bebe貓's Profile

下晝四點幾嚟到，見下午茶餐都幾多款式選擇就入咗去。兩個人，叫咗瑞士汁雞髀+沙律+熱華田、沙爹牛肉包+熱奶茶。瑞士汁雞髀個汁嘅味道係幾好食嘅，但係隻雞髀就硬過我條命，啲肉好鞋，我以為自己食緊煲湯嘅瘦肉，懷疑佢哋係咪由朝早開舖煮到下晝四點🙃沙律係雜果沙律嚟，一擺落口有陣酸宿味，所以冇食到。沙爹牛肉包幾正常，牛肉嘅份量都ok。不過杯奶茶就好唔掂，非常非常之澀。最後食完沙爹牛肉包同埋熱奶茶嘅朋友，一晚屙咗幾次。呢間嘢真係冇下次。…Read More

網上留意到呢間餐廳，睇左d相都幾唔錯，今晚黎試試佢～位置係駱駝漆3座6樓T室，都算就腳易搵～不過大廈有1部電梯維修緊，所以等到第4部先上到去。餐廳係快餐+自助形式。揀好食物，去櫃檯落單比錢～～自己酙茶水、拎餐具、豉油。我叫左刺身魚生飯、屋企人食三文魚蟹籽飯。落單等左一陣已經上菜，幾有效率。黎到見到，咦，都大碗，同埋切得幾厚喎～食落去樣樣都好新鮮，若果真係要講缺點就係發現 魚鱗一塊食完記得自己執檯呀～好滿足嘅一餐…Read More

ot完好攰唔想煮，決定一邊搭車一邊叫外賣返屋企食。係網上外賣平台見到呢間餃子，就試下啦。兩個人，叫左韭菜餃10隻、三鮮餃5隻、醉雞、蒜泥白肉、麻醬雞絲冷麵。廿零分鐘送到，一打開d餃子係熱辣辣架。餃子好有驚喜，皮非常薄，好多汁，唔似一般北方餃子厚皮。麻醬雞絲冷麵好特別，佢唔係杰撻撻果d麻醬，冇咁濃味，食落都幾清爽。蒜泥白肉嘅蒜味非常香，帶少少辣好惹味。醉雞就比較一般，首先係佢太醉，同埋d雞熟左d，特別係胸位，都幾鞋。整體黎講都唔錯，餃子好高分添～～…Read More

星期六好怕出街食飯。。等位太痛苦。。路過見到，睇完menu覺得都啱食，就試下啦～～仲要剛好有檯唔使等，good～～叫左布拉達芝士蕃茄、帶子露筍、同埋芝士菠菜雲吞～～其實想試pizza但喉嚨痛，唯有下次先試啦～～布拉達芝士蕃茄，味道好好，唔會太多pepper～～帶子露筍，好有驚喜呀，爽口帶子，配露筍蓉，好清新嘅味道！芝士菠菜雲吞，個湯清清地幾好，雲吞皮似乎係自家製，但失望地。。個餡勁咸，而且除左咸味，冇其他味道。。下次唔叫呢個了。。。整體黎講幾好味，我會再黎食嘅～～…Read More

今晚同舊同學食飯，無意間發現He She Eat開左cafe係銅鑼灣，雖然睇食評話要排隊，不過都係決定黎試下～～食過旺角果間He She Eat嘅甜品，念念不忘，唔知cafe嘅水準又係點呢？好慶幸，排左都唔知有冇15分鐘，就可以入座喇。。d檯都擺得幾逼，但香港咁貴租，真係冇辦法。。我地叫左一份All day brunch，有得揀五個或七個或九個items。我咁為食梗係揀九個啦。。。九款食物都好好味，最令我驚喜，係牛角包，熱辣辣，好香好香牛油味，又鬆又軟！第二係牛油果醬，用新鮮牛油果搓成蓉，愛牛油果嘅一定明白果種美味我飲果杯係草莓玫瑰花茶，凍飲黎架。黎到先知，入面有一球雪芭。估佢唔到，雪芭溶晒之後，竟然味道會咁好！甜品，檸檬pancake就係我必食嘅，酸酸甜甜嘅感覺令我一次又一次叫呢個甜品。今次再試埋櫻花草莓奶凍，又係不得了，奶凍味道啱啱好，唔會甜得滯。加上果醬，脆脆，雪糕。。。真係太好味～～仲有好多野想試呀，但胃容易有限，要下次喇。。…Read More

