gabbylo2002's Profile

去街市行過見到呢間新開的豆花舖，裝修幾光猛同整潔，趁行到熱熱地諗住入去幫襯下，點知有驚喜！閒日下午時間店舖內人唔多，地方寬敞。店舖主打一系列豆花及豆漿產品，仲有唔同種類ge 小食，亦有而家唔係好多地方食到ge 咸豆花。之前都未食過咸豆花，抱獵奇心態叫左碗「上海咸豆花」試，$22蚊大大碗味道原來一d 都唔奇怪！豆花豆味濃厚，口感綿軟，配料有紫菜、榨菜、蝦皮等，味道出奇地配襯。老闆還說可以加d辣油增添風味 😊 下次有機會可以試一試佢ge 麻辣皮蛋豆花同埋其他小食！…Read More

普通打邊爐食得多，不過高質火鍋店係元朗的確小見，今日同朋友試下大滾友。呢到最出名係佢既湯底，我地叫左椰子雞蕃薯蜆濃湯鍋($298)，店員拎個鍋過黎既時候煙霧離漫，原來係因為加左乾冰係面，湯底鮮味濃郁，係打邊爐之前可能就咁飲返一碗先。肉方面我地叫左日本黑毛和牛牛五花($398)，油脂均勻；而海鮮就有新鮮大扇貝($128)同深海龍躉片($118)，龍躉片非常抵食又新鮮，而且份量都幾多。除此之外我地仲試左蟹黃餃($78)同埋自家製既竹蔗矛根($68)，好清甜！…Read More

見到咁豐富嘅食材，就知係食火鍋啦😍呢間位於旺角瓊華既馬祖無限時台灣養生涮涮鍋，真係做到完全唔限時，係我最愛嘅任食火鍋店之一。佢有10幾款湯底可以選擇，我揀咗至愛既麻辣湯底，鍾意食辣嘅朋友一定要試下，不過都仲有好多唔辣嘅湯底啱其他朋友既。入到去就會首先送一個shake shake地瓜條，有幾種味粉俾你自由選擇，新鮮炸起好脆好好食。至於落單方面係用QR code手機落單，完全冇漏單，肉類，丸等等都非常新鮮，質素亦都唔差，仲有好多款台式食物，例如台灣鴨血，滷水豬大腸等等食物種類非常多。然而我最欣賞係佢哋有自製嘅茶類飲品，有冷泡桂花烏龍，日月潭密香紅茶，愛文芒果茉莉花茶等等，清香好飲。最後甜品仲可以選擇每人一個Hagandaz/ Movenpick/ kitkat脆皮雪糕批等等總結，冇限時嘅火鍋店其實冇幾多間，可以同朋友坐低吹吓水，慢慢食下野，打下機，打完又再食，過一個下午😂其實好Chill，加上食物質素又正，推薦再嚟…Read More

唔洗去酒店都有得食港女High Tea Set🤣💖元朗教育路最近開左間新餐廳Couple’s Kitchen, 今日特登去試下佢地既下午茶，限3點後先可以叫。2人一個英式下午茶set ($208), 頂層少不了英式鬆餅Scone，表層焗至金黃，質感鬆化，甜而不膩。第二層係4款是日精選蛋糕，有至愛既朱古力口味😋。第三層最驚喜係炸雞，新鮮即炸，Juice鮮嫩，其餘仲有焗磨菇鬆餅，大蝦沙律。最後，Afternoon Tea當然唔少得一壺花茶，清香消滯。假期過黎Hea下還是可以的。…Read More

懷舊復古嘅風格，1947年的美式裝修，講緊嘅正正係位於屯門既西餐廳，Pillowtalk。今晚咁岩黎到虹橋呢邊，搵下有咩好食就搵到呢間餐廳。入到去，店員就serve左一個湯一個沙律比我地先，我地之後叫左頂級安格斯牛扒配薯角，牛扒煎得岩岩好5成熟，夠冧有牛味。主食就試左好似幾出名既Fushion避風塘軟殼蟹意粉，軟殼蟹炸得幾脆，不過粉漿再薄d會更好，而避風塘風味炒意粉味道就幾有趣既，最後就由一杯檸檬茶同Cake of today結尾。…Read More

