tszchinggg's Profile

勸告各位想試嘅朋友，千萬要Book枱，不論假日定平日，午市定晚市，都好易見到有人龍我食個日就等咗45分鐘先入到座。一入餐廳，就會係右手邊見到一排令人流曬口水嘅芝士蛋糕餐廳內有唔少卡位，一入座就會有待應黎自我介紹，因為佢哋分工都幾明確，基本上全程都只會由同一位待應負責你呢檯。今次有啲失咗預算，一方面冇預計過食物份量咁大份，一方面想試嘅食物實在太多，加上唔記得佢哋會送餐包，所以最後叫多咗好多野食，叫咗1個小食、2個main、2件cake餐包唔錯，上到枱都係暖，而且有唔同口味 蟹餅，幾足料，啖啖蟹肉，而且唔會腥。四重芝士Pasta，完全唔可以睇少，可以食到唔同種類芝士但係真係好膩炸魚薯條，上枱係熱辣辣，薯條有好多，仲有沙律，酸酸甜甜，食落冇咁膩！但啲魚炸粉有啲厚呢度主打cheesecake 唔單止份量大，而且仲好邪惡，基本上每件都有cream，我叫呢2件都充斥住朱古力 一定要留肚食甜品總結黎講，價錢對我呢啲平民係屬於中上，但係服務同食物質素絕對得住…Read More

好耐冇食過泰菜，所以特登嚟到九龍城搵吓有冇咩好食可能因為閑日嘅關係，條街都比較靜。我地一行三人，坐咗係門口位，舖面望落比較有歷史，有啲舊，但環境尚算乾淨整潔，同場仲有唔少泰國人、外國人一齊食。相信應該都係幾傳統嘅泰菜？由於比較肚餓，所以一次過叫咗六個餸，加多個椰青添沙嗲豬肉串同雞肉串：好中意個沙嗲醬，重花生醬同埋辣味泰式生蝦：略嫌有啲細，但口感都爽口豬頸肉：一般，睇落有啲燒焦炒菜：有鑊氣泰式蝦餅：不錯炒金邊粉:…Read More

元朗鬼巴士係周圍都有好多唔同嘅分店，相信都係特許經營，但係正因為咁，所以唔同分店既質素都有啲參差今日經過旺角決定比多次機會呢間鬼巴士。開頭仲以為因為疫情，大家都唔會出街，估唔到呢間店都仲係人頭湧湧！仲要排一陣隊先買到。一去就發現除咗普通嘅大小雜錦之外，佢仲好多套餐俾大家揀，抵買好多而且係仲收銀位提供消毒酒精俾大家食野之前用，好細心！但係因為一陣仲要食飯，所以今次只係叫咗個小雜錦，味道幾好，又足料，會再幫襯…Read More

之前已經係網上外賣平台叫過幾次外賣，今日終於可以親自黎試下雖然受疫情影響，但係呢個舖人流都唔少，我哋去到都要等一等位。不過店員好好，會叫留電話，有位再打翻俾我哋大概等左10分鐘就有位最後嗌咗雞髀菇洋蔥豚肉漢堡、特濃芝士醬巨人漢堡，仲有兩碟跟餐嘅薯條 因為即叫即整既關係，所以都要等一陣先上到餐。個burger 好足料，夠大份，最中意係佢個sauce！想食一定唔可以太遲嚟，因為我哋叫完之後就已經賣曬雖然食物質素幾好，但唯一美中不足應該係招牌唔顯眼，好宜走漏眼，同埋店面位置唔算大，大概坐到20人左右。…Read More

石門最近都開咗好多食店，但係身為上班一族嘅我哋，都係希望可以食翻啲大件又抵食嘅午餐呢間米線舖都係必選之一！因為佢價錢真係幾貼地，一餸米線只係33蚊，而且分量絕對係唔少。（最近再去食，發覺價錢加咗，變咗35蚊)我自己就叫咗個腩肉酸辣小鍋米線，叫咗個小辣嚟小試牛刀如果怕辣嘅可以叫清湯，甚至少少辣都得腩肉一碗粉都有四、五塊，同譚仔腩肉唔同，佢本身已經調咗味，食落亦冧好多但係我自己就覺得湯底比較濃味，有啲咸得淨如果嫌唔夠辣，除咗普通既辣椒油，佢仲有自制麻辣油…Read More

之前係葵芳都食過Euro Go Go，食落味道都唔差，今次係朗豪坊行過見到，就決定入去食晚餐。一坐低，待應就好主動放低咗餐牌。你要自己去收銀點餐，之後就會收到一個號碼牌，坐定定等，就會有人送餐過嚟！我哋叫咗1個starter、2個main同2個甜品價錢相宜，但啲菇唔太入味，有草青味蜆肉意粉，蜆嘅份量幾多，而且好香香草味，食落仲有少少辣第二個意粉就差啲，雖然有幾多肉同sauce，又眼見有唔少芝士粉，但係食唔出有芝士味，淨係食到有蛋味最後就係焦糖梳乎厘同意式奶凍焦糖梳乎厘表面係微溫，但係個心就係凍，感覺有啲奇怪。而奶凍就比較重奶粉味。…Read More

