蝦餅， 味道同質地都正正常常， 冇咩特別， 只係細塊左點lo 。總括來講， 試過一次就夠， 冇回頭的衝動。…Read More

店的裝修都幾特別, 燈光偏暗, 今日早到又冇咩客, 環境好安靜, 可以好舒服咁傾計同食飯。除左窗邊的座位外, 另外有2張馬蹄型的梳化椅係對住窗的, 啱晒情侶/朋友, 可以坐得埋點, 方便傾計。 個menu都有好心思, 整到好似本畫冊咁, 第一版先介紹下自己餐廳, 跟住后面就係唔同食物的介紹同圖片咁, 等點食客可以了解下間餐廳之余, 又可以睇下某點食物由來, 都幾得意。我地今次叫左奶油磨菇湯, 八種綜合芝士pizza, 香煎帕爾馬火腿帶子 同肉醬長通粉。奶油磨菇湯跟個餐包勁好食ar, 內軟外脆, 可惜只有一片…haha…個湯cream唔算好重手, 飲完都唔會好飽, 清清地幾好飲, 點野菌都好多, 好夠菇味香煎帕爾馬火腿帶子 – 用ham 包住粒帶子, 一齊食時ham的咸香味同帶子好夾, 帶子煎得啱啱好, 仲好嫰, 面頭有點酸酸甜甜的汁, 好特別 八種綜合芝士pizza – menu 有一版專門介紹pizza 的特色, 除左係用明火現場即整外, 仲講明係按拿坡里pizza 協會的standard 來整….得到認可tim..…好似好傳統好地道咁…..試味時間->呢個pizza 真係好好食, 個皮好煙韌, 軟得來有咬口, 邊邊冇芝士的地方都食到好香的咸香味同小麥香, 就算冇料都覺得好食……pizza 的料用左八種唔同的芝士, 材料雖然只有芝士好似好簡單, 但好好食, 店員提我地可以落埋蜂蜜一齊食, 加左蜂蜜后好味再度提升, 咸甜咸甜咁好特別, 口感豐富肉醬長通粉 – 同一般食的肉醬通粉唔同, 芝士同肉醬都好豐富唔在講, 係芝士同肉醬之間仲有焗薯片同茄子, 我最鍾意係佢個薯片, 薯味勁濃…..長通粉就偏向硬身點…..煙韌有咬口….…Read More

好多年前已食過一次, 但好似係香港消失左一段時間, 而家又活躍返。今次一行2人來到, 見到個餐牌選擇都算多, 唔同種類的野食都有, 同埋最重要係價錢真係好平, 係香港食野來講, 呢個價錢真係抵到爛, 叫到成枱野食都係百几蚊, 但感覺已經好豐富。本來以為價錢咁平, 點野份量應該都會好少, 但又唔係wo….起碼個意粉都有一碟, 唔係2啖就食完個種…..同埋味道都算ok la…. 性價比都ok….我地叫左脆焗香味雞球($24), 半份焗香腸($19), 三文魚塊($19), 雞肉野菌pizza($32),野菌肉醬意粉($29), 另外再加一個甜品-榛子脆餅冰雪蛋糕($18),好似叫左好多咁, 但都係百几蚊, 仲要唔駛加一…….haha..真心覺得好抵食雞肉野菌pizza普普通通, 芝士味唔夠香, 味道整體較淡, 唯獨係個菇味好出..都ok脆焗香味雞球 -> 呢個好味, 食落夠香, 又唔會好油, 入面點雞肉又嫩焗香腸 -> 脆皮腸好好味, 入面好juicy野菌肉醬意粉 -> 呢個都好味, 肉醬味好香, 意粉又軟硬適中三文魚塊 -> 炸得夠脆, 入面有少少芝士流心, 但芝士味較淡, 點三文魚肉都算嫩, 幾好味榛子脆餅冰雪蛋糕 -> 與其話呢個係”蛋糕”, 不如話係雪糕….haha……一上枱雪到好硬, 好似石咁…要等一等, 等佢開始有少少融先開始食……呢個一開始食覺得好正, 因為榛子味好濃, 好似食緊金沙咁…..佢個cream 好滑, 中間有一層榛子蛋白脆餅, 有榛子粒同榛子醬, 加埋點cream 一齊食..一個淡一個濃啱啱好……加上一個有咬口…一個幼滑….2種唔同的口感…….不過食到后期就開始覺得漏, 榛子醬個種甜味越食越勁…haha…..建議起碼2個人一齊share 好點…Read More

