kurama15hk's Profile

晚上十點多，平時依個時間依度都已經冇客準備關門，但今日下班時見到仍然有幾台客進食，而且眼見有人繼續買野食，既然今次有機會可以試就試下吧，望望餐牌，有個沙律餐幾吸引，66蚊有埋湯同一杯飲品，先去收銀部買餐，職員再俾個圓形電子器妳，將電子感應器放響自己張台上面貼住既綠色坐號貼紙上面，就會有專人送上食物俾妳我點左雞肉沙律餐，有一杯磨菇湯同一杯自選飲品個醬汁似千島醬，其實都幾濃味，但沙律菜好新鮮爽脆，雞肉唔乾唔硬，好食喎，見佢地都準備清潔埋數，但食物都保持得水準，唔會求其俾d野妳當交貨，禮貌亦好好，我指送餐的那位，其他未接觸到唔講，會再黎食…Read More

好多時想黎食野，但次次都有人排隊等位，今日難得冇人等本來今日係想黎試下個英式早餐。。以前食過幾次，自從改左裡面既材料之後份量又減少埋，所以都好耐冇食，最近睇網友post既相，見轉左新配搭，興之所致就想試下不過見到個餐牌之後，一望到奄列。。我又改變主意其實1同3入面既食物都係一樣樣，只係蛋製法唔同一個就黑松露炒蛋，一個就磨姑奄列，而我經過一番考慮後，係揀左3，價錢亦平d幾鍾意佢用麥包整多士，食同睇都覺得健康d，而其他材料都不錯，但唔會話特別好食，不過個薯餅我擺左好耐都仲係好脆口，而奄列食落比較油同唔香，但都可以接受，依度既咖啡係即磨咖啡，所以不會有太大期待，但總結依個輕盈餐其實都幾飽肚的，下午茶時間仲有其他野食揀，大家可以參考下…Read More

聽媽媽講太和對面開左間cafe 叫咖啡灣，大家都諗住試好耐，今日恰巧可以一齊去食我家姐同妹補祝我餐生日飯 由於舖位比較細，每台用餐限定90分鐘，而且要齊人先可以入座差不多有位時，職員俾左份餐牌我地，提意我地可以先點菜，到入座時就可以有更多用餐既時間我地當然第一時間點左個窩丈先，因為製作都要二十分鐘架，跟住就點埋其他野食依個海蝦沙律d菜食得出真係新鮮，好爽甜，而蝦我唔食得但我家姐話好好味個意粉實在唔記得叫咩名，但比我預期的好食，酸酸甜甜，幾開胃，意粉唔太淋又唔硬 真係唔錯薯條一定好食過m字頭果間連鎖店 ，而魚柳略微咸左少少，但絕對脆口唔油膩依個真係比我預期好食，有芝士有什菇相撞變得唔滯口，而且個薯皮好香口，成件事配合得好好絕對推薦+好好味，食到唔停口，汁醬好香又夠多，煙三文魚份量ok,下次我都會再點依個食依個只有我妹同家姐食，所以味道如何我都唔清楚，但漢堡係餐廳自己手打既，家姐同妹都話好好食唯一既敗筆  咖啡味比較淡，冇咩香味，奶泡都算綿滑  拉花雖然做得唔平衡，但我覺得味道重要點話明愛心，絕對係普通份量既增量版，職員會等我地享用完所有食物先再幫我地出甜品，很細心的了，有好多餐廳理得你死一次過咩都出哂俾你食，食唔切係你既事個窩夫四個人分，每日食到兩小件，已經好滿足，口感唔係實的的果種，比較鬆鬆空氣既感覺，所以食完唔會好滯，但老實講一個人依個版本就一定食唔哂掛住食冇留意價錢，淨係記得埋單六百幾蚊我覺得由拎飛，安排座位，出餐各方面，職員門都有計算過所以成件事係好有效率 好順暢，食物同服務方面我地都好滿意，職員都有問我地對依度既意見，我地唯一意見就係。。如果間舖可以開大d就好啦！  依餐真係滿意到極…Read More

之前響有行經見丁依間店0既MENU 見到PANCAKE好似好正所以就睇下食評其他食客0既介紹再來品嚐,是日大概兩點七,八到見到佢響門口放0既餐牌有新口味介紹,入到去就坐問一位職員係咪有依個口味職員拿出放響我台上的其中一個牌,有新口味0既介紹,哈哈,原來係我自己睇唔到餐牌寫明製作需時,大概要等20分鐘,幫我寫單0既侍應同我講,會將白桃另外分上因為怕放響剛製作好0既PANCAKE度會令白桃受熱溶化,等左大概真係有二十分鐘我期待我白桃PANCAKE終於登場真係有幫我將白桃分開上SIZE比我預期中大,成碟碟頭飯咁大,連我依個甜品痴都食唔哂初初熱辣辣昤0既口感係好綿好淋身,熱0既時候我依左少少再等佢凍時食,果陣0既PANCAKE就變得硬身左,我更喜歡可能我鐘意比較硬身0既野吧另外我叫左杯鮮奶咖啡,忘記左睇價錢 LATTE泡融合度幾好而因我唔想浪費咁大幅度0既奶泡....我就自己畫下畫黎點綴一下啦,佢打0既奶泡因為融合度好,所以飲到最尾0的圖案都冇走樣唯獨咖啡味唔夠濃...我第一口是隔開了奶泡飲底下0既咖啡..唔太似ESPRESSO 0既感覺咖啡同PANCAKE其實冇咩驚喜,但仍是好食,而果度0既員工都有禮貌埋單唔過120蚊...依次食得幾開心,會有下一次…Read More

