kisekilau's Profile

今晚黎到上環食晚餐，老婆話想食日式野，所以就揀左呢間離上環地鐵站只有2分鐘路程既店-無敵家！呢間店有兩層，都係傳統日式裝修，而且地方闊落，人小人多傾計都一流👍🏻日本豆腐沙律超滑既日本豆腐，配上沙律菜，再加上芝麻醬係絕佳既開胃之選！串燒厚切牛舌、厚切黑豚腩肉牛舌雖然厚切但唔會韌，火侯調教得剛剛好，黑豚腩肉惹味爽口！燒日本生蠔Size好大隻，燒過仍juicy，而且蠔幾新鮮，感覺好鮮甜，值得推薦！炸雞軟骨雞軟骨每粒都炸到香脆可口，配埋佢既最佳拍擋沙律醬真係冇得輸👍🏻豬軟骨豚骨湯拉麵豬軟骨份量都幾多，非常林身，湯底豚骨味道濃郁，味道唔錯！加埋呢杯美味既蘋果梳打，今晚真係大滿足，「無敵」飽了😂…Read More

今日溫度突然急降得返10 度，想食熱野但又想食飯團，就諗住想食韓國野，北角行行下發現到呢間CHICKEN CHIKO就入左去試下，地點就腳，離地鐵站不遠！想食左熱野暖暖胃先，所以我地點左韓式魚糕湯魚糕湯熱辣辣好暖胃同埋有濃郁既魚湯味，主角有韓式魚糕，彈牙美味，配料仲有椰菜、紅蘿蔔絲、洋蔥、蛋、韓國年糕好豐富！食韓國野點小得炸雞，單叫，雙併，四併都可以選擇，我地點左雙併，原味併香蒜醫油，完全冇骨，個人較為喜歡香蒜油甜甜既味道，而且仲伴隨住蒜片，好開胃，而且份量好驚人，可以夠食3至4人，絕對係抵食之選！烤牛卷飯，蟹肉卷飯價錢親民既卷飯，總共有4款味道可以選擇！如果去到北角想食韓式食物，呢間餐廳性價比高！…Read More

今日襯天氣涼涼地，激起左打邊爐既意欲！夜晚決定同老婆去左天后呢間上樓既餐廳叁大館打邊爐！特色既舊香港裝潢，打邊爐別有一返風味！醬料有沙茶醬、麻醬、海鮮醬等多款選擇，重有呢款自家制既蔥頭油，覺得正既可以獨立購買👍🏻而火鍋湯底有好多選擇，有一部份可以加20 蚊做雙併鍋，一部份就一鍋無得拼。玫瑰花花藥膳湯拼菜乾雞腳湯底呢個湯底絕不吝嗇，滿滿的雞腳與菜乾，另一邊藥膳湯底非常入味，唔會有味精既感覺！頂級安格斯牛頸脊小小厚切既牛頸脊，賣相一流而且油花均勻，同埋牛味都偏濃郁，必食之選！扇貝非常大隻抵食，滾完之後鮮甜唔韌，只係$38蚊一隻，性價比高！鮮墨魚滑滾完之之後彈牙爽口，整體黎講餐廳食物質量唔錯，本地高質火鍋，必定再撐場。…Read More

香港人一年四季最中意食乜？我自己一定係答打邊爐！今晚同老婆兩個去到油麻地譽發廣場呢間巴璧老火鍋！環境光鮮而且發現衛生情況好好，好乾淨！而爐既設計係下凹式，容易睇清楚滾滾下既食物🤣，而出面有多種配料選擇，仲有埋生果食，真係唔錯睇返menu有幾多既湯底選擇，可以選辣度，亦都可以鴛鴦鍋甘併，今日想食清d就決定點左野生珍菌湯，係有菇類再加紅棗既清甜湯底！巴璧牛雙品兩款牛包括1.雪花肥牛：完全唔韌，而且牛肉味偏濃郁👍🏻2.安格斯牛小排：油花均勻，咬落肉質鮮嫩，唔錯！新鮮脆鯇片賣相一流，色澤光鮮，薄切一樣好爽口炸魚皮份量足而且冇乜油膩味，香脆可口！手打牛肉丸唔同一般牛丸，有牛肉味之餘唔會有蘇味，可以一試…Read More