店內紅紅綠綠的裝修好搶眼, 有一種傳統的感覺, 配合返個店名”北京”, 舖頭入面都有好多京劇面譜/人物公仔的裝飾, 連一點提示的標語都有面譄公仔。食物方面, set lunch 有飯有面有小菜, 都有好多選擇。 我地叫左蜜汁豬扒湯拉面, 加小籠包set, 另外再加左個豆沙鍋餅做甜品。蜜汁豬扒湯拉面 – 見到蜜汁, 好自然令我聯想起叉燒, haha, 來到后個賣相唔錯, 豬扒同面分開上, 但份量唔算大。個拉面都算彈牙, 有點咬口, 個湯清清地都ok。但個豬扒唔得, 上菜的時候個豬扒係凍的, 呢個真係好扣分。豬扒比較,薄身, 但食落唔算好實, 少少乾身, 個蜜汁味唔夠重, 冇蜜汁的感覺。呢個仲要係廚師推介, 的確有點名不符實。小籠包 – 入面有湯汁, 味道都算ok, 但個皮就厚左少少豆沙鍋餅 – 呢個算係成餐飯最好食, 金金黃黃咁, 入面的紅豆餡唔會太甜, 外皮又夠香脆, 食完都唔覺得漏…Read More

呢間店成日都路過, 都冇試, 今日終于有机會, 行過見冇人等位, 就試一試。店內點位都算多, 裝修唔算精緻, 似係街坊點心屋咁。位同位之間坐得都算舒服, 係出入的時候覺得有點逼。同埋呢度原來係用膠碗膠羹, 但都算干淨。茶位每位$4, 但唔駛收加一, 都好抵。呢度點心唔算太多選擇, 但一般酒樓大路點心都有齊, 都係點傳統點心, 花巧野就冇la。叫左7個點心試下, 總括來講覺得炸的唔錯, 又脆又唔會油, 但相反煎的就好油, 冇咁好食。到就食完先記得呢度招牌係生煎包, 唯有下次有机會再試, 但唔知會唔會又係好油呢。琵琶豆腐丸-炸得外脆內軟, 豆腐本身味道較淡, 點個汁食啱啱好生煎蓮藕餅-蓮藕餅煎得好香口, 食到一粒粒蓮藕粒, 但點肉冇搞到起膠, 同味道偏咸, 食落又好油北菇雞飯 -雞腌得好夠味, 又滑, 但點飯就太爛, 個冬菇都夠爽,但得一粒少左點畔塘馬蹄糕 – 馬蹄糕太軟身, 冇口感, 同埋食落好油鮮蝦沙律春卷-皮較厚身, 但好脆, 食落完全唔油膩, 入面沙律份量啱啱好, 唔會過左火…Read More

平時去北角多數行馬路大街, 都唔會留意到呢一間係巷仔入面的舖, 今次偶然見到個招牌, 跟住走入巷仔就見到似點平民街坊舖咁, 舖頭唔算大, 一眼睇晒, 都几親民ge。 野食方面午餐set有飯, 有面, 有定食, 餐飲set 死左一係跟熱玄米茶, 一係就一款凍飲 (好似係檸檬特飲, 唔太記得了, 見到人地叫好大杯黃色的), 如果要轉其他野飲可以再加錢咖哩吉列豬扒飯 $41一來到賣相都唔錯, 都幾吸引人食慾ge, 個咖哩汁好香, 好微的辣, 完全唔食得辣的人都接受到。豬扒炸得夠脆, 但唔係好嫩好多汁個種, 肉偏實, 但街坊店質素來講算ok。特別一提係個炒菜份量都算多, 炒得好爽口, 味道唔錯, 唔會好似人地點伴菜咁冧bat bat, 可以食多少少菜都健康點, 日式叉燒拉面 $35一來到見到點叉燒都覺得有點問題, 又乾又深色, 有點似滷水咁。食落真係又乾好鞋口, 唔好食, 個面普普通通, 下次唔會再叫 …Read More

