Vivian.VN的個人專頁

呢間buffet本身已經好出名，今次做個乖乖女，帶埋媽媽嚟食好野(⁎⁍̴̛ᴗ⁍̴̛⁎) 一入到餐廳，我嘅靈魂已經比甜品吧吸引咗🤩一陣要留肚大食特食🤤🤤🐮佐賀牛Corner呢個corner擺咗好大嚿佐賀牛出嚟，睇得出雪花分明，品質好高👍🏻仲可以揀唔同做法，包括Shabu Shabu、烤牛肉同鐵板燒，個人最推係Shabu Shabu，可以食到好Juicy嘅佐賀牛本牛🤤🦪生蠔吧有師傅坐陣即開生蠔，每人每次限拎兩隻，但亦都因為咁而超級新鮮，唔怕行嘅可以拎多幾轉食返夠本🤣🤣（題外話，師傅好搞笑🤣🤣）🦞刺身、海鮮超級新鮮，大推赤貝同紅蝦，有時仲會有原隻嘅波士頓龍蝦🦞可以拎，但唔係刺身嚟嘅🙈（可惜我哋呢日唔遇唔到😭）🐟蒸左口魚唔腥，亦都唔會因為保溫而變乾變嚡，好好食🤤講返甜品先，所有款式都好精緻，款式又多，食多幾款都唔怕🫰🏻不過我淨係試咗兩款都已經好飽好滿足了🥹🥚燉蛋焦糖好脆，蛋味濃郁好滑，不過再多啲生果會更好🥛牛奶奶凍牛奶味好濃💕我哋仲有食心太軟，外皮脆口，一咬開啲朱古力漿就湧出嚟💕師傅手字好靚都係一個加分位👍🏻中意食甜品嘅絕對要嚟試吓（幫我試埋其他款式吖🤣🤣）…查看更多

呢間居酒屋以日本師傅堂前主理食物作招徠，無論係食飯質素、款式、價錢同份量，CP值都極高前菜方面，我哋就揀咗木魚碎南瓜同薯仔沙律，好味又開胃，唔夠喉仲可以再添炸魷魚鬚外層炸粉偏厚身，但魷魚鬚炸得好香脆，香口得來唔會覺得太油建議滴啲檸檬汁食會冇咁滯特濃豚骨湯拉麵嚟拉麵居酒屋點可以唔叫拉麵呢豬骨湯底好濃郁，建議可以再額外俾錢加多啲紫菜，同湯底真係好夾，完全係將碗拉麵昇華去另一個層次三文魚親子丼三文魚刺身好新鮮，醋飯就同日本當地一樣偏淡口，唔會太酸，令三文魚嘅鮮味更加突出沖繩煮豬手同印象中係傳統沖繩豬手嘅風味一樣，好冧身，充滿咗日本醬油嘅味道，有啲似日版嘅滷水豬手，送飯一流鐵板厚燒牛舌好彈牙，燒到皮脆肉嫩，切到好厚身，一咬落去牛脂味湧晒出嚟，好滿足蟹籽沙律🥗份量好多，好好食，好耐冇試過食咁多菜後來我哋仲有叫到軟殼蟹卷同溫泉玉子豚肉生薑燒，不過飽得滯，就決定外賣拎返屋企慢慢食lu…查看更多

呢度一個價錢包晒打邊爐同燒烤，而牛肉就有上選赤身牛肉、澳洲安格斯牛肩胛肉、極黑美濃和牛同澳洲M9和牛揀，而我哋今次就揀咗第三價位嘅美濃和牛🤤火鍋鍋底都好出色，我哋揀咗五指毛桃椰子雞同藥膳雞湯，兩個湯底都好滋潤好特別，我哋開始淥野食之前都飲咗碗，仲要愈煲愈濃郁🤤配料區有好多蔬菜任拎，菇類都有好多💕然後呢度係套餐包嘅野食都任嗌，我哋叫咗蝦同斑片蝦好新鮮冇雪味，斑片淥完都依然咁滑唔嚡口飲品方面，呢度有好多自家制嘅茶類，推薦白桃烏龍茶，清新得嚟唔會太甜👍🏻甜品都有好多種類，呢度連爆谷都有🙈🙈我哋仲有食到涼粉同Häagen-Dazs雪糕，超滿足↖(^ω^)↗要留意返，呢度嘅台式小食都係任食嘅，大推台灣腸同鹽酥雞👍🏻一於嚟個台式小食放題(˶‾᷄ ⁻̫ ‾᷅˵)呢度真係每樣野都好多選擇，性價比好高…查看更多

