CTung1374's Profile

這間食店經常會經過，但從未試過，今天就去試一試。門口已經好多人排隊，以為冇位，原來裏面地方很大，坐位也多，而且非常舒適。坐低立刻取食物，無論肉類、蔬菜、熟食、刺身、火鍋類也非常多選擇，連飲品和甜品也非常多款式，果然沒令我失望。先每款肉類也選一點燒，想不到這裏不只款式多，用料也非常新鮮，非常入味，燒肉已令我非常滿足，但怎樣也要取些蔬菜解膩。當然不少得吃刺身和甜品啦，最後再加杯雪糕，飽晒。這裏任食2小時，價錢適中，值得再試。…Read More

難得去到馬鞍山，當然要找好嘢吃，但朋友說原來馬鞍山是美食沙漠，令我有點失望。但突然給我看見一間潮式食肆，原來很久沒吃潮洲菜了，好，入去試試。這店門口較少，但原來入面都算大，裝修簡約、美觀，坐得舒適。侍應態度非常好，又親切。看餐牌，食物款式多，好吸引，樣樣都想試。沙爹炒牛肉，沙爹醬味道濃郁，牛肉入味，西蘭花爽口。滷水鵝四拼盤，有鵝片、紅腸、五花腩、鵝腎，還有滷水蛋和豆腐，份量多，滷水汁份量剛剛好，不會太鹹。蠔仔粥，一碗的份量都不少，兩人食剛剛好，蠔仔份量多，加上冬菇絲和方魚，口感十足。無論食店設計、舒適度、食物質素，都值得再次回味。…Read More

今日又到觀塘搵女朋友食飯，佢話想食火鍋放題，就想起之前朋友介紹過這間食店，好，去試下先。一出地鐵站已見到招牌了，行過去好近好方便。入到去，原來地方都好大，坐得舒適。坐低日睇下餐牌先，原來湯底都咁多選擇，女朋友唔食得辣，就叫左山地野菌清湯鍋，湯底清甜，唔算濃郁，菌類多款，好味。大部分食物是自助的，款式好多選擇，應有盡有。另外亦有些要落單的，多數是海鮮和肉類，海鮮當然唔少得，貴妃蚌、象拔妦、鮑魚、廣島蠔等等，全部份量夠又夠新鮮，仲有每枱一盤刺身拼盤，非常豐富，這餐非常滿足。…Read More

今次朋友話想去食火鍋，好，在荃灣行下，睇下有咩好嘢食，點知原來朋友話已經Book 咗位，諗都唔洗諗，跟佢去試下先。上到去，嘩！好多人排隊，好彩訂左位。這裏地方好大，雖然座位多，但好寬敞，幾舒服。坐低左，發現原來用手機點食物，都好方便。湯底好多選擇，而且好多都好特別，未試過。揀左好耐，結果決定試下櫻花蝦湯底。食物方面，好多選擇，海鮮款式多，花膠大塊又厚身，海蝦新鮮，帆立貝肉厚鮮味。又有好多新鮮蔬菜選擇，最後當然唔少得雪糕啦，今餐非常豐富！…Read More

朋友聚會，當然要食好嘢，朋友鍾意食素菜，啱晒，就介紹去這間啦。這食店交通方便，地鐵站行過去都係幾分鐘， 上到去，地方好大，環境舒適。 可能我早去，人流唔算多，好快有位。睇下餐牌先，原來有新推介，係漢堡餐同Pizza餐，素食漢堡同素食Pizza 我都係第一次見。好，就試下先先來一個田園鮮果沙律，生果款式多，份量多，又夠新鮮。千島雜菌Pizza，芝士味濃，菌類加芝士，食落好 滋味，pizza 又夠脆。椰汁香芋雜菌意粉，椰汁非常香濃，意粉軟硬度適中。經典漢堡，漢堡用紅菜頭做的，食落同牛肉冇咩分別，口感十足。這餐雖然足素菜，但食完真係唔似，做得好逼真，又夠健康。…Read More

