mfibtys's Profile

喺鰂魚涌搵到一間認真有驚喜嘅街坊星馬菜館——「隨心華人喇沙海南雞」，主打喇沙同海南雞，味道正宗，價錢親民，難怪平日午市都坐滿晒附近打工仔👨‍💼👩‍💼。店內乾淨企理，坐得舒服，無論一個人食定三五知己聚餐都啱哂🙌 Bubu推介🔥 👍 隨心海南雞飯（無骨）轉白飯 一上枱已經好吸引，雞件皮黃肉滑，厚切無骨，食落肉質嫩滑多汁，完全唔鞋口！即使轉咗白飯，都無損整體味道，雞油香滲入每啖雞肉，加埋青瓜、酸菜同三色醬，滿足感爆燈🤤 👍 海鮮喇沙 呢碗喇沙絕對係重口味人士嘅至愛🔥 湯底香濃惹味，椰香辣味平衡得啱啱好，唔會太膩。入面料多到爆：鮮蝦、魚片、魚蛋、雞絲、豆卜、半隻蛋，仲有彈牙米粉同油麵，食完一碗真係好滿足🍜💯 👍 馬來串燒 串燒夠晒香口，燒得啱啱好，外脆內嫩，仲配有正宗沙嗲醬，帶微甜花生香，點完一口接一口停唔到手！🍢😋 📍隨心華人喇沙海南雞 鰂魚涌海堤街6-16號龍景大廈地下4號舖…Read More

尖東隱世居酒屋❣️沃川自家料理❣️，依舊係我心中嘅日料No.1✨。雖然位置隱蔽，但每次特登搵上去都覺得值得。今次再訪，試咗幾道新菜式，一樣精彩！Bubu推介🔥👍 是日薄切魚刺身（油甘魚）今日薄切刺身係油甘魚，一上枱已經被佢嘅油光吸引住。每片切得薄薄地，透明粉嫩，入口即化，油甘魚嘅鮮甜完全釋放出嚟。唔洗點醬油，單食已經好正，食完只想再encore一碟🤤。👍 爆炒雞橫膈膜呢道菜真係估唔到咁好食。雞橫膈膜平時少見，口感煙韌得嚟又有肉汁，炒到香氣四溢。配埋洋蔥、甜椒一齊炒，熱辣辣上枱，鐵板聲滋滋響，食咗一啖就停唔到口！重口味之選，超啱配酒🔥👍 濃湯蝦烏冬呢碗濃湯蝦烏冬真係超暖胃。湯底蝦味超濃郁，夠哂creamy又有層次，飲落仲有少少甘香同海鮮鮮味。烏冬滑溜彈牙，吸哂湯汁，每條都香到唔得了。面頭仲有乾蝦、蔥絲、海帶，口感豐富又飽肚，收尾一流！📍 沃川自家料理尖沙咀麼地道75號南洋中心UG5-8號舖…Read More

喺中環蘭桂坊熱鬧街頭，竟然有一間咁有情調嘅法式小餐館 。餐廳位於二樓，環境低調而溫馨，木系裝潢加上開放式廚房設計，令人一入去就好放鬆。無論係拍拖、紀念日定家庭聚餐都非常啱feel💞 餐廳每道菜都見用心，滿滿法式風格加入少少家常味，令人食得好舒服🏠 bubu推介🔥👍 焦糖鴨肝醬配法包 一上枱就聞到香味～面層焦糖脆脆，底下係入口即溶嘅鴨肝醬，油香濃郁但唔膩口。配上脆卜卜嘅法包同微甜果醬，鹹甜交錯，層次豐富，真係每啖都好有驚喜。鴨肝控絕對唔可以錯過😍👍 香蒜牛肝菌意粉 意粉煮得啱啱好，好彈牙🤤 炒得乾身又唔會唔乾巴巴。牛肝菌香氣超突出，配埋蒜片一齊炒，香味撲鼻，每啖都食到菇嘅鮮味。簡單但極有水準，素食之選都咁吸引！👍 香草燒黑毛豬鞍架配焗薯 豬鞍一上枱就好吸睛🐽厚切豬扒煎到金黃色，外層微脆，內裡仲保持住肉汁。肉質鬆軟唔鞋口，配埋醬汁提升左整體層次❤️‍🔥📍 Cuisine Culture 中環蘭桂坊德己立街12號業豐大廈2樓203號舖…Read More

