啱墟餓狼's Profile

首次踏進將軍澳的616牛肉火煱專門店，店家優雅的裝潢和熱情的服務立即吸引了我。能品嚐到各種牛肉部位，尤其來自長野縣的信州和牛，肉質鮮嫩、口感豐富，帶著微甜肉汁令我回味。湯底和小食同樣精緻美味，讓我感受到非凡的味蕾體驗。性價比高，價錢實惠，值得再次光顧。牛坑爪牛口感Q彈有嚼勁，肉質緊實帶有膠原蛋白，讓人一口咬下即刻感受到豐富的肉汁。牛朴肉質緊實，口感韌性十足，肉質帶有粗獷的紋理和豐富的肉汁。牛上助肉質細緻，肉色鮮紅，帶有優美的紋理和濃郁的肉香，入口即化，回味無窮。胸口膀胸口膀肉質爽脆，口感細嫩，沒有油膩感，輕盈清爽，易膩口。五花趾肉質鮮紅，帶有微甜的肉汁和豐富的脂肪，不口感滑嫩，是火鍋中的美味之選。牛肩胛品嚐牛肩胛時，油脂香和肉味得到完美平衡，令人感到食欲大開，吃後的舒適感和滿足感讓您回味無窮，是火鍋中的絕佳之選。牛腹肉入口即化，肉質柔嫩，口感豐富且帶有微甜的肉汁，令人感到舒適和滿足，牛腹肉在口腔內半溶化的感覺更是令人陶醉，是火鍋中的必嚐之美食。赤身赤身牛肉入鍋時，那肉質緊實、色澤鮮紅的美景，讓您的心情瞬間燃起，而在品嘗時，肉質鮮嫩，口感豐富，帶有微甜的肉汁，感受最極致的火鍋體驗。…Read More

放假就梗係要瞓到自然醒然後周圍去搵好西食啦！最近見到好多人都講呢間蝦蝦燒，所以我都喺晏晝冇咁逼人嘅時間去試吓，避免蝦蝦燒群組呀嘛！ 雖然呢度係話主打食蝦，但係佢嘅海鮮同埋肉類一啲都唔遜色，當然我玩得最開心嘅都係自己釣蝦上嚟自己燒啦！就坐喺個蝦缸隔離，差唔多食晒就落手釣上嚟，釣完上來因為太過新鮮生猛嘅關係所以佢要掙扎一段時間，用冰水冰暈佢再燒。 其他海鮮我都不停咁幫襯尤其是係貴妃蚌，大大隻啖啖肉，我都encore左3、4 round! 其實肉類我都好想食多啲不過個胃有限，淺嘗左羊架同埋幾串串燒就攻返海鮮回本！雪糕同埋飲品都有好幾個大櫃，連啤酒都係免費飲其實真係唔貴！抵食！…Read More

其實天后好多野食，通常食完正餐會食甜品，選擇仲要係頗多嘅，喺呢度嘅菜色大部分都食過嘅，反而今次選擇嘅印度嘅就未食過喇！印度菜色中除了咖喱外，我最鍾意就係烤肉卷Kebab，外層嘅卷帶點油香，唔會「超健康」無乜味咁，而烤肉就好豐富好多，明顯係烤出黎嘅，因為係幾香口。我地兩個都叫咗雞，基本上兩個都係烤雞，陀螺儀（烤雞肉）就多醬汁啲，而夏威夷烤雞肉就少啲醬，其實幾健康㗎（除咗啲醬），勁多菜，雞肉就蛋白質。好！決定下次要試下佢個羊！…Read More

我吃廚師發辦嘅經驗唔多，五隻手指數得晒，所以唔算係專家，呢啲對我黎講都幾貴嘅晚餐，每次確實令我留下深刻印象，今次都唔例外，有幾隻壽司係我食完比返張相比師傅問係咩黎，寫食評要讚要彈都講得清楚啲嘛！呢個餐牌上最平嘅餐都幾夠食，唔計前菜及清喉野，有刺身3款6件，有一款用特製醬油，食得出特色。都只係一千蚊！然後係超肥美拖羅夾紫菜，油脂洽到好處，我個人特別鍾意食軍艦，所以呢款都好加分。炙燒過嘅金目鯛，迫出皮下脂肪嘅油份，再加上烏魚子粉嚟提升魚本身嘅鮮味，係精采嘅！腦天算是我最鍾意嘅一款，超濃油香。腦天呢款魚本來係較韌，因為多根，但係師傅將筋切斷，有燒過佢，所以入口口感及味道都好有驚喜。海膽鵝肝脆脆就係呢間舖頭嘅經典啦，除咗海膽令人心心眼之外，鵝肝mousse都有驚喜，無咗鵝肝本身嘅腥味。師傅好好人，見我鍾意食嗰啲唔值錢清清喉嚨嘅食物，就送咗呢個紅酒漬橋頭俾我食…Read More