日式裝修，新鮮壽司，可以同朋友飲2杯坐一晚既居酒屋係尖沙咀地鋪唔算好多。今晚放工同朋友經過呢間係地鋪既居酒屋就諗住試下，𥚃面既裝修不得不讚真係幾靚。我同朋友一人一杯柚子同乳酸梳打，酸酸甜甜，大大杯又開胃。前菜係唐揚炸雞，新鮮炸出黎，熱辣辣好嫩滑，值得一讚！其次全晚重點係和牛柳粒，佢地既小食做得非常出色，醬汁濃厚夠味，牛柳粒好冧好入味。之後仲有豚肉串燒，秋刀魚壽司，北寄背刺身同海葡萄綠茶冷面，不過不失。順帶一提，如果你叫清酒既話係會有附加服務，店員會拎一大盒既清酒杯比你揀，你可以隨便揀你喜歡既酒杯，每隻都不一樣喔。…Read More

一門係銅鑼灣黃金廣場開左好多年，食物一直都keep住高質，不過好多新客walkin可能會比門口既藍色芬暗等光嚇親，我第一次都係朋友帶我去先識得食呢間。今晚第一道菜係精選壽司十件，黎一門必試壽司，佢地既壽司不論款式你都食得出食材係好新鮮同落壽司醋既比例恰到好處。除左壽司之外我地仲叫左炸芝士同串燒，即叫即整熱辣辣好食！另外全晚最有驚喜係牛油果鰻魚卷，出面係用pancake皮包住，加埋蟹籽，你係唔會估到呢幾樣食材加埋一齊係咁夾！推薦！最後我地仲加左一個牛肉石鍋飯作主食，濃香夠味，好食。總結，未試過嘅朋友可以黎試左Lunch先，不過記得book位。…Read More

日本野一向係香港人至愛，今日特登黎試下位於Yoho Mall既一杯居酒屋，之前其實行過好多次，覺得裝修勁靚勁日式😍，不過一直都末有機會黎試。頭盤係鯛魚同赤貝刺身，新鮮甜美，師傅刀工都唔錯。我地既飲品係交左比店員發板，佢地選擇左係刺身同前茶之間為我地送上一壺香甜既水果茶refresh一下味蕾。之後就到燒鮑魚，香口惹味！店員好有心預先切開晒3小塊，好貼心。主菜係牛肉石頭鍋飯，店員會幫你撈埋個石頭鍋飯，我地淨係負責食就得🤣最後仲有一個柚子豚肉鍋，調味恰到好處，淡淡清湯，配上唔係好酸既柚子，解油膩一流。總結，店員全程都非常有禮貌同好好服務，如果價錢可以再特惠d就更加好！…Read More

元朗雞地最近開咗間川菜館，主打烤魚，水煮魚同干鍋，烤魚以前喺內地成日食，香港就比較少，有一晚經過終於去試下，又唔差wo，價錢唔算好貴，一盤夠2個人食有突。 我哋當晚揀咗烤魚，佢有三款湯底，分別係成都麻辣，老壇酸菜，泡椒豆腐，既然難得食川菜當然要食麻辣啦，我哋叫咗小辣，味道辣得好過癮。烤魚仲有好多配菜可以加，例如肥牛同菜等等 ，仲跟埋一個主食，有白飯同米線等等可以揀。總結，係元朗區既少有既烤魚，仲位於食街之中，晚飯又多一個選擇。…Read More

呢間​餐廳位於銅鑼灣皇冠假日酒店, 聽講有2個來自日本的米芝蓮星級大廚坐陣, 主打江戶前壽司Omakase, 日前連Mirror教主都係坐上客。當日我叫左Ume Omakase Set ($1,180+10%)，有頭盤，刺身，15貫壽司，味增湯同甜品。アカマイ 赤身赤身油脂較少，雖然薄切，不過口感唔錯カスゴ 春子鯛春子鯛屬日本真鯛，不過係BB版，肉質更嫩カツオ 鰹魚鰹魚刺身好少食，好特別白エビと雲丹(海膽)海膽新鮮甜美, 有微微海水咸味, 正師傅話餐廳既食材全龍都係由日本豐洲市場新鮮直送香港，有d品種係香港係比較少見，不過都係都時既時令食材。加上餐廳有兩個獨立房間，私隱度高，難怪教主都黎幫襯。…Read More