係鰂魚涌小街嘅角落，竟然有間咁有驚喜嘅精品咖啡食堂。不苦主打西日式料理加上甜品，配搭本地烘焙同來自世界各地嘅單品咖啡豆，無論係打卡定慢活，都一樣啱你💭🪴裝潢簡約溫暖，木系家具令人心情放鬆，仲有香氣撲鼻嘅咖啡香，令人一坐低就唔想走。店內擺放咗多款精品咖啡豆，鍾意咖啡嘅朋友一定會心心眼🤎Bubu 推介🔥👍 香煎海蝦龍蝦汁捲捲意粉彈牙捲捲意粉掛滿濃濃龍蝦醬汁，每啖都充滿海洋精華🦐 鮮甜海蝦煎得剛剛好，配上香草點綴，香濃惹味又唔膩，好食到要舔碟🤤👍 炙燒雙色芝士雞肉棒 雙色芝士融化喺雞肉表面，炙燒後帶微微焦香，雞肉嫩滑多汁，芝士控絕對不能錯過🧀 日本風格擺盤，味道與視覺同樣出色！👍 開心果芝士蛋糕 自家製芝士蛋糕入口即融，開心果碎增加口感層次，唔會過甜，反而有種淡淡堅果香氣🧁 配埋一杯咖啡，完美句號💚🥣 晚市套餐晚市更設有套餐選擇，附送餐湯同熱洋甘菊茶🌼，仲可以加購甜品或小食，抵食又有儀式感，啱晒同朋友慢慢傾慢慢食🌙📍不苦 鰂魚涌海光街7-9號龍景大廈地下6號舖 🚶‍♂️ 鰂魚涌B出口行幾步即到！…Read More

想搵個又靚又飽、打卡一流嘅餐廳？上環嘅 Green Orange絕對唔可以錯過！✨ 全新班底打造、由酒店級大廚主理，餐牌全面升級，仲有畫碟甜品儀式感爆燈🖼️🍰，每一個細節都感受到餐廳嘅用心🥰𝗕𝘂𝗯𝘂推介🔥👍 炸軟殼蟹蟹黃意大利飯 呢款意大利飯絕對係海鮮控嘅天堂💛 用上蟹黃熬製嘅醬汁香濃幼滑，配上炸得酥脆嘅軟殼蟹，內裡仍保留鮮甜蟹肉，意大利飯煙韌飽滿，吸收晒蟹黃精華，超級滿足🤤👍 慢煮三文魚配白酒檸檬牛油汁三文魚慢煮得恰到好處，肉質鮮嫩得嚟又唔會過腍🐟 配上白酒檸檬牛油汁，香濃之中帶有輕盈酸香，平衡感十足，食完唔會膩，真係一試難忘💖🍽️ 任食小食推薦（+$38）放題中最驚喜位就係可以無限追加前菜小食！每款都做得認真，完全唔係求其炸出嚟🚩脆炸魷魚圈：酥香唔油膩，彈牙有嚼勁🐙 🚩炸香草單骨雞翼：推介鹹蛋黃味，鹹香濃郁，夠晒惹味🍗 🚩意式炸薯條：香脆中滲出松露香氣，超邪惡🤎 🚩墨西哥炸粟米：香口微辣，好有層次🌽 🚩蒜蓉包 + 是日湯 + 雜菜沙律：作為開胃菜啱晒！🥂 100分鐘Free Flow 無限暢飲想再升級？可以加購Free Flow飲品，性價比超高：+$98 紅白酒、指定Mocktail任飲 +$168 多款氣泡酒、雞尾酒、紅白酒＋特調飲品 🍸🍷🍹📍Green Orange上環永樂街50號昌盛大廈2樓 …Read More

如果你想搵個地方同朋友開心聚餐、飲杯清酒、食啲夠氣氛又有水準嘅日式料理，❣️炭兎❣️絕對係個唔會錯嘅選擇！一踏入去已經感受到濃濃日本居酒屋嘅熱鬧氣氛，開放式炭火燒位＋超大嘅日本直送冰鎮海鮮枱，未食已經好期待🤩 生日仲會有全場一齊舉杯慶祝，氣氛一流！Bubu推介🔥👍 鐵盒燒廣島生蠔（可加芝士） 一上枱已經被香味勾住！大大隻廣島蠔放入鐵盒即燒，蠔肉鮮甜多汁，加芝士版本完全係另一層次🤤 奶香配上蠔嘅鹹鮮，意想不到咁夾！👍 炭燒名古屋交趾雞 真心鍾意佢嘅炭香🔥 每件雞肉都燒得夠香口，外脆內嫩，重有啲煙韌口感，咬落去好有彈性！簡單調味已經突顯到雞肉本身嘅鮮味，啱晒佐酒～👍 煙燻鰤魚刺身 鰤魚切得厚身，油脂分布勻稱，放入口即融～煙燻香氣加持，令成件刺身有層次又唔會膩，配埋芥末同豉油一齊食，好滿足😋📍炭兎 灣仔皇后大道東202號 QRE Plaza 6樓…Read More