平時去到邊都好，只要係日本野，我就會點三文魚，今次都唔例外，仲要三文魚都幾肥美添！ 今次呢間餐廳都幾新淨，喺尖沙咀近尖東一帶嘅旺區，餐廳環境真係唔錯，好開揚光猛，仲要配埋啲木裝修，好舒服又日式。 咁啱無book都有窗口位坐，就望住街景食魚生丼飯啦。午餐都係食午餐牌為主，朋友點咗帶子三文魚海膽刺身飯套餐 $198，估唔到三文魚都係主角中嘅主角，可能因為帶子同海膽嘅價錢仲貴😂！朋友食唔晒三文魚，我就包底了。 我就梗係食三色刺身飯 $178。因為三文魚、吞拿魚及油甘魚都係我杯茶，各兩塊，最肥美都係三文魚，yummy! 舒服嘅餐廳坐到職員開燈閂冷氣開大聲手機示意我地佢要收工😂，咁係好坐吖嘛！…Read More

又食放題啦，超開心，呢啲放題好多時都係好多人，啲侍應好忙，今次都係一樣啦，但係估唔到佢哋嘅服務都幾好喎，真係要讚！佢哋係用電話落單嘅，漏單都一樣有，不過追單嘅時候都好好態度好Helpful，而且食物上枱嘅時候，佢哋都不停講唔好意思，因為張枱有啲細，空間狹窄，好似上枱嘅時候我都要玩閃避球咁樣郁嚟郁去，但禮貌就解決咗好多呢啲問題啦！食呢啲放題最緊要梗係食返咁嘅食物啦，就例如係魚生啦，天婦羅啦！我覺得呢個價錢真係對得住呢個質素喎，壽司都好唔錯，魚生細細塊可以食好多唔同款，飲品甜品選擇都好多，仲有少量熱食添，不過明顯呢個唔係重點啦！…Read More

十二味已經開到周圍都係㗎啦，所以對佢個品質都幾有信心雖然未食過，今次去咗觀塘呢間分店食，係新開嘅，喺新嗰幢豪宅，環境好chill，落地玻璃出邊有個公園仔咁樣，食完出去散吓步，仲可以去行吓樓下新商場都幾正。至於室內就當然係舒服啦因為新裝修新舖頭，坐都坐得舒服，空間感十足。味道呢，係我鍾意嘅重口味囉，如果唔係我都唔會食啦，酸菜魚個魚同埋酸菜都係重點，嗰個魚細細塊好滑冇腥味，酸菜就夠晒酸咸，我覺得蓮藕湯都好好味，但係我當然唔敢飲晒啦！雖然要加錢叫寬粉，但係好值得嘅。我見網上面冇乜人講話食辣炒雞丁，但係個樣又幾好味喎好似，最後都叫咗，我覺得好香口，鍾意食香口嘢重口味嘅人一定要試。雖然食辣嘢但係都要食下啲菜健康下嘅，干扁四季豆到係我食川菜時必點嘅！…Read More

記得對上一次食仲係有二人限聚令，同埋屋企人四個人都要分兩台，中間隔一塊板。當然係因為嗰陣時食過覺得唔錯，今次就再翻啅，不過今次就等得耐啦，因為二人限聚變成四人限聚，而家已經好多人出嚟食嘢，而呢一間觀塘少有嘅韓式嘢質素唔錯，疫情之前都係好多人排隊，如今更加係兩點幾都排左成大半個鐘，證明質素有保證囉。依然係最鍾意佢個芝士牛肋骨，芝士真係拉絲嘅，而且牛骨醬汁濃厚，好入味！炸雞嘅質素唔會比淨係食炸雞嘅舖頭遜色。…Read More

去開銅鑼灣，又突然好想食放題喎，睇OpenRice 碌咗好耐，發覺好多放題都真係幾貴，其實都好自然嘅，銅鑼灣呢個地段，地舖租金都貴過其他佢好多啦，所以如果想喺呢度搵平食嘅放題，都幾難！碌完OpenRice就碌社交平台，竟然有人介紹銅鑼灣二百幾蚊放題！ 成個放題嘅質素都好平均，火鍋係主角，另外燒物、刺身都記得點黎食，而我除咗喪食火鍋嘅肉之外呢，壽司都食咗幾盆，佢啲軍艦係新鮮包嘅，紫菜上枱時仲係脆㗎。 同好多放題一樣，蔬菜都係喺出邊攞，嘢飲又係自己任攞，但係就冇雪糕寄俾自己裝，而係點紙仔然後佢攞出來，所以會有少少溶，但係個buffet杯都好吸睛！ 一至四晚餐連加一約 $250…Read More

聽聞呢間手搖飲品嘅士多啤梨好好飲，你到嘅時候見到其實士多啤梨都有好多選擇，但係見到有個名叫做光華，個名好似好靚，就揀咗佢啦。 士多啤梨光環 $40。真係有個光環喺頂喎，原來意思係將一塊一個圈嘅菠蘿放喺最頂，如果呢本野可以有cream然後上面再放菠蘿咪再更似光環？ 凍濃滑厚抹茶 $25 +珍珠 $5。點左一個粉紅色，諗住但係影相靚啲所以揀咗另一個綠色，呢個就冇菠蘿嘅，但係就點左珍珠，變相有一粒粒黑色喺底部作點綴，好味又好飲！…Read More

