aor.annie's Profile

The Verandah 一向以古典歐陸風見稱，喺淺水灣呢個地段更加添一份氣派。拱門走廊同綠意庭園，入夜後氣氛靜謐，配上窗外柔光，無論室內室外都係靚景。成個用餐環境優雅寧靜，非常適合同朋友慢慢嘆一餐。今次試咗佢哋嘅 Summer Tasting Menu，由前菜到甜品都見到心思，菜式擺盤細緻，味道平衡，食材處理得好，屬於低調但有質素嘅精緻派。🍽️ Tasting Platter拼盤顏色對比靚，整齊利落Mini Lobster Roll pink sauce and piparras細細件，面層鋪咗少量龍蝦肉，粉紅醬同微辣青椒做點綴，簡潔中見味道。Eggs Tonnato and Salmon Roe切片溫泉蛋上舖咗吞拿魚醬，三文魚籽點綴，鹹香突出，口感豐富。Tomato, Basil and Avocado Tartare切粒擺成小塔狀，配色鮮明，口味清新。Iberico Ham Croquettes外皮金黃，內餡幼滑帶鹹香，配上細碎火腿味道唔會太重手。Padron Peppers and Shaved Parmesan Cheese青椒微焦香，灑上薄片芝士，簡單耐食。🥘 Main Courses（一人一款）主菜突出，配菜鋪得清楚，有層次感。Deboned Suckling Pig Ingot乳豬皮脆肉嫩，伴碟用咗甜杏醬、洋蔥仔同小薯仔，味道唔複雜，但配搭舒服。Short Rib and Foie Gras牛肋骨炆得夠淋，鵝肝煎香後配 creamy 薯蓉同甜酸菜，層次清晰，唔油膩。🍨 Desserts（一人一款）甜品擺位簡約，唔太甜，收尾啱啱好。Vanilla Creamy Flan奶香滑身，面層有幾粒莓點綴，清新唔膩。Tiramisu層次分明，Mascarpone 幼滑，咖啡味輕柔，適合大部分人口味。☕️Coffee or Tea咖啡或茶任選，配埋甜品一齊上，完整咗整個餐…Read More

最近試咗一間擺盤打卡一流、味道又有驚喜嘅fusion餐廳🔸蘋果木煙燻法式鵝肝配炙燒焦糖香蕉鵝肝入口即溶，配埋焦糖香蕉出奇地夾，煙燻香氣滲晒出嚟，好有層次。🔸虎蝦、櫻花蝦、明太子意粉意粉掛汁力強，帶啲辣，明太子濃郁唔腥，海鮮控必試！🔸北海道帶子虎蝦 配 茶壺龍蝦湯賣相靚到唔捨得飲，打開茶壺倒湯，香氣即刻撲面。湯底鮮甜得黎帶啲creamy感，好正。🔸酥炸紐西蘭南鱈魚配唐揚紋甲魷魚鬚炸得乾身唔油膩，魷魚好有咬口，成碟好有居酒屋feel～🔸免治雞肉軟骨串配新紀元曉串燒有肉汁，軟骨脆卜卜，配埋雞尾酒有驚喜，少少酸甜好清新。🍸京都柚子酒微甜帶啲柚子皮嘅苦香，啱哂慢慢chill～🍫 金沙朱古力維也納雪山濃郁度高，朱古力控會好滿足🍰巴斯克焦香芝士蛋糕外焦內滑，唔會過甜，高水準！…Read More

