ah big's Profile

第一次食這店的馬來食品，真的不錯，海南雞和其它食品也很好，尤其例湯，食了兩次都不同，一次是椰子雞湯，另一次是南瓜雞湯，標榜無味精，但也很好味。比該區的五，六間麵店一窩蜂賣牛雜，牛腩，雲吞和丸類，突圍而出，有驚喜！…Read More

見這店新開張，試一試下午茶，從未食過咁難食的潮州菜。在大商場做茶餐廳格局，很難做得住，除非很好吃。吃了沙茶牛肉撈麵和札肉炒河，撈面無味，炒河無料，完全不合格。奶茶是白色的什麽特色奶茶，完全無茶味，仲要另加十元，檸茶要加 18元，搶錢！清茶和檸水就不用加，飲品用紙杯裝，好肉酸，毫無級數，令客人無食欲，比普通茶餐廳還低層次，一杯茶更錯了兩次。食品和茶飲肯定不合香港人口味，是太古城最差的一間食肆，不會再光顧！…Read More

叫左個牛筋腩撈麵，連飲品六十元，一大碗麵，另一小碗裝住四至五粒，魚旦咁大的牛腩和牛筋，完全不值五十多元。牛腩又韌又鞋， 完全吞唔落，撈麵味道好難食，食左一半哽唔落，連杯檸茶都冇茶味，得個黑茶色。好耐冇在香港食到咁差的食品，未夠班，唔好開檔，影衰香港美食天堂的美譽！見佢新開張，幫襯試吓得唔得，係完全唔得，難食到食唔落，請我食都唔會再去食。咁嘅質素，仲差過街邊檔，平日都見好少客人，做食肆冇回頭客，等執！…Read More

美心集團品質一向有保證，估不到現在可以差到這地步，今個月光顧了兩次。第一次訂了大閘蟹餐，竟然話已賣光！改叫小菜，質和量比兩餸飯店還差，火腩大鱔死實實，唔新鮮，豉油雞鞋恰恰，帶子又鹹又冇鮮味。第二次食大閘蟹餐，套餐內有兩個餸都係雞，醉雞完全係白切雞淋酒，雞又鞋又粗，酒又無酒味，根本不是真正醉雞，另一是栗子炆雞，從未見過一個套餐有兩味雞，濫竽充數， 行政總廚可以差成咁！芥蘭炒鹹肉，菜又炒到黃哂，鹹肉又硬又乾，蝦球四人餐只六件，每人不夠兩件。同朋友傾開美心集團品質現在好唔掂，原來很多人也在太古城翠園，灣仔警官會所等中伏，點心差到離普，不會再光顧。美心是我們由年青開始光顧，淪落到此水平，真有点唏噓！…Read More

每年一度的生日飯今年選了這裏，大小共十二人，貴得值了。食物高質，品種齊，只可惜沒有我喜愛的生蠔，牛扒稍遜， 有點韌和鞋，其它全在水準之上。尤其即制天婦羅，和牛烏冬有水準。餐茶也十分講究，有拉花 latte, 紅茶成壺上，餐後可嘆番兩杯茶，甜品也是高水準。小朋友吃得開心，大人也就更開心。服務很好和體貼。有各種酒類套餐，很化算，值得享用！在 Oki訂座可享 85折，但要預付訂金，連酒水也有85折，檯距不擠，燈光稍暗，有幾級樓梯分隔食物區，有点不便！…Read More

星期日玩完海洋公園去食，顧客不多，食物種類和款式特別，有肉骨茶，炸軟殼蟹，其它日本魚生哥壽司，海鮮冷盆，芝士盆也不錯，羊扒出色，牛扒合格，麵檔好睇唔好食，甜品及雪糕好，茶啡任飲，價錢中等，地方寬倘。…Read More

餐廳格局似茶餐廳，全部膠碗碟，張檯又細，叫多樣野都放唔落，食物質素似快餐，份量少，長者一個餐都食唔飽，價錢偏高，絕對不合性比價，想嘆餐高質素的日本菜，找錯地方，食過很多間樓上舖日本菜，全部坐得唔舒服，價錢又貴！…Read More

個兩面黃炸到鐵線一樣，個汁稀淋淋冇料，得幾條芽菜，冬菰絲，用放大鏡找到幾條肉絲，食水太深。窩貼三小隻，連加一要 20元一隻，小籠包也是細細粒，味道正常！薰魚唔入味，冇味，靠個汁先食得落！咁嘅質素，價錢唔平，点樣做得落去，一次過，不會再幫襯，自取滅亡。…Read More

