eatplaylovepig's Profile

餐廳位於集成附近一棟商業大廈30/F一出電梯係bar area，眼球即刻俾右邊景色吸引住，當日天氣好好，萬里無雲，有種居高臨下嘅感覺。加上呢間餐廳樓底好高，覺得特別開揚。最特別嘅係佢仲有一個Live band舞台，如果夜晚嚟應該會仲chill。中午有lunch set 同a la crate menu，Lunch set 前菜係香橙柚子腰果田園沙律伴蜜糖芥末汁同蜆肉周打忌廉湯，沙律好新鮮份量好足，橙同柚子好甜。忌廉湯有好多蜆肉，仲有多士粒粒，都幾香口。主菜方面，我揀左香煎鱸魚配西班牙辣肉腸海鮮飯。原來除左鱸魚仲有魷魚同大蜆，舖滿成隻碟。辣肉腸鹹鹹香香好惹味。另外碳燒美國牛板腱賣相都好吸引，五成熟切開個顏色好靚。牛板腱有咬口得來唔會覺得靭，肉味好濃。阿根庭青醬好清新同牛好夾。…Read More

Bayfare Social 這間位於Rosewood五樓的西班牙餐廳，相信就算未食過都聽過上一次拜訪已經半年前，原來已經靜悄悄改過menu，Ceviche全部無晒😢之前個醬汁好refreshing 好開胃，真係有少少失望SCALLOP TIRADITO $180Hokkaido Scallop, Escabeche Dressing, Avocado以我微弱嘅飲食知識，Tiradito 其實係ceviche的變奏，兩者都係海鮮魚生等做主角Ceviche以青檸汁為主調，再配上洋蔥同其他新鮮蔬菜作提鮮，比較refreshing，同時保留到食材自身的鮮味。醬汁比較輕盈，一般會稍稍醃浸十分鐘Tiradito就直接一點，加了調味就上菜，可能因為咁，醬汁通常會重口味一點果然個汁真係好濃，仲好稠好掛汁，但我覺得完全蓋過帆立貝本身嘅鮮甜，好似淨係食緊個醬咁，唔係我杯茶Hot tapas - TXIPIRONES $120Baby Squid, Farmed Egg, Padrón Peppers BB魷魚好嫩滑，仲好多膏青椒仔唔辣好好味加埋半熟蛋汁同basil pesto撈埋一齊食好香好夾Hot tapas - PULPO A LA GALLEGA $175Octopus, Paprika, Olive Oil 紅椒粉好香好惹味，有少少煙燻味八爪魚好嫩滑，個底係滿滿嘅薯蓉，牛油香恰到好處，唔會太膩，滑得黎係仲有少少咬口嗰種，係一個好搶眼嘅配角Paella of the Day - SMALL $140 平日有lunch offer 先有small size， a la carte menu依家得返medium 同largeToday special 係clams and chorizoSmall size 真係好細，啲飯係薄到一層真係得一粒🤣大約一人有兩啖，真係好好味嘅，但如果想食多啖就可能嗌medium 先夠CHURROS $85My favorite 即叫即炸熱辣辣真係好好食外脆內軟鋪滿砂糖，仲有朱古力醬自己點，真係好滿足翻兜指數:3.5/5📍 Bayfare Social (尖沙咀)尖沙咀梳士巴利道18號香港瑰麗酒店5樓更多食評歡迎Follow IG @eatplaylovepig…Read More

裝潢走日系路線，以白色同淺木包為主調，光猛整潔，非常舒服relaxing，好適合作一個懶洋洋的小休草莓疏乎厘班戟$98未入口已經聞到濃濃蛋香口感鬆軟，遺質地略濕少少，不至於淨食空氣以為三大片會食唔晒，結果極速清碟我覺得幸福過幸福pancake白桃烏龍芭菲 $62賣相吸睛，打卡一流每一層都有驚喜酥皮 奶油 雲尼拿雪糕 白桃 乾果燕麥 烏龍啫喱 脆脆每一口都有新鮮感如果pancake 帶來的是幸福的感覺芭菲應該就是浪漫的邂逅❤️翻兜指數:4/5📍茶山 (長洲)長洲新興街45號地舖…Read More