今次同朋友去試咗旺角呢間韓式麵店 Seoul Noodles，主打傳統韓國湯麵同飯類，價錢親民，份量都幾足～我哋就叫咗佢哋店內人氣之選 COMBO FOR TWO，兩個人食超級飽👍🏻🍜 蜆湯麵先講湯底，清甜得嚟帶少少海鮮鹹香，飲落無味精口渴感。麵條煙韌唔會淋晒，蜆雖然唔算大隻但勝在夠鮮～🥣 羅州牛肉湯飯牛骨湯底香濃唔膩，啲牛肉切得薄身但唔嚡口，飯浸湯之後完全吸晒牛骨香，食到尾都暖笠笠～🥟 豬肉餃子外皮煎得香脆，入面餡料唔算重調味，可以食得出豬肉同蔬菜嘅原味，配埋醬汁更加惹味。🥬 菜包肉呢個就好有韓國家庭料理feel～包菜爽脆、五花肉肥瘦適中，配埋辣醬同蒜片，包住一啖食落去，滿足感爆燈！🥤另外再叫了兩杯飲品凍梅子茶：酸酸地，解膩一流，食完重口味嘢飲返啖即刻refresh哂～甜米露：甜度啱啱好，有淡淡米香，入口滑，似飲緊溫柔版糖水～整體感覺：餐廳細細間，裝修簡單但乾淨企理，出餐快、服務都ok，係想簡單食返餐暖笠笠韓餐嘅不錯選擇～…Read More

每次經過旺角店都好多人排隊，今次終於有機會慢慢坐低試幾款人氣甜品，傳統得嚟又有新意，質素一直都keep得好穩！😋🔸椰皇燉桃膠雙皮奶（熱）用真椰皇上，已經夠吸睛！雙皮奶滑得嚟唔會太甜，桃膠夠足料又養顏，飲晒個椰水真係超滿足～🔸黑芝麻湯圓配桂花糖水（熱）天氣涼啲飲返碗糖水啱晒，黑芝麻湯圓好足餡，咬落爆漿，配埋桂花香氣嘅糖水，飲到尾都唔覺膩。🔸芒果布甸啖啖芒果肉，口感實淨唔係啲水汪汪款，香甜好味，夏天食一流！🔸士多啤梨冰豆腐花呢個就比較有驚喜～豆腐花夠冰凍、滑溜，配上微酸草莓醬，成個感覺refresh又開胃，好適合唔想食太甜嘅朋友。…Read More

想搵個環境高質啲又唔逼人的午餐地方，OOULI係我近期嘅心水之一。餐廳喺銅鑼灣 Sugar+ 高層，裝潢走簡約高雅韓系風格，大大片落地玻璃可以望到山海景，採光好自然。今次試咗佢哋嘅釜山風味五道菜午市套餐，我哋兩個人各叫一份，主菜揀咗兩款唔同嘅一齊share。🇰🇷釜山風味五道菜午市套餐 $399/位第一道：韓式蔬菜沙律沙律選用新鮮蔬菜，配上帶微酸嘅韓式特調醬汁，味道清爽醒胃，為整個套餐打開序幕。第二道：十五小時韓式傳統粥呢碗粥真係驚喜位，材料有韓牛、新鮮蜆肉、韓國當造蔬菜同自家大米，用足十五個鐘熬成，質感好綿滑，味道鮮甜又有米香，入口感覺非常溫和滋潤。第三道（我們分別點了的主菜）：炆LA骨：牛仔骨用韓式醬汁慢炆，外層焦香、肉質夠腍又保持咬口，味道濃郁但唔鹹，配飯一流。乳鴿手打免治肉漢堡卷：乳鴿拆肉打成漢堡卷，外層煎得香脆，內裡肉餡香滑細緻，有層次又夠特別，融合咗韓式與西式做法，幾有驚喜。第四道：珍珠米飯配鱈魚籽及時令金山伴菜，配海帶湯飯煮得剛好唔濕唔硬，鋪面嘅鱈魚籽帶出鹹香層次，配埋每日新鮮準備嘅韓式伴菜，加上一碗清爽海帶湯，整體份量飽足感啱啱好。第五道：糯米年糕窩夫餅配栗子奶油甜品好精緻，窩夫外脆內軟，年糕煙韌唔笠，栗子奶油唔會太甜，食完整個套餐都唔會有負擔。最後套餐飲品點了杯熱柚子茶暖胃～總結嚟講，OOULI嘅午市套餐無論係食材質素、擺盤同環境都比預期更高。價錢唔算平，但食物夠心機，地方又舒適，適合想慢慢歎一餐、同朋友聚下、或者約會都好適合。…Read More

