Springrolll's Profile

伏到爆炸。👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼見到咁多好評，Tea time揀左呢間餐廳Chill一chill。叫左一杯紫薯奶茶$38，紫薯份量少得可憐，只有痴住杯邊少少，感覺似人地上一手食淨無洗杯，十分尷尬。叫左少甜但奶茶入口係甜到反胃無茶味。出面隨便一間外賣手搖飲品店整得重好飲。👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼奶蓋抹茶千層蛋糕 crepe整得太乾，又無抹茶味，而所謂既奶蓋完全唔係嗰一回事，最後食左一半都無就埋單走人，無下次。…Read More

假日閒遊赤柱，跟住朋友既手繪地圖尋寶覓食，穿過熱鬧的大街和寧靜的小巷，終於抵達朋友介紹的Angeletti小天使餐廳。由於抵達前已在附近食過西多士，且時間為下午四時，故只點了一個Pizza, 一個pasta和一個side dish，而店內亦都只有我們一台食客，包場寧靜之選Made-to-order即叫即做故需少許時間製作，但係食物質素絕對值得等待。*莧菜（菠菜）香草薄餅餅底夠脆，用料夠足，芝士夠香也可拉絲*海鮮墨汁意粉好味，烹煮時配上少許忌廉，不會像坊間的那麼鹹*香草牛油焗釀白菌田螺真心有驚喜，有好味薯蓉墊底，上面有白蘑菇同大大隻嘅田螺，調味適中*除食物附送兩塊多士，配上提供的醋和橄欖油，10分有風味一定會再來…Read More

我從來都唔食酸菜，不久前喺第二間餐廳友人食麵有酸菜伴碟我聞到即刻反胃作嘔，但係開餐嘅酸菜魚麵堅係好好味，我竟然食咗朋友嗰碗幾啖仲諗住下次自己再去食!! XD鰻魚飯大大條抵食無失望，鰻魚汁撈埋珍珠米一流😋😋椒鹽豬扒醃得入味炸得夠香，豬油渣飯加上甜豉油一流👍🏾👍🏾👍🏾炸流心奶皇包好香到宜家都仲掛住，推薦大家去到一定要叫黎食！🤤飲品跟餐只係加$10，買個樽都唔止啦，一於叫晒三個未，全部都好足料夠哂味！總結：一定會再去！…Read More

一直都係Toast Box不定期顧客，適逢近排做promotion當然又要再去下。今次招牌星洲喇沙買一送一，3人行叫左4碗，3碗堂食1碗外賣，重加左$10要一客炸雞排同$10要杯薏米水，味道穩定椰奶味夠重夠香無失望，無將貨就價，炸雞排夠脆，薏米水夠濃…Read More

今日喺黃埔上糧，行遠少少去咗新開左好耐嘅8號水產覓食，呢間拉麵店位置雖然有啲隔涉，但係整體合格，如果下次去黃埔都可以再encore-做咗功課得知特上同普通嘅分別，特上配料會比較多，有齊豬腩肉同豬肩肉、糖心蛋同埋紫菜，咁我當然就揀咗特上啦。叉燒肥瘦適中唔會太鞋或者太油膩、有燒過-麵底我就揀咗曲麵、硬度適中，食落彈牙。我個人比較鍾情極之濃厚嘅豬骨湯底，我覺得如果湯底可以再濃厚啲就perfect池。-另外，黑蒜油豬骨湯底就感覺有啲唔湯唔水，黑蒜油味蓋過咗豬骨湯味，變咗好似兩個喺度爭風頭，最後兩個味都食唔出，所以兩款比較都係覺得原味豬骨湯正啲！-小食叫咗一客餃子同埋炸軟殼蟹，餃子叫做合格餡料夠唔會鬆泡泡，但係味道比較淡無乜驚喜；反而炸軟殼蟹就炸得認真唔錯，即叫即炸脆卜卜熱辣辣，唔會食到成口油…Read More

去開太子又去食下好耐冇去心思思想食嘅第一腸粉，去到叫咗豬潤腸、牛肉腸、鴨腎菜乾粥同埋鹹肉糭。收銀黑口黑面好似你爭佢錢咁無服務呢個大家都知，但係個腸粉真係難食到我一定唔會再幫襯，個腸粉皮厚過我腳底皮，仲差過一般酒樓食到嘅，仲好意思叫自己做第一腸粉，完全係倒數第一。我問收銀阿姐係唔係轉左師傅，佢繼續黑面就咁答無，我就同佢反映番個皮好厚，佢冇回應就走左去👎🏾👎🏾👎🏾👎🏾👎🏾後來我望入去又真係一個好老嘅師傅咁。唯一一樣野好味就係個菜乾粥，但係咁嘅食物水準同咁嘅服務態度...第一腸粉呢個名真係不敢恭維。一句講晒，唔會再幫襯。…Read More

見到某tube有介紹就即管去朝聖，一共點左四款，椰菜雲耳豬肉餃、西洋菜餃、招牌芝士粟米餃同必食既韭菜餃。$40/10隻（加$2可雙併）水餃的確好出色，隻隻都大大隻，皮夠薄夠彈性，最重要係餡料夠隻隻都脹卜卜。我個人覺得呢四款裏面西洋菜餃同椰菜雲耳豬肉餃最出色，菜肉比例很好、調味適中且味道夠濃郁，而韭菜餃就不過不失，雖然芝士粟米餃係招牌但係就唔太啱我口味。另外湯頭方面，佢講明自己係椰子海帶鮮雞豬骨濃湯並絕無味精，但係我同友人一飲就係濃濃嘅金寶雞蓉湯既味道，所以係湯方面我好有保留總括而言，水餃CP值高，係值得返頭幫襯…Read More

我好少會開po寫食評 但呢間良心小店真係要讚下！我未試過食麵會飲哂啲湯 呢間我堅飲哂 上過雜誌專訪 岀名豬潤湯 用料靚 無味精 d豬潤一啲腥臭味都無反而好甜 豬扒勁入味 價錢又貼地！嗰日老闆親自岀黎招呼 服務好到加01！老闆話佢其實喺附近有間鋪賣開手機 頂左手搵左個舊同學做廚房 老友鬼鬼一齊做👻下次如果去開佐敦 強烈推薦大家去試下支持下 食唔辣既豬潤湯豬扒米通最正！😋😋😋😋😋 …Read More