amy2cat的個人專頁

淘大新開既火火雞肉，終於有時間試一試。星期六晏就都座無虛席，深受街坊歡迎。原來呢間火火雞肉係‘那個’推出既品牌，都係主打台式料理，裝修都充滿台灣特色。我叫左招牌雞腿飯（無骨版）、招牌總匯蛋餅、香酥雞配秘製豆乳醬，以及黑金滷肉飯加煎蛋。作為招牌，雞腿飯雞腿肉鮮嫩多汁，口感紮實，雞皮Q 彈，確實不錯。而另一個招牌總匯蛋餅，餅皮薄而韌，內餡豐富，滿滿的玉米芝士和肉鬆交融，口感豐富。香酥雞配秘製豆乳醬，一口咬下，外皮的香脆與內裡的多汁雞肉相得益彰，豆乳醬的獨特風味更為這道菜增添了不少層次感。最後，黑金滷肉飯也不錯。滷肉香味濃郁，肥瘦相間。建議一定要配上太陽蛋，簡直是完美的搭配，蛋液嘅濕潤令總體風味更加出色。總括而言，火火雞肉的每道菜都精心製作，讓我感受到濃厚的台灣風情。…查看更多

呢間台灣野有好多人推薦過，今次一試果然幾好食。主打地道台南美食，各式肉燥飯牛肉麵選擇眾多，更提供多款台式小食同手搖茶，滿足哂所有需要😋試咗紅燒牛腱湯麵同香酥排骨便當。牛肉湯麵湯底好濃藥材味，食落偏甜，同一般牛肉湯底唔一樣。牛腱有三大塊，全部都係厚切，入口軟腍，高質好食！👍🏻香酥排骨便當既份量驚人，排骨仲大過我塊面。炸得好酥脆，肉唔會太乾，肥瘦均勻，令人食唔停口。值得一提既係佢提供多款手搖茶可以加配，第一次飲1公升既珍珠奶茶，真係好巨大好有份量。茶底香濃，珍珠煙靭，仲好啱打卡😝…查看更多

bookmark 左好耐，係尖沙咀同銅鑼灣都有分店，之前去咗銅鑼灣食任食，今次就黎試吓尖沙咀呢間既水準。The Grill Room 是一家高質的西餐廳，無論是環境還是食物，都讓人印象深刻。餐廳內部裝修典雅，柔和的燈光與設計相輔相成，營造出一種溫馨而高貴的氛圍。座位寬敞，用餐舒適，特別適合慶祝特別的日子或與朋友聚會。我試了他們的 16安士USDA 安格斯肉眼牛扒。牛扒份量十足，一上枱充滿炭香。切開時肉質鮮嫩多汁，油脂豐富，肉味濃郁，讓人一口接一口。配搭上牛肝菌牛肉原汁，令整體香氣昇華。另一款主菜揀左燴蕃茄牛面肉扁意粉。用上手工意粉，食落十分al dente 。牛肉份量好多，10分軟熟，煮得好淋。整體味道豐富，配搭得宜。整體而言，The Grill Room 不僅是享受美食的好地方，也是與朋友共度美好時光的理想選擇。…查看更多

在澳門食過葡撻雞蛋仔，試完之後一直念念不忘。行街發現左呢間舖頭澳門過江龍，主打牛乳雪糕，各類型奶昔茶飲，仲有特色蛋球仔。留意番，佢唔係叫雞蛋仔，食完都真係同港式雞蛋仔有少少唔一樣。介紹吓呢個蛋球仔，佢有五種口味，當中既葡撻、葡國 腸、鹹蛋黃味，都幾特別。觀察店員製作時，我發現蛋球仔既蛋漿比較厚身，杰身一些。處理內餡時落足料，每一啖都食到葡撻餡。成個蛋球仔蛋香十足，外脆內軟，好實在，食完好飽肚😆另外舖頭主打各式牛乳雪糕，不時會推出限定口味同埋優惠。雪糕香滑唔會太甜，配上鹹香的魚子醬，令成杯雪糕昇華成高級甜品。值得一提嘅係佢哋仲有特色揸楂脆片奶昔，望落吸引又邪惡。茶飲方面選擇眾多，澳門奶茶係葡撻溝奶茶既配搭，唔係度度有架。舖頭將澳門風味結合香港元素，推薦大家可以一試。…查看更多

Donbini餐廳，日文意為「方便」，主打日本料理，讓食客以實惠的價格享受到日本風味。餐廳的菜單包括多款丼飯，蛋包飯，還有一系列小食及特飲，實有一款啱你。我特別推薦他們的蛋包飯，可選擇搭配咖喱汁或蘑菇汁，增加了口味的變化。吉列豬扒炸到外脆內嫩，大大塊，搭配香滑的蛋包飯，拍得住日式餐廳既出品；而手打漢堡則是另一個驚喜，肉質鮮嫩多汁，口感極佳，推薦一定要試。除了主菜，donbini的多款小食也值得一試。芝士薯波和三拼薯餅（南瓜、咖喱、紫薯）色香味俱全，是完美的開胃小品。薯餅外脆內軟，非常適合與朋友分享。總括來說，donbini 性價比高、份量十足，野食新鮮熱辣，絕對能滿足你的味蕾。…查看更多

