ccangel's Profile

百物騰貴，依然能以平價又保持質素取勝，實在不易，酥皮义燒包吸引如惜，入口鬆軟，义燒和醬汁恰到好處，好味到不嘩嘩聲，金銀蛋瘦肉粥好足料，有啲偏咸，食完有點口乾，大致滿意，保持香港精神，實而不華，大家努力加油！…Read More

見到呢間，似乎有啲新意，好評唔錯，於是試吓個日本池魚餐，點知送到耒，池魚表面唔錯，但偏細，而且冇乜肉，义兩义已經食完，珍珠米份量偏多，可惜太珍珠，又硬又唔夠熱，加埋啲類似紫菜和肉鬆粉的東西放上面，味道怪怪，完全食唔落，椰菜沙律似裝飾，偏小，縂之成個餐，食完好似無食，印象好差，以後唔會再試！…Read More

經過西環「太興」，於是嘆個雙併燒味飯下午茶，雖然服務可以，但送上焼味不太吸引，焼肉唔脆，义燒好硬，份量唔少，啃落完全唔享受，發現只有一、兩間「太興」質素比較穩定，不知何解？！…Read More

睇完電視介紹，突然好想試街頭小食, 追下當年情，點知去到見好多吉位，有點懷疑，但環境尚算乾淨，招待員木口木面，魚肉燒買無咁神級，超貴，唔值得特別去食，粉果皮超厚，朋友話唔合格，咖哩魚蛋超唔得，碗仔翅太傑，唔夠熱，欠缺風味，生菜魚肉只有幾條生菜絲，魚肉尚可，但食完立即口乾乾，唯一要讚的是椰汁，好香好有風味，喝咗兩杯，埋單百幾蚊，我真是傻的嗎？結果個胃漲到連正餐都食唔到，冒名而去，失望而回，世界變了，人心也變了！…Read More