一班朋友食飯，少不免有食糖水呢個環節～今次大家想試啲中式少少既甜品，所以就入咗去先。舖入面嘅位置唔太多，大約可以容納到20個人，我哋一行六人，就已經佔咗唔少位大家見舖頭名叫豆腐巴克，相信豆腐就係主打，所以大家都以豆腐花為主調，再加咗唔同嘅野我自己就叫咗芝麻糊豆腐花，豆腐花冇咩問題，唔會整得太耐而老曬，入口好滑，有豆香但係個芝麻糊真係唔得，好稀，食得出係用水沖粉出黎，仲要係微溫，應該係微波爐啱啱叮一叮不過大家一心都係諗住傾計，對食物真係冇乜要求，而且一分錢 一分貨，不過應該冇第二次啦雖然主打係豆腐，但係打開門做生意既，都好應該改進下…Read More

自從嚟咗石門翻工，都試咗京瑞嘅好多食肆，不過一班同事最愛嘅都係船仔無他，只係因為佢係我哋糧尾既精選。30蚊就有一餸麵，仲平過tam jai 宜家佢仲做緊優惠，指定時段人均食夠$45送豬肉串燒，所以我哋都另外加$8 叫埋龍眼冰佢哋叫咗豬頸肉 豬骨湯底 金邊粉唔知係咪一次叫3個，佢哋個幾碗份量好似特別多豬頸肉幾大塊，湯底好濃味，同顏色比較深。上面有炸嘅辣豬皮好香口，我自己覺得要快手食呀，浸淋咗就好似冇咁正。而且仲可以自己再加魚露、辣粉、炸蒜。而我就直接叫咗個泰北求財黎食係咖哩麵配雞翼，咖哩好香，但係唔算辣，有少少失望係送嘅豬肉串，份量都適中，唔會話太細舊，個醬有好香嘅花生味，而且唔辣但係一般都姍姍來遲如果你食曬麵都未有，而單又冇出話送豬肉串，可能就要追下啦我哋仲幫同事做埋外賣仔，叫咗個豬頸肉青咖哩飯青咖哩就比黃咖哩辣啲 題外話，但係每次等位都係一個挑戰，最好就主動拎張點餐紙剔定先，再企係門口附近等。因為佢地lunchtime 實在太多客，人手又唔夠，好易就唔記得咗你…Read More

石門自從起咗京瑞廣場之後，就多咗好多食肆進駐，所以我就決定逐間逐間試曬佢入到去舖面有6張4人枱，裝修幾靚。可能因為係工商廈區，平日夜晚既人流唔算多，計埋我有3枱客，靜靜地幾適合Girls Talk!仲發現原來佢地係有now既足球直播睇，不過我去個日就冇比賽，所以佢哋都冇開電視投影器。我哋叫咗 芝士薯條、Carbonara spaghetti、豬手，仲加咗12蚊配埋餐湯同餐飲是日餐湯：南瓜湯味道唔錯，唔算太稀，有南瓜味Starter薯條係粗身嘅，食落冇太粉，焗得好香好脆，我自己幾中意佢個黑松露醬到主菜啦個意粉賣相好靚，食落啖啖都有醬汁，唔會淨係得芝士粉，而且都有唔少煙肉。唯一就係份量好似比較少豬手都到咗，啲皮望落去係脆，不過切落去個下有少少失望，唔知係咪煮耐咗，外皮有係淋不過食落去，豬手都真係好入味，仲好易入口，而佢個薯蓉都食得出有落cream，唔錯！只係個皮扣咗分餐飲就試咗橙茶，味道唔錯呀～整體黎講，員工服務態度都好好，有禮貌，反應好快…Read More

新開張嘅MOS burger，由於都擔心人比較多，所以特登係閒日先約朋友過黎一齊食！其實係今日之前，我係18/7，都已經自私食咗一次先個陣覺得服務同食物質素都唔錯，所以先會再幫襯。點會估到，隔咗一個星期再黎，食物質素已經保持唔到今日人比較多，店內差唔多坐滿，叫咗野食，店員就比咗個號碼我哋今次上次快手好多，5分鐘都冇，我個餐已經送到上枱。而店員亦一如既往，好有禮貌，話「唔好意思，要你等咁耐」個蝦堡食落口真係啖啖蝦肉，幾足料，而且咬落去都仲係暖但係食落真係唔多掂，特登加錢轉套餐，薯條份量已經唔算多，但係估唔到今次都薯條係又淋又凍，就算係粗薯條，都加唔到幾多分奇就奇在，我之前叫外賣係熱辣辣，冇呢個問題。只能夠講食物質素參差，未能保持水準…Read More