呢間咁好食嘅台灣野開到去啟德體育園啦！！好多商場嘅food court都會見到佢既蹤影，大部份餐點都係五十幾蚊就有交易。滷肉飯同牛肉麵都係受歡迎既菜式。最鍾意食佢既炸豬扒滷肉飯。肉類炸得酥脆，一d 都唔會乾，份量好足大大份，一定夠飽雖然係food court , 但野食質素絕對拍得住餐廳美食。嗌完野食仲可以優惠價加配小食及台式手搖飲品，真係抵食又好食。出餐好快，位於體育園1號館，如果黎附近睇演唱會想食個快飯，推薦可以一試。…查看更多

作為拉麵控，鍾意成日捐窿捐罅試唔同既拉麵。呢間啟德嘅拉麵館bookmark 左好耐，今日見唔係好多人，決定試試佢。餐牌選擇都算多元化，除咗拉麵、沾麵、仲有丼飯同多款小食。人氣之選一定係橫濱終極Max拉麵（$118）呢款拉麵係豬骨湯底，味道食落同日本食既不相伯仲，濃郁但鹹少少。叫得終極Max，配料都係double 份量，有三塊既叉燒、三塊紫菜同全隻糖心蛋，食完好滿足！ 而且好特別地每碗都有一粒鵪鶉蛋，其他舖頭比較少見。本身想試埋魚介沾麵，但係賣哂，真係好可惜。最後叫咗斑馬大蒜牛油拉麵（$103），個名好特別，其實就係黑蒜拉麵。蒜味唔算好濃，加咗牛油既關係，成個湯底比較油膩，食到後面有d 漏。見到其他小食都好吸引，炒飯有日本風味。不過實在食完碗麵太飽，下次有機會再試😆…查看更多

成日都想試既餐廳，位於觀塘地鐵站D出口，地理位置好方便。裝修十分有特色，充滿日本風情，有好多特別既裝修同設計，仲有壁畫牆，一秒打你去日本，打卡一流。 野食方面有好多特色卷物、壽司同日式料理。《青龍卷》 牛油果+鰻魚+蟹柳 呢個配搭無所挑剔，十分好食《相撲力士卷》 雜錦刺身+ 芝士+ 蟹柳賣相相當特別，卷物上面鋪咗雜錦刺身，有三文魚、帶子、吞拿魚，色彩鮮艷，令人食指大動。整體價錢比較進取，不過食材都算新鮮，上枱速度快。待應服務態度良好，環境坐得舒服。餐牌設計亦超有特色，提供多款清酒選擇，好啱同朋友飲兩杯😆…查看更多

九龍灣真係好多好野食，呢間係德福平台屹立咗44年既茜廊餐廳，西餐精緻抵食，好多選擇，堂食或者外賣都超多優惠。真係好推薦俾大家。餐廳座位寬敞，坐得好舒服，平日晚市座無虛席，一切就只好受街坊歡迎。今次堂食既$198二人餐超抵，主菜有鐵板西冷，仲可以揀豬仔骨/意粉/焗飯，有湯有嘢飲，性價比超高。野食上枱絕唔馬虎，有晒配菜擺盤，而且味道都唔錯。 叫埋個朱古力蛋糕做甜品，成餐10分滿足。另外仲見到有外賣自取優惠，套餐包餐湯蒜蓉包同野飲，叫完仲送$10券俾你下次再買外賣，$4-50 蚊食到個咁豐富嘅外賣，純對抵食。…查看更多

叠記咖喱主打香辣澳葡咖喱，同平時食開既日式咖喱好唔同，係一個好特別既體驗。佢地既牛腩菜式十分出色，除左咖喱飯、仲有牛腩麵，晚市都座無虛席。*如珠如寶麵（豬手、豬皮，豬紅、豬頸肉）有多款麵質供選擇，湯底可以揀腩汁/瑞士汁/咖喱汁，另外仲有撈麵揀。揀咗瑞士汁撈粗既配搭，麵條爽口彈滑，瑞士汁香甜，配料既豬手豬皮爽口充滿膠質，豬頸肉十分入味，軟熟彈牙。*疊記咖喱三寶飯（雞扒、豬扒、牛腩）第一次食香辣澳葡咖喱，肉類經過調味，食落都真係幾辣。而所配嘅咖喱汁反而唔會好辣，係比較濃稠既質地。配料豐富，牛腩十分出色，軟爛入味，豬扒雞扒啖啖肉，食落好滿足。總括而言，香辣咖喱其實幾特別，不過對我嚟講有啲辣。下次可能會試佢哋既柱侯牛腩，應該會幾出色。推薦大家去試👍🏻…查看更多

