Toi's Profile

本來滿心歡喜想係維港靚景底下試點心放題一開始被安排坐卡位都幾開心，覺得空間幾闊絡🧐點知一路坐，就係咁有啲蚊滋周圍飛🤢上茶嘅時候，茶杯又有蚊滋😞同個侍應講完，唔好意思都無一句☹️到上菜，碟嘢入面又有啲蚊滋仔，好崩潰😶‍🌫️而且咁嘅價錢，連基本衛生都未處理到，就算個景幾靚都無辦法安心食一餐而點心基本上都係普普通通小菜味道都係普通三餸飯質素選擇亦都唔係十分多我相信無下次了，唔想貼錢食蟲補充蛋白質🫠…Read More

平日除了快餐，為求便利，我一定選擇吃拉麪。身在土瓜灣，最快靚正的選擇非鳴虎莫屬。餐牌四款招牌都頗吸引，而且價錢實惠，在香港地動輒百多元一碗拉麪的情況下，實在難得😗是次點了鳴海老，表面鋪滿櫻花蝦粉，可以聞到陣陣蝦香。叉燒燒香，份量不至於誇張，但整體肉油的分布不錯。麪身不算粗也不算幼，但吃起上來十分有彈性，個人頗喜歡。咬開溏心蛋，內裏仍能有流心效果，整碗拉麪可謂誠意之作。芝麻手羽即叫即炸，上桌時仍十分燙嘴，為求健康，點了一客胡麻菠菜😚菠菜爽脆不軟爛，算是不錯。…Read More

想試生蠔，但又怕中伏，輾轉有朋友介紹下，便來到這家位於灣仔的餐廳試試他們的主打生蠔。一開始先點生蠔冷盤，這次先點了兩款生蠔和海膽阿根廷紅蝦刺身。左邊的是法國 gillardeau no.1，右邊的是南非 Rollex 。坦白說，我不是經常吃生蠔的人，也稱不上專業，但生蠔那天然的海水咸鮮，入口嫩滑creamy 不腥臭，已經稱得上是靚蠔👍🏼至於海膽阿根廷紅蝦刺身也不俗，海膽新鮮，蝦身彈牙鮮嫩，三文魚子的咸又再提升了整道刺身👍🏼另一款頭盤我們點了西班牙蒜片辣椒炒蝦。一開始放進口，先是蒜味四溢，接着就是辣椒的後勁，十分爽。而且每隻蝦都份量十足，絕對是愈吃愈上癮。吃過兩款生蠔，當然要再下一城🤭本來想試的那款，招待我們的侍應說不新鮮，反過來建議我們試試日本蠔。既然有介紹，我們也不作多想！殊不知生蠔一上場，我們真的可以用大吃一驚來形容，日本的宮城風雅蠔，肥美鮮甜，足足有手掌那麼大，難怪大家都笑着叫Monster😂主菜燒春雞表皮先煎香，再淋上醬汁，肉質鮮嫩，非常惹味。吃得再飽也要留肚吃甜品，這個香蕉拖肥蛋糕可說是店內的名物，我們見幾乎人人來到都會點一客。香蕉加忌廉，再配搭拖肥醬餅底，令人不禁一口接一口，非常滿足🤭總括而言，想試優質生蠔的朋友絕對不能錯過！…Read More

吃泰國菜會上癮是真的，今天來近一點的荃灣覓食。門面已經充滿熱帶風情，雖然附近都被大排檔圍繞，但仍能假裝一下泰國風情🤭飲品分為有酒精與沒有酒精，叫了一杯Citrus fruit punch和lychee special🥰味道偏甜，不過十分解暑。加上外型十分Igable🤭，值回票價👍🏼先來一碟頭盤——柚子大蝦沙律😜柚子味甜不澀，蝦足兩大隻，作為打頭陣，尚算開胃🙆🏻‍♂️炸墨魚餅絕對是我的至愛🤪新鮮炸起的墨魚餅份量十足，墨魚粒分明，而且這裏的墨魚餅應該加入了香茅，每一口都有滿滿的東南亞風味🤭豬頸肉爽口厚實☺️好吃😝原條烤魚份量十足，魚肉嫩滑，配上特調泰國辣醬，絕對是吃過翻尋味🤭基本上吃到後段，嗜辣的話，甚麼都會點上這碟醬汁🤣…Read More