試咗Seoulmate將軍澳店最近新出嘅幾款菜式，整體感覺幾有驚喜，餐廳氣氛舒服，適合朋友輕鬆聚餐。熔岩芝士鐵板澳洲穀飼西冷牛扒係主菜之一，牛扒香煎得剛好，肉質實淨有咬口，上面淋上滿滿拉絲芝士，熱辣辣上枱，芝士迷應該會鍾意。三文魚籽、三文魚皮脆脆配明太子忌廉汁貓耳朵就係偏向fusion口味，忌廉汁濃郁但唔膩，明太子帶少少鹹香，三文魚籽爆汁加埋魚皮脆脆幾有層次。炸原隻軟殼蟹千島醬薄餅幾有創意，軟殼蟹炸得酥脆唔油膩，薄餅底薄脆，配搭得幾好，幾適合多人share。甜品就試咗雪山開心果意式奶凍，質感滑身，開心果味濃得嚟唔會搶，唔會太甜，食落清爽。飲品方面叫咗兩款：日本靜岡焙茶特濃朱古力奶蓋雪山同藍蝶花冰極熊柑桔梳打。前者茶味同朱古力幾夾，唔會互搶，層次感幾出色；後者色彩搶眼，清新帶果香，幾啱夏天飲。另外都有韓式五花腩炒粉絲，粉絲炒得乾身唔痴底，五花腩肥瘦適中，帶焦香，唔錯。整體嚟講，新menu幾有驚喜，味道穩陣之餘又玩到新意，擺盤都見心思。…Read More

最近同朋友去咗 茶記研究所 Cha Kee Lab 食晚飯，啱啱新裝修完，環境清新光猛，坐得好舒服，感覺有啲新派茶餐廳嘅味道。我哋嗌咗個晚市二人餐，性價比高，只需$168，有齊：一碟炒時菜（我哋叫咗馬拉盞炒時蔬，辣度啱啱好，炒得香口，菜保持爽脆，送飯一流）兩款主菜兩碗中湯（當晚係瘦肉紅蘿蔔湯，味道清甜，無味精口感）兩杯飲品兩碗糖水（紅豆沙，夠綿密，唔會太甜，食完正好清一清味蕾）主菜方面：半條鹹鮮黃花魚蒸肉餅：魚肉鹹香入味，配埋手打肉餅一齊蒸，啖啖肉香，鹹香味滲入飯度，幾有阿媽煮飯feel。菠蘿咕嚕肉：選用加拿大無激素豬梅肉，炸得外脆內嫩，酸甜醬汁掛得勻，加埋新鮮菠蘿，成碟菜食落幾開胃。整體嚟講，Cha Kee Lab 呢個晚市套餐真係抵食又有質素，餐廳環境乾淨企理，有番茶記應有水準但又唔會太舊式。之後都會再返嚟試其他款式。…Read More

不時行過朗豪坊見到 The Jeju 岩石特色門面好吸引，今次終於搵到機會試下佢地主打嘅 岩石板燒 同幾款地道韓式小食。🔸 岩石板燒 (2-3人用) 罈子五花肉 450g一上枱已經好吸引，五花肉厚切但油脂平均，店員會幫手燒，落鑊時「滋滋」聲超療癒。岩石板燒熱力夠均勻，燒出嚟既五花肉外脆內嫩，唔會太油膩，配埋生菜、蒜片同泡菜一齊食，好正宗韓味！+部分可任添前菜+ 炸醬拉麵炸醬醬汁唔算太濃味，反而甜中帶鹹，有啲似家常味道，唔會好heavy，幾啱配燒肉中間轉個口味。🔸 牛肉海帶湯清甜無油，牛肉炆得好腍，海帶夠清新，飲完有暖胃感，食完燒肉再飲碗真係啱晒。🔸 韓式芝士蒸蛋蒸蛋入口滑，面層芝士微溶拉絲，蛋香同芝士味夾得好夾，份量都唔細，幾抵食。🥤 漢拿峰百香果沙冰 & 芒果奇異果沙冰夏天飲冰沙最啱！兩款都夠果味、唔會死甜。百香果帶微酸、醒胃解膩；芒果奇異果清新得嚟好順口，配埋重口味既燒肉一流。整體嚟講，The Jeju 食物水準穩定，環境整潔，服務親切，價錢算幾親民，但係食材質素對得住價錢~…Read More