本來一心黎大埔墟街市食魚蛋粉，點知最出名嗰兩間都無開，真係好黑仔諗住去個廁所就去第二度搵食，路過見到有枱食緊西多好似好吸引就坐低左大部分地方嘅西多都係一塊過，有啲地方就切到一粒粒但就好易炸得太乾爭爭呢到嘅西多分六舊炸完全係黃金比例可以increase surface area 去吸收蛋汁，夠蛋香得黎又keep到外脆內軟，真係唔錯仲要只係$20凍檸茶都係中上之作茶底夠澀，大大杯檸檬又多，叫少甜少冰樣樣做足唯一投訴就係無set要散叫，但價錢都叫合理街市熟食中心另外有個吸引之處就係可以同時食唔同嘅舖頭嘅野食仲嗌埋隔離舖清湯牛腩粉，大大碗好抵食，牛腩不過不失咁街市真是個好東西…Read More

嗰日喺旺角行行吓想食西餐，見到呢間lab eat bistro，唔少朋友試過都幾好食，咁好彩又有得walk in，就行咗入去試啦餐廳走型格工業風路線，牆身放左唔少玩味十足嘅畫，非常有格調柚子盛放 $78泡泡非常綿密，原來係蛋白唔怪得咁long lasting一入口柚子味好澎湃好Refreshing 好啱夏天飲無乜酒味好易入口荔枝凍檸梳打 $68呢杯係無酒精嘅mocktail 另一夏日之選，好香荔枝味香煎鵝肝多士 $98鵝肝好肥美，煎得好香，外脆內嫩旁邊仲有蘋果漬解膩好大件兩個人share 就啱啱好伊比利黑毛豬扒$268個豬扒七成熟其實啱啱好切開冇紅色但係食落去仲係juicy鬆軟我幾鍾意個honey musterd source，同豬扒好夾配菜都有唔少，有新薯，連枝車厘茄同蘋果蓉特別鍾意個蘋果，好清新可以去除豬扒嘅油膩感頂級牛柳仔扒 9oz $348我哋鍾意食淋滑啲所以揀咗呢款，牛扒做到外層焦香，內裏juicy，肉質細緻牛扒有得揀唔同醬汁，我哋揀左煙燻海鹽同香草牛油，如果個牛夠靚，其實少少鹽已經可以吊起個味配菜牛油炒雜菌，好香又夠乾身另外個side dish松露薯條都好超水準松露醬好香濃，薯條食到底都仲係外脆內軟，好多時薯條都係表面果幾條好食，食到一半已經林晒，呢間完全冇咁嘅情況，抵讚Overall 餐廳坐得好舒服，食物質素高，很滿足嘅一餐…Read More

中午路過尖沙咀想食個quick lunch, 又唔想咁頹食魚蛋粉茶餐廳，見到呢間coffee shop 小店，好似幾靚就入咗去餐廳地方唔算大，眼見連埋Bar枱有四張枱，裝修走型格路線，以黑白灰色調為主另外枱與枱唔會太逼有少少空間，喺香港呢個寸金尺土嘅地方都算幾難得Warm Flow $55Stewed Lemon with Rock Sugar & Tangerine Peel入左秋真係要潤一潤，所以就叫左冰糖燉檸檬一見到杯飲品覺得好驚喜，兩朵花花就好似一個哈哈笑，好似有人同我講左聲”加油，Have a good day”心情即刻放鬆晒，有時開心真係可以好簡單講返杯野飲，檸檬唔會澀，有淡淡陳皮味，唔會太甜，飲完喉嚨好舒服Traditional Spaghetti Carbonara $80係傳統嘅carbonara 做法，用蛋汁唔係白汁，所以一定要食快如果唔係個蛋汁會好快稠，配料有洋蔥同煙腩肉，煙肉半炒半炸過有脆燶邊，加埋芝士碎，真係好香好惹味意粉都夠彈牙，屬水準之作今次無飲咖啡，見到人哋嗰杯拉花都好靚，下次經過再試下！順帶一提，我覺得個餐廳logo整得幾靚幾有意思💛…Read More