位於廣華街的 Black Coffee 走型格暗黑路線，一入門已經感受到神秘氛圍，燈光微暗但格調滿分，好啱同朋友慶祝生日或者來個 chill chill 下午。餐廳仲提供生日甜品寫字服務，甜品上有專屬字句，又靚又有心思，影相一流！Bubu推介🔥👍 蘆筍帶子墨汁卷卷意大利粉 一上枱已經被佢全黑外表吸引，視覺衝擊感十足。卷卷意粉煙韌彈牙，每條麵都掛滿濃郁墨汁，味道鮮香。帶子煎到外脆內嫩，咬落仲有啖啖鮮味，加埋爽口蘆筍，整體味道層次豐富又有驚喜！👍 招牌炸竹炭豬扒印度香飯配黑芝麻瑪撒拉 第一次見黑色嘅炸豬扒，真係超有型！原來加入咗竹炭炸製，外層香脆唔油膩，內裡用梅頭豬肉切成，肉質嫩滑多汁，完全唔乾柴。配上香濃黑芝麻瑪撒拉醬，微辣帶陣陣印度香料味，超開胃。香飯粒粒分明，香而不膩，成個set超飽肚，值得一試。👍 伯爵茶忌廉日式梳乎里班戟 班戟厚厚又鬆軟，一切開就感受到佢嘅空氣感。上面淋上香甜伯爵茶忌廉，茶香濃郁得黎唔會膩，打卡影相超靚。甜品控一定唔可以錯過！📍Black Coffee 旺角廣華街3號地下3號舖 …Read More

每逢中秋就會特別想食啲熱辣辣嘅嘢，呢排牛大人又有新主題「經典重現，復刻體驗」，再加埋中秋限定活動，真係食住玩住過節最啱！BUBU推介🔥👍 聰明魷魚沙茶鍋（期間限定） 呢個真係驚喜！沙茶味香濃得黎唔膩，配埋魷魚乾、柴魚片，越煲越出色，涮肉涮菜涮海鮮都一流💞👍 日本黑毛和牛A4+估唔到任食嘅打邊爐都食到咁高質嘅配料🥰 油花靚到爆！肉質超嫩，入口即溶，完全係高級享受！👍 伊比利亞黑毛豬梅肉肥瘦適中，肉味濃郁，涮一涮滑到不得了，完全唔會膩，食十塊都無問題！🍢 小食無敵多款，呢幾樣必試：🔱 蝦蝦霸霸脆多士：啖啖蝦膠配香脆多士，外脆內彈，太正！ 🔱 阿嬷豆乾魚蓉麵 🔱：台味十足，豆乾香口，魚蓉麵煙韌，滿滿懷舊感！ 🔱 烏金墨汁手作腸：黑色造型超吸睛，煙韌得黎唔腥，好特別！🍹飲品 x 甜品推介：🔱 芒檸蜜西米爽：清新解膩，食完火鍋飲一杯，超爽！ 🔱 港式檸檬茶18+（酒精特飲）：檸味清香，入面有小酒精，飲完心情都靚晒！ 🔱 蜜桃愛玉冰：甜甜地又滑溜，完美收尾🧊【‼️中秋活動‼️】幫襯仲可以玩埋中秋，簡單又有中秋氣氛💡！🧠玩法係： 1. 抽三個燈謎卡 2. 猜圖／猜歇後語＋講解意思 3. 三題都啱即送🎁小禮物一份（超可愛牛大人精品～）打完邊爐再挑戰下腦筋，食得開心又玩得開心！📍牛大人台灣火鍋吃到飽（銅鑼灣店） 地址：銅鑼灣駱克道463-483號 銅鑼灣廣場二期5樓 …Read More