呢個得寶商場，應該係街坊先會去，但我作為搵食專員，梗係連屋邨小店都唔會放過啦。我係被佢個裝修所吸引嘅，擺明後生仔嘢，又懷舊又整齊又站頭咁，係幾吸引嘅～同九龍城嘅泰國餐館比，裝修就靚好多，但眾所周知九龍城嘅泰國餐係好有水準嘅，睇下同九龍城爭幾遠先！～點知唔係爭得遠喎😋首先發覺佢嘅食物賣相幾唔錯，叫三樣野，淨係賣相已經流口水，你知啦，我地呢啲愛打卡嘅，賣相靚當然加分，咁先可以影出靚相嘛泰式豬手 $88，甜甜地嘅泰式豬手我喺泰國係必食嘅，個汁唔爭得遠，肥瘦適中，豬手夠淋，好味 馬拉盞炒芥蘭 $55，難度唔高嘅菜色，都無失手咁啦 蝦膏炒飯 $62，炒飯炒得香，粒粒乾爽，賣相及材料都有驚喜，少食飯嘅女人都食咗成碗！…Read More

好餓呀！因為太餓，所以狂叫三款餃子！8點都要排一陣隊，無計啦，朋友話試呢間，就排一陣，都係一陣啫～ 1）韮菜湯餃子（10隻） $45，本來就是韮菜餃子控，好鍾意用呢一款味道黎測試間舖頭好唔好味，值唔值得返兜再食，咁豐信係唔錯嘅，韮菜夠新鮮，餃子夠大隻，菜&肉比例唔錯。 2）紫菜湯餃子（7隻） $42，紫菜餃子好似唔係度度都食到，其實唔止紫菜，佢仲有好多例如羽衣甘藍等等都幾特別幾創新。下次會再試。 3）芝士肉煎餃（10隻） $52，煎餃就點都油過湯嘅，但有點都香口啲喎，所以真係個人口味小食都叫了幾款約$20-25，唔會齋食餃子咁dry~…Read More

我個人覺得香港嘅拉麵水準其實都唔錯，當然係講緊轉系食拉麵嗰啲舖頭啦，價位都唔太低嘅，有拉麵我覺得係其中一間我食過唔會渺嘅小店！幾鍾意佢啲賣相及份量，例如係蔥山拉麵，嗰個蔥山靚到好似富士山（$83）咁，啲蔥又夠新鮮夠草青，完全係平衡到拉麵必會有嘅些少油膩。櫻花蝦拉麵（$88）就比較夢幻一啲，顏色都好靚，味道似乎冇蔥咁搶，可以品嚐到拉麵本身個湯底。最後就梗係講吓個叉燒啦，瘦肉肥肉都好平均，入口好軟腍，呢個加好多分！…Read More

咁岩路經石門呢個京瑞廣場，睇到有啲後生仔女攞住一杯杯大杯裝嘅飲品，好似好吸引，一search OpenRice就見到有間叫November嘅飲品舖，二話不說就去睇吓啦，上到2樓都要再搵一搵，跟住就見到間裝修幾靚嘅飲品舖頭，呢個裝修再加埋大杯裝及唔錯嘅賣相，唔怪得咁多後生仔女嚟幫襯！ 我就叫咗薑汁珍珠鮮烏龍奶茶加奶蓋 $36，薑味無渣流灘喎！少少辣口嘅奶茶，感覺好暖胃又好保身，奶蓋嘅奶味有啲似練奶，甜甜地咁，好味。 另一杯係白桃鮮茶加蓋 $40，呢個奶蓋同白桃鮮茶更夾，奶味濃郁，感覺好清新～…Read More

好似未試過喺出邊打邊爐，個環境係咁疏落，好明顯係因為啱啱放寬限聚令，而呢間嘢有新新地啦。咁對我哋呢啲食客來講舒舒服服唔逼人咪開心囉！埋單$218一位！我覺得10分超值！包咗雞煲，然後仲有另外一個鍋係任食打邊爐嘅，任食嘅食物方面都好豐富，蜆、蝦、小凡立貝等海鮮都有得任叫，出邊仲有好多芝士丸啊、蟹籽丸啊、菜類等供選擇，然後汽水茶果汁雪糕雪條都係任食，竟然仲有蛋俾你打邊爐，如果唔係叫難食嘅話咁嘅價鉱係好平😍而味道方面有驚喜喎！雞煲煮耐少少食到尾係好夠味嘅好惹味嘅。打邊爐湯底都唔錯，其實真係太多嘢食，基本上我哋只係剔紙仔叫咗一轉任食就飽咗！…Read More