有朋友識人，係酒店開張前用優惠價$328買左自助餐券，諗住萬豪咁出名，應該有返咁上下質素啦，點知真係大錯特錯!!4月果陣打去訂位，佢話如果要星期日就要排到6月!嘩!咁勁??好啦，就book左6月9號。我地一行4人6:15PM去到，唔使等，即刻入座。見到D海鮮，有D失望，雖然一早已知冇生蠔，但竟然見到白色好細隻，後面有個洞果D小墨魚，唔係嘛，用D咁ge貨@@"我拎左一隻麵包蟹，之前見到報紙介紹呢度自助餐，講到隻麵包蟹好多膏好吸引，點知。。膏，係有ge但唔多，而且冇鮮味囉。。仲有D蝦，一D鮮甜味都味都冇，求其搵個大排檔叫白灼蝦都鮮甜過佢。朋友拎左D即炒意粉，聞落好香，但食落就好啖，冇落盬咁。我拎左燒西冷牛肉，加燒汁。。又係好淡，冇落盬咁。。中式燉湯。。又係一個字，淡!!佢話自己係Mövenpick雪糕。。但食落似牛記囉。。最嬲都唔係呢D，入座果陣，冇人同我地講有餐茶，食食下，有個侍應黎sell我地，每人30蚊可以任飲果汁汽水，於是我地就每人加30蚊啦。。點知後來發現，原來每人一杯餐飲!!!真係火火地。。雖然我地自己都唔記得問，但sell果陣都應該主動同客人講聲有餐茶丫，感覺好唔老實囉。。最後，講埋杯餐茶，我叫左熬咖啡。。我只能話，算啦，大快活大家樂都好飲過佢，佢比我果D奶仲要係凍，雪凍果種凍!!邊有人飲熱咖啡加凍奶=_="…Read More

同朋友仔黎食lunch，朋友比我先到，坐低左等我~~一入到去，見到我個位張梳化!!!!有煙灰好明顯係未開舖果陣，有人係度食過煙啦，食還食，清理好丫唔該!!叫野食，竟然冇海膽，有冇搞錯??三文魚、三文魚腩，冇味ge....上次係金水食都好過佢好多!!蟹棒，冇左以前果種鮮甜ge味道......帆立貝，好腥.....真係想吐返出黎...立魚、油甘魚、鱆紅魚，點解上面要加一滴柚子或者什麼黑松露??完全蓋過魚ge鮮味....好難食...牡丹蝦、甜蝦，唔夠甜.......蟹肉蒸蛋，我好鍾意食蒸蛋，去任何一間都會叫，不過呢間.........唉....一打開個蓋，賣相已經唔討好...一堆半透過ge汁包住一堆蟹肉....蟹肉冇鮮味....蛋都唔夠滑，最大問題，亦係好多舖頭都會有同一個問題：就係蒸蛋唔應該有蝦，因為隻蝦會好老、好實、冇鮮味....成個lunch入面，真係搵唔到一樣好食ge野......服務態度哩....成日見到個穿西裝ge女人(我諗係經理)係度鬧人，好嘈...而另一個穿西裝ge男人，就打電話去鬧另一個人....簡直係鬧劇，我黎食飯，D野唔好食，仲要成餐飯聽住你地係咁嘈....貼錢買難受所以.............我唔會再幫襯!!…Read More