比較少有的平日午市鐵板燒在尖沙咀上班的話可以試試呢分享一下其中兩個餐目每個套餐除主菜外會包括沙律、湯、白飯、甜品主菜不錯，總體份量較細不過價錢只需百多元到二百多元。香煎鐵板大蝦拼深海馬友 $228大蝦質素不錯，口感彈牙馬友魚肉入味嫩滑 。安格斯牛扒拼香煎比目魚 $188 安格斯牛扒燒後肉汁香口、配以多款調味好喜歡比目魚細嫩肉質。炒飯(+$20)粒粒分明夠香脆乾身。魚湯有驚喜、非常入味。最後有荔枝/芝麻雪糕作結…Read More

餐廳以新舊混合式烹調呈現傳統上海菜式別具心思和風味，色香味俱全加上這裡的古典氣氛濃厚格外有回到上海的感覺～推薦提早預定各種廂坐位置私密度和氣氛一流～品嚐了多款菜式味道均能帶出上海菜式的濃厚味道最喜愛入口即化鎮江餚肉一系列不同煮法的海味(燻魚、燒蝦、燉花膠、海參、蟹粉)脆皮安格期牛肉外脆內較也十分出色！而茗茶好特別，可以選人參烏龍呢！以下是今次菜單午市套餐($498一位):ꕥ 鎮江餚肉 •蜜汁脆鱔ꕥ 乾燒大明蝦ꕥ 花膠雞燉餛飩湯ꕥ 京蔥燒原條遼參ꕥ 脆皮安格斯牛肉ꕥ 蟹粉河蝦仁湯餃子ꕥ 蘭梅桂花拉糕併擂沙湯圓另加餸菜：ꕥ 南京素鵝ꕥ 老上海燻魚…Read More

𓍯於海邊這間法國餐廳享受了一頓浪漫晚餐好喜歡餐廳的氣氛和歐式佈置當然餐點也俱高水準這晚享用了一些很受歡迎的法式餐點餐點精緻，值得介紹給朋友來用餐𓆸 Wagyu Beef Cheek Bourguignon法式紅酒燉和牛頰肉、芝士炸蔥醬蓉牛頰臉肉非常軟身，有入口即溶的感覺和各種蔬菜配料一起吃非常滋味𓆸 Duck Confit “Tartine” Sandwich慢煮鴨腿三明治、布里芝士、牛油果醬、焦糖洋蔥、薯條第一次吃鴨腿肉酸種麵包，配上特別烹調的醬料，味道分外新鮮可口 𓆸 Classic Crème Brûlée 法式焦糖燉蛋必吃法式甜品，糊店、甜度和份量都剛剛好…Read More

有幸一試韓菜高級燒肉餐廳餐廳內部環境好有情調大鄉里嘅我第一次試粉紅鹽磚而且店員服務好好除左介紹菜式，仲會全程幫我哋燒肉令肉質燒得剛剛就即時享用～前菜多款傳統韓國前菜，其中幾山碟仲可以任添醬油盛合醬油醃好的帶子、大蝦及八爪魚全部非常滑溜鮮甜～鹽磚厚切和牛西冷大大塊油脂鮮肉均勻嘅和牛西冷燒好就放上粉紅鹽磗令西冷肉和油脂更入味當然肉質就係入口即溶好滋味～ 和牛牛舌和牛牛舌夠薄夠爽口，燒後更香～ 海鮮煎餅煎餅偏軟身厚皮，粒粒海鮮配料點埋醬汁一齊食啱晒蜜糖雪糕牛奶雪糕滑溜，蜂蜜係以蜂巢粒配上令蜜糖味更濃郁西柚乳酸梳打 - 乳酸甜味和西柚汁混合剛好青瓜檸檬梳打 - 青爽少甜解喝…Read More

