Sheeplsy's Profile

我和家人在店外排隊，期間完全無人出來處理等候的客人。排了十幾分鐘後才有1位女職員後來出來，一句就是"no table, no waiting"。男職員態度更差更傲慢，說他們太忙不會理門口的人，其他人最少等半小時，一句no method就轉身離去。你生意好做唔切唔接檯完全無問題，但不設等候早該在門口放標示，不應任由客人在門口白等，員工不理客人之餘還態度奇差。餐廳處理不當還如此囂張，完全配不上愉景灣舒適休閒的生活。…Read More

有蔡瀾先生的加持也挽救不了四季芬芳的硬傷：食物不佳，員工服務不到位，令食客不愉快亦難有再光顧的機會。透過商場app取票，在餐廳門口等叫號看餐牌之際，看看手機發覺剛到自己，藍衫員工竟說叫咗啦已過號，員工大大聲堅持：「我嗌咗啦」。該餐廳不設補票，我站在門口過一點放餐牌的位置是完全聽不到。沒關係等的人不多，為了試蔡瀾先生的推薦，再取另一張。觀察了一會餐廳的叫號方法，終於明白了，員工叫三次，三次沒人在他面前出現就算，他不會觀察是否有顧客正在走過去，而期間完全亦沒有使用擴音機，更枉論清晰的電子叫號系統。終於等到了，帶位的紅衫女員工水平真的很差，很需要改善提升，她說話語氣不好，工作模式是客人遷就她。叫了號，要客人等他們執檯。掃描安心出行不會協助客人按一下餐廳的手機屏幕對焦，一味叫客人放遠啲。不考慮帶位的路線，我們獲分配的位置是門口隔離，她竟然帶我們從右邊進入圍繞餐廳一週再去到左邊門口的座位，完全沒有為客人選擇最簡單的方法。如果左邊這條通道已封也罷，但她自己不停用這條通道出入，卻要客人兜大圈。在進入餐廳前看過餐牌覺得蠻不錯，很多值得試的餐點，但我們七時多入座，竟然大部份都是售罄，看見這樣的餐牌，什麼興致也沒有了。七時多也是香港正常晚餐時間吧，這樣的情況實在很過份！唔想做生意大可早點關門，不要欺騙食客。只好點了幾款食物。招牌蛇羹，天啊！蛇羹小小的一碗（就是日式味噌湯杯的大小）索價$98，卻最基本的胡椒粉、薄脆、檸檬葉及白菊花瓣也全部欠奉。街邊蛇羹也比這家餐廳出色和齊全。魚腩煲$98，糯米飯$38和醉雞$78也是細細碟，一般水準。另外還叫了叉燒撈麵，結果最後也沒有出現，似乎又是這家餐廳的騙子技倆。結果要埋單通知店員才取消員工的工作心態亦很有問題，餐廳進餐限時1小時，7時45分左右也已經有不少吉檯，最有趣的是當時有客人想取號時，紅衫員工趕客似的同客人講：「我哋8點半就唔入座啦，係咪仲要拎飛？」，咦…仲有成45分鐘先8點半喎，你哋快快手執檯，客人都入咗，8點半都食完啦，仲問拎唔拎嘅。我坐得太近，聽得很清楚佢點倒米。🤣🤣🤣想客人唔入去其實好簡單，不如直接講出大部份食物都賣晒，想食乜無乜，客人自然會打退堂鼓。另一件趣事是我們一行4人，一壺茶一壺水，兩下就把茶壺清空了，把壺蓋打開了半小時也沒人理會，只好叫員工沖茶，回應的員工很有禮貌，但有趣的是，員工無視打開蓋的空茶壺，卻把水壺拿去換成茶回來，喝水的怎辦呢？我們不敢再勞煩員工，以免他又將茶換回水給我們。這家餐廳茶水不是免費的，每人$10，但卻小家地限制客人。去到此時，我終於明白這家餐廳不只是帶位的紅衫員工有問題，而是整間餐廳都有很嚴重的問題。無論帶位服務，廚房備料出菜，以及樓面招呼服務都完全不到位，對不起價格，對不起蛇王芬招牌，也對不起蔡瀾先生🙈…Read More

見食評差覺得可能係個別事件，都試一試係唔係真係咁差囉。一去到門口，入座安排不清不楚，門口完全沒有指示是先搵位後買還是先買餐後搵位，於是同行人士先入去搵位，遭一身型龐大的男員工極不禮貌叫番出嚟，完全無解釋什麼事及繼續幫助客人應該如何！呢個身型龐大的男員工完全係唔適合做對客嘅工作，態度差又無耐性，客人又唔係間舖做，點會知道係乜嘢安排，完全唔幫助客人仲要比面色客人睇！極差！多差評都真係有原因的，不可不信！服務態度差真係唔會幫襯！…Read More