想搵個地方同朋友男朋友慶祝下食個飯，家賀屋就係你嘅好選擇！一入門口就見到生猛海鮮魚缸，仲有夢幻天幕打卡位，啱哂影相打卡📸，生日仲可以預約手畫甜品畫碟服務🎨，餐廳幫你整個專屬回憶💝𝐁𝐮𝐛𝐮推介🔥👍 海膽龍珠卷 一啖咬落去，海膽＋拖羅蓉＋醬油漬蛋黃，三重鮮味撞埋一齊，海膽色澤橙黃、鮮明，拖羅蓉油脂分布平均，咬落去lam lam脷！油潤香濃，仲有金箔點綴，視覺＋味覺雙重享受✨👍 活伊勢龍蝦刺身 成隻龍蝦即劏即切，龍蝦肉晶瑩剔透，爽口彈牙冇腥味，鮮甜得嚟仲有金箔點綴，打卡一流，貴氣滿滿💎👍 甜品畫碟服務生日紀念日想搞氣氛💞提早預約就可以有專屬畫碟服務，餐廳會畫出你想要嘅圖案，可愛/搞笑/浪漫任你揀，甜品都變得有溫度❤️‍🔥 今次餐廳就幫我畫咗隻我最近好鍾意嘅Joguman，好治癒～📍 家賀屋 銅鑼灣渣甸街66號亨環2樓 …Read More

男朋友終於識得搞下驚喜，帶我去咗一間藏身跑馬地嘅高級意大利餐廳❣️𝐋𝐨𝐜𝐚𝐧𝐝𝐚❣️，主打精緻手工意粉同創意意菜。餐廳設計優雅有格調，開放式廚房更可以望住廚師即場烹飪，真係視覺味覺雙重享受✨餐廳環境寧靜私密，服務態度一流，侍應詳細介紹每一道菜式食材來源同烹調方法，完美演繹咩叫fine dining。成晚氛圍都好浪漫，真係好啱情侶慶祝紀念日或靜靜地過一晚💕𝐁𝐮𝐛𝐮推介🔥 👍 AOMORI TUNA TARTARE一上枱已經被佢藝術感賣相吸引住，兩塊脆片築成小山型，包住靚靚紅寶石色嘅吞拿魚赤身✨魚肉細膩鮮甜，配上微酸嘅番茄同埋清新嘅青瓜，完全打開味蕾💥👍 HOMEMADE TAGLIATELLE 手工tagliatelle口感彈牙，蛋香濃郁。配埋新鮮龍蝦肉、蜆肉同萵筍絲，層次非常豐富。海鮮鮮味滿瀉，每啖都好滿足😋👍 CHALLANS DUCK BREASTMedium rare上枱，見到完美粉紅色澤😍 鴨皮煎得香脆，肉質嫩滑無羶味，配上微酸藍莓同五香鴨汁，鹹甜交錯，驚艷嘅搭配👏。擺盤精緻，打卡一流📸📍Locanda跑馬地源遠街12號地舖 …Read More

上環Fish & Chick 主打炸魚薯條同烤雞，大門牆身英國國旗超搶眼，一入門已經聞到炸魚香氣🤤 餐廳提供多款唔同產地魚類，仲有本地鱸魚揀，夠晒貼地。一系列炸得香脆嘅魚塊，再加埋烤到金黃色嘅雞，簡直係英式comfort food代表❤️Bubu推介🔥👍 傳統英式炸魚配薯條（本地新鮮鱸魚）炸魚即叫即炸，炸漿夠薄夠脆，唔會搶走魚味。我地揀咗香港本地新鮮鱸魚，魚肉嫩滑多汁，配埋自家製他他醬，味道層次即刻升級。薯條厚切酥脆，沾埋茄汁或者醋一樣咁正！👍 烤雞半隻配粟米雞皮烤到啱啱好金黃香脆，雞肉鎖緊肉汁但無多餘油份，食落唔膩。配菜有大量甜粟米，平衡咗烤雞嘅濃味，份量都好足，CP值超高！👍 特濃白汁三文魚意粉白汁真係超creamy，唔係死死地咁油膩，而係入口滑溜帶奶香。三文魚份量足，仲有洋蔥同香草點綴，啱晒重口味pasta控🍝📍Fish & Chick 上環禧利街27號地下F號舖…Read More

秋意嘅雞飯早有聽聞，尤其係觀塘總店嘅豉油雞相當有名。原來鰂魚涌都有分店，主打外賣，啱晒屋企開飯一齊share。今次就試咗三款皇牌去骨雞，果然名不虛傳🥰Bubu推介🔥 👍 招牌去骨口水雞飯打開即刻聞到花椒辣香，雞肉嫩滑，去骨食得特別方便。配埋酸辣醬汁、花生碎同黑木耳，口感好豐富。仲有溏心蛋同清炒椰菜，整體好均衡，飯都忍唔住食多兩啖。 👍 秋意去骨豉油雞雞皮色澤深沉油亮，豉油香氣濃郁但唔死鹹，醬汁鹹香帶甜，滲透到雞肉入面。雞肉滑嫩多汁，就算凍食都唔會覺得鞋，真係一試上癮。 👍 瑤柱去骨貴妃雞皮薄肉嫩，色澤金黃，入口清爽滑溜。上面灑滿瑤柱絲，鮮味大大提升，好似將貴妃雞升級咗咁。呢款食落清而不寡，長輩特別鍾意。 📍 秋意鰂魚涌海堤街2號多寶樓地下E5號舖 …Read More