今日黎到灣仔搵食，搵到大王東街呢間川館，平時lunch set 都好抵食，今次晚上黎到，初初諗住食小菜，但係就比呢個烤魚menu吸引左！四款口味可以選擇，仲送埋6隻廣島蠔及蔬菜拼盤，只係$368！我揀左麻辣味烤魚，辣度都可以選擇，揀左小辣。一般既烤魚好小做到先炸過再烤甘多功夫，而呢間店就做到！麻辣既香同孜然既味融入左烤魚、豆卜、金菇等等既配料，蓮藕好爽口美味、烤魚既份量都好多，叫碗白飯一齊食真係好滋味，蠔非常肥美，碌完之後仲係大大隻、脹卜卜好飽滿，咬落去好鮮甜多汁叫呢一個set只需要$68就可以加配手切肥牛，牛肉鮮嫩而且有濃郁既牛肉味！香港既烤魚都食過幾間，以正宗同味道調控黎講，川館係唔錯既選擇👍🏻…Read More

今晚響天后行下行下見到呢間亞谷特蘭州牛肉麵，就決定入去試下，店內環境光鮮、衛生，坐得舒適，睇睇個menu先，都幾多選擇，除左麵，仲有羊肉串、水餃同埋各式小食，甘主打我當然係點蘭州牛肉麵（小辣）😁牛𦟌薄切好林好爽！香辣既油配上蘭州拉麵好有內地既地道味道👍🏻酸菜魚龍鬚麵湯底酸辣度調得洽當！龍鬚麵比蘭州拉麵圓身一點，同埋更有彈牙口感，酸菜魚薄切嫩滑，完全冇骨，仲有埋寛粉入哂酸菜湯底既味道，必食之選！紅油豬耳性價比高既小吃，份量足，爽口，良拌既醬汁，有小小青瓜絲同羌茜，辣得黎又帶點青新，豬耳都好入味👍🏻孜然雞翼如果中意食孜然串燒既人一定要食，雞翼脹卜卜熱辣辣，完全將孜然既味道溶入雞翼之中，唔錯…Read More

有好多人都中意食打邊爐放題，但有時我會偏向重質不重量多d，想食日式而又有質素既可以選擇呢間位於銅鑼灣既本延鍋物，店內環境裝飾都真係好日系，坐位座得幾舒適，晚市套餐既選擇係三個和牛同一個豚肉餐，分別可以揀三款湯底。極上黑毛和牛A4套餐可選飯或+$15升級做烏冬，甜甜既關東風壽喜燒湯配上甜粟米等豐富既配菜，豆腐超滑，重有爽口既蝦滑！主角A4和牛有更濃郁既牛肉味，完全唔韌，再點小小芝麻醬，好正本延特選黑毛和牛套餐另一鍋就選擇左日式昆布上湯，較為清甜，主角本延A5牛肩脊肉賣相已經睇得出油花均勻，食落入口好快溶，肉質鮮嫩頂級，點埋餐廳提供既柚子味醬汁，味蕾高級享受！最後既甜品係甜甜地而且煙煙韌韌既蕨餅，非常唔錯👍🏻…Read More

今日黎到觀塘呢間餐廳Be Leaf, 店既環境非常別緻，有室外同室內既座位，絕對係超舒適既環境+打卡位呢排打得邊爐多，今次想轉一轉口味，都係火鍋，不過係芝士火鍋😬，真係好耐冇食，有車厘茄、西蘭花、薯粒、蝦肉、蟹肉棒、淋身香口既牛柳粒點特濃既芝士，好正得黎但個感覺又唔會好膩！呢個黑芝麻檸檬柚子雞翼，賣相已經好吸引，口感香脆而且有濃郁既柚子甜酸味，越食越開胃！香煎原隻琵琶蝦燒菠蘿冬蔭功意大利飯呢一個飯係將西式同泰色結合，食落充滿椰香，但又會帶出一點香辣味，意大利飯煮得軟硬度適中，唔錯！點左呢杯復活節限定既飲品童話日落飲品好青爽好好飲，佢係一杯荔枝乳酪沙冰，飲下飲下發現cream溶埋落去，甜味加重左更特別更好飲，推薦👍🏻…Read More