好耐冇食火鍋了，約朋友去食下先。朋友介紹這間食店，這食店位置幾好，交通方便，巴士同地鐵都好近。入到去，地方好大，環境舒適，裝修都好靚。雖然係自助火鍋放題，但侍應好多，而且有禮貌。湯底方面，豬骨湯底，香味濃郁，配料好多。食物方面，款式多選擇，又有海鮮食，蝦同蜆鮮甜美味，新鮮又大隻。又有特色火鍋配料，牛頸脊肉質新鮮，有口感，象拔蚌片，非常爽口，韓國生蠔，新鮮又大隻。每樣都食左幾次，非常好味。這裏環境靚，食物正，價錢又唔貴，下次一定再來。…Read More

朋友生日，緊係要食好D，都係揀荃灣區，就下佢。這食店交通都算方便，地鐵站行5分鐘就到。地方唔大，但設計幾靚，走高格調路線，環境又舒適，氣氛一流。侍應唔多，但態度非常好。食物方面，都好多選擇，款式多，樣樣都想試。龍蝦汁海鮮意粉，海鮮種類多，又新鮮，份量足夠。值得推介的是M6和牛西冷扒，夠大塊，又厚身，肉汁鮮味，口感豐富，香味濃郁，真係想再食。唔只食物多選擇，連飲品都多選擇，又有特色。咁多款式，真係要一試再試。…Read More

朋友特別鍾意食泰國菜，問我有咩好介紹，就帶他來這店啦，這食店以前來過一次，質素幾高，睇下今次會唔會保持水準先。這食店地點都算方便，地鐵站行幾分鐘就到。上到去，地方雖然唔算大，但幾整潔、舒適，侍應態度好好。食物方面，小食拼盤，春卷皮薄香脆，蝦餅、雞棗彈牙。柚子沙律，比想像中大碟，新鮮開胃。黄咖喱牛腩，香味濃郁，微辣，牛腩入味腍滑，肉質鬆軟。烤薄餅，香脆美未，配咖喱汁食，非常正。炒椰菜苗，細嫩爽口無骨豬手，香濃不油膩估唔到唔止保持水準，還在水準之上，可以一試再試。…Read More

今日去左油塘開工，收工冇嘢做，就在油塘搵嘢食，經過這間食店，見到個海鮮蒸氣鍋套餐幾抵食，好，試下先。這食店都幾方便，地鐵站落車行幾分鐘就到，方便快捷。入到去，地方都幾大，坐位闊落、舒適。我們當然是叫了海鮮雙層蒸氣塔套餐啦！初初驚唔夠食，但原來份量好豐富。先來蟲草花蒸雞，原來用蒸氣蒸雞，特別嫩滑，濃厚雞味。海鮮來了，龍蝦、鮑魚大隻又新鮮，蒜蓉粉絲元貝，香味濃郁。沙巴龍躉，試下一半蒸，一半火鍋，原來各有特色，蒸的嫩滑鲜甜，火鍋的爽口，一樣好味。最後仲有甜品芝麻綠茶芋茸餅，好飽，好豐富。…Read More

朋友自從上次食完燒肉放題，真係上左癮，經常叫我陪佢食，好，就問下邊間好食先，同事介紹這間食店，好，今次就去試下這間先。去這店真係方便，出地鐵行過去都係幾分鐘，方便快捷。上到去，地方唔算大，但都算舒適。食物方面，海鮮同肉類都好多選擇，大蝦、带了非常新鮮，扇貝、生蠔等也鮮味十足，口感豐富。肉類和蔬菜種類都好多，樣樣都想試，結果每樣都叫少少。最喜歡西冷牛扒，簿切，韌度適中，香味濃郁，叫左幾次。仲有飲品任飲同甜品，飽晒！…Read More

