Lady 暴龍 的個人專頁

好耐之前食過，印象深刻，雖然唔平，但係好食，有特色，千層蛋糕更係令人難忘。今次有優惠券，再來一試。先講服務 : waitress 一係應咗你，之後唔見影，一係應都唔應你，但又會攞你想要嘅嘢俾你喎，你鍾意邊款？價錢 : 就算半價，都絕對唔值。。。。 你睇下啲相就知有幾離譜，不單只冇賣相，更冇料 😵😠😡。。。🍹一開始，芒果冰，透心涼，好香新鮮芒果味，非常滿意。👍👍👍👍🐥 雞翼炸得乾身，又香脆，單骨製作更顯細心，女仕都可放食，唔怕有失儀態，唔錯嘅餐前小食 👍👍👍👍👍🥗 柚子極少。。。。整得好求其 😑🦀🦐 碟野攞過黎嗰時，我臉色一沉，咁似已經食完嘅。。。又話 "啖啖蟹肉" 😵 。。蟹肉只係中間白色嘅少少，虎蝦得3-4隻，個 Roti 又硬又唔夠熱，咁就 $3xx，有冇搞錯呀！😡🌽 終於黎返個似樣D嘅。。。炸得好脆，滿心期待，點解完全食唔倒 🦀 嘅，$98 雖然係平，但全碟只食到粟米同炸粉 😡😡😡💰價錢 : 就算半價，都絕對唔值。。。。 你睇下啲相就知有幾離譜，不單只冇賣相，更冇料 😵😠😡。。。越食越嬲！連最想食嘅千層蛋糕都冇食就走，費事嘥錢 😡。。。。…查看更多

12:30 到達，座位任揀，可以坐三輪車看海景，旁邊亦有枱可選擇。店主用三輪車做座位真係非常聰明，感覺有趣，景觀亦一流。🐟 一致認為炸魚同薯條最好食，全部新鮮即炸，炸魚仲大大件，兩三個女仔分享好足夠。必食！😍🐥 賣相吸引，燒雞肉份量多，抵食！🌹玫瑰🐷特飲 ❤❤❤❤，玫瑰只係打卡用，冇味嘅。今日天氣好熱，飲呢個好 refreshing，配薯條更是一絕!  意粉個樣好齋，食落又唔錯喎!  有少少酸酸地，好開胃!🥔朋友話焗薯都好食🍖牛扒都OK ，有少少韌🍄雖然有大片磨菇，但部份飯硬作一團，KFC嘅蘑菇飯一定好過佢！🙅‍♀️🌱 欣賞佢哋用環保嘅刀、叉、碟、飲筒！😍 當然如果用返可重用嘅膠碗碟就更加好啦！😊👨‍💼 有留意客人需要、反應快👍有提供檸檬水，沒有加一服務費 😯😚…查看更多

本身諗住食西餐，嚟到先發現已經轉咗到越南菜！見到平平哋，就試下啦！🦀+🍋 海防特色蟹肉番茄湯檬加檸檬茶 $65我哋都係叫咗海防特色蟹肉番茄湯檬粉。一上枱，嘩，又有幾多蟹肉喎！😋 大大碗，材料豐富，賣相吸引，同事覺得味淡，我就覺得味道啱啱好，呢個價錢，仲送埋餐飲(咖啡或茶)，真係好抵! 😍不過，呢度人手就唔係幾夠，得一個人，見到好多人叫外賣。仲有佢地收銀喺餐廳嘅最入面，又會叫哂啲人行入嚟落order同俾錢，我呢啲除哂口罩喺度食嘢嘅人，見到背後不停有人行，都有少少驚。😰 💥 總括 : 用料充足，好抵食 👍👍👍👍…查看更多