呢間係北方嘅邊爐，所以係食羊肉為主，而呢度就有3款羊肉提供：蒙古巴彥淖爾羊、寧夏灘羊比較嫩滑，脂肪比例啱啱好；甘肅民勤羊肉質就比較實啲，偏瘦我哋今次試咗佢嘅寧夏灘羊，入口即化唔嚡口，大家可以根據自己嘅喜好而揀食邊一款🙈（不過羊騷味偏重，中意羊騷味嘅人啱啱好，建議大家試吓跟佢嘅建議調醬點嚟食，味道會更上一層樓🤤😜呢度係用加咗杞子同紅棗嘅清湯打邊爐，簡單清甜得嚟又養生我哋仲叫咗魚片，新鮮得嚟好大碟，最後淥完肉再食返啲菜真係即刻refresh返，凍冰冰嚟食羊肉邊爐真係冇得輸🥹💕💕…查看更多

牛縣燒肉海膽丼（燒肉）海膽好新鮮Creamy，三文魚籽好大粒，連埋隻蛋一齊撈埋食，要食啖燒肉，真係好滿足好邪惡，但我食到停唔到口😭😭推薦用紫菜包嚟食，風味會更上一層樓🤤🤤腹心肉、極上牛小排呢度嘅燒肉係用厚石板燒，啲肉冇預先燒過，建議燒耐啲先食，入口重牛味，肉質好嫩滑；另外燒肉汁酸酸甜甜好開胃👍🏻呢度嘅職員仲好好人，見到我哋嘅石板降咗溫會主動幫我哋換過塊新嘅，值得加分💕💕鹽燒牛舌心串好冧好入味，鐘意食牛舌嘅人大推😆😆小科普：呢度嘅肉係用咗USDA Prime認證嘅濕式熟成方法處理，亦即係將肉用真空包裝，再放喺冷藏室保存，利用用品自身嘅酵素嚟發酵，令到佢嘅水份同埋肉質得以保存，所以呢度嘅燒肉入口係十分之嫩滑💕💕…查看更多

花膠雞煲半隻花膠湯底好鮮甜足料，用嚟淥烏冬一流，烏冬吸收晒花膠精華🤤💕另外仲叫咗西班牙豬肉片，肉質嫩滑，呢個湯底邊邊養顏100分手撕雞飯好嫩滑，雞味好濃郁燒生蠔🦪而家餐廳做緊優惠$10隻，雖然每次至少要叫半打，但絕對會食得晒🤤🤤鋪面嘅蒜蓉好香，隻蠔又大隻又新鮮，一上枱記得要趁熱食🤗飲品我哋叫咗生薑茶同柚子蜜適逢嗰日天氣突然之間降溫，飲杯暖笠笠嘅薑茶同埋柚子蜜真係好驅寒好warm💕如果提前訂座有八折優惠，除咗我哋今次食嘅花膠湯底之外，佢哋仲有蒜香豆花、酸菜同埋藥膳湯底等等嘅選擇，適合想試吓特色火鍋嘅你💕另外餐廳做緊其他優惠，星期日至四有$99任飲生啤；星期日仲有烤魚半價🌝…查看更多

