平日好少去長沙灣，今日放假同男友周圍遊，上網搵下厘頭有咩好食啦，無意中見到Ｅ間餐廳既相甘有對比，茶餐廳格局，但有高級賣相既西餐，一於就親身試試。睇個門面，同普通茶餐廳冇咩分別，好容易忽略左。裡面多數都係六人或者四人座，地方好整潔，坐得幾鬆動。望個餐牌，甘有趣既？油封鴨脾，慢焗豬腩排配意大利陳醋，烤焗咸豬手配酸椰菜？平日E D 高級西餐閒閒地都幾百蚊以上，係度食一百蚊有找仲唔洗加一。小女見識淺窄，未試過油封鴨脾，英文係Confit de canard，上裝搵下原來係法國菜！另外我地點左老闆介紹我地食香煎美國穀飼法式豬扒。套餐本身跟有南瓜湯，又有飯／意粉／薯菜，仲有餐飲，真係大大件夾好抵食。餐湯：南瓜湯夠creamy，外表好金黃。主菜1：香煎美國穀飼法式豬扒 ($138)剛剛飲完南瓜湯，豬扒就隆重登場啦！真係忍唔住同佢影張相，成個presentation 好精緻，薯菜有西蘭花同車厘茄淋上少量醋伴碟，薯仔炸成均勻金黃色，豬扒好足料，每塊有1 cm 厚，質感好鬆軟，邊位煎得特別香脆，亦冇肥膩感，配搭類似有豆豉既醬汁，鹹香惹味，絕對唔係平日係連鎖快餐店食既好硬又有筋又一大舊肥膏既豬扒。主菜2：油封鴨脾 ($88)鴨脾肉香非常濃郁，鴨皮帶點香脆而不留膩感。鴨肉保存有一定水份，不會太乾硬，沾上特製醬汁更好食。配菜伴上菜蔬炸薯仔，顏色鮮豔食慾大增。哇哇食大餐！佢既甜品menu 都好吸引！甜品1:意大利奶凍 ($23跟餐)奶凍本來很香滑，加入酸酸甜甜的醬汁，使整個奶凍的味道更香更甜，我問老闆面上既黑色一點點係咩黎，原來係vanilla root，因為平日既vanilla oil 係人工香油混合出黎，老闆為左健康d 所以用真正既vanilla。甜品2:焦糖燉蛋 ($23跟餐)燉蛋上焦糖又薄又脆，底下燉蛋且非常有奶香軟滑，味道不錯，不會太甜，好快就被我和男友一掃而空。總括黎講，餐廳驚喜十足，非常抵食，以茶餐廳既價錢，有大師既水準和誠意，令我印象好深刻。…Read More
唔錯唔錯。2. Cheese Burger $108我朋友點左Cheese Burger，如果唔想食太多肉，點e 個就岩岩好!3. Melt Cheese Fries+Coconut Water (lunch set +$10)套餐包左fries同野飲, 加10就有melt cheese！ 薯條係新鮮炸起至金黃色，好脆好香口！幼身薯條同d芝士好夾， 仲有少少鹽去調味，下次再黎一定要食多次！5. Peachy $48我朋友點既甜桃味飲品，佢試完都好鍾意。總括黎講，芝士薯條同 Cheese Burger 係必食，而且係一個去食野傾計既好地方。 