🌲聖誕日，外賣，去朋友屋企開 party!  5:30pm，已見門外超長的人龍。侍應生預告要等45分鐘，OK，冇問題，行下街先。最後等咗1小時15分鐘……. 大時大節，可以接受吧。Pizza 分13” 及18”。可選 “雙拼” pizza，以價格高計算，勝在可一次過試兩款口味。一個13” pizza，3人分，我地飽到顛咗。😂款式沒有特別。我地最後揀咗ᴍʏ ᴘᴀʀᴍᴀ + ᴘᴇᴘᴘᴇʀᴏɴɪ ꜱᴜᴘᴇʀ ꜱᴀɪʏᴀɴ。路途中已聞到陣陣香味，加上等到好餓，大家都急不及待要食。🍕ᴍʏ ᴘᴀʀᴍᴀ ⭐⭐⭐⭐第一次見pizza 有咁多 parmaham 同火箭菜!!!  Parma ham 同火箭菜佈滿全個pizza，完全滿足每一個人。😋雖然價位比較高，但物超所值。唯獨餅底不脆，我超失望，這點我非常重視……😔🍕ᴘᴇᴘᴘᴇʀᴏɴɪ ꜱᴜᴘᴇʀ ꜱᴀɪʏᴀɴ ⭐⭐⭐朋友極度讚賞，pizza 勝在邊皮香脆，夠熱，味道偏鹹，我覺得冇咩驚喜……….💥總結 : Pizza 人手即製，料多，比一般店好食。不過，若果平日堂食都要等咁耐，我唔會等…………查看更多

偶然發現這間樓上店，門口似辦公室，望入去幾大，人不多，令第一次到來既我以為找錯地方。環境: ⭐⭐⭐⭐⭐地方相當闊落，空間感滿分，私穩度高。入到去，好自由，隨便坐。服務: ⭐⭐⭐不設加一服務費，全店只有2位工作人員，他們包辦: 厨師、收銀、侍應生工作，大家要預留多一點時間。食物: ⭐⭐⭐⭐健康、吸睛又有特色🌱 40度三文魚沙律 $100 ⭐⭐⭐⭐⭐菜新鮮、醬汁醒胃、三文魚是半熟的，肉質嫩滑，估不到以這個價錢，都可以享受到特色烹調的食物！正! 油封鴨脾 $110 ⭐⭐⭐⭐ 皮煎得香，好食，但份量太少，不足以飽肚冬蔭虎蝦 $120 ⭐⭐醬汁係酸辣醬，偏甜，沒有冬蔭公味，失望 RED Smoothie (+20) ⭐⭐⭐⭐⭐乳酪飲品材料豐富，質地豐厚，看似細細杯，飽肚非常，味道清新，好refreshing 花茶 (FREE) ⭐⭐⭐花茶賣相有趣，有小竹籃盛載茶葉，相對乳酪飲品，有點失色🔥 總結 : 物有所值，滿足又健康的一餐，聊天好去處…查看更多

以為係特色西餐，寫食評，先知原來自己食咗菲律賓菜!  唔怪之得睇唔明D餸菜名啦! 😂Lunch見呢間店靚靚地😍，就入黎試試。見有椰菜花飯，幾有趣，作為開始追求健康既純種食肉獸，想試又唔敢試，好彩朋友叫咗。自己穩陣地叫咗帶子扁意粉。🐂 Moo 'Salpicao' Holy Cauliflower Rice $118 ⭐⭐⭐⭐⭐賣相吸引，牛柳顏色粉嫩，似6/7成熟，肉質幼滑，椰菜花飯，切得好細，仲有蒜香，好啱想減肥唔食澱粉質既人。牛柳 + 椰菜花飯既配搭，真係令人冇哂罪疚感。😚🐚 Esti Alla Genovese $108 ⭐⭐⭐呢個意粉係用 Pesto sauce (蘿勒青醬)，醬很多，好惹味，不過，食到尾有D漏。同埋，只得一粒切開兩半既帶子，實在太少…… 性價不高 🙃🍹Calamansi + $15 ⭐⭐⭐⭐⭐清新，酸酸地，唔會太甜，好解渴，啱哂夏天飲，亦正好平衡意粉既油膩感總結 : 一定會再來 ❤…查看更多