朋友介紹左呢間喺尖沙咀新開嘅火鍋店，佢話個燉湯好正，食材又新鮮，咁就book左試下火鍋店叫淥烚年代，個名改得好正，淥烚同60同音，難怪裝修都有少少懷舊風，又有打邊爐嘅意思，有趣有趣川貝海底椰燉螺片湯朋友介紹得又點可以唔試下個燉湯，店員介紹話立左秋要飲多啲滋潤嘅湯水，呢個湯啱晒好大煲好足料，有雞，瘦肉，紅棗，龍眼，海底椰，杞子等等，仲有超級多螺片，咁足料難怪非常清甜，我哋每人飲咗三大碗之後店員再加上湯打邊爐本地新鮮牛肉本身見到咁紅好似無乜雪花仲驚會唔會好嚡好靭，點知食落完全無呢個問題，當然唔會好似和牛入口即溶，但係都幾淋滑有驚喜，而且牛味好濃，真係好好味皇帝菜好新鮮，份量又夠多其他配料放左喺條七色拱橋上面，真係好吸睛鮮蝦雲吞足料大大粒，隻蝦好新鮮彈牙又大隻蟹皇餃混入左蟹肉蟹皇，食落鮮味無比，仲加左魚肚增加口感，非常有特色嘅一款餃子豬皮好耐無打邊爐食豬皮，見個湯底咁正真係要嗌啲索湯嘅配菜，果然無令我失望，豬皮吸晒個湯嘅精華堅係正新鮮淮山新鮮爽脆又有益養生，記得唔好煲太耐呀，太粉就唔好食豬腩片厚薄切得啱啱好，豬味好香無騷味五寶丸分別係墨丸蝦丸鯪魚球牛丸豬肉丸我覺得墨丸同蝦丸特別出色，鮮味又彈牙，極上之作脆鯇魚片好新鮮唔會有泥味，切得都好靚，淥嗰時可以好完整成塊夾起，脆鯇個厚薄好重要，要啱啱好先有爽脆口感，呢碟滿分食完熄爐先發現個湯都仲係好清，無乜油同泡泡，而途中我哋完全無片過油，真係好amazing!我覺得呢個邊爐打得好健康零負擔仲好養生，返到屋企都唔會覺得口渴另外坐得真係好舒服，店員服務好周到，會主動幫我哋分湯，又介紹得好仔細，成個體驗好好，朋友果然無介紹錯！…Read More

依家啲天氣真係好反常，前幾日仲係三十幾度，突然間落幾日大雨，一涼返五六度真程覺得凍，打邊爐就啱晒餐廳位於佐敦樓上舖，地鐵站行過去5分鐘左右裝修方面有啲日式居酒屋嘅感覺，仲有啲小燈籠，都幾特別地方雖然唔算好大，但係都坐得好舒服唔會好迫，店員都會刻意將啲客人分開啲坐，非常貼心血池麻辣湯拼姫松茸冬瓜湯 $165湯底揀左雙拼，麻辣好香唔會太辣(可能因為揀左少辣)，另外個冬瓜湯真係不得了，好多姫松茸勁足料，未開始落配料飲左兩啖真係好清甜，啲冬瓜同姫松茸最後都清晒😝手切安格斯牛 $209賣相好靚好吸引，雪花好靚好平均，厚薄切得啱啱好，肉質軟嫩，牛味勁濃，比想像中大碟黑豚肉片$55又係好大碟，$55真係好抵厚薄又係切得啱啱好，豬味好香無騷味，同麻辣湯底好夾鮮打四寶肉$86分別有四款手打丸: 墨魚丸，蝦丸，牛丸同豬丸四款都好新鮮好正，我最鍾意蝦丸，好鮮味同好彈牙，而牛丸同豬丸好重肉果，真係各有特色田園盛$86有蕃茄，蘿蔔，粟米，油麥菜同娃娃菜全部都好新鮮清甜，蘿蔔係薄片好快熟，好甜完全無渣到最後埋單先知原來係有機菜，唔怪得咁好食木耳鮮蝦雲吞拼西洋菜香菇餃 $96餃類好足料，每一隻都有滿滿嘅餡料西洋菜餃好有驚喜，好香西洋菜味雲吞粒粒都好多蝦整體來講好乾淨企理，食材好新鮮質素好高，份量又好夠服務好好，店員經常主動加湯好滿意嘅一餐…Read More