我再次來享受這間令我期待的食店,上次是和朋友來,這次獨自一人知道這裡經常要排隊等位,所以都怕多人,今天下午兩點到了,好好運不用等侍應安排了吧台位置坐,不過只是近窗口的位置而且也背著廚房,有點可惜就坐之前侍應已向我說明用餐時間是90分鐘就坐後看看餐牌,這次來的目的是想喝冰滴咖啡$60同吃焦糖海鹽窩夫$58冰滴咖啡製作時間比較長,每三秒一滴,所以冇可能係即刻整到的預左係尋晚整或者早上預先整左雪定先侍應送上飲品時有向我提意先喝三分一的淨咖啡之後再落奶同糖,不過我就係想試冰滴0既原味,所以我奶同糖都冇加到,杯入面0既冰有一粒係咖啡豆形0既咖啡冰,就算溶化左都唔怕令味道稀釋左,真貼心冰滴咖啡純厚度好高,飲一啖在口中持久性長,而且齊啡對有促進消化,新陳代謝,提醒,利尿都有好大功效,但冰滴咖啡0既咖啡因比較高,受唔住0既朋友仔就唔好試啦,響咁熱0既天氣,雖然有冷氣,但冰溶化之後,冰滴咖啡變暖左,味道就會難以入口,所以要凍飲先最佳上次食過窩夫,知道佢份量好足,所以我當午餐咁食,唔係一定食唔哂,今次點左焦糖海鹽味,雪糕係雲喱拿味,白色兜裝住係焦糖,而放了一粒果仁0既忌廉配合之後就唔會太甜,窩夫點著焦糖同忌廉仲有雪糕越吃越開心,有種無限既滿足感~~真係值得一試用餐到一個鐘時,侍應放上點菜單,應該係示意客人的用餐時間,我都為免難做也先埋單再慢慢食埋單計埋服務費$130又係好開心地食完一餐,下次我又會再來大滿足一番最後奉上小妹的劣作一張~~~~~~…Read More

依間餐廳響我身邊0既朋友同家人口中都話係好好食但排隊排到癲0既CAFE諗住早0的出門口早0的到唔洗排咁耐隊,跟住個地址指示話港鐵A2出口迷左好耐,我朋友到左目的地,跟佢講解,原來由A1出口出先至係正確搞到我行到迷失方向XD 其實識尖咀路0既人咩出口都應該會最終去到0既但對我地依0的路痴黎講,指示錯誤左就好大件事,希望餐廳0既負責人可以改返個正確地址,唔好令我地依0的路痴迷失方向入正題啦,朋友比我早到,而且到達時時間尚早,晚上六點多,我朋友排第一位,都唔係要等好耐大概二十分鐘就入座了,因為用餐時間只有90分鐘,所以我地拿拿聲望下餐牌就點餐朋友點左個  芥末培根起司三文治$ 58 朋友飲品點左 桂圓紅棗茶 $54 而我就點左 葵瓜子芝麻冰棋林鬆餅 $54 最後點左個 OREO沙冰 $52我同朋友兩個都食到好飽,餐廳員工會響差不多等客人用餐至45分鐘後會交還點菜單,我諗可能係想客人早0的俾錢後客人可以安心用剩下0既時間享用食物吧,依一餐真係好滿足,下次在下想嘗試自己一個人挑戰鬆餅,而且黎食野真係要識揀時間,六點前大概未太多人排隊,同埋星期四我地食完都唔係有好多人排隊,我諗星期四前幾日黎食等0既時間應該會快0的好味肚皮又開心0既一餐,一定會再黎…Read More