放工想搵個地方chill下、飲返杯，呢間最近喺銅鑼灣爆紅嘅「人生有限杯」絕對要bookmark🍢✨一入門就感受到濃濃居酒屋氣氛，木系裝潢加上師傅即席燒烤嘅香氣，令人即刻放鬆心情。最近餐廳仲推出咗全新餐單，有好多款嶄新又有創意嘅特色料理，無論係味道定擺盤都見到心思，而且價錢仲非常親民，性價比超高🫶𝐁𝐮𝐛𝐮推介🔥👍 鹽燒雞腿肉串 簡單就係最好。雞腿肉燒得外皮微脆、內裏juicy，鹽味啱啱好，唔搶味反而更突顯雞肉嘅鮮味。👍 焦糖菠蘿鵝肝醬多士 呢個真係必試‼️ 一上枱已經俾佢嘅賣相吸引住。鵝肝醬幼滑香濃，面頭放咗焦糖燒過嘅菠蘿，酸酸甜甜中和咗鵝肝嘅油香，放喺香脆多士上，一啖咬落層次豐富，齒頰留香。👍 蟹粉日式豆腐 創意十足✨ 炸得金黃酥脆嘅豆腐，外脆內嫩，底下鋪滿濃郁蟹粉醬，味道鮮香撲鼻。用匙羹撈埋蟹粉醬一齊食，真係會食到唔捨得停口。呢個絕對係我今次最大驚喜！📍 人生有限杯.串燒店銅鑼灣登龍街28號永光中心15樓 …Read More

自問鍾意食印度菜嘅朋友，CHUTNEY你一定要試！位於中環，餐廳裝修極有氣派，入到去已經好有feel～ 唔單止裝修靚，食物絕對夠實力💪 每一道菜都充滿層次同精緻感，完美演繹咩叫「印度宮廷菜」。🔆Bubu推介🔆👍 𝕂𝕖𝕖𝕞𝕒 ℙ𝕒𝕧 呢道小食真係好驚喜！煎得微脆嘅牛油包已經好吸引，配上香濃惹味嘅香料免治羊肉，再加上炸脆條、半隻鵪鶉蛋，口感豐富到爆！每啖都食到香料與肉香完美融合，鹹香開胃，令人一試難忘🤤👍 𝔹𝕦𝕥𝕥𝕖𝕣 𝕄𝕒𝕜𝕙𝕒𝕟𝕚 ℂ𝕙𝕚𝕔𝕜𝕖𝕟 招牌之選💯 牛油咖喱醬汁香濃順滑，帶少少甜味又唔會膩，雞肉嫩滑多汁，絕對係白飯殺手🤣 不過我地當然係用Naan食啦～每啖都係幸福感爆燈💥👍 𝕋𝕣𝕦𝕗𝕗𝕝𝕖 ℂ𝕙𝕖𝕖𝕤𝕖 ℕ𝕒𝕒𝕟 呢款Naan真係要跪👏 一上枱已經飄出陣陣松露香，咬落濃濃芝士味配上煙韌又帶焦香嘅餅底，完全唔需要再點醬，單食已經好滿足。配埋Butter Chicken一齊食更加加分✨📍CHUTNEY 中環雲咸街75-77號嘉兆商業大廈4樓 …Read More

打邊爐唔再只係求飽，仲要夠靚、夠補、夠打卡🤳 今次我哋嚟到尖沙咀嘅鮮入圍煮，主打花膠雞海鮮火鍋，環境舒服，最啱同朋友邊食邊傾計 。除咗傳統火鍋配料，呢度嘅湯底同食材真係有驚喜，打邊爐都可以食出精緻感💫Bubu推介🔥👍 花膠雞湯鍋 呢個係必試✨！湯底一上枱已經聞到陣陣濃郁雞湯香，入面足料到不得了——半隻雞加厚切花膠，啖啖都係膠原蛋白，飲落香濃又好味，真係一啲都唔油膩，養生之選🙌👍 爽彈豬腩片 呢款火鍋配料都好有驚喜，肥瘦分布平均，入口彈牙爽口，豬味香濃，唔使點醬都已經好味🤤，配埋花膠雞湯一齊食，完美！📍 鮮入圍煮 花膠雞海鮮火鍋 尖沙咀厚福街8號 H8 8樓…Read More