chintiktik's Profile

元朗實在太多好嘢食，下午同朋友周圍行覓食。巧遇老馮餐廳，侍應姐姐好熱情咁向企喺舖頭出邊嘅我哋揮手同埋話俾我哋聽下午茶叫野食有免費飲品。我同友人都覺得又吸引，不過都係行咗個隔離舖頭望吓，點知隔籬舖頭對我哋是如不見，所以我哋都係行返轉頭搵呢位熱情嘅侍應生姐姐試食佢哋嘅麵。🥢🍽️🥣舖頭格局，非常復古，有着好多唔同嘅舊時代特色，十分特別又有趣，明顯地係花咗啲心思去佈置。🏠食品方便我反而有啲保留，原以為係港式茶餐廳裏面車仔麵果啲friend，可惜點左佢嘅牛腩麵品嚐過後，感到似曾相識，同台灣牛肉麵相若，連豬紅同牛腩都係帶甜。我本身比較鍾意港式牛腩粥粉麵style，所以呢種調味並非本人喜愛，如大家鍾意台式牛肉麵，呢個係一個好嘅選擇。不過要讚一下個鮮蝦雲吞，鮮蝦彈口🍤😊，$15兩隻。大腸 not bad 夠乾淨乾身。點餐方面係自己用二維碼掃，跟住落order。我哋比較笨，所以請侍應生姐姐幫忙落單。朋友嗌咗幾樣餸嘅車仔麵，買單最後埋單先知4餸湯麵嘅計法，我哋有啲弱，唔識計。😅…Read More

疫情之前嚟食過好幾次，唔知嗰陣時係咪名門(唔知轉咗名未) 不過就唔係咁OK，所以一直都冇再嚟。今晚大家都諗唔到去邊度食，所以膽粗粗想嚟再試一試。今次有一個幾好嘅surprise (以上水酒樓嚟講)。佢有唔同嘅優惠套餐，而且亦可以加埋唔同嘅優惠一齊用。（忘記影相）如果係揸車嘅朋友，呢度係有兩小時優惠。先講講深海龍躉兩吃套餐，我覺得同外面酒樓比較不相伯仲，都幾好食。值得一讚嘅係龍躉皮，夠煙韌，感覺唔係養魚。另外佢嘅蒜蓉爆得非常之香，好正，美中不足就係需要落好多油去爆。雖然好想食墊底嘅粉絲，因為實在太香口，又入味，但係怕太油膩，所以冇完全處理掉。另一個係西蘭花炒龍躉，都好香口，值得一試。我哋揀咗胡椒豬肚浸花甲，呢個餸其實都有好香胡椒味，但係豬肚就少啲。可能因為係套餐，所以份量不同。我哋另外嗌咗個優惠價片皮鴨，不過不失，可以接受。爸爸話，可能廚房中咗馬，所以煮嘢食落力左😄 難得喺上水搵到間普通通嘅酒家都OK。應該會有下次再去品嚐。…Read More

每次嚟呢間餐廳都冇得輸，最好食嘅當然係佢嘅牛小排同羊肉串！基本上每次去都係點類似嘅食品。雖然外邊飲月桂冠一定係比較平，但係唔知點解响呢度飲感覺特別happy 不過大家要留意睇吓你咩時段過去，有時會用open rice discount 特別平，到時會用佢哋嘅優惠券特別平。埋單之前可以問吓侍應，佢哋都好Nice可以幫你計吓數計到最化算另外，餐廳嘅空間好大，位置亦唔隔涉。火車站行去都只係大概10分鐘。响度一定要推下，十卜十卜！…Read More

下午茶嘅菠蘿包應該係翻叮過晒龍，相片上睇唔出，但係其實包面已屬啡色，非金黄。咬2口已起痱滋。不過配上嘅咖喱三寶咖喱味十足街邊小食👍正，值得安哥叫嘅齋啡底部係甜嘅其中一個證據係，杯面旁邊飲落係有甜味，第二個證據係，飲到差唔多底部嘅時候開始全部都係甜。。。。究竟底層落左咩呢？第二個下午茶，西多士倘可，碗仔翅漿糊狀及冬菇較多。有啲失望，之前知道早餐係唔錯嘅，不過都係幾年前嘅事。可能，下次有機會再試返個早餐。…Read More

通常都會去大陸食酸菜魚，偶然發現粉嶺有間酸菜魚就入去試吓。我覺得呢間餐廳嘅酸菜魚味道都唔錯，鱸魚都幾好味，佢亦可以俾你揀小辣中辣大辣，我哋先嘗試中辣，即係一般嘅辣，可以接受，不過如果你食唔到辣嘅話，可能真係需要小辣，或者可以將酸菜魚變成蕃茄味就唔會辣。反而令人失望嘅係佢嘅雞絲粉皮，竟然係麻辣嘅，但係Menu並冇寫係麻辣，我哋都唔喜歡麻辣嘅味道，所以最後都未能食晒成碟小食。有個清炒萵筍絲，味精實在太濃烈。如果大家喜歡食酸菜魚，我會介紹你主打酸菜魚四人份量。😊…Read More