一日，逛街，至夜晚，餓，友人說要帶我試新店，說貪新鮮的我一定喜歡。 魚店!?  全店只賣魚🐠🐟!!!  我很怕鯹，不太吃魚，但見朋友熱烈推介，即管試試吧。 看餐單，小食好吸引，製作創新有趣，價錢平，份量不多，令人都好想一試。🐡 炸魚狗腸配日式山葵汁 $13 ⭐⭐⭐⭐/5質地似潮州魚蛋，幾彈牙，加上西式醬汁及脆脆，中西合璧，成件事變得好新奇 😲🤤🐳 炸魚無薯條 $28 ⭐⭐⭐/5沒有一般薯條的香脆，換來煙韌口感，可以一試🐬 魚湯翡翠苗湯 $15 ⭐⭐⭐⭐/5價錢平，湯底不咸，翡翠苗好清新。🥃甜度適中 ⭐⭐⭐/5💛 桂花雪梨綠茶 $21♥️ 洛神花山楂雪梨茶 跟餐+$8🐋 泰式香辣魚碎煎蛋飯 $94 ⭐⭐⭐ /5惹味，比吃肉健康👨‍💼👩‍💼 服務 ⭐⭐⭐⭐起初，侍應生快速掉低餐單，叫我們自己用QR code點餐，便立即走開，服務像茶餐廳，感覺不太良好。到點餐，查問推介，講解卻親切又詳盡。讚！💗 💥 總結 : 小食有趣，吃得開心😚，怕鯹的朋友也可以放心來。若熱愛魚的鮮味，恐怕會失望。 註 : 要用手機網上落單，個 app 不太方便…查看更多

一直想來，因地區偏遠，最後往往選了比較就腳的餐廳。生日大哂，難得兩位港島及新界區好友願意遷就，終於成事。 環境 : ⭐⭐⭐滿牆壁畫，型格設計，椅及枱比較簡單，切合菜式創新的路線，整體比較適合年青人。 食物 :墨汁芝士軟殼蟹燒三文魚海鮮薄餅 $158⭐⭐⭐⭐⭐超級推介! 薄餅底脆，面頭有一層薄薯蓉，好特別。軟殼蟹大隻又炸得好脆，非常好食。😋香蔥蟹肉鵪鶉蛋多士 $78 ⭐⭐⭐⭐見價錢，可能會覺得有少少貴。見實物，你一定會覺得物超所值。蟹肉厚，多到嘩嘩聲，完全可以滿足你對蟹肉的欲望。朋友超喜歡，我則覺得稍為偏咸，仍非常值得一試。🍵 宇冶抺茶白朱古力奶 $48 ⭐⭐⭐⭐⭐又一驚喜之作。本身是抺茶控，但極度怕白朱古力的甜。見食評不錯，就試試吧。厚厚玻璃酒樽，一隻小酒杯及一塊日式小木板，頓時令平凡的抺茶奶變得高格調。 質地出奇地順滑濃郁、有抺茶濃香、甜度適中、份量也多，建議可二人共享。🍫凍二世祖特濃朱古力 $48 ⭐⭐⭐朱古力控必定喜歡!  質感如抺茶朱古力奶，味道稍為甜及漏，因此，我們要了一杯冰，自行稀釋 😝，反而更可口。🌱🦐 明太籽櫻花蝦配青瓜絲扁意粉 $148 ⭐⭐⭐賣相不錯，用料十足，明太籽及醬極多。起初食得好興奮，之後，越食越漏，是唯一吃不完的一碟。 👨‍💼👩‍💼服務 : ⭐⭐⭐⭐我們要求多多，一時又要多兩隻杯，一時又要冰，又要水，麻麻煩煩的…… 店員均有求必應。👍 用餐限時90分鐘，食物來得很快，時間尚算充足。時間到，亦只會溫馨提示，不會立即趕人走，這方面做得很好。👍…查看更多

呢間小店好巴閉，每逢星期日及公眾假期休息。以前星期一至五都人頭湧湧，以至我雖然經常在油麻地出沒，都只是吃食過一次粥。印象中，粥很綿，料很多。數年後的今日，忽然又想起，立即去試試。環境 : 不變，有點懷舊氣息。清潔度可以。不知是否受疫情影響，只見數個客人。服務 : 一般街坊服務，不用期望，沒有失望。要小心漏單。食物 : 牛肚同麵都好爽口，蘿蔔則吸收了清湯底的精華，軟腍清甜，沒有渣和根。👍👍👍👍價錢 : 正常…查看更多