環境舒適，食物高質，甜品無得輸。主要是西式，地中海式食物，中，日式欠奉。喜歡沙律，芝士的選擇多，每人一隻龍蝦，三種食法，芝士焗，香草焗或凍食，波士頓龍蝦肉質霉，不好吃！生蠔好瘦和細隻，龍蝦湯無得頂，鵝肝多士，又厚又大塊，一啲都唔孤寒。週年紀念送了件小甜品，十分好吃，不錯的用餐體驗。…Read More

幫襯東海大閘蟹套餐有十多年，今年最差，菜餚很薄，吃不飽的，最後加了壽包才免強夠飽。六人餐一坐低，立即奉上六隻大閘蟹和魚羹，食左兩囗魚羹，蟹粉小龍包，蝦碌，片皮鴨，牛柳粒，全部一次過上檯，所以除了魚羹是熱的，其它餸全部凍的。魚羹是沒有料水汪汪少少槳粉的湯，未食過咁差的羹，大閘蟹水準還算合格，食完羹，第一隻蟹和全部餸已凍哂，連最後的菜和烏冬也是暖暖地，反而湯丸稍熱。一年比一年做得差，非常失望，以前還有花膠炖湯和蟹粉多士，現在只有蝦碌每人一隻大蝦好少少，牛柳粒是例牌，六人每人幾粒小肉粒，烏冬得幾條無料，食得好寒酸！…Read More

適合一家大細的自助餐，一般自助餐的選擇都有齊，全場最好食的是燒牛肉和燒豬卷，失望的是沒有生蠔，只有芝士焗蠔，海鮮冷盆中的龍蝦十分差，又韌又鞋，好難食，毫無鮮味。紅白啤酒汽水，飲品無限供應是最大賣点，冷凍食物選擇比熱盆多，印度食品佔了一大個角落，也不太受歡迎。地方寬趟，取食物很輕鬆，不會人逼！…Read More

已有數年沒有去，十分回味它的傳統味道的齋菜，水準依然保持到。炸春卷拼腐皮卷好鬆脆，法海蒲團賣相不夠好，芋頭魚酸汁不夠，羅漢上素唔夠熱，白粥仍然出色，十元一位包茶芥粥飯，整體不過不失。…Read More

一行六人，張檯細到放左龍蝦和片皮鴨已冇位放其它，不停要大碟換細碟才放得下餸菜，又要不停趕住食清全部，清左啲碟才放其它餸，全程冇侍應主動換骨碟，放抵左餸就冇人理你，九時多就摧埋單，到9:45 分叫你走話夠鐘。衰過快餐店，諗住同朋友食餐晚飯傾吓計輕鬆吓，結果食得急趕有壓力，永不會回頭。餸菜一般合格，不是特別出色，不值得再幫襯，這間酒樓遲早玩完，食物不是特別好，招呼差勁，食過尖沙咀的分店，完全不是這樣差的！…Read More

朋友帶去的一間家常小菜館，本來沒有什麼期望，卻意外地享受了一餐健康的餸菜，完全無味精。其招牌的鳳眼果炆鮮鮑魚排骨，鮑魚冧滑，排骨入味，豉汁蒸鱔，不油不鹹，味道啱啱好，還有食客慕名而來的每日湯水，今次飲的是馬蹄菱角鮮淮山蓮子百合排骨湯，清甜潤肺。其它有蔥油雞，浸大蜆，勝瓜魚片浸粉絲等都很受歡迎。店舖還煲了多款有益飲料，如白花蛇舌草，牛大力，九江菜黃豆等清熱，清汗茶水，老板十分有心以健康食療待客，值得贊許！…Read More

薄餅薄到似張紙皮，切又切唔開，拿又拿不起，好似張紙巾咁，薄餅上面又無料無醬，意粉無料又無汁，湯又稀到似汁，麵包球細到似個餅仔，雪糕放在 Bar檯，十分鐘都冇人拿俾客人，溶左一半。服務人員黑口黑面，唔出聲答你，見到個南亞女服務員除低口罩，不停捽鼻，又繼續工作！是最差的一間 Pizza Express，不會再光顧 。食過其它分店，不是咁差，赤柱分佔好好味，其它過得去，康怡分店服務最好！分店不同，水準各異，不是招牌保証。香港很多意粉店好好食，這間實在差又貴，很快被淘汰！可惜忘記影相！…Read More