新開的一間燒味店，非常不老實。店舖無論在牆身價錢牌還是展示的貨品上，均標明雞是＄55半隻。但到付款時卻收取＄65 詢問店員，強詞奪理說架上已切好才是＄55，我買的半隻是從掛起完整的一隻新鮮切出來的，要多收＄10。廢話！掛起來的是新鮮切，放在架上的是隔夜的嗎？而且店員從沒有告知我，她還說她問我時看見我點了頭，我根本從沒有聽見她問。原本我沒有看單，不知道被收多了錢，只是後面一位顧客問為什麼貴了＄10，我看看單才發現被多收了錢，短短數分鐘也已經騙了2人，似乎用這招已經騙了不少人了。鹵水拼盤＄28帶我到顛覆飲食概念的新境界，鹵水豬耳免切全隻吃。一邊親吻著整隻豬耳朵，一邊用力一口一口咬它。燒味水準亦不佳，叉燒超嚡不好吃，大家樂也做得比這家店出色。油雞過鹹，豉油味很重，欠缺甜味點綴。總括來說，不老實的店舖以後也不會幫襯，也要叮囑別人小心被騙。…Read More

疫情下，很多平台都提供外賣優惠（這家店是5折），甚至比直接到店點餐還便宜（這實在是非常不合理，我親自去點餐還要等待，竟然比網上下單還要多付錢）價格優惠也不是沒代價，代價就是店員對你極不友善的態度，取貨時就叫你在一堆網上外賣找回自己的食物，不用核對任何資料就可以自己隨便摸隨便取。可能店舖認為如果沒有這些平台優惠，客人就會以正價購買，我們這些貪小便宜的人令他們少賺了一截，理應受到白眼。但店家沒有想過，如果不是有平台優惠，客人肯定還會選擇你嗎？說回食物，總括來說不過不失，鵝油撈粗不在我的審美點上，麵質爽口，手撕雞正常味道，(厚興瑜記比較好吃)，未試過可以一試，但回購就未必了。…Read More

好多人都會因為嘉樂無位，見佢近近地轉過嚟食。咁近兩間餐廳，點都會比較下，尤其是排唔到嘉樂嘅失望會唔會去到蘭香有番希望呢。唔係話叫蘭香定位做執二攤，跟人哋做大奄列，大蛋治，但都真係唔好咁Hea做。茶記一般水平嘅餐都要成$40，仲要係唔大份。有小動物作伴嘅環境，咁嘅食物水平，真心覺得貴同唔值。古早味嘅服務態度，即係大大聲果啲，覺得有小朋友入嚟係阻咗佢個位果種，佢又唔會夾硬叫你叫多份餐，但叫幾多個餐就幾多份餐具，2大2小叫3個餐就3份餐具，叉都唔主動比多支咁囉，當然，開聲一定會比。明顯對熟客親切好多嘅，不過熟客都係由生客慢慢儲落嚟㗎遮，又或者佢哋熟客夠多唔至在生客啦。…Read More

送餐後好幾分鐘，黑衫職員發現送錯餐，二話不說就將那碗麵拿給另一位的客人。我提醒她為何不問一下客人是否有吃過，她竟說：我見到你無食，咁你有無食過丫? 雖然我沒有吃，但她又不是全程看著我，怎肯定我沒有做過些甚麼。食物安全及衛生很重要，一碗在別的客人桌上放了數分鐘而又不確定衛生情況的食物，怎可問也不問一下就此端給別的客人，該店職員的衛生及安全意識很差。而且拿走桌上的東西也應交代一聲，這是基本禮貌吧。…Read More

兩個日去食裕滿人家, 又覺得唔錯喎!食左兩個小食: 鹵水大腸, 燒腩仔, 兩個都好, 大腸夠入味, 燒腩仔皮夠脆再加兩個菜: 雀巢金珠帶子, 鮮竹皇帝菜, 味道也不錯!兩個人食到飽仲要打包都唔駛$200, 抵!…Read More

叫左個麻辣海鮮米線套餐同埋一碗扎肉雞絲檬粉海鮮米線隻青口竟然係無洗架!殼底仲黐住d石仔同海草!放埋響碗麻辣湯入面, 好恐怖呀~_~即刻叫人黎睇, 佢話換過, 仲邊敢食呀!叫佢淨係收番套餐上左杯野飲錢算。當時個套餐上左飲品(飲緊), 兩隻田螺(未食), 但未上甜品。佢寫惠顧粉面飯飲品半價, 埋單果時佢竟然收飲品正價, 話當收飯套餐果兩隻田螺錢。我咪同佢講話我退碗米線果時未食田螺, 你同事可以收番架, 佢無話過要收錢喎, 咁先收番杯飲品半價。間野計得咁盡, 早知唔俾佢收走隻青口, 俾足錢佢再拎去食環署投訴啦!…Read More

