tamhung's Profile

係社交媒體網站見到有人推介呢間車仔麵，今日有時間特登過黎一試，可惜結果不似預期🥲麵檔係好舊式格局，先叫餸後俾錢再搵位坐，舖頭有兩層，上層樓梯都幾斜，拎住碗麵上去要好小心。今次試左河粉，魷魚，牛柏葉，魚蛋，牛筋腩，豬紅同豬腸，除左河粉食落正常，d餸分量雖然幾多，但我竟然全部都覺得唔好食，特別魷魚收最貴但我覺得係最唔好食🤦‍♀️另外我覺得車仔麵個湯底同辣汁都係靈魂，但湯底食落冇咩味，加辣原來只係剪幾隻辣椒，真係冇咩特式可言。總結價錢親民，舖頭好有舊式車仔麵既感覺，可能有啲人會食回憶既味道，但我覺得味道真係麻麻，應該唔會食第二次。…Read More

一直想試呢間米線，終於有機會黎試試佢，估唔到平日晚市黎到已經有好多人企係門口等，拎左票等左大約20分鐘左右入得，入到舖發覺舖位唔大，我諗坐到廿人左右，所以想黎食要排隊都唔出奇，好在食米線的多數都係食完就走。座低後手機落完單等左一陣，發覺廚房都做到冇停手，除左堂食，外賣單都唔少，甘多人食，就算未食我諗味道應該都唔差。今次叫左一個味菜胡椒豬肚湯墨魚餅大腸小辣米線$60，另一個係麻辣胡椒湯雞肉韮菜餃小辣米線$50，兩個湯底都好正，雖然小辣但原來都幾辣，但好惹味😋比較下麻辣胡椒湯層次更豐富同出色👍🏻而呢間既米線係屬於偏冧身的。至於餸方面，胡椒豬肚湯豬肚份量好多，雞肉嫩滑入味必食，而大腸都入味，但個人覺得偏冧，我就比較喜歡有𡁻口的，至於其他餸就麻麻，下次應該會試其他。最後跟餐叫左杯朱古力都係加$6，朱古力味好濃好飲，另外凍檸賓都係加$9，絕對抵飲。雖然要排隊，但有機會會再黎試其他湯底🍜…Read More

平時經過見到成日有人排隊，終於有機會試吓佢，由於afternoon tea冇得訂位，3點開始食，我哋2:55黎度排左15分鐘左右先安排到入座，好快就滿座。tea set有幾款可以選擇，因為冇食lunch，我哋叫左$488@2，好似多啲款式。之後每人可揀一款茶，但tea list入面有過百款茶揀，揀茶應該係最頭痛，開頭揀左chocolate tea，但員工好好介紹左另一款叫Biller Doux Tea,佢話呢款朱古力味會再出啲，黎到果然好有朱古力味，不過配茶好似唔係好夾。另一杯叫左Apple tea，果茶果然好飲啲😂Tea set包左甜點同鹹點，整體味道都唔錯喎，個人覺得甜點比較出色，特別平時覺得好甜的macaroon，呢度都整得唔錯，甜度適中，scone就一般。份量ok，唔太大食的食完都覺得好飽。…Read More

天氣凍最好就係打邊爐，呢間火鍋店最特別係可試不同部位既牛肉，好多部位之前都未聽過，暫時試過比較推薦滑尾龍同牛頸脊，其實除牛之外都有其他食物選擇，不過款式唔算多，但其中試左蝦滑覺得好讚，非常彈牙有蝦味，因為今次主要食牛，下次可以試埋佢個墨魚滑。叫左個麻辣拼牛骨湯鴛鴦鍋，麻辣湯唔係好辣，牛骨湯好清，用嚟淥菜好清甜👍🏻整體食物質素唔錯，價錢合理，人均$300比起其他邊爐店一定食唔到甘多牛，員工有禮貌，可以encore.…Read More

想食鐵板燒，老公特登搜尋到呢間好多正評，所以決定一試。一入餐廳，侍應態度好好，餐廳望落唔算好大，但估唔到當晚食7:00，竟然得我哋一枱，好似包左場甘，我哋被安排坐的位置可以望到海景，因為餐廳位於18樓，望出去個view都幾靚。坐低後我哋揀左個鐵板二人套餐，$2280/2位，加$400大虎蝦轉左做龍蝦，其中一味有鵝肝，因為我哋唔太想食鵝肝，師父幫我哋轉左做帶子。每度菜師傅都用心幫我哋烹煮，食完會問我哋意見，咸淡度係咪合適，然後按需要幫我哋調較👍🏻整體每度菜味道都唔錯，雖然唔算好有驚喜，但食材新鮮，食完都好滿足，不過因為當日環境好靜而且冇其他食客，所以講野都唔敢太大聲，但如果鍾意靜靜地食一餐，呢間絕對適合😂…Read More

同屋企人行完Apm，見到呢間晚市套餐好似幾抵食，所以決定入去試吓。叫左個半席龍蝦潮食宴，平日收費$1088/6位。總共有10款菜式，4罐汽水，食物份量足夠，最後仲打包左糯米飯走。味道大致正常，略為偏咸，但都可以接受。食完真係好飽，呢個價錢食到呢個質素，加上坐得舒服，好適合一家大小行完街坐得休息下，絕對超值，性價比都算高。最後仲有6個熱辣辣的壽桃，壽桃好食，不過唔記得影相，以呢個作為甜點結尾都唔錯。…Read More