好耐都冇食泰國菜，今日收工就決定同老婆去到灣仔食呢間評價唔錯既泰式餐廳-新泰！餐廳佔地面積好大，有埋樓上，空間好大，傾計食飯坐得舒服！泰式生蝦生蝦鮮甜爽口，加埋蒜頭同佢特製既醬汁，辣辣地好開胃👍🏻炸蝦餅份量都唔小，所以都幾抵食，而蝦餅口感彈牙，同泰式辣醬係最佳配對串燒賣相相當唔錯，我地點左豬、牛、雞各2串，餐廳既沙爹醬非常夠味濃郁，點黎食好滋味！泰色明爐魚可以選擇烏頭或鱸魚，我地就揀左烏頭，由於一路有爐火燒住係保持魚既熱度，因此烏頭既湯會漸漸減小，但餐廳提供埋湯一路添加，甘就可以一路保持熱度同味度，除左肉質鮮嫩厚實既烏頭，仲有埋肉碎，一樣好入味加上超正甜甜既泰式椰青，冇去到泰國都好有泰國風情…Read More

大部份香港人都中意打邊爐，我自己每過一排就會起癮😬，所以今日黎到呢間都好就腳近尖沙咀地鐵站既淥烚年代止下癮，餐廳唔止做打邊爐，仲有私房菜，菜式都好豐富。九款配料供選擇😬，湯底選擇都好多！今日就點左麻辣台式鴨血同埋芫茜皮蛋鴛鴦鍋！蜂巢豆腐同鴨血吸收左麻辣既精華，但係辣度同咸度既調配不錯，食得小辣既人都可以接受到！芫茜皮蛋湯底清清地但加左小小瘦肉帶左肉既香甜味，兩邊湯底係配搭得好balance！手切安格斯牛肉（細）睇相就知細既份量都唔小，油花均勻，而且佢有幾濃郁既牛肉味，性價比幾高！脆鯇魚片非常薄切之餘係好小魚骨👍🏻海蝦好大隻好多肉，而且彈牙，牛柏葉都爽口，推薦落麻辣果邊湯底，吸收左麻辣既精華更好味😋…Read More

踏入春天，天氣暖返小小，但係冇阻我同老婆打邊爐既意欲，今日黎到旺角站大約7分鐘路程既呢間餐廳-火鳳凰火鍋料理！店內坐位都坐得幾舒服，我地點左鴛鴦窩，一半蕃茄，一半芫茜皮蛋湯底，皮蛋湯既調味做得非常濃郁惹味，即使唔點火鍋豉油都好夠味！而晚市有d抵食既特價套餐，套餐E 係佳選牛大哥！睇到呢隻牛都不禁哇一聲，太精彩，包括左美國封門柳、安格斯牛肩胛及高級牛板腱！份量甘驚人都只係$398去邊度搵？而且肉質都好新鮮嫩口，仲好有牛肉味，愛牛之人必點之選！日本黑豚腩片同樣份量多，抵食，腩片一半肥一半瘦好平均加薄切，不錯！脆鲩腩睇賣相就知師傅有料到，刀工一流，切到每件均勻，而且驚喜既係佢肉質好厚仲好爽口，好新鮮，會再返黎食👍🏻…Read More