呢間墨西哥菜隱藏咗喺酒吧街入面，分咗室外區域同埋室內區域：室外主要俾人飲杯野chill吓；室內主要就係俾人食嘢嘅，環境好有格調🍤鐵板烤大蝦上菜嗰陣仲係熱辣辣，好香仲要爆多膏🤤所有蝦都好大隻，個底仲鋪咗好多三色椒，吸收晒醬汁嘅精華，本身唔鍾意食三色椒嘅人都會愛上呢一碟餸New Zealand Lamb Shan🐏羊髀仔好大隻，熟度可以落單嗰陣時講明，我哋叫咗半熟，雖然送到嚟嗰陣係偏熟，但依然好嫩滑唔嚡口重點係兩道菜都有配到玉米捲餅，點埋醬一齊食真係好滿足💕💕…查看更多

我哋今次叫咗佢嘅全日成人A餐，128蚊已經包咗無骨走地雞同無花果鍋底，好抵食山野無花果滋潤湯鍋呢個湯底除咗好多無花果之外，仲有紅棗杞子同松茸等等嘅食材，好清甜，同嚟淥肉真係好鮮甜再加上出邊好少見到呢一個湯底，呢一個價位可以食到咁滋潤嘅湯底CP值好高記得一開始要飲吓啲湯先滿山跑脆皮雞雞味香濃，脂肪比例唔會太高，皮薄肉嫩配菜&熟食至於出面嘅配菜區都有好多選擇，仲有幾款熟食可以揀，單點嘅海蝦都好新鮮彈牙，值得叫嚟試吓👍🏻👍🏻另外呢度嘅炸魚皮都好脆，絕對要夾嚟過吓癮…查看更多

今次我哋叫咗一份手搖海鮮袋，上菜嗰下俾佢個份量嚇親，堆到成座山咁高重點係佢仲要包埋勁大隻嘅龍蝦🦞，海鮮種類都唔少，$300幾蚊真係好抵食，可以搵多幾個朋友一齊嚟食不過調味都幾辣吓，建議唔食得辣嘅要叫微辣，又或者好似我哋咁叫凍椰青解辣同埋呢度嘅白飯係任裝唔嬲架，唔怕辣嘅話撈飯食都好惹味以餐廳環境嚟講，因為喺正海邊，夜晚嚟食坐室外嘅話，配合埋街燈，冇遮冇擋嘅天空吹吓海風，真係好舒服（不過我哋當日去有落雨，我哋就坐唔到室外了）同埋呢度可以帶埋狗狗架，放完狗或者踩完單車嚟都唔錯…查看更多

我哋今次三個人叫咗佢嘅金裝套餐嚟試吓，一入座佢就俾咗張紙仔我哋揀呢一個套餐入邊我哋想食啲乜嘢，我想講呢度真係好多嘢揀🍲湯底 - 花膠濃雞湯呢個湯超好飲，我哋未開始打邊爐已經每人飲咗兩碗對女仔嚟講真係勁養顏呢個湯嘅雞係用咗三黃雞，雞味濃郁，啲雞皮仲超嫩滑（淨係飲湯都已經覺得好滿足）刺身拼盤象拔蚌絕對係一個亮點，超新鮮鮮甜，完全一啲都唔腥；赤蝦好新鮮，👩🏻媽媽大人至愛海鮮🦪蠔：好大隻，好Creamy，超級新鮮四寶丸手打嘅肉丸真係好顯廚師嘅功架，每一粒都好彈牙，好鮮甜，要知道肉丸可以整到咁彈牙真係唔容易Respect默默耕耘嘅廚師們巨大化手打檸檬茶大杯到由頭飲到落尾都飲唔晒🤣…查看更多