呢間就係以前響千色店入面擺檔, 問過老闆娘, 佢無響千色店做有三個月, 個幾月前搬左去呢間新舖粉方面有紅薯粉, 米線, 仲有一隻唔記得我最鐘意佢d撈紅薯粉, 最緊要加埋麻辣, 佢d麻辣真係做得好好, 夠味又夠麻, 不過又唔係好辣, 食完個咀麻麻地好過癮!呢間真係食咁耐麻辣以黎真正有麻既感覺!餸方面: 雲耳, 枝竹撈埋d麻辣度真係好正!麻辣腩肉都好味!價錢唔貴: 湯粉15元, 撈粉10元, 每餸加3元, 超級大碗, 多到連個外賣碗都幾乎冚唔埋! 真係抵過又好食過隔離雲貴川風味, 仲要服務態度好添, 我以後都會轉食呢間囉!…Read More

尋晚十點上到去, 見到成間寧記無乜人點知門口個亞姐竟然話d檯俾人地book晒啦, 你等下先啦要我開口問佢先識俾張"飛仔", 跟住個亞姐仲要補多句:"book 檯d人黎晒都無位架啦。"二話不說即走啦!有錢驚無地方食咩。…Read More

聽聞王家沙水準唔錯, 就去試下啦!點知好鬼失望!!!1. 蟹粉小籠包- 味道一般, 不過不失2. 馬蘭頭百頁卷- 卷得唔夠實, 就散就散, 味道一般3. 三鮮炒年糕- 咸到死, 要用水洗先入得口4. 生煸時蔬(通菜) - 又係咸到死5. 糯米燒賣- 味道OK, 不過除左糯米之外無配料6. 荷香粉蒸肉- 竟然係辣架(張紙無註明)臨走埋單時同個黑衣人(應該係經理掛)講話d食物好鹹, 佢竟然一d反應都無, 連回答都費事。今餐食完遮, 都想人地有下次嘛! 咁o既態度, 以後都唔會幫襯囉!…Read More

平時都有食開銅鑼灣o個間魚米間, 本來已經覺得唔太抵食。星期六幫襯荃灣呢間, 食完之後成晚超口渴, 師傅落味精落得太重手啦!1. 魚腐米線一碗都有成八件魚腐, 可惜魚腐太鹹, 食唔出鮮味2. 醬爆鯊魚丸米線鯊魚丸應該係行貨, 比較淋身3. 大三巴雞翼麥記甜辣醬撈炸雞翼, 味道唔錯, 雞翼香口4. 咕嚕魚腐加左甜甜酸酸o既咕嚕醬, d 魚腐無咁鹹, 易入口好多!…Read More

樂師會越南菜種類繁多, 只要識得叫, 一定可以享用美味一流的一餐!昨天一行十人去了那裡吃晚飯, 非常好味!1. 粉卷- 粉皮煙煙, 涵料豐富2. 扎肉- 非常多肉汁, 好好味!3. 春卷- 香脆, 點埋魚露仲好味4. 油浸荀殼魚- 炸得非常酥脆, 配甜豉油汁5. 椒鹽軟殼蟹- 超好味, 配有蒜蓉同椒絲, 非常惹味6. 蒜蓉焗大蝦- 勁好味! 蝦肉鮮甜, 蝦頭多膏! 蒜蓉汁焗起非常香口!7. 馬拉盞炒通菜8. 麵醬油麥菜9. 咖喱什菜, 蒜蓉包- 咖喱很香, 配什菜比較稀。若配雞/牛會更惹味10.海南雞飯- 要夠12個人預訂, 師傅才會做的"隱藏菜式"。雞肉滑, 最好味係個雞油飯, 夠香又唔肥膩!飲品亦都非常掂! 青檸梳打飲落唔嗆喉, 唔係用糖水沖出o黎可比。…Read More

尋日行到去荃灣廣場一直都想試下呢間雲南菜一試就令人好失望兩個人叫左幾樣o野1) 網網千斤($19)- 個名好特名, 其實係生根包住d菇, 類似齋鮮竹卷, 點心o黎o既, 已經算係最好食o既2) 蒜子肉鬆浸南瓜苗($48)- d 蒜子同肉鬆就好夠味, 但係d南瓜苗一d都無味, 仲要好鬼老, 食落有渣3) 哈尼嘶嘶雞($80)- 應該係將雞整熟再o向上面淋一大堆辣o既炸蒜蓉﹑芫茜同辣椒, 伴上薑蓉同辣汁, 伴碟有皮蛋。隻雞好鞋好靭。4) 正宗過橋米線($68)- 個湯淨飲就好清甜, 但係d米線就好鬼淡同埋lum pat pat, 正宗米線好似差D 啦兩個人連茶錢加一食左$248, 送番$30 coupon, 但間野唔多好味, 應該唔會幫襯第二次…Read More