筲箕灣有分店真係好開心，以后想食唔駛走到老遠lu...可以想食就食新分店裝修同其他分店唔同， 主色調係紅+橙， 好sharp, 好有活力， 同其他分店好越南風味的裝修好唔同， 店入面分別有梳化卡位同膠凳的枱， 我就鍾意坐梳化卡位多點， 因為膠凳望落好似唔多舒服咁食物方面， 2點開始就有下午茶，今次叫左一樣的香矛豬扒金邊粉， 一份係正價set, 一份係下午茶set, 比較下， 不過相片就唔係好睇得出個分別， 但現實個碗正價係大好多ga....正價的豬扒係分開上， 下午茶就同粉放埋一齊， 份量大約係正價一半度， 女仔細食下午茶都夠ge..仲有杯野飲tim....味道方面， 個湯好香， 金邊粉軟硬度啱啱好， 豬扒都好勁香矛味， 好好食另外仲叫左蝦餅(全份) 同 胡椒肉卷 (半份), 蝦餅全份有2塊，外面炸得好香脆， 入面蝦肉彈牙， 正！！！！ 胡椒肉卷 入面有蔬菜，好夠胡椒味， 因為菜份量俾肉多， 感覺唔油膩， 好食…Read More

午餐有普通set menu, 6-7x 有交易, 仲有另一款貴點, 係包埋自助沙律甜品吧既, 任君選擇。 沙律吧食物較豐富, 門口直入有一張大長枱, 上面有唔同款的沙律, 火腿, 冷盤咁, 主要有沙律菜, 薯仔沙律, 紅腰豆, 腸仔芝士, 火腿, 蜜桃鴨胸, 炒野菌, 日式醬汁豆腐沙律, 螺肉, 香草烤南瓜等等, 選擇都好多, 全部都好好味。甜品吧就只有一張枱仔, 有豆腐花, 啫喱糖, apple pie, 抹茶mousse, 同2 至 3款cake 咁, 雖然食物選擇較少, 但味道都ok。豆腐花夠滑, 抹茶mousse 都好重抹茶味, lemon tart 都好正, 夠酸同檸檬香, 朱古力批的餡都好香好滑。來到正餐, 都有好似6至7款可以揀, 價錢按唔同食物相差几十蚊度。我地揀左辣肉腸長通粉, 豬柳伴糖漬蘋果, 煎三文魚扒跟干邑胡椒汁, 同埋雜扒(西冷+羊架+腸仔)。辣肉腸長通粉冇咩特別, 味道普通, 連相都唔記得影ar 豬柳伴糖漬蘋果 – 雖然冇咩汁, 以為會好干身, 但食落一點都唔會鞋同干, 個豬柳好juicy, 點肉好嫩, 糖漬蘋果就冇咩特別, 本來仲以為會係一塊塊, 原來係切到細細粒伴碟咁,少少甜甜地, 食唔出係蘋果 煎三文魚扒跟干邑胡椒汁 – 三文魚扒煎得好香, 個皮仲有少少脆, 點肉好嫩, 個干邑胡椒汁都好特別, 有點似白汁咁, 但帶少少酒香, 薯蓉味道唔會太重, 清清地咁都几好味雜扒 – 個西冷都煎得唔錯, 羊架亦都好好唔會羶, 啱晒怕食羊羶味的人, 腸仔都好味。侍應小姐仲會攞盤sauce 過來問你想要咩, 落几多, 服務態度好好ar總括來講, 雖然佢半自助LUNCH 最平個個餐都要$98, 但沙律吧個質素都OK, 限時個半鐘, 食完個沙律吧都飽飽地, 都算抵食ge。 佢12點開始午餐時間, 但如果人多就最好提早少少去MARK 左位先, 12點就可以等安排入坐la, 因為12點先去就好多人排隊ga la …Read More