今日係Hysan行行下街，竟然發現IT果層6樓開左間龍蝦包店 - Izzue Lobster，抱住好奇既心態，一於試下。店員話龍蝦肉選料係黎自美國Cozy Habour，唔係普通龍蝦肉。佢地有分2個餐，分別係原味龍蝦飽餐 $128 同 黑松露龍蝦飽餐$148，鐘意食黑松露既朋友一定要叫黎試下，有黑松露香好多。面包係即叫即整，所以等候時間會耐少少，龍蝦包食落感覺係新鮮既，加上用左Truffle Hunter黑松露油，無論係包定松露薯片都好香。跟餐仲有得揀檸檬汽水或者熱情果檸檬汽水，酸酸地好岩配埋薯片食，既解渴又消暑。…Read More

香港都有夏祭！ 位於屯門Vcity既但馬屋最近搞左個promo，有遊戲玩有特式小食，呢晚同朋友興祝生日就一於去試下！我地叫左北海道夢之大地豚肉套餐，而家晚市仲有波子汽水送，重拾童年回憶。湯底就叫左一個壽喜燒一個藥膳麻辣鍋，個人覺得食牛肉都係配壽喜燒好d。講講食材，好新鮮，有油花，肉味中上，雖然唔係電子落單，但店員上菜速度超級快，叫完一分鐘就有，亦無漏單情況。自助區丸同菜既選擇適中，值得一提既係有super food 羽衣甘藍！食過咁多間火鍋放題只係得呢間有。小食方面，夏祭期間限定有烤香腸，粟米，仲有爆谷。最後最緊要當然係甜品，但馬屋既雪糕係用Hagandaz!! 有4桶不同味道任你揀，食返夠本先好走！🤣🤣總括來講，我覺得呢度環境闊落又夠大，食物質素唔錯，價錢稍稍降低少少性價比會更高，可以再黎！…Read More

沒想到旺角竟然會有咁靚嘅居酒屋，呢晚同朋友嚟到砵蘭街一間樓上鋪食日本野，呢到裝修好靚，好多新鮮嘅魚擺放左出嚟比客人選擇，餐廳寫明“日本直送”。呢到有得選擇坐吧枱或者係四人包廂，好適合三五知己夜晚過嚟飲杯啤酒，食下壽司刺身同小食。我哋叫咗兩杯Asahi同野菜天婦羅盛合作為前菜，傾下計先。之後仲有主菜飛驒和牛壽司，海膽軍艦。小食方面有牛舌，佢哋既牛舌唔錯，做送酒小食一流。總結來講，夜晚想係旺角區同朋友飲返兩杯，食下日式小食和壽司，可以試下呢間。…Read More

想食日本野，係Openrice搵到呢間日式餐廳好似好正，即刻約朋友試下。當日我地係食Lunch time，一上到去已經見到個海景超靚，加埋師傅係你面前即刻整，呢個視覺享受真係不得了。佢哋除左set之外都有做Omakase，佢哋屬於中價平民級別，但食物質素一d都唔差。我叫左個金槍魚三色丼set，一見到有2大塊大拖羅已經流晒口水，另外仲有兩塊赤身同埋拖羅蓉，刺身非常新鮮，拖羅又厚又肥美，而果兩塊赤身改變左我以往對佢哋嘅觀感，非常甜美，最後仲有已經調咗味既拖羅蓉，少少鹹鮮配飯一流。佢哋個set仲有包麵豉湯，前菜，同埋雪糕一客。整體非常滿意，雖然埋單，但絕對吸引我下次去試吓佢哋嘅Omakase.…Read More

留意到呢間餐廳好耐，今日終於有機會利試，Openrice訂位會送每人一杯House-wine，來之前做咗啲功課，呢度只有一款食物供應，就係牛排。嚟到咩都唔使揀，只係需要同店員講幾多成熟，好多人都揀Medium rare，開頭我都有啲擔心太生，所以其中一份牛扒叫咗Medium，但黎到之後發現Medium rare係perfect，唔會腥又夠冧，反而Medium就會有d韌，塊排肉味好濃好有驚喜，汁方向一個係白色蘑菇汁，另外一個係茄汁，蘑菇汁非常Match塊排，我幾乎都淨係點蘑菇汁，當然唔點齋食其實都非常出色。另外碟下低其實有蠟燭燒住，幫你保持熱度，另外薯條係無限refill，你食完唔夠可以再叫。套餐最後仲有包埋甜品同咖啡或茶，盛惠每人$318加一。…Read More