友人所介紹嘅呢間素食餐廳，就算由新界長途跋涉出嚟嘗試都好值得回味！食品非常精緻，雖然好似好的骰，但係足夠一人份量嘅Special Menu，每個月都會update更生。完全唔覺自己係食緊齋。真係值得一試！每款食品都會俾你驚喜！有相為證。喜歡素食而又想試一啲特別又fusion嘅素食朋友們，呢間係一個好choice。…Read More

平時都會響粉嶺中心行吓，喺地下試過幾間餐廳後，今日想食下中菜就嚟到呢間湘川滬。一行四人有老有少，嗌咗幾樣嘢，滿心歡喜，因為好耐冇食過糖醋魚，見到又有松子加鱸魚嘅糖醋魚就點咗嚟食，可惜，麵粉包住鱸魚比較厚，唔適合老人家，因為好韌，雖然不嬲呢種係返炸嘅菜式，但太硬嘅話老人家會好難咬。小籠包及生煎包內裏嘅肉一樣，兩份小食味道都唔錯。回鍋肉嘅話，就好似上海菜一樣比較鹹及有少少辣。但係對擔擔面比較失望，原本擔擔麵嘅花生醬及花生不存在，反而係麻辣味較重，並非我哋一般食嘅上海擔擔麵，比較似川菜形式，老人家又唔可以食。上湯菜心，味道唔錯，值得一試。高力豆沙，媽媽話豆沙餡少咗啲，不過仍然有高力豆沙嘅味道…Read More

第一次嚟呢間餐廳食晚飯，極度喜歡，極度欣賞，仲用五星嚟形容。所以今次專登嚟試吓下午茶。原本想試個all day breakfast，但由於上次食牛扒俾咗好多分，所以見到佢有個和牛漢堡包餐，就即刻嗌。點知，外貌唔錯嘅黃牛漢堡包只不過係得個外表。唔夠牛肉味而且鹹左啲。友人見到一個二人嘅下午茶套餐，睇落好特別又吸引，所以我哋放棄咗all day breakfast，instead就叫咗二人套餐。但係，竟然係失望收場。雖然文字上好吸引，食落口就係另外一回事。確實嘅名稱我忘記了，但係有兩粒極度炸嘅飯團，裏面應該係有黑松露，不過真係極度炸，爆炸嘅皮我哋食唔到。另外一個係蟹肉沙律伴麵包？係硬麵包！個蟹肉沙律唔係咁啱我哋食。但我冇可能同大家講菜係最好食。係兩隻雞翼比較平常。當然， stella draft仍然係好好飲不過我仍然會比第二次機會，就係再嘗試原本我哋想食嘅—-all day breakfast。如果第三次去，連呢一個好出名嘅signature都未能挽回聲譽，咁亦都會係我哋嘅最後一次光顧。最後，想話俾大家聽，如果你係一個非吸煙者，請盡量唔好坐近透明玻璃附近嘅位，因為今次我哋食咗好多二手煙。叫咗少冰嘅凍朱古力睇落去仍然都係好多冰呢。…Read More

慶祝朋友仔生日，由朋友仔去揀佢心儀嘅餐廳，因為重點係想響元朗食，朋友仔話見到好多食評介紹呢間餐廳，所以我哋膽粗粗又去試吓。我哋係去食晚飯嘅，雖然位置唔響正正市中心，但係喺工業區另有一番風味，感覺唔會太多人，可以輕鬆relax吓chill吓。企響餐廳門口望入去，已經覺得呢個地方唔錯，有feel。入到去，由於當晚比較寧靜，侍應生門俾我哋隨意揀位。我哋嘅位置就喺吧枱隔離，不過如果下次去嘅話應該會揀離開吧枱比較遠嘅枱，因為當Bartender處理特色飲品嘅時候，就會比較嘈。⭐️如果諗住嚟食All day Breakfast嘅朋友就要留意，原來響5:30就已經冇呢個Service。我哋都係為咗佢而嚟嘅，不過錯有錯著，俾我有機會點佢set dinner裏便嘅西冷扒。而朋友仔就慘啲，因為佢嘅選擇比較少， 非豬牛羊朋友，set dinner裏面只有豬牛羊選擇，缺少咗一般嘅雞或者魚餐。所以朋友仔只能夠喺餐牌內揀魚或者雞。但係唔緊要，嘢食比我哋想像中好，而且我可以用價廉物美去形容。⭐️Set dinner同一般單點嘅分別係，少咗湯同埋甜品/嘢飲。🥩我極度推介西冷牛扒，我點咗六成，唔係鐵板上，但味道一流，而且極力推介配住扒嘅薯仔🥔實在吸引！⭐️下次下次，下次一定要試吓all day breakfast 🍳 順帶一提，侍應生認真嘅服務真真一流，就算係新人都盡力而為，好Nice👍…Read More

The burger in the double cheeseburger was a bit dry and flavourless. The fries were warm and not very exciting. It would be better if they could fry them right away instead of letting them sit for a while before sending to the table. The sandwiches were fine, very localized like those in Hong Kong fast food shops. …Read More