呢間茶樓嘅質素好高，環境清幽，但即使係平日嘅午市都好多人，如果想嚟食野記得提早Book枱，或者早啲嚟排隊等位呀豉油王香煎日本淮山雖然外表唔突出，但食落做工一啲都唔馬虎，軟硬適中，仲有啲脆脆哋多數食淮山都比較清淡，但呢度嘅淮山吸收晒豉油王嘅咸香味，又唔會太咸🦐蝦餅 & 蝦餃蝦餅煎到好香口，好有蝦味；蝦餃皮晶瑩剔透，好足料，滿滿蝦肉🥟湯餃餃入面好多材料，湯入面就有好多蟹肉，仲有好多配料，我哋將碗湯飲到一滴都冇浪費到，超好飲🍲菜乾杏汁豬肺湯豬肺嘅事前處理做得好好超級乾淨，個湯飲落完全冇臊味，飲得出係煲咗好耐嘅老火湯嚟我哋仲另外嗌咗一啲點心，包括香煎綠茶餅、釀魚肚同小籠包，全部都可以食得出呢度嘅廚師真係好用心去烹調所有菜式，事前準備功夫一啲都冇求其了事…查看更多

利申返先：自問唔係好食得辣，今次嚟呢度食嘢都係揀BB辣🙈不過BB辣都係偏辣多啲，如果唔係好食得辣嘅記得揀BB辣吖🙈🙈🐟酸菜魚呢度嘅酸菜魚份量好大兜，仲有好多配菜，超抵食👍🏻🦆片皮鴨隻鴨燒得好香，鴨味濃郁，配菜都好好食，美中不足嘅係鴨皮有少少乾，建議同職員講想蒸耐少少會更好🙈🍖回鍋肉好大碟，超級足料👍🏻呢間餐廳嘅菜式份量好足，價錢公道，適合想喺香港食到地道四川菜嘅人嚟試吓🙌🏻👍🏻…查看更多

利申返先：自問唔係好食得辣，今次嚟呢度食嘢都係揀BB辣🙈不過BB辣都係偏辣多啲，如果唔係好食得辣嘅記得揀BB辣吖🙈🙈🐟酸菜魚呢度嘅酸菜魚份量好大兜，仲有好多配菜，超抵食👍🏻🦆片皮鴨隻鴨燒得好香，鴨味濃郁，配菜都好好食，美中不足嘅係鴨皮有少少乾，建議同職員講想蒸耐少少會更好🙈🍖回鍋肉好大碟，超級足料👍🏻呢間餐廳嘅菜式份量好足，價錢公道，適合想喺香港食到地道四川菜嘅人嚟試吓🙌🏻👍🏻…查看更多

士多啤梨Smoothie好清新，唔會太甜，上面啲Cream有啲邪惡但好好味（我食晒haha）🍣壽司Set用咗高級食材牡丹蝦超新鮮彈牙；仲有超鮮甜嘅海膽同三文魚籽最值得讚賞嘅係佢嘅鰻魚超大條，而且完全冇骨，醬汁調味啱啱好，唔會太甜太溜，厚薄度適中，Balance接近完美，食入口真係好滿足仲竟然有我最愛嘅帶子🦪日產生蠔好新鮮，肉質Creamy🐮牛舌帶子豪華丼🍚牛舌顏色係啱啱好嘅粉紅色，令人食慾大增肉質超嫩滑，完全唔韌，好似一入口就會Sir落喉嚨度咁加埋有海水味嘅三文魚籽一齊食完全係錦上添花抹茶芭菲名符其名地有好多材料，例如脆片，超香濃嘅抹茶雪糕，仲有小丸子同類似抹茶仙草嘅Jelly…口感超豐富，一啖食到超多野…查看更多

湯底係用咗4個椰子嚟煲，一滴水都冇落，超級鮮甜，記得要一開始未放肉同其他野食果陣就筆碗嚟飲吓先吖呢度嘅雞係海南文昌雞，雞味濃郁，肉質嫩滑，餐廳好貼心咁比咗個5分鐘漏斗仔嚟計時⌛️，呢個時機撈啲雞肉出嚟就啱啱好牛丸多汁彈牙，食果陣要小心睇熱；響鈴碌3秒就夠，呢個時候嘅響鈴吸滿湯汁，但又唔會過冧，如果一開始就碌嚟食嘅話，就最可以試到個湯底嘅精髓所在竹笙都好推薦，一樣可以吸晒湯汁，超入味最後仲有個煲仔飯食，超香，食到我哋捧住個肚走…查看更多