灣仔，lunch time，想搵食，唔易，四處都係長長嘅人龍。Cafe 位置隱秘，基本上，唔經朋友介紹都唔會發現。環境 : 🌕🌕🌕🌕 (4/5) 內外都非常寧靜，店內寬敞，只有數張枱及10多個座位，設計簡潔。1點到達，只有4-5個客人。食物 : 🌕🌕🌕🌕 (4/5)兩杯都幾好飲，夠香濃 🍵☕意粉好彈牙，有質數，黑松露味濃，磨茹不少。不過，當食多幾啖，連重口味嘅我，都覺得有點偏咸……平常好少食 All Day Breakfast，成日覺得百幾蚊，唔係好抵咁…….. 今日見到又幾豐富喎 ! 炒蛋流心好靚，朋友話牛角飽好好食叫我下，嘩 ! 竟然放到最後食都仲咁香脆 ! 好正 ! 😋服務 : 🌕🌕🌕🌓 (3.5/5)自助式，服務正常，小店有訂位服務，非常好 👍價錢 : 🌕🌕 (2/5)午餐不包餐飲，每位平均超過$170，都幾貴🔥結論 : 可以再來…查看更多

偶然路過這間人氣小店，剛好有一批客人走，見人龍不長，等了不足15分鐘已經可以入座。 環境 : ⭐⭐⭐日系小清新，感覺開揚、乾淨我們被安排在窗邊位置，面對人龍只有一塊玻璃之隔，有少許壓迫感。若穿著短裙，對街外，坐高椅亦有走光的危機。。。。 服務 : ⭐⭐⭐⭐年青侍應，有耐性、友善又有禮貌 食物 : 一看價目表，價錢比一般 cafe 平☕意式泡沫咖啡 $36 ⭐⭐⭐⭐☕培茶拿鐵 $40 ⭐⭐⭐⭐這個價錢有個咁靚的拉花，真的難以想象，少女心即刻跑了出來。重口味的我，覺得味道有點淡  🥬芝麻醬蟹肉雜菜 $78 ⭐⭐⭐⭐⭐沙律菜新鮮，蟹肉甚多，性比價極高🍅🦐茄汁海鮮意大利飯 $88 ⭐⭐飯有蕃茄粒粒，汁好味。飯多，海鮮少，整體一般🐚白酒煮蜆辣肉腸扁意粉 $88 ⭐⭐⭐賣相不吸引，沒有酒味，肉腸有點硬，幸好蜆肉及意粉味道及軟硬度不錯，稍為挽回一點分數🔥後記:  飯後，發現身邊食客多選擇 All Day Breakfast 或多士類，可能這些才是招牌菜吧…查看更多

位置就近，加上有公司優惠，我們決定到這裡為同事慶祝生日🥳。 🌱 🏢 環境  :  樓底很高，空間寬敞，必揀落地玻璃位置。景觀雖受地盤影響，但有6人座的大梳化卡位，限聚4人，真是坐得十分舒服。高背梳化亦增加了私穩度，令人可以暢所欲言。🎂🥖食物 : 味道及食物擺位有酒店的質素和格調。餐前小食，絕不簡單🐟 Tuna Tartare 👍👍👍👍👍(掛住食，忘記影相)~ 新鮮、清新、好味 🥬 Kale Caesar Salad👍👍👍👍👍~ 有我最愛的羽衣甘藍，大大碟的，非常慷慨 😍 沙律上的 Tuna Tartare 是同事分享給我的🍄🧀 Spaghetti with Mushroom and Parmesan Cream Sauce $118 ~ 份量不少，磨菇新鮮，好多芝士，好食亦好漏 👍👍👍👍🐠 Pan-Fried Sustainable Salmon $178👍👍👍👍~ 三文魚新鮮，唔腥，賣相吸引🐖 Grilled Kurobuta Pork Chop $208👍👍👍👍~ 肉質鬆軟，正🍓🍍☕ Dessert of the Day + Fruit Platter & a cup of coffee (+$55)~ 主菜後，食生果杯好 refreshing。紅苺蛋糕我們只吃幾口便停了。我一向對馬卡龍印象都麻麻， 無論甚麽顏色，我都覺得只有甜味，所以，不作評論了。🔆 公司優惠，4人，預早通知，便可獲贈生日蛋糕一個🎂。蛋糕有6寸長，份量多到要 take away。朱古力慕斯幼滑香醇，又不會過甜。生日的同事好喜歡。😊 最後以一杯咖啡作結 (又忘了拍照)。完美 🥰💰 價錢 : 午餐，有最親民的 ($118)，亦有正常酒店價的 ($178 - $1,188)。當中已包括餐包、餐前小食及主菜。絕對超值! 👍👍👍👍🤵🏻 服務 : 首先，我打了兩天電話，都沒有人接線。最後，我是親身到餐廳訂位的。當日，只有數個待應，服務一般，與以往酒店式殷勤服務截然不同…….. 👎👎👎👎💥 總結 : 就算沒有公司優惠也值得來。…查看更多