吃泰國菜是有癮的，閑時常見K11排滿人，所以便預約試試😋餐廳係K11，位置闊絡舒適🙆🏻‍♂️蝦餅做成條狀好有趣😂新鮮炸起，外層較厚身，所以炸出來很脆口，幸而蝦膠份量十足，沒有偷工減料，值得稱讚😌鹹蛋黃金薯條絕對是本次卡路里之冠，薯條同埋熱辣辣、脆卜卜，加上邪惡鹹蛋，絕對停不下來😙軟殼蟹米紙卷份量十足，感覺每份米卷中都像捲了半隻蟹（因為真的很多😂），底下佐以牛油果醬，配搭頗新鮮。香辣通菜，惹味之選，食泰國菜必然的存在🥰全晚最特別的是這道泰式醉貓炒手造卷粉，人生第一次食手造卷粉，絕對是煙韌控最愛！整碟炒粉鑊氣十足，口感軟彈，而且餐廳標榜泰國直送 ，最適合用來一解相思之苦🤭是晚另一道特色菜就是這個特別版芒果糯米飯，糯米飯配上酸甜的乳酪雪糕，整個感覺酸酸甜甜，絕對消膩，吃完又可以再吃🥰🫣…Read More

日本現時只接受旅行團，日望夜望通關，就快要變石像。幸好香港有不少高質素的日式餐廳，才能一解思鄉之苦是日為週末，幸好天雨關係，先可以順利walk in🤭蒜子蕃茄沙律十分適合作為前菜，雖然以蒜命名，但其實蒜味不是太濃，反而冰凍去皮蕃茄配上特調醬汁，整道菜既酸甜，又爽脆，夠晒開胃😆接住主菜串燒們陸續登場🙆🏻‍♂️牛脷串厚實有肉，而且燒烤的火候控制得宜，咬下去仍然軟嫩，配上黑椒，十分惹味大腸串作為推薦之列，的確不得不試。整體外層薄脆，內層軟糯感十足，絕對唔柴口。而且在面層芥末搭配之下，平衡了大腸本來的油膩感，即使高膽固醇，亦都願意一串接一串。雞皮串是日式串燒名物，Mokumoku的烤雞皮做得頗有心思。表皮脆口，油分都被高温逼光，偏偏咬進皺摺位置又感覺嫩口，少點功夫都做不了。雞翼不用多講，「脆、香、熱」三字已足夠概括，雞翼控絕對不可錯過。燒三文鮮頭一上台就油香四溢，三文魚最易過度烹煮，但這道魚頭不止嫩，部份面頰仲保持滑溜，絕對是大師之作。…Read More

位於紅橋嘅高質良心餐廳，所有食物都好高質🥰沙律用上Ham配新鮮沙律菜，連蕃茄仔都甜過人🤣估唔到夜晚都有得食all day breakfast。不得不讚一讚個松露炒滑蛋，松露味香，滑蛋軟溜，唔會好似坊間好多西餐咁得股Gas味🤭而肉眼扒肉味濃郁，油香四溢，配上番薯條、荷蘭汁，味道完美😌不得不提朋友食嘅慢慢喜歡你，以原條鰻魚配上黑色嘅竹炭包，成個餐口感豐富，分量十足，絕對對得住價錢！成餐飯，前菜連甜品加埋都係$200一個人，性價比其實唔錯。但當晚用餐嘅時候，聽來都係得小貓兩三隻，希望大家多啲支持呢啲又好食，又有良心嘅餐廳💛…Read More