門口等位有架好得意嘅tuk tuk taxi, 真係好似去左泰國咁餐廳喺地庫，落到去驚覺餐廳好大好闊落我坐嗰邊有幾張大枱，仲有兩間房座位都算幾寬躺，似乎都幾啱一大班人食飯原來另外一邊地方仲大，仲有卡位，七點去到已經滿座咁多人我就唔方便影相啦泰式炸魚餅 $78炸魚餅大大份勁足料！一上枱俾個份量嚇親，有八大舊每一舊個厚度都係平時食開嘅double!熱辣辣新鮮炸起真係好好食紅咖哩個比例啱啱好，唔會搶晒魚味新鮮檸檬葉好香，切得夠幼香味揮發得夠出之外仲好易咬，有啲地方切得粗會好鞋又咬唔斷豆角粒都成為一個好出色的配角，增加魚餅口感本身仲驚食唔晒，點知秒殺冬蔭功海鮮炒飯 $88又係大大碟勁多餸，多餸都差唔多遮晒啲飯海鮮有蝦, 青口, 魷魚，份量都算多仲有草菇同秀珍菇佢個炒飯唔係就咁落冬蔭功醬，佢落左好多新鮮香料，真係幾似食緊真材實料嘅冬蔭功泰式明爐魚 $188有烏頭同鱸魚揀，我就揀左鱸魚又係嗰句，又大又多配料，兩個人真係驚食唔晒佢個火好夠猛，雖然條魚本身都係熟，但係我鍾意滾滾下先過癮本身個湯都有味，佢個酸汁真係畫龍點睛酸酸辣辣好惹味本身都飽飽地點知成條魚清晒Overall 食物質素好高，份量大上菜速度都算快坐得舒服服務幾好，水refill 得好快好啱多啲人一齊食，咁先可以試多幾款📍 新泰東南亞餐廳 (尖沙咀)尖沙咀加拿分道25-31號國際商業信貸銀行大廈地下1A舖及地庫…Read More

平日有優惠，點心$38起真係好抵食，仲要係米芝蓮一星，食過幾次點心無乜伏過其實佢正價都價錢合理，有優惠性價比真係太高啦！！春風得意脆皮腸粉$55🌟呢個係我最鍾意嘅點心腸粉皮好簿好滑裡面包住脆卜卜嘅蝦春卷，口感一流蒜香都好惹味建議唔好一開始就倒豉油，應該用個碟仔食嗰陣先點咁會香脆啲筍尖鮮蝦餃$38蝦係彈牙好食嘅，但個皮我有嫌佢厚左少少同埋細粒左啲但只係$38有四粒（唔記得影相就食左一粒🙈）其實真係無乜投訴原隻鮑魚京蔥和牛酥 $78 (兩件）鮑魚好大隻，好入味，口感ok 和牛酥都好香，唔錯沙嗲金錢肚$48好似唔洗錢咁勁大碟燘得好夠淋同入味，每件都係起格仔嘅金錢肚無欺場XO醬蒸鮮魷 $48💕呢個係我第二最愛魷魚食得出好新鮮，蒸得恰到好處好嫩口非常惹味今次細碟左少少好似俾人偷食左兩件咁XO醬炒蘿蔔糕$55蘿蔔糕好好食，份量又係超級大雖然唔太食得出XO醬嘅存在，但我諗如果XO醬太多會蓋蘿蔔糕本身嘅鮮甜鍾唔鍾意就視乎你本身想食蘿蔔糕定XO醬啦玫瑰小啤梨$48嗌左小啤梨做甜品啤梨造型一流非常可愛曲奇皮包住滿滿嘅紅豆餡，少甜唯一美中不足嘅係略嫌佢有啲乾但飲住茶其實就無乜問題翻兜指數:4.5/5📍 逸東軒 (佐敦)佐敦彌敦道380號香港逸東酒店B2樓層…Read More