好耐冇食素食了，搵間食下先。朋友介紹這間食店，地鐵站行去大約10分鐘，都算近，唔難搵。這裏裝修簡約，地方整潔，環境算舒適。侍應多又好有禮貌，今期推介火鍋，素食火鍋都係等一次。2人份量的什錦疏菜盤都係$149，仲有十幾款疏菜同菇類，非常抵食，我哋想試多D新嘢，所以叫多幾款素食。湯底揀左藥饍養生鍋，藥味唔算重，啱口味。食物方面，用料新鮮，冇想過茶樹菇、猴頭菇、姫松茸這些菇菌類都可以做火鍋配料，而且仲好爽、好清甜、好好味，翡翠餃、花枝片食落真係唔似素食，有口感，這間素食店直得回味。…Read More

朋友又有好介紹，這間食店以前經過好多次，但都未入去試過，今日終於有機會試下。這店位於旺角，交通非常方便，港鐵行過去都係幾分鐘。店內地方闊落，燈光比較暗，幾有情調。叫左個經典二人餐加生蠔拼盤頭盤鵝肝多士和巴馬火腿蜜瓜，蜜瓜清甜，火腿少少咸，加埋一齊食，口感好特別。每款兩件，互相分享。凱撒沙律，清新可口。主菜香草煎封羊架，羊架肉質鮮嫩，肉味豐富，羊脂份外香口。忌廉海蝦墨魚麵，麵質有彈性，有口感，海蝦算大隻。生蠔拼盤，三款新鮮生蠔，每款二隻，都係$128，超值。生蠔肉厚新鮮，海水味適中，蠔味濃。試埋精選甜品士多啤梨果凍，飽晒。…Read More

有朋友在遠方回來，叫我帶佢去食好嘢，好，就帶佢去食西餐。這間餐廳地點好方便，地鐵站行去幾分鐘就到，地方寬敞，坐得舒適。食物方面，叫左個二人海鮮餐，非常豐富。蟹膏帶子二重奏:帶子肉厚，蟹膏有此咸，但撈埋飯一齊食，口感幾特別。明太子香草醬意大利麵:香草味濃，意大利粉軟硬適中。炭烤牛肉眼扒:全場精選，肉質鮮美，又大又厚，唔韌，香味十足，回味無窮。甜品:朱古力蛋糕，朱古力味非常香濃，不過甜左少少。整體來說，無論地方格局、食物味道，都非常好。…Read More

朋友又有好介紹，好，又去試下。今日去到佐敦這間燒肉店，在地鐵站附近，非常方便。食店地方寬敞，佈置唔錯，坐得舒適。服務方面，侍應態度良好，介紹食物都好專業，又好有耐性教我哋燒食物的技巧，手勢好好。食物方面，好多選擇，沙律、燒物、海鮮、炸物、拉麵等，都有得揀。磯煮鮑魚:味道少少甜，爽口，加埋伴碟的沙律一齊食，有口感。日本産帆立貝:帆立貝夠大隻，加埋蒜蓉同牛油一齊燒，味道鮮美。日式豆腐沙律:豆腐有質感，加埋醋同麻醬，好開胃。雜錦天婦羅:炸得香口鬆脆。海膽稻庭烏冬:海膽鮮甜，連烏冬食，美味有口感。到主角燒物美國手小排有質感，美國牛角切好有肉味，豚腩肉肉嫩多汁，加上侍應的專業教導，味道一流。直得回味！…Read More

早排朋友介紹這間食店，話地方同食物都好有質素，值得一試。好，就同朋友過來試下。這裏的佈置好有田園特色，加上地方寬敞，坐得舒適。服務員細心有禮，態度友善。食物方面，好有特色！紐西蘭牛扒：牛扒肉質鮮嫩，肉味濃郁，薯條炸得好鬆脆同香口。抹茶鮮蝦帶子蟹籽意粉：帶子好大隻，蝦夠新鮮，意粉較硬度剛剛好，配抹茶味口感非常新鮮。抹茶批配茉莉花雪糕：抹茶批唔算好甜，抹茶味剛剛好，雪糕的茉莉花味好重，非常清新，配合抹茶批一齊食，味道好特別。精選小食：有六種款式，每款各具特色，味道各有不同。整體來說，地點方便，食物一流，值得回味！…Read More