午飯時間，從灣仔搭小輪過來🛳，船上只有數人，吹著海風，休閒自得，有渡假的感覺。餐廳在地下，近碼頭，落船後，不用5分鐘便可到達，遠比乘地鐵或巴士方便得多。 因為臨近暑假，餐廳門外等候的人極多，幸好較早前已透過電話訂位。☎️ 環境 : 🌕🌕店舖外牆以木建成，別具和風特色。 嘈吵，本以為海港城餐廳的設計會比較高尚，實則格局如一般的日式餐廳，內裡全無格調，非常擠迫。 食物 : 🌕🌕🌕🌗飯很多，有少許芝麻，不特別好吃。Wasabi 並非即磨 😑。幸好海膽有厚厚的4片，味不夠濃，但都非常不錯。魚子及吞拿魚蓉則又多又新鮮，好味。整體賣相非常吸引。😋刺身顏色淡白，不太吸引，蝦沒有甜味。。。。朋友話其他好食。😊 服務 : 🌕🌕🌕以QR code 下單，侍應服務正常，人手充足，反應快。 整體 : 🌕🌕🌕價錢與食物質素相稱，對環境及服務期望過高，以至有點失望。 ❤ 提議 : 若時間緊迫，你想來一個快樂的午餐，這裡可滿足你。若想與朋友傾談心事，則要另覓餐廳了，這裡用膳限時75分鐘。…查看更多

第一次食，外賣，同事請，等待時間約一個半小時一向並不熱愛吃麻糬、芋圓。這類粒粒粉團大多厚韌，且讓人異常飽肚。這4條其貌不揚的黑糖麻糬和牛奶麻糬卻令我完全改觀 ! 質地超級QQ、彈牙! 超好食! 😋相反，我最期待的抹茶布丁，竟然完全沒有抹茶味😟。配合附上的紅豆一起吃，我覺得有在吃紅豆涼粉的味道。包裝不環保，雖知外賣就是不環保。希望貴公司可盡量改細包裝，不用發泡膠，為環境出一分力。💥 結論 : 麻糬好吃，綠茶布甸一般，價錢不值…查看更多

近日疫情漸退，朋友久休復出，相約到人跡罕見、充滿文化氣息的戲曲中心吃個午飯。滿樂中菜位於柯士甸站上蓋，地鐵E出口可直達。位置偏遠，成就寧靜的環境。環境 : ⭐酒家外面環境清靜、雅致，內裡卻是另一個世界。看相片，懷舊的設計，杯碟及茶壺都用上如翡翠色的搪瓷，加上舒服的梳化椅，令人充滿幻想，彷彿可讓人回到電影2046的拍攝場地。可惜，現實是，四周嘈吵如茶餐廳，座位迫夾，人手嚴重不足，令我剛入座已對這裡印象大打折扣。😵服務: ⭐這夥星是給一位高瘦的男侍應，他很幽默、有禮貌及主動。👍另有一位嬸嬸，她傳菜時，手套碰到我的杯邊，以至濺出一大杯水，她只說了一句”對不起”便想離開，我即刻要求她幫我換一隻新杯，她換完即走。最後，我們要自行找其他人來清理。😖食物: ⭐⭐⭐12:30到達，大部分特色點心經已售清，幸好其他點心都是好吃的。最好吃的是燒腩仔👍👍👍，肥瘦均勻。炒麵則淡而無味，材料不足。👎💥 總括 : 價錢合宜，若為食物而來尚可，我則不會再來，因這裡的環境及服務實在非常趕客。…查看更多