puiyi:)'s Profile

呢間店同樓下蟹仙係一齊嘅，海鮮鍋入面嘅蟹好好食，其他海鮮都OK正常 。鯷魚湯底好鮮甜，攤凍咗飲一樣咁好飲，師傅話咁樣可以證明係冇味精 。湯可以無限添加，最後我地加咗個即食麵落去吸啲湯嚟食炸雞係即叫即炸，師傅堅持唔可以炸定，食落的確係有分別 。揀咗柚子蜜味，好食唔膩 。兩個人叫咗一個海鮮鍋同半隻炸雞，連埋啤酒加一埋單先$6xx，呢個質素喺銅鑼灣嚟講算係好抵食 。難得香港仲有用心做食物嘅舖頭，值得俾個機會試下 。…Read More

Book咗3位7點，我準時到，店員指住一張2人枱再拉多張凳俾我 。當時枱上放咗個gas爐同啲餐具，已經冇咗大半位，諗唔到可以點坐3個人再叫足夠食物，於是我拒絕 。另一店員就offer我坐入房，點知入到去都係一張2人枱，我再拒絕，係我堅持下，最後終於俾返一張4人枱我地 。坐低時店員話1.5小時交枱，即830pm,我都OK。觀察咗成晚，所有3人入嚟嘅都會被要求坐2人枱，然後坐坐下覺得唔ok就要求轉返大枱 。我地食到一半，當時8點10分左右，居然走嚟同我地講，有booking,想我地讓返半張枱出嚟 ，我地再拒絕 。當時我地已經成枱野食，2人枱根本擺唔哂，唔明點解會叫我地讓 。後尾見到店員叫其他枱讓，直頭食食下將人地成張枱搬去第二度😂全程店員態度係ok的，只係咁嘅安排真係好煩 。食物不過不失，前菜到主菜都係食得落口嘅 。PS 店入面好嘈，唔太適合傾計聚餐 。我地拿拿聲食完，自己帶嚟嘅蛋糕都冇切就走咗了 。…Read More

一開始去counter落單俾錢，拍電話落卡機，已經俾男店員用勁差態度招呼咗次：「俾咩呀你？」態度差到嚇親我地 。我地叫左杯latte同cappuccino，上枱時唔知係個男店員太細聲定我地聽唔到，分唔清邊杯打邊杯，於是我朋友行咗佢counter問佢，點知又俾人鬧：「玻璃杯係latte，我頭先咪同你講咗囉 。」走嘅時候，我地枱面有幾張紙巾，係呢間cafe提供嘅 。店員居然要求我地自己清理，只可以留低咖啡杯😑本來有去開銅鑼灣分店，覺得啲咖啡都ok，經過都會飲 。但經過今次決定以後都唔幫襯 。…Read More

成間餐廳職員好似機械人，淨係會同你做手勢，唔會出一粒聲 。豉油碟明顯有漬照拎俾客用 。叫左個lunch 壽司set, 由上前菜到主菜，都係求其擺低就走，唔會理客人坐邊，要食客自己移食物去面前食 。壽司盤一擺上枱已經好唔開胃，擺盤亂七八糟，食材仲衰過爭鮮 。影完相發現，卷物上面嘅刺身/沙律，已經跌哂落枱，而我只係係侍應擺低之後移左一次去自己面前 。食左舊油甘魚，苦嘅 。試埋三文魚腩，真係衰過去百佳買 。其他已經唔想試，埋單走人 。連加一$109🙄…Read More

上網睇到人介紹冬蔭公煲仔飯，專程嚟試下。好彩即日訂到位，嚟到發覺都幾full。煲仔飯味道唔錯，不過有別於一般煲仔飯，比較濕潤，屋企人嫌唔夠乾身，我就幾鍾意食。叫咗個招牌菜炒皮蛋，皮蛋切件炸過再加肉碎炒，幾得意嘅，不過味道就一般，冇皮蛋香。其他食物都唔錯嘅，注意口味偏重同辣，唔食得辣嘅話可能要落單時講定。飲品都係泰式偏甜，加冰會好啲。餐廳舖位唔大，但係枱同枱之間唔會逼。整體簡潔乾淨，員工好有禮貌，下次會再去試下其他野😋…Read More

首先員工態度奇差，年紀大啲位女士（相信係媽媽），自己聽唔清楚人講咩，不停「咩呀？」「咩呀？」，找錢掉係枱面，係真係「掉」，餐牌又掉嚟掉去，坐係餐廳入面食好似好唔受佢歡迎咁。然後食物更加係神奇，居然可以做得差過7仔。叫咗魚蛋配營多撈麵，上枱我已經知瀨野，啲魚蛋咁似貢丸嘅？擺入口真係魚蛋嚟，不過完全冇味，咬左半粒其他全部冇食。個撈麵又係出色，未煮透又油淋淋，同我認識嘅indomie好大出入。$31嘅餐，我都冇要求啲咩，但求有野落肚。而家只有一肚氣😅…Read More

叫左兩個下午茶餐，滷肉飯、大腸麵線果啲係基本操作，味道正正常常。$50左右仲包埋野飲，算係幾抵食。另外散叫咗個芋泥肉鬆蛋餅，本身見到餐牌已經好期待。佢係最遲上枱，應該係因為即叫即整。上枱果下覺得怪怪地，但講唔出咩怪。食落口個皮味道同平時食蛋餅唔一樣，諗咗好耐終於知點解，因為塊皮係wrap, 姐係去starbucks買個卷入面包雞肉生菜果啲wrap, 唔係蛋餅，口感同味道都錯錯地，浪費咗芋泥肉鬆咁好嘅配搭🥹…Read More

傍晚時間，book左枱係附近晚飯，未夠鐘所以入左嚟飲杯咖啡坐下。入到嚟冇咩人，我地二人叫左兩杯咖啡，拉花好靚，味道都ok.我最鍾意係呢到個環境，主要行木系，枱之間唔逼，坐係到靜靜地聽下歌，舒服。見佢其實都好多野食揀，下次有機會會試。…Read More

點左三款食物，三款都比較一般蒜泥白肉唔似出面好油好多蒜，健康啲清炒萵筍絲冇乜味道排骨菜飯正正常常，飯入面好多菜，我鍾意👍🏻價錢嚟講就真係偏貴少少，不過呢頭選擇少，冇辦法啦🙈…Read More

星期日下午去，我地一行3人，一早訂左位，所以去到可以即刻坐低。不過餐廳唔full, walk in亦可。可能因為樓底較低，導致餐廳比較應聲，雖然唔full但都幾嘈😵‍💫online見到啲人打卡嘅露營位，係專for打卡用嘅，唔可以坐係果到飲食😆我地叫左3杯咖啡：flat white, dirty, hot latte偏酸而冇咩咖啡香食物一般，法式菠菜批有芝士，口感特別啲碗碟崩得有點離譜，唔應該拎出嚟serve客…Read More

本身book咗位去試呢間餐廳，夠鐘後10分鐘餐廳打嚟，用英文問我係咪嚟緊，我講咗sorry,話我今日嚟唔到。然後員工話Can you cancel next time，仲即刻轉講中文話：「咁嘅時勢，唔該你做下好心，唔好咁衰...」隨即仲cut埋我線以上係員工嘅exact wording,冇加冇減。我承認冇cancel booking係我疏忽，亦已道歉，真係冇諗過會咁樣俾人鬧。本身真係好想試呢間餐廳，而家絕對唔會考慮，免得上去受氣😓…Read More