Quistis Lam's Profile

前日返酒店時經過，離遠睇裝潢已經好好奇有咩食，但已經食左午餐嘅關係就買個甜品試，買左盒2斑蘭、1芝麻嘅千層糕，點知一食上癮！琴日回購每款一盒！千層糕都係少甜但甜度適中，重點在於味道濃郁飽滿，煙韌程度亦剛好，非常出色！遠比有名專製糕點嘅時X豆業好太多！係用心之作！希望多啲人賞識呢款甜品👍🏻👍🏻嚟到寫食評見咁多人推介啲菜式，味味賣相都好出色，而且個人很喜歡東南亞口味，已經非常想試，有機會一定大力幫襯💪🏻💪🏻…Read More

非常受氣的一次，先每款叫一串試完再加單，加左3串厚切牛舌、1串露筍豚肉，之後等左半個鐘，見佢上左串厚切牛舌俾隔離枱，問返職員先知漏左單，仲要得返1串厚切牛舌，呢半個幾鐘仲要好似我哋賴死唔走咁成日望，又唔識埋嚟問我哋係咪有野漏單😠結果我哋轉要多串露筍豚肉、雞肝😑埋單時冇睇清楚張單就俾左張卡出去，突然諗起自己計過大約6百50幾，冇理由加埋一都得5百幾，叫佢哋攞返單嚟睇，個老細一句特埋嚟：「啱架啦，係叫咁多就咁多，冇收多你！」🙄x1000，首先，唔理店家計多計少，本來消費者消費就有權查單、睇清楚先俾錢，你憑咩俾氣我受？我又唔係唔俾錢，仲要係話你知計少左！結果係我哋睇到佢計少左支酒！成$122！😡😡😡😡😡一句道歉或俾返咩下次優惠都冇，淨係話個同事新嚟唔好意思🙄作為老細連咁基本公關都唔識，好失敗！再講食物質素，唔得囉，大根已經係比較突出嘅一樣，其他，特別係牛舌，燒韌左⋯係價錢好貴囉，同南亭（或南蠻亭）、燒鳥亭嗰啲係冇得比（雖然我都兩年冇去過），人哋仲要夜左有優惠時段但服務質素冇降低，環境亦寬敞舒適得多！呢度絕冇回頭！…Read More

第二次幫襯，因為要喺附近等人先入嚟，Full House留左電話，過左唔洗半個鐘就打嚟有位，很好～因為唔餓，叫左啲小食同飲品，估唔到食物味道有驚喜，唔好睇個薯蓉平平地$18，一啲都唔馬虎，好足料好夠味，有火腿、洋蔥、黑椒，而黑椒味唔會太搶，非常啱我！芝士焗野菌西蘭花椰菜花當然都好夠味，仲食要有蒜香😋😋可惜嘅係我飲得比較多水，一杯飲品個量都稍少，同埋未見有好特別嘅飲品抵飲，呢方面店家可以諗諗新野。有機會會隨時嚟～…Read More

本來以為係手抓餅外加一串串燒，原來係串燒燒完夾埋入去做餡，沙嗲濃味得來味道適中，唔會太鹹蜜桃沙冰要加$6，啲冰打得夠碎，易入口，不過平時飲開茶，一時唔記得叫少甜，甜左啲整體都唔錯，但相較飲品，食物份量有點少，食晒野之後飲品飲唔到一半，建議可以改成餐嘅飲品比單買嘅份量少啲，而食物加返多少少環境方面好可惜冇企位供現場食，還好店家包裝方便，一個飲品袋裝得晒另外，見到外賣紙先知電話落單有折，第時有機會會試下其他串燒…Read More

大概個半月前開始，逢星期日我必定來這裡買早餐，有時平日都會來，因為他的糕點味道相當有水準！特別是芋頭糕，煎得不會太乾太熱氣但外皮香脆，味道濃淡適中，非常大件夾抵食。如果新年可以訂購的話，我一定會訂幾底！還有咸水角頗大隻而且皮薄饀靚。這店的糕點比很多酒樓做得細緻、有心思，值得一試。如上圖，蘿蔔糕、芋頭糕每件都有我整個手掌大（估計大約10cm左右吧），又厚，3件糕點合共才$20。不過我還未試過堂食，改天一定坐下來嘗嘗其他點心。…Read More

附近有咁多檔嘅雲吞麵，見呢間野有米芝蓮推介先入去食。入到去，就叫了一蜿佢招牌嘅雲吞麵，心諗$30好貴，但應該至少食得飽。點知一見碗麵就呆左，細碗到呢…試埋隻味，更加火起，豈有此理，雲吞入面d"蝦"差d食唔到，點知原來係蝦米黎架喎…豬肉都冇乜，好空泛既口感…麵淨係鹼水味輕d，個湯多d胡椒粉味之外，其他冇野特別…特別貴同份量極少囉…野飲連豆漿都冇，得汽水，又係貴。唉……Read More