思鄉病又發作，唯有去食下日本菜解下思鄉之愁居酒屋餐廳位於街尾，一蘭拉麵旁邊地方雖然唔算大，細細間好有地道日本家庭式小店感覺時間尚早，我哋係第一台客可以瘋狂影相第一眼見到有張日本女明星嘅海報，原來係工藤靜香，其實我都係因為木村拓哉先認識佢，哈哈本身都只係諗住飲啤酒，但見咁多日本酒做裝飾牆身貼滿唔同清酒嘅招紙，忍唔住order左支清酒飲Menu有七款清酒，本身唔係太熟清酒，問左店員意見就揀左中間”柔和”嘅惠信試下，好易入口幾好飲豚肉大阪燒之前lock down有試過自己整，但總係整得唔好食呢個一咬落去個底好脆，好似食緊薯片咁，應該係話似台灣嘅豬肉紙，原來係個豚肉煎得好香脆，太好味加上好肚餓好快就清左碟我老公仲唔小心講左句點解好食咁多似乎佢今晚有興趣瞓廁所鹽燒明太子雞翼明太子鋪得好厚密，差啲見唔到雞翼明太子嘅鹹香同雞翼嘅焦香好夾，一串兩隻食到有啲意猶未盡用左國產阿波酢骨雞，日產果然好味啲鹽燒雞皮都係國產阿波酢骨雞唔同平時出面食燒到好乾嘅雞皮，佢係外脆內juicy好甘香旁邊仲有大量昆布條，夾埋一齊食完全唔會覺得膩，呢個配搭真係幾好味噌醋魷魚甘辛煮落雨涼涼地想食鍋物，魷魚好似好特別就嗌左，完全係highlight of the day!唔同一般日式牛肉鍋嗰款好悶嘅甜醬油味，一入口有少少BB辣但好快散，之後先再有甜味出返黎，似係飲左薑湯嗰款暖笠笠嘅感覺，真係好驚喜好過癮，喺其他日式料理真係未食過呢個鍋我覺得係必點！送酒真係一流！海量蔥溫泉蛋炙燒左口魚裙邊稻庭烏冬炙燒左口魚好夠油香好滿足，夾埋大蔥食減輕罪惡感Overall 食物質素都幾高，餐廳氣氛又好從食材配搭可以睇得出餐廳的用心好滿意嘅一餐📍平成 (尖沙咀)尖沙咀棉登徑8號凱譽地下17號舖…Read More

中午食得唔係好夠，本身想搵杯珍珠奶茶飲下，但諗起老公有lactose intolerance 就打消左個諗頭，廢事俾佢話我無佢心突然間老公話不如飲NUTTEA先醒起中上環有間分店紫米堅果奶(熱) $42有選擇困難症嘅我一入到舖頭見到有個人氣排行榜，中女如我最近想養下身就揀左熱飲人氣number 1 紫米堅果奶一飲落去勁足料勁多紫米，好香，啱晒平時鍾意食紫米露嘅我伯爵朱古力堅果奶蓋茶（凍） $48一飲落去茶底非常Refreshing 伯爵茶好香好清新，仲有淡淡的堅果香，微糖啱啱好唔會太甜又唔會苦澀，好啱夏天飲朱古力堅果奶蓋超級濃厚同綿滑，估唔到朱古力奶蓋原來咁好味我自己覺得分開一啖奶蓋一啖茶多過mix 埋一齊，因為可以好似一羹羹咁好似食雪糕咁好過癮翻兜指數:4/5📍NUTTEA (兆英商業大廈) (中環)中環皇后大道中151-155號兆英商業大廈地下C2號舖…Read More