相信最近大家會幫襯家後，都係被佢嘅巴斯克所吸引🤭適逢紅日嚟試，係門口都等咗十五分鐘左右。鋪內位置都係典型小店，較為狹窄。我哋被安排坐最入的房仔。先嗌一份芫茜湯飲。湯底因為係無味精嘅赤小豆粉葛豬骨，味偏淡，但飲得出係心機嘢。餃子芫茜十足，不過皮略厚。而厚皮餃子正正啱晒煎餃，新鮮煎起嘅餃子脆卜卜，咬落係咔咔聲，配埋肉餡熱辣辣，係幾好食，如果內餡可以再多啲就更完美。成餐飯嘅主角就係呢一個開心果巴斯克蛋糕，誇張到係喺門口排隊嘅時候已經不斷喺度望仲有冇。而我亦都可以好肯定咁講，呢一個巴斯克蛋糕真係家後嘅招牌菜，蛋糕開心果味勁濃，中間仲要做到流心，加上唔會太甜太膩，開心果迷真係要嚟試試佢🤭…Read More

貴為最近的打卡餐廳，適逢Openeice仲有得book位，就決定要嚟試試🤭餐廳位於海邊，唔算難揾。入內有樓梯仔，分開幾個Level。是次入座卡位，位置闊絡，但燈光偏黃，影相打卡差咗小小。前菜叫咗個八爪魚同火腿拼盤。八爪魚味咸鮮，口感彈牙，加埋火箭菜同醬汁，頗為開胃。至於拼盤三款肉都夠晒香，送酒chill住食都唔錯，不過哈密瓜略嫌甜度不足🫣主菜叫咗一份牛面頰。味道濃郁自然不再話下，而且燉煮得綿爛，入口軟綿仲要有充滿膠質嘅感覺，整體而言非常正，鍾意食牛就唔可以錯過🤪Cocktail好多選擇，我哋最後三個人嗌完出嚟變咗紅綠燈🤣Tiramisu不過不失，作為tiramisu控，呢個未係好滿意，可以不試🤣整體都係適合坐一個晏晝，飲下酒吹下水嘅地方🥰👍🏼…Read More

餐廳走高級中菜路線，身處時代廣場，相信價位都不言而喻🤭試咗三款點心：蝦餃、燒賣、蘋果叉燒酥。三款點心都水準以上，對得住價錢。是日主角係砂窩蟹粉配炒飯🥰砂窩炒飯上台一刻仍熱辣辣，夠晒鑊氣。待應一送飯上台，就會幫手倒一份蟹粉入窩拌飯，然後焗一陣再幫手分飯，同時仲有一份拆好嘅蟹粉同醋比食客另外加入自己碗飯。碗飯粒粒分明，蟹粉香尚可接受，部分飯粒仲帶啲焦香，整體都過足口癮，值回票價。兩個人食，一人可以分到二至三碗飯，份量都唔少啊😋…Read More

次次假期經過都勁多人終於等到平日有機會嚟試🥰當然要試一試佢嘅招牌牛腱麪湯底有兩款選擇：紅燒同牛骨濃湯🧐由於怕太濃味，所以最後揀咗牛骨濃湯一上台，成個賣相勁吸引💛店員教先分開食撈麪同飲湯，最後可以加湯落麪一齊食😝牛骨湯熱辣辣，雖然話比較淡，但都好濃味！而撈麪嘅麪質適中，唔會過腍過硬，同埋撈麪嘅麪汁好濃，拌勻食好正😍而牛腱就筋肉分明，加上佢嘅肉經過長時間炆煮，入味軟腍，的確好食👍🏼👍🏼👍🏼最後加湯入撈麪做湯麪，又係另一種味道。咁高質都只係70幾蚊，CP值勁高！☺️…Read More