龍城冰室有好多分店，第一次黎旺中分店，地理位置優越，吸引了不少旅客光顧。這裡是地道的港式茶記，提供多樣化的美食，無論是鑊氣小炒還是新鮮出爐的麵包、酥皮蛋撻，應有盡有。皇牌鐵板餐特別受歡迎。揀左招牌黑椒牛柳，可以選擇意粉、飯或焗薯作為配搭，並附有多士、餐湯和飲品，份量十足。焗薯軟糯可口，黑椒牛柳有兩大塊，煎得啱啱好，配埋香濃蒜蓉汁，香噴噴。另外試左「男人既浪漫」豆腐火腩飯。這道菜熱辣辣的，火腩肉質肥瘦分明，口感豐富。搭配的中湯和西湯都十分足料，上菜速度都好快。餐廳環境乾淨，好多卡位，坐得舒服。雖然晚市有時會大排長龍，但翻枱都好快。…查看更多

去咗旅行成個星期食咗好耐西餐，番到香港想轉下口味食中式小菜，就黎左德福平台呢間小城知味試下。舖頭幾受歡迎，平日晚市都好旺場，睇黎深得街坊們既喜愛。餐牌好多選擇，$70左右又有飯又有湯，仲可以優惠價錢加配小食，都相當抵食。因為想自由配搭 ，就揀左識食自由選餐牌，小菜/小食/湯/飯自由選擇。主菜揀咗韭黃炒蛋，好多韭黃，口感豐富。口水雞半隻都係加$48 就食到，雞肉嫩滑，醬汁惹味。揀左大廚醬夢王蛋撈飯。上枱幾有驚喜，原來係糖心蛋肉燥飯。賣相好吸引，好香，調味適中，唔會太鹹，單食已經好好食。另外中式靚湯都係加$10，原盅上，落足科，好有誠意。叫埋個小食醉雞翼，好有酒香。野飲既選擇都好多，有懷舊紅豆冰/黑牛呢啲特色品。今餐食得好滿足☺️…查看更多

茜廊有好多分店。今次去左樂富食飯，餐廳為左鼓勵留港消費，推出咗唔少優惠，低至$59 就可以試到鐵板牛扒，絕對抵食👍🏻 另外亦有其他小食餐飲優惠，當日都爆哂場。鐵板西冷牛扒$59 （+ $10 加配餐湯/蒜蓉包/飲品 ）更有多款小食供加配，樣樣都好吸引牛扒既質素以呢個價錢來說，合格以上，慳返嘅錢仲可以叫小食😆 另外試咗一份鐵板特級肉眼，比西冷再淋身d , 套餐連埋飲品$109起。扒類全部可以揀燒汁/黑椒汁/蒜蓉汁，淋上鐵板，熱氣騰騰，食鐵板就係要呢種效果😝加配既小食都好唔錯，雞翼香脆大大隻。羅宋湯好多料，加配嘅蒜蓉包都香脆好食。成個用餐體驗都好好，侍應們做到冇停手。 ，但都保持好好嘅服務態度，十分欣賞 👍🏻…查看更多

Cafe Hopping ~ 帶你一秒去左歐洲既感覺😆裝修充滿歐陸風情，深藍色的店面帶出典雅又神秘的感覺，經過都忍唔住望多兩眼。menu 選擇好多，提供多款特色all day breakfast，亦可以自己自由配搭，店員更特別推薦厚切煙肉。🔸Steveston $148美式班戟、自家製早餐豬柳扒，鮮茄汁焗豆，薯仔沙律🔸Build your brunch $158 + $12 芝士奄列、厚切煙肉、炒雜菜 、酸種麵包 、蒜蓉香草包 餐點的擺盤好精美，十分IG able。野食全部即制，精心配搭，食材大部分自家調配。早餐豬柳扒肉質嫩滑Juicy，薯仔沙律表面煎得焦香，外脆內軟，配搭上鬆軟的班戟，十分滿意。而厚切煙肉相當出色，肥瘦相間，表皮煎得10分香脆，配上甜甜既蜜糖醬汁，入口即化，超級推薦!整體餐廳環境好舒服, 好啱同朋友chill下傾下偈打下卡。…查看更多

平日夜晚可以做到座無虛席，要排隊等位，就知呢間餐廳唔簡單。段純貞呢間台灣過江龍係香港有幾間分店，同場設有手搖茶日出茶太，提供多款地道台灣美食。一入到舖頭就聞到好香嘅牛肉麵味，真係令人流晒口水🤤主打台灣正宗牛肉麵，更設有多款口味（清湯/紅燒/蕃茄），麵底可以配搭細麵或者手工麵。唔食牛的話都會有雞肉湯麵/拌麵，任君選擇。今次試左紅燒牛肉麵配手工麵。湯底10分香濃，唔會太鹹。配料有四大塊牛腱，牛腱軟糯，充滿膠質，十分高質。手工麵食落幾有咬口，類似手工面皮嘅質感，不過略嫌太大條。小食既種類都好多，提供多款地道台灣小食，份量好足料。鹽酥雞香脆肉嫩，鴨血冬粉惹味過癮。另外手搖茶更加係必點，大推「軟Q經典奶茶🧋」一杯包含多款toppings, 珍珠，粉粿，阿嫲Q角，全部都好好食，煙韌彈牙總體野食地道，上菜速度快，員工服務態度好好，難怪舖頭咁受歡迎，真係好推薦大家去試👍🏻…查看更多