好耐冇打過食評..但今次食得火火地唔打唔得話說今日同個朋友0黎食野,其實幾欣賞佢識整條欄安排顧客等候入座,等位情況好順暢我0地唔坐搭台位,所以等多一陣,入到去卡位...梳化有飯粒....台上面又有0的飯粒...不過算,..少事唔介意搵野食先最重要叫位侍應寫單,嗌左個焗豬扒飯,同想嗌個下午茶餐,但佢話未夠鐘,我問佢幾點係下午茶,佢話兩點半我望望錶,2:30 PM,仲有一分鐘,咁度度個時鐘時間都唔同,我0地話唔緊要,我0地等我同我朋友講,可能仲有幾十秒呢跟住個侍應過左幾十秒就話落得啦咁我0地嗌左兩杯特飲,加$4可以轉成做餐飲之後就到食物出場依個係我朋友想食所以嗌,飯0既份量唔多,豬扒都幾大塊,切開幾件但味道連大家樂0既水準都好食過佢$51大元常餐係豬仔包加炒蛋,同肉醬意粉份量又係唔多,$38小插曲: 我朋友問一個侍應拎茄汁,佢拎左支得返幾滴0既茄汁過0黎,跟住我0地叫侍應換過支,佢仲好似好疑惑咁望支茄汁唔通我0地咁勁可以一次過食哂妳支茄汁咩... (當然,我都覺得我朋友當時0既態度唔係太好)朋友口痕,再叫多個菠蘿油依個味道唔錯,我0地叫唔跟餐$18 其實整體上食物味道真係不過不失,價錢又唔平,但都唔緊要,最火係當我想埋單果陣我叫左幾次唔該,0的侍應當睇我唔到,我仲要見到0岩0岩同我0地落單果個男侍應,明明見到都走開當睇唔到之後我起身行前幾步,同企嚮做台位0的侍應講,唔該埋單,佢0地話埋單出面埋,其實我都唔火最火係....有個男侍應係度學我講: 唔該唔該唔該唔該依0的係咩態度?我自己都係做依行都知依一行辛苦,但你0地對客0既態度真係差到好緊要你要話0的客,你可以等0的客走嚮背後話冇人理你,但你當住0的客面對咁0既態度,我真係覺得依間分店好有問題絕對唔會幫襯第二次(只係依間分店!!)…Read More

返工一定會經過依度,突然想試下佢0的野,簡簡單單0左個香芝餅$7..雖然有5塊...但味道...平平..下次一定唔會再買食隻餅..一0的芝麻香味都冇...人0地係鐘意芝麻呀0麻>_<…Read More

同baby去食下午茶,原來板長都有下午茶,依家先知初初我0地都未諗住入面,企嚮門口揮手叫0的樓面想拎有冇下午茶餐睇,不過個個都好似睇唔到咁,但又唔係好忙= = 之後有位唔知係部長定係咩見到我0地,俾0左個餐牌我0地睇,睇0岩就入去坐lu~~我唔係好肚餓,所以嗌0左0的小食我叫0左個南瓜雪糕...$18...但..哈哈,SIZE又真係比較少0左0的,好冰,但冇咩南瓜咩..反而奶味重一杯橙汁$10...係鮮榨的,不過我唔鐘意佢落0左糖,咁咪失0左真0羅=_=本人對炸物喜好麻麻,所以就算幾好食,我都唔會鐘意的@@~~下次都0黎試個下午茶SET~,…Read More

晚上去尖沙咀行街,想搵間少去0既餐廳食野,見到杏花樓,諗起四年前食過一次之後就冇再試過,今次一於幫襯下我果餐係要埋甜品,所以就$55,唔飲野一路食一路都感覺不到太多蕃茄味= =''越食越冇味,最後再上埋個甜品 好奇怪....開頭食...一0的甜味都冇,食到中間...0的糖水積埋嚮中間...= =''中間甜都死....點解會咁架...下次會諗下先再0黎食lu...不過..服務方面是不錯的!!! …Read More

下午茶時間,同老公等睇戲,懶得諗食咩野,就索性0黎依度食,依個時間竟然唔多人= = 都好,唔洗咁嘈碗粉0既湯底唔係太咸,都ok的,但碗粉0既味道係好普通,又未去到難食,不過不失,但碗粉要$30,又唔係太值/b]…Read More

11點幾,同BABY一齊0黎依度食野.BABY話兩三年前成日0黎食,好耐冇0黎依度,哈,當陪佢0地嗌0左個LUNCH SET 有湯有餐包有杯野飲芝士白汁龍利柳飯,有好多芝士,但點解同我上次食果個什菌意粉差唔多= =''個飯SET本身就$43 ,因為叫0左個特飲,所以盛惠$48,其實我上次0黎0左之後都冇打算再0黎,但其實0的野食味道都唔錯的希望下次再0黎時,會更好啦^^…Read More

等待朋友的時候,都肚餓,所以飲下野同食少少野嗌0左個棒子鮮奶咖啡同埋雞肉磨菇批批的味道很好^_^ 又香不太滯,咖啡上次飲過了,依次批勝過咖啡!!…Read More

其實我唔係幾食甜野0既人,但心意0既野一定要收最得意0既就係,佢上面係朱古力,下面係咖啡$25 個SIZE都可以接受的,不過最好就大件少少OR 平少少啦哈哈…Read More

我好耐冇嚮m記食野,次次0黎都係為0左飲m cafe 0的咖啡 $21 大 size,又唔貴味道又唔錯我好鐘意飲咖啡,但我對咖啡0既認知唔係太多,只係飲入口令我覺得舒服好飲就ok 天氣凍時飲,更touch …Read More