以前去過東涌分店唔錯最近睇網上介紹餐廳最近出左新品所以特登過嚟試下新品包括開心果系列甜品同飲品仲有特別推出日本富山灣海產當造時令taco。開心果抹茶豆腐沙冰 -有淡淡香濃奶滑口感。開心果有機豆乳拿鐵 -開心果和豆乳嘅配搭好清新。濃郁軟綿的開心果聖代 -多層次配料，超級喜歡嘅解暑甜品三款taco味道同食材都獨特滋味面層入口香脆、調味出色。富山白蝦三文魚籽壽司塔可 -用左有「富山灣寶石」之稱啲獨有白蝦，入口好鮮甜。松葉蟹海膽醬壽司塔可 - 香濃嘅松葉蟹和蟹膏加埋蔬菜配料超鮮味。富山螢光魷魚味噌醬壽司塔可 - 主材料係富山名物之一嘅螢光魷魚 - 內口有清爽感覺另外當然試埋最人氣單品。松葉蟹甲羅燒意大利飯 - 甲羅燒入面有啖啖蟹肉同蟹膏好滿足 - 而意大利飯口感軟綿，海膽忌廉汁好濃厚 。抹茶Tiramisu盒子 - 面層為抹茶粉，下面蛋糕非常幼滑除左食飯，餐廳入面用日式木系裝修好舒服，仲發現係唔同角落都會出現Que貓仔架 ，真係好可愛呀～…Read More

銅鑼灣性價比高半自助餐只需要98元起到2百多元自選主菜+餐湯+飲品+任食自助餐吧而且環境非常舒適高格調可以和朋友來久坐閒聊自助吧枱🥗有多款新鮮沙律、意粉沙律、雞塊、薯條等🍰點品有椰子和朱古力 mousse cake, 細細件唔太甜主菜🥩 燒紐西蘭10安士肉眼扒配薯條牛扒肉味夠濃夠juicy，厚度剛好，香烤味十足🍗 香煎法式雞卷考功夫菜式，雞肉肉質嫩滑，配菜烤得香口…Read More

𓆸 韓國菜居酒屋比較少有Suljib位於銅鑼灣時代廣場室內環境座位寬敞平日晚上幾近滿座採韓式大地色系交織各種布和木料氣氛柔和舒適揀選了套餐比較化算又可以一次享用多款招牌菜式由豐富的前菜開始已令我有深刻印象當中要令我回味無的的是𓍲首爾牛肉鍋職員在餐枱上現場即制使用韓國傳統的銅鍋制作一片片薄切超優質牛肉放在銅鍋中間銅鍋周圍則放滿了蘑菇和香濃的湯汁牛肉吸收銅鍋裡的湯汁精華嫩滑牛肉入口有溶化的感覺～另外好喜歡𓍲Suljib燉牛肋骨經燉過的牛肋骨肉質軟綿燉鍋內有多款經典食材，蓮藕、白/紅蘿蔔、冬菇等湯汁非常香濃，令牛肉和配菜入味可口最後才上桌的𓍲九節阪五花肉拼豬手九節阪放滿豐盛的配菜連同生菜包上五花肉或豬手一起食用可一嚐多重口味，又爽又煙韌以下是full menu❥ Deluxe Set ($1388) *約三至四人份量前菜𓍯韓式前菜、泡菜、拌粉絲、醬油拼盤主菜𓍯鐵板八爪魚、Suljib燉牛肋骨、九節板五花肉拼豬手、半半煎餅𓍯首爾牛肉鍋𓍯辣拌海鮮飯卷飲品𓍯白桃黑茶、See You (Cocktail)…Read More