今日Happy Friday 去到觀塘覓食，老婆突然話想食西餐wo，難我唔到既馬上就諗到呢間都幾就腳位於偉業街既Lagom kaffe！好喜歡佢既環境，每張檯與檯之間都好有距離感，傾計一流，而且仲有一個好大地方既戶外area比食客選擇！Menu有Set Dinner 同散點，西式、台式甚致港式既食物都有炸軟殼蟹漢堡搭配牛油果紅咖哩醬汁與薯條薯條份量好足，保持住熱度同埋脆卜卜，紅咖喱汁沾上香脆可口既炸軟殼蟹好正，加埋芝士蕃茄口感非常豐富，刺激味蕾！威士忌糖漿豬鞍配薯泥.蕉糖蘋果賣相一樓，薯泥口感好幼滑，好食過一般薯蓉好多！豬鞍火侯控制得幾好，鮮嫩爽口，唔會有好heavy既感覺，再加埋甜甜地既蕉糖蘋果中和返，推薦！…Read More

今晚同老婆去旺角食飯，近近地地鐵站就去朗豪坊覓食，去到四樓行過呢間十十川滬料理，就比佢既晚市二人乾窩套餐吸引左入去！其實呢間餐廳散點都有好多選擇，但都係揀左套餐，雖然係寫二人套餐，但食物相當豐富，一定可以捧腹而歸！涼菜五揀二涼伴萵筍絲切到幼幼地好爽口，酸辣小木耳辣辣地好味之餘仲好開胃！雜錦小籠包四款四色既小籠包，黃色既餡係鹹蛋黃同埋豬肉，紅色係麻辣味既，綠色係酸菜魚湯，全部都皮薄多汁，必食之選主角係呢個黑毛豬腩肉鍋，有爐火保持熱力，配料有萵筍、蓮藕、薯條、水晶粉同埋支竹，香辣惹味，配料連蓮藕都入味，黑毛豬腩爽口唔肥，非常夠份量，而且仲有兩碗白飯加兩杯大大杯既飲品，性價比相當之高，下次搵夠四人食佢既四人套餐…Read More

今日黎到黃埔搵野食，想食台式野就揀左茶木，間店好近mtr，響黃埔天地美食坊，坐得好舒適，平時通常都係食牛肉麵，但見到menu多左食物既選擇，今次就嘗試下其他新野！金黃鹽酥雞就如其名一樣，炸到金黃色，香脆可口，咸味適中，雞肉同炸粉都幾平均，唔錯櫻花蝦花枝餅好似食緊有蝦味既花枝丸，好彈牙！台式鹵味拼盤集合糖心蛋、牛肚、牛𦟌、鹵水雞翼、豆腐、豬腩片，鹵水好入味，好抵食！軟殼蟹龍蝦汁手作麵第一次食呢個麵，龍蝦汁同手作麵幾夾，麵質煙韌有驚喜，軟殼蟹份量都唔小，值得一試！曲奇雪糕球拼雜莓吉士可頌窩夫賣相好靚，雜莓既甜夾到吉士，窩夫既口感好似食牛角包甘鬆化，茶木既甜品都做到幾有水準！下次一定會食埋佢其他既甜品…Read More

今日去到長沙灣食晚飯，搵左呢間鳥海山食鐵板燒，店內環境舒適，店員都好有禮貌，經常主動加水，睇睇menu，有幾個set 選擇，我同老婆揀左一個最豐盛既二人餐！首先上場既精選刺身，有石鯛、深海池魚、梭子同帶子，賣相相當精緻，左下既深海池魚點小許豉油味道更佳，梭子調味調得非常好，帶子同池魚同好鮮味，食材質素唔錯鮑魚非常爽口，有炙燒既味道，醬汁調味令鮑魚更昇華，真係無得頂！鵝肝多士非常脆口既多士，鵝肝煎既火候岩岩好，一口連多士一齊食，入口即溶！呢個龍蝦相當精采，可以每一舊肉都有蟹膏，調味係完勝過我之前食既店，可以講係必食推薦！抄飯都好有鑊氣，粒粒分明，加埋切食幼條狀既椰菜好惹味，兩個都食到好飽，好滿足，$1198 性價比超高…Read More