每次約呢個朋友仔，都一定會捧住個肚走，因為我地都太為食了XD~~今次朋友仔帶我黎「連粵日」，事前佢已經講左好多次，話一定勁好食，但佢又話佢自己未黎過喎，原來係佢個為食老細介紹佢黎，咁應該都有80分以上喇~~平時行街都唔會行到黎呢邊，所以唔知呢度有間餐廳，係一座唐樓入面，行2層，入到去，嘩~地方好細，但好舒服啊~我地訂左位，係窗邊呢^^望一望個menu，選擇唔多，不過睇黎每一樣都好特別~朋友仔預先留左2隻「醉溏芯」、1個「柚子酒煮花甲」、1個「鵝肝蛋珍珠飯」聽落已經覺得好吸引~~我地再叫左「九制陳皮香酥肉」、「蝦多士」、「麻辣一丁」、「話梅涼瓜」「柚子酒煮花甲」：D花甲好大隻，好爽!!飲埋啖湯，不得了，好有鮮味，仲有柚子果種好清新ge味道!!「醉溏芯」：滑嘟嘟咁，有淡淡ge酒香，上面有少少黑魚籽做點綴，又唔會搶左個味，正!「話梅涼瓜」：我一向都唔食涼瓜，唔鍾意果種苦味...但呢個真係令我驚喜，我第一次覺得涼瓜好食!!吸收左話梅果種酸甜，但又有少少甘甘地~好神奇!!「蝦多士」：好足料呢，不過對比起其他菜色，呢個最唔特別啦~不過都係好好食~「九制陳皮香酥肉」：有冇諗過九制陳皮可以用黎醃肉??味道仲好夾!!炸完都唔會乾，軟腍腍架~~「鵝肝蛋珍珠飯」：呢個係一定一定一定要食!!!唔好理埋晒D咩鬼脂肪、膽固醇喇，唔食一定會後悔!!果種香、滑....sorry，我真係形容唔到!!「麻辣一丁」：呢個菜係最後上架，因為食完會好「麻」~~但就唔會辣，再飲啖凍野，好得意ge感覺!!食完之後，終於明白點解menu可以咁少選擇，因為佢每一樣都做得極好，每一道菜都可以令人留下深刻印象!!真係好滿足!!!唯一有少少遺憾，就係食唔到「麻醬蕃茄」，下次一定會預留一個呢~**提一提大家，記得記得要訂檯，我諗唔到有咩理由會唔爆...最穩陣係預定埋想食ge菜色，因為限量供應呀^^…Read More

好少會入屯門...但老公仔太多野做喇，所以今次調轉我入屯門搵佢食飯啦~~搭西鐵ge時候上左黎open rice...諗緊今晚不如食上海婆婆~D食評好似唔錯~點知去到屯門，老公仔就問今晚食上海菜好唔好~~XD~~原來佢都諗住帶我黎上海婆婆呢^^我地叫左：小籠包~~皮薄又多汁!!樟茶鴨~~個皮好脆但唔會有肥膏，好香~~火腿津白~~唔會太咸，D菜又唔會老~~黑醋排骨~~酸酸地~~好正~服務正常丫~冇果種叫極都唔應ge情況，佢地真係好鬼忙，但都好有效率~~難怪可以入圍啦~~好少可以O係一間餐廳叫幾個菜都好味~~一定會再黎~~…Read More

早幾日同朋友黎食飯~以前佢地仲叫做德家果陣，我已經黎過~今次返黎就係因為掛住佢d烤肉lor~~但係見到新野，又忍唔住想試下喎....結果我地叫左洋蔥湯、辣豆腐海鮮湯、芝士羅馬菜沙律、生鮮牛肉絲、asakuma牛扒，當然唔少得烤肉拼盤啦~~個洋蔥湯好得意，有塊麵包o係底，個面有芝士!好好味~~朋友果個辣豆腐海鮮湯，我早就見識過喇~~其實唔係好辣~不過聞落去會覺得香得好惹味，仍然keep到德家果陣ge水準...芝士羅馬菜沙律有勁多好濃味ge芝士，正~~生鮮牛肉絲都算係佢地ge招牌小食喇~~朋友第一次食生ge牛肉，結果?同我爭食lor...不過略嫌細碟左dd.....asakuma牛扒，5成熟，一上檯，竟然有種炭燒ge香味肉質都幾軟，剛剛好，唔會好似花園餐廳果d用匙都界得開.....至於烤肉拼盤，同以前一樣咁好味~~不過如果可以多d牛舌就好喇....好滿足ge一餐~~service都幾好~…Read More

好耐冇上黎食飯喇，今次約埋幾個朋友仔黎食飯，其中一個仲係牛魔王!!今次我地5個人，待應話星期一至星期四所有套餐都有85折，好似好扺...所以我地點左個2人套餐A，份量已經夠3個女仔食!!(除非個個都好大食啦...)套餐入面已經有牛脷、牛排，仲有和牛添呀~~好有牛肉味為左滿足個牛魔王，我地仲加左份牛柳粒，燒到個皮脆脆地，但係中間林林地，超正!!食得出佢冇用鬆肉粉，好有咬口!!當然唔可以錯過我地最愛ge生牛肉絲，食完套餐果份都仲要加多份…Read More