假日前鬆一鬆, 一早訂好位, 為左個靚靚waffle 來幫襯下, 一到門口店員已經用普通話親切招呼, 想帶俾客人好似去左台灣的感覺, 餐廳環境好舒服, 又有點免仔耳的凳, 好得意, 啱晒點少女來打卡叫左個名都好靚的佛羅倫斯花枝干貝麵, 干貝煎得好香口, 又唔會好干身, 個麵的汁唔會好濃味, 加埋點雜菌好清新另外黑松露麵都好正, 個黑松露醬好濃味, 個意粉就算冇其他配料都好好味炒雜菌普普通通, 冇咩特別水果茶好香甜, 又唔會漏, 而且份量好多, 一壼茶都可以沖到好多杯最后主角士多啤梨waffle, 賣相好靚好吸引 , 仲有三款醬 -> honey, 練奶 同士多啤梨醬, 加個士多啤梨雪糕, 女仔見到實好開心 waffle 食落比較脆口, 加埋士多啤梨粒同cream, 味道ok, 不過我個人較鍾意食外脆內軟個種, 呢個較硬的就唔係太啱我口味…Read More

裝修完后, 名都改埋, 加多左隻字, 但餐牌大部份食物同以前分別唔大, 只係多點少少新野, 食物質素依然普通, 燒餅反而仲有點縮左水tim, 薯條個抹茶鹽唔係好夾, 唔點就咁食仲好食,  新瓶舊酒,  令唔到人有新鮮感…Read More

平時好多人排, 今日行過竟然唔駛等位, 可能放假點人去晒外遊, 啱晒, 可以入去試試點心款式唔算多, 不過一般大路野都齊, 創新點心就冇咩la先來個瑤柱海皇肉丸粥暖暖胃, 見到肉丸的時候, 第一時間覺得係豬肉丸, 仲覺得同海皇粥加埋有點怪怪地咁, 但原來個肉丸係海鮮丸, 食落有點似蝦丸mixed 墨丸咁, 都几好食。個粥仲有魷魚同其他好細的海鮮雜料咁, 個味道都算ok跟住叫左菜苗餃同金錢肚, 菜苗餃都算足料, 大大粒又飽滿, 不過可惜個皮唔係太好, 好易夾爛, 金錢肚就中規中矩, 冇咩特別見佢有個黑芝麻松皮包, 話賣完就冇咁特別, 諗住應該好正, 個包賣相ok, 黃黃地咁, 入面係黑芝麻蓉, 但芝麻味唔算好香, 反而仲有少少奶黃味再來就係香口野, 叫左長春卷, 糯米雞同花枝餅, 三樣野來講春卷算叫做最好味, 因為唔會好油, 但蒜味可以再加強點 ; 花枝餅個名"金甲玉蘭", 其實真係估唔到係咩, 來到先知原來係好多杏仁片包住花枝膠, 仲有一點點綠綠地但因為太細粒, 食唔出係咩菜,個花枝膠好好食, 但外面點杏仁片太多, 又唔夠香, 會食到口淡淡咁, 如果焗香點杏仁片, 同落返少點會好點, 唔駛俾杏仁片搶左花枝膠風頭 ; 糯米雞就煎得太軟身, 外皮唔夠香脆, 同埋同花枝膠一樣, 都係太過油, 食完成碟都係油 …Read More

東大街又有新餐廳，賣客家擂茶，好似好特別咁，每日6點先開，仲要只開1至5,  睇得出老板對自己點野都好有信心， 竟然最旺的周末都唔開門本來淨係打算買擂茶湯丸，但見個個都買蝦籽炒面，一路排隊都聞到好香，決定試埋炒面炒得好干身，一點都唔會油，面頭落的蝦籽勁香擂茶湯丸主角應該係個茶，擂茶好香，飲落口感好好，感覺好多材料係個茶入面，好好飲，相反湯丸就太爛，個皮唔夠咬口，好似入口即溶咁，唔夠煙韌不過小店制作認真，點野都係即叫即整，所以要俾點耐性等下la…Read More

太安樓店執前老細話會再揾地方開返， 終於都返來la....仲要係天悅咁近， 實在太方便la水牛城雙層牛肉加芝士burger - 久違的手打牛肉，食落同機器整真係好大分別， 唔會實到死， 又有肉味， 唔係大型連鎖店個點味精味☺ 醬汁酸酸甜甜好開胃，面包好軟熟， 入面揸左點牛油好香呀，仲食到有一粒粒好似碎蘑菇粒係個汁度， 如果大塊點就好la, 咁先可以滿足我呢個蘑菇控 (∩_∩)...除左burger , 仲叫左芝士白汁魚柳飯， 可惜外賣執錯左意粉俾我 (>﹏<)....味道較淡， 同burger比較失色…Read More