周杰's Profile

叉燒白湯拉麵唔貴，65蚊包紫菜仲有一隻整隻溏心蛋，欣賞佢地唔會好似有啲舖頭咁小家子， 唔包紫菜唔包蛋要就逐樣價錢咁樣加錢。雖然好食，雞湯落鹽偏淡， 要另外落拉麵胡椒，我期望一個好嘅湯底係唔使加咸度。食完啲麵最尾嗰幾啖湯先食到蒜味。最欣賞係佢係叉燒係炙燒同埋用薄叉燒👍🏻， 我唔鍾意厚叉燒，黐牙又唔好食。不過就咁一個面係唔夠飽，我要嗌多一份雞翼 所以 雖然個麵係平，其實一個人頭要食得飽係過百元。雞翼都好食，不過無醬點點個感覺好熱氣， 如果提供埋蛋黃沙律醬就好。…Read More

蔥油豬扒飯扒香脆唔黐牙。蔥油味道調教得剛剛好，主要係甜味，香濃蔥香。至於份量，看似飯好多，但原來食落剛剛好，會用蔥油連最尾幾粒飯都撈埋。優惠時段（大概係4-6pm? 店內餐牌作準）加$5有原支飲品，我要了黑豆漿之前就以小食優惠價加過個麥樂雞食，果然唔係佢地專長，就唔建議點。無味，無咁香脆。湯麵都叫過嚟食，見其他人寫覺得日本味噌湯底係賣點，但我覺得同中式麵就唔係咁襯。另外，冇咁方便嘅係佢哋冇自己廁所。 基本上喺度食個快飯都問題唔大。有心維持水準嘅店舖， 喺現今市道希望佢哋能夠做得長。…Read More

試過幾間花膠雞窩湯麵店， 癡膠雞係各方面都質素平均。花膠不吝嗇，每次佢都有三件或以上。湯鮮濃，的確係無加味精，飲完唔頸渴。花膠軟硬適中，我係為咗花膠而食，才幾十元唔駛自己發花膠，慳番工夫就可享用。雞都係好滑，水準穩定。招牌花膠雞米粉炸豆腐，外脆內軟，小心燙口炸豆腐，外脆內軟，小心燙口不過要提一提有限時45分鐘，未知時仲嗌咗兩碟小食，點知豆腐仲好盪口，吹緊等食時，就被提夠鐘。所以要睇住時間。另一次試咗 姬松茸竹生花膠雞米線。都竹笙唔係好多，之後都係食番招牌原味。另外仲食咗麻藥蛋，係好味，糖心濃濃香麻味$28/2隻蛋（切做4個半份）。…Read More

入座之後，因玻璃枱內介紹特別菠蘿包個餐牌，擺放位置不方便閱讀，就舉手請教店員阿姐查詢點樣升級做餐， 佢只黑口黑面講句：‘’你去電話掃code 會了解倒。‘’ 佢完全唔想解答。當時我電話就係無電，唯有直接去問收銀。店舖宣傳聲稱總店喺港島區老店，點樣出名法事實我唔多清楚，但新開張大概兩個月已經請啲倒米侍應，都好唔休做，休想有好口碑。本身特色菠蘿包係$65可以變成餐，係有埋個瑞士中翼撈公仔麵+飲品，但三點就話賣晒雞翼，開咗成1-2月，都預唔好份量？你個包咁貴都明知食客大多會叫餐，又要宣傳又預唔夠份量，即係焗人單點。家人試咗花生醬菠蘿包，唔平，約$35一個， 試過就算。另叫咗蔥油豬扒撈麵，蔥油還蔥油，無滲到落個麵，個麵自己另有一個奇怪酸汁，過多幾條街焯記好食過佢。琴日33度，去到店舖體感有28度，暖氣十足😂，不想久留。食物乏善可陳，服務不值再試。…Read More

好難食的牛肉同燒賣，無諗過係咁處理：喺個白色背心膠袋拎牛肉同燒賣出黎，放入微波爐叮熟就當蒸，還要連膠盒叮？？我睇到打個突...俾完錢先知。佢係位置有利在近巴士站，我先第一次幫襯，絕無下次。牛肉尤其難食，咬落去係一灘粉狀🥶食完一粒，我當時空肚好餓都食唔落剩番兩粒，局住要丟落垃圾桶。見到其他留言食客係讚，仲要話有情味，我經歷係完全相反😅其實我本身係點炸燒賣，個阿姐答：要蒸啦，炸要開爐言下之意，佢連開爐都懶其實佢話只需五分鐘。我見反正可早啲去搭車，是但要咗蒸（點知係微波）。究竟係因為我禮拜六下午幫襯唔好彩由其他員工頂更，定其他人好彩？！#劣食推介…Read More