乞丐食客's Profile

出面三十幾度！入面完全冇冷氣！服務差！啲下午茶都唔係人食！絕對冇下次！諗住舒舒服服天氣熱入去嘆下冷氣食過下午茶啫！仲衰過喺出面街曬！最好笑有一次畀錢，收銀的南京紅姐掛住招呼人入嚟坐，完全當畀錢啲人透明.食物真係非常一般,炒粉麵飯咖啡奶茶通粉麵冇一樣掂.班服務員淨係識得招呼熟客,咁你以後咪淨係靠呢班熟客囉.叫我打200個字,依家咪打緊囉.仲爭16個字.咁我唯有祝佢生意興隆.好好上路.夏天呢可以改做桑拿生意！…Read More

恐怖經歷！一入去同佢講兩位,一個黑口黑面嘅四眼女服務員完全冇反應,幾個女服務員服務超級差,都唔緊要啦,可能佢哋心情唔好.嗌咗個壽司,啲飯一夾落去散嘅...叫咗啲嘢食諗住攞枱上面啲碟嚟食..一反轉隻碟仲有上手啲豉油漬喺度.都唔知點樣洗碟！都費事同佢講.反正都唔會有下次.叫咗個啤酒小食套餐佢就嚟咗個小食先,杯啤酒十世都未到,啲所謂嘅服務仲衰過廟街大排檔,好心請人就搵啲正常啲㗎啦.全部都係啲咁嘅師奶阿姐.唔頂得幾耐.檯面啲碟係有積㗎！污漬呀！豉油漬呀！你哋睇唔睇到呀！瞓醒啦！…Read More

服務係好.店員好有禮貌好熱情.但係食物質素真係非常一般.同大家樂美心冇分別.咁嘅裝修格局仲要加一.出面寫住個價錢同入面係完全唔一樣.入面亦都係好逼坐得好唔舒服.咁嘅價錢去食其他嘢好過.絕對冇下次.扮曬日本嘢.咪以為行入去講句日文,落單嗌入廚房又講下日文就係日本嘢啦！最鬼搞笑台面啲生雞蛋係熟嘅！要扮都唔該做下功課呀！杯嘢又難飲！過對面食過三餸飯都冇咁嬲.雖然我都畀你呃咗但係絕對冇下次！筲箕灣街坊小心！…Read More

門口貼曬話有套餐.入到去就畀個貴價餐牌你！價錢爭成倍！錢唔係問題！畀你咁樣呃法條氣真係唔順！唔怪得知你冇生意等執.水喺枱面又話收錢！呢間嘢經易臭明遠播！睇佢幾時喺東大街消失！印度騙子手法層出不窮！我寧願去恆河食老鼠咖哩屋或者王子食咖哩！裝修係好.味道亦都好但份量少.你叫佢嗰個貴餐牌佢就笑騎騎！你問佢有冇套餐佢就話冇！你堅持叫嘅話呢佢就會180度反轉豬肚！套餐餐牌亦有寫時間！你喺佢寫明嘅套餐時間內叫佢都話冇！很多筲箕灣街坊易中招！唔信可以睇下谷歌地圖或臉書評論！多謝各位…Read More

呢間餐廳老闆經常故意有心收多錢,喺長洲個名已經臭到飛起。請各位所有遊客香港人入長洲玩時注意!多謝各位留意。啲嘢係好食,份量唔錯,環境亦幾好,望住殯儀館打齋食嘢真係別有風味。特別留意:呢個老闆唔係收多你幾蚊,而係收多你幾十蚊甚至五六十蚊。表面笑騎騎好有禮貌,其實係奸到飛起,非常無良!樓面阿姐亦係非常特別,落單問完你食乜,三秒記憶唔記得,樓面亦係會收多錢！本人經已喺長洲住咗30年,好多街坊朋友亦係曾經慘遭毒手。懇請各位留意。避免墮入陷阱圈套。成為賊人嘅目標。…Read More