疫情持續下，已經大大減少外出晚餐的機會。適逢與朋友約見，我決定要吃高質的日本菜！左選右選之下，便選定了豊勝手丼，絕對是有讚無彈的一頓飯。餐廳位於登龍街，即使平日晚上，若然沒有預約，相信WALK IN要等上好一陣子。店內環節舒適，真的令人有去到日本的感覺！（應該是太久沒有出走，所以出現了幻覺）我們總共叫了四款食物，分別是忌廉蟹肉薯餅、蟹甲羅燒、豊勝十二貫壽司組以及廚師發辦丼。首先上桌的是兩款前菜炸物及燒物。個人十分喜歡這薯餅，內饀十分Creamy，配上酥脆的外皮，真的十分邪惡！再來是令人驚喜連連的蟹甲羅燒，本來配着梳打餅上來的時候，我內心充滿問號，心想會否太古怪，竟然是配梳打餅。殊不知擺落口才發現，兩者是如此匹配。本來甲羅燒的蟹膏已經十分濃郁，又香又甜，仲要起沙，所以淡味的梳打餅完全將蟹膏的原味原汁原味呈現出來，絕對推薦大家試試！前菜已經令人食指大動，接着主角要上場了——廚師發辦丼。驟眼一看，和平時的丼飯分別不大，飯上有六款魚生：磯燒鮑魚、赤身、帶子、池魚、立魚、大拖羅。但細嘗之下，才發現內有乾坤。以往在其他餐廳吃的鮑魚都是採取直切的方式，但豊勝的磯燒鮑魚則採用橫切，令鮑魚更入味，更爽口，而且細心一看，更能發現店家採用的是高質的九孔鮑魚，比普通鮑魚更鮮更嫩。而刺身新鮮、肥美全都不在話下，最特別的是，師傅在飯上加入了漬物，甜甜鹹鹹的，不但增加了口感，更提升了飯及魚生的層次，令人愈食愈想食。最後，用完美的信州蘋果梳打完結這一頓飯。整體而言，所有的菜式都反映出師傅的細心及用心，加上服務周到，絕對是高質的食店，絕對會再來光顧！…Read More

如果身在銅鑼灣想嘗嘗串燒，備長絕對是不二之選😋👍🏼先上場的是鵝肝多士。鵝肝一上桌就油香四溢，肥美到不行。放進口中，香嫩的鵝肝配上烘脆的麵包底，在口中融化開，最適合我這嗜油份子😂吃串燒，大腸真的不可少。豬大腸一層脆口，一層煙韌，一層層疊加一齊，十分過癮，而且大火逼乾外層，不會過分油膩。愛吃日式串燒的朋友都會認得它，月見免治雞肉棒。雞肉實在，不會入口即散，外層香烤後，甚具風味。配上濃濃的「月見」，味道更顯層次。柚子芥末墨魚頭，柚子味濃，十分清香。芥末味不算很濃，始終和吃壽司不同，不過已足以調味。墨魚頭和兩者的味道配搭略嫌複雜，不過值得一讚的是墨魚的火候剛好，保持爽口之餘，亦保持了墨魚的濕潤。鰻魚串也不用多介紹了，除了好吃，就是好吃。另外還有豚肉荔枝串，荔枝肉厚實，用豚肉包裹，酸甜和肉香平衡得恰到好處。最後點了一款主食，海膽和牛炒飯。海膽新鮮，頗為鮮甜，整體不俗。如果大家有預算，想品嘗高質的串燒，絕對值得一試！…Read More

PP一直都無啲好Handy嘅嘢食，適逢經過見到開咗間咁Open嘅cafe，就決定要試試。成間cafe以latte為主打，有唔同「顏色」嘅latte，我就叫咗一杯芝麻嘅latte同Earl grey muffin。整體而言，muffin幾香，但口感較乾身，芝麻latte好普通，兩者係好割裂嘅，完全係芝麻+奶嘅感覺，而且兩樣嘢都好貴，未必有下次🥲…Read More

最近HKMA正式開幕，行完大半日，緊係要搵個好地方坐低Chill下。Hue嘅窗邊位可以望住海，餐廳以綠色為主調，好適合坐低chit chat。嗌咗一杯Pistachio嘅cocktail，初入口帶甜味，跟住有勁香嘅開心果味滲出，係個口到縈繞，開心果迷絕對要試☺️…Read More