Wfh 左好耐，終於捱到星期六，明正言順可以出街抖抖氣Perhaps 位置在街尾轉角，有種柳暗花明嘅感覺海藍色格調配上圓形大窗框令人聯想起郵輪出海渡假，非常寫意，啱晒weekend 輕鬆下Today’s Waffle, Mixed Berries藍莓好大粒好甜，waffle 質地都唔錯Salted Caramel Latte好香，奶泡打得夠細滑Expresso Tonic 都好飲翻兜指數:4/5📍 PERHAPS (紅磡)紅磡福至街38-42號紅磡灣中心地下6號舖…Read More

日日睇住確診個案喺咁升，都唔係好敢成日出街，但呢幾日突然間好凍，10度都無，真係好想打個邊爐暖下身子，所以就襯放假出街成個late lunch平日晏晝兩點舖頭唔多人，坐得好鬆動店員好有笑容同禮貌，入座時仲主動問需唔需要要口罩袋，仲俾消毒搓手液我哋，真係好細心湯底選擇都算多，struggle 左一陣要川芎白芷魚頭湯定係花膠雞，最後揀左後者，補充一下骨膠原濃厚原隻雞煲花膠湯（半隻）$288個湯底一黎到就聞到好香，侍應哥哥話滾一滾先，一間再過嚟幫手處理隻雞我攪一攪左個湯，嘩，超多花膠，係真係花膠，唔係普通魚肚扮花膠，更加唔係勁細捲埋手指咁大嘅花膠仔，件件都勁大勁厚，見到都流晒口水好快侍應就過嚟剪隻雞，技術純熟好快手剪完佢提我哋滾返就可以飲左湯食舊雞先，飲完再叫佢加湯打邊爐飲左一啖真係好正，係真材實料媽媽的味道，個底唔知用左幾多雞去熬，勁濃郁同超級鮮甜，滿滿的骨膠原真係無得輸，surprisingly 雞都仲幾滑同有味，唔係湯渣我飲左三大碗，我老公仲笑我係嚟打邊爐定飲湯飲完個湯其實我都飽左六七成所以淨係嗌左少少其他嘢西班牙豬腩片$148好大碟，幾香幾好食，個我真係食花膠食飽左，主要都係我老公食晒冬瓜片$40個湯底咁正點可以唔叫返啲索湯嘅配料，冬瓜真係good pick，吸收晒個湯嘅精華另外醬料費每位$15PS, 食完返到屋企都完全無覺得口渴，應該真係無味精兩個人打邊爐可以食到嘅款式真係有限，希望限聚令快啲過，可以多啲人再嚟試多啲野！…Read More

每次聽到兒登首my apple pie 就好想食蘋果批，同咗我老公講好多次我想食蘋果批但唔想食麥當當，今次佢終於做到嘢🤣舖頭喺旺角朗豪坊地庫，地方雖然唔係好大但裝修都幾靚，淺木色主調，成個感覺好日系好舒服特色牆睇真啲原來係富士山！打咭真係一流另外個設計真係幾貼心，凳底有個籃可以放袋，枱面仲有充電線添講左個青森蘋果批先，一拎上手係熱辣辣真係幾驚喜Size其實都算幾大，係酥皮嘅，同平時麥當當嗰款好唔同，咬落去不得了，勁香脆，牛油味都好香，好足料蘋果清甜 ，家鄉蘋果果然好食啲，仲有吉士醬，成件事好夾好好食，差啲成個食晒食淨一小啖俾老公🤣下次真係要一人叫一個原來除左蘋果批仲有其他批揀，下次再試埋佢個栗子蓉批除咗蘋果批仲有好多其他蛋糕甜品重點係全部都係日本直送！另外仲買多左件三層抹茶蛋糕，抹茶味都幾香，有少少回甘，好欣賞佢唔會死甜，蛋糕質地都唔錯最後要講一講個紙盒仔蘋果心心圖案真係好得意…Read More