因為附近冇呢種韓式餐廳，大部份都係韓燒，所以同家人去試吓。餐廳點餐形式係以QR code自行點餐，由於冇+1服務，所以我覺得咁樣做絕對冇問題。關於食品我有以下感受：大排骨：韓式餐廳調味方面通常都會比較強勢，食呢個大排頭嘅時候，其實本人10分喜歡食手抓骨，所以見到呢味菜嘅時候特別想嘗試。大排骨口感唔錯，唔解，可惜容易凍，同汁嘅調味真係好strong，適合重口味嘅人士。由於唔鍾意食芫荽蔥，我請侍應生幫我另上，服務非常好，侍應生弟弟專登幫我去廚房處理，非常細心。韓式牛肉粉絲：牛好有牛味，如果粉絲可以冇咁蛋好，我會更加欣賞。下次可以試吓佢個牛肉石頭飯。不過，由於係自行點餐，我寫明係要走蔥，不過啲聰自己都就快返嚟，可能廚房睇唔切跟唔足。照燒雞嘅芝士燴飯：都唔錯，如果芝士方面可以加多少少會再加分。小食菠菜同埋Kimchi：菠菜比較老， Kimchi特別，可能因為係自家製嘅泡菜。由於係新開張，晚飯時間都頗多人等待。好多服務都需要進一步改善，我並非投訴，反而覺得大家應該俾多啲時間新餐廳慢慢改善。…Read More

住喺附近，一路望住呢間餐廳寫住”試業中”，直到佢除低個牌變成”正式營業”，滿心歡喜諗住過去坐低飲杯正嘅咖啡加個午餐，另外可以望住個直立式落地玻璃，就算幾乎8號風球，響裏便望住出邊都好開心好舒適。可惜，樓底高，聽唔得太清楚侍應講嘢，雖然環境清幽，但都係聽唔清楚侍應講乜。然後，嗌左4個dishes+2杯嘢飲，朋友嘅嘢陸陸續續嚟到，但係我個沙律一直未到。應該係漏單。之後2次向侍應查詢，雖然聽唔清佢同我講咗啲乜，不過我見到佢對住個電話好似做咗一啲事情，相信佢已經向廚房反映過我個沙律遲咗未到。後來，我朋友都食晒所有嘢咧，半個鐘頭之後我仍然喺度呆等。。。隔離嗰台遲過我入嚟，兩個人嗌咗四件嘢全部都到齊晒啦啵，都有沙律。。。初初我諗，係唔係佢哋送錯單，但係經我追單後仍未有我個沙律。其他餐仍然係繼續咁送出，最後無等到個沙律就埋單，因為等累了。可能係我期望過高，喺外面睇呢間舖頭真係好高級，而且人流亦都多。…Read More

位於上水廣場5樓嘅一間西餐廳，隔離就係女廁， 十分方便而且外面仲有個庭園，環境幽雅，可以俾人享用早餐午餐晚餐。食物方面，初初開業嘅時候非常之好，炸魚又大件，咖啡又好味。雖然而家沙律菜嘅質素弱咗好多，炸魚少咗一部份，幸好味道仍然保持得住。只可惜最近每次早餐內嘅沙律菜都起晒鐵鏽。。。服務方面，員工個個以禮待人只係有時廚房會出錯單。😅呢間餐廳，相比起其他同樓層嘅餐廳質素比較好啲。如果喺清潔桌面及椅子方面更加留意的話，相信生意一定會更好。…Read More

因為staycation 關係揀左酒店內嘅一間日式餐廳。原先望左OpenRice，見唔係好多人留食評，但留嘅通常都係好評，所以決定試下。餐廳位置雖小，但人情味十足。serve 我哋嘅係响度經已做左好耐嘅Ms Rainbow，由妹妹做到而家嘅嫲嫲。由於唔係十分餓，我哋點左一個sashimi set 同吉列黑豚肉。响等候期間同Rainbow有傾有講，配上柔和嘅音樂，感覺好舒服。眼前見到師傅話嘅當做炸蟹，我哋又試下。既新奇又有趣。刺身方面，好新鮮，尤其是係蝦！不過相對地，吉列黑豚肉就冇乜特色，餐廳食刺身實在較為出色。最後個set可以揀雪糕或者咖啡，我哋揀咗雪糕，雪糕亦都有兩款，有綠茶同柚子，我揀咗平時小食嘅柚子，果然無揀錯，好喜歡佢嘅清甜。…Read More

與友人响千両同呢間日式餐廳徘徊左一陣，見佢哋價錢唔係差太多，就決定試下呢間。望住餐牌，滿心期待所點嘅菜式，諗住唔叫set都無所謂，誰不知。。。點嘅中吞拿3件，3件都有根連埋一齊。三文魚腩點左無黎。三文魚魚子米卷同豚肉沙律都淡而無味。個牛肉煱又過分甜得滯。。。唉，真係唔好意思，要差評貴公司，但如果响一個星期五晚食晚飯都獲得咁嘅食評，我一定要謹記下次無下次。可能係大部分客人都點set，所以其他食品顯得無禁出色？我唔太清楚，只能為自己今次所點嘅食品作評價。…Read More