一係網上睇到Popeyes 係旺角開新店，放工就即刻趕過去試Food Court 唔算好大，加上夜晚人比較多，所以搵位都花咗啲時間由於收工實在太肚餓，我地叫咗2個Combo 套餐，套餐有炸雞，薯條同汽水一杯。另外仲加咗趣辣薯蓉同蘑菇飯。套餐嘅份量比少，如果當晚餐真係未必夠飽，價錢黎講，係旺角算中等價格。薯條係屬於幼身，面頭仲有少少調味料，所以就算唔落蕃汁都好好味，食落口個陣仲係熱辣辣同脆，冇翻炸 而炸雞雖然唔係好大舊，但係咬開係有肉汁，唔會炸到太乾身，比上校炸雞好食薯蓉就正常，唔會太淋，汁係啱啱好夠可能始終炸雞先係主打，蘑菇飯食落相對比較淡，同飯比較淋，唔推薦大家叫。…Read More

閒日放工去食晚飯，估唔到人影都唔多個，成間餐廳只係得4枱。待應安排咗我地坐入去角落位，但係估唔到個位係有滴水，不過我地見冇滴中張枱，自己坐開少少就算個陣做緊啤酒買一送一，我地都叫咗2枝，不過味道就唔算好特別。apple cider比較酸睇一睇menu 好快就知道呢間餐廳主打All day breakfast，決定一黎就叫個最貴既黎食！一送到上枱，真係比佢個份量嚇親真係好豐富最滿意係個egg Benedict，2隻都整到啱啱好，同埋好中意佢個醬不過火腿食落覺太多油，薯餅就乾咗d相比之下，佢個海鮮意粉就細份好多，味道正常不過不失。眼見另一個主菜份量咁少，我地決定加多個小食，青口。不過味道令人失望，食唔出有忌廉/白汁，反而得好重既酒味，重過龍，食落好似有啲苦。個人認為，All day breakfast 可以一試！…Read More

新開張冇耐，假期成日都大排長龍，好多人等，由於係新鮮即場搾，想飲嘅朋友記住要預翻啲時間！但係舖面指示有少少唔清楚，加上周圍都係等攞野飲既人，我睇咗一陣先知買生果同飲品都係係左邊嘅收銀處！等咗起碼20分鐘 終於有得攞飲落幾真材實料 我叫咗提子蘋果紅龍果 啖啖果肉水果沙冰 除左上面講咗嘅3款生果 我仲食到有芒果 菠蘿有啲不足，就係提子有啲酸，同食落淋淋地，好似唔夠新鮮既感覺同埋個杯質地好好，個蓋好實，想食生果就要比多啲力先打開到飲曬一杯真係有飽肚嘅感覺，不過比我感覺都係偏甜 似係生果本身既果糖！？整體黎講三十幾蚊 買到杯用生果搾出嚟嘅飲品 算係物超所值…Read More

最近Facebook 好興龍蝦包 不過礙於時間仲未食到 難得今日約咗朋友 佢特登推介呢間舖頭比我等我地可以吹下水 又有得試下新野！門面唔太起眼 仲要係樓上舖 好在有𨋢環境真係好適合打卡 餐枱都係雲石pattern 不過我掛住食 冇乜點影舖面同其他cafe 一樣 要記住自己枱號 再出去cashier 買野食 等左10幾分鐘就上菜 待應做野好主動 同快手 服務幾好叫咗個四季春芝士奶蓋 $38 朋友幾中意 另外叫左 草莓四季春 $42 覺得不過不失 但飲落好似果汁同茶分開 可能我冇攪勻巴馬火腿黑松露意大利飯 $98 都係正正常常 可以接受龍蝦蟹肉漢堡包 配薯角 $158個包係脆脆地 而且咬落口仲好足料 有龍蝦肉係中間 上面有牛油、蟹肉同蟹籽仲有薯角 沙律菜做伴碟 薯角仲加左辣粉係面 真係食唔停口不過份量就只係啱啱好 …Read More

已經好耐冇食和民，但係估唔到紅日黎食都冇乜人。擺左飛都唔洗點等就叫我地。餐牌好似少左好多野食，我地一行三個人，最後叫左個二人套餐一齊share。入面既小食、主食同鍋物都有得選擇。前菜份量適中，除左沙律仲有煙三文魚，同埋2份時令既菜。小食拼盤：味道較濃，係薯條上面嘅份好咸，同直接食味精冇咩分別。主食：因為友人唔食牛又唔食辣，所以只可以選擇呢個拉麵，味道一般，冇咩特別海鮮鍋侍應會一早幫我地set好個鍋，算係成個餐最好味嘅野，都幾多海鮮。不過個鍋比較淺，要多啲睇住個火，好易水滾滿瀉！但係宜家冇送烏冬，相對冇咁抵食…Read More