Foodology__的個人專頁

聽朋友講過呢間嘅芝士餃仲好食過豐信，所以就黎左試。講真俾我想像中好食！叫左至尊松茸豬肉煎餃、香煎軟心芝士餃、四川凉皮、麻辣松花皮蛋、凍山楂雪梨水、凍蜂蜜檸檬薏米水。兩款煎餃同飲品都值得推薦！至尊松茸豬肉煎餃: 餃子皮偏薄，煎岀嚟幾香脆，裏面嘅豬肉餡都好多汁，同時都幾香松茸味。香煎軟心芝士餃: 即係芝士粟米餃，佢比平時食開嘅芝士餃有較濃嘅芝士味，亦有少少嘅拉絲，煎出黎唔太油，真心好食過豐信。凍山楂雪梨水: 山楂嘅味道較為突出，酸酸甜甜，幾開胃。凍蜂蜜檸檬薏米水: 比山楂雪梨水甜，飲到濃濃嘅蜂蜜同檸檬味，好足料👍🏻…查看更多

中環街市真係臥虎藏龍，收埋左好多好食嘅外賣店。呢間外賣店之前都食過，喺中環呢個物價咁高嘅地方都食到$100以下一餐都算係咁🙂‍↕️而且犀牛犀牛食物都好食，值得更多人知同去食，係$100以內嘅好選擇！韓式泡菜起司豬捲餅$46捲餅會比蛋餅飽，佢係用台式捲餅嘅做法，唔好睇佢細細舊但其實好夠飽！好足料，由第一啖到最後一啖都食到料，泡菜+芝士+豬呢個組合真係無得輸，包好食😂要小心食到半路滴泡菜汁！起司薯餅蛋餅加肉鬆$52蛋餅比捲餅淋同細啲，但加埋芝士薯餅肉鬆都夠飽，個薯餅似m記薯餅咁，加埋一齊食口感豐富。芝芝乳酸芒果沙冰 $47比想像中重椰香味，唔會太甜，夠大杯。芝芝乳酸巨蜂沙冰 $47酸酸甜甜幾開胃，加埋奶蓋幾好飲👍🏻…查看更多

真係細細個就聽過蓮香樓呢個名，之前結業過估唔到又重新開業。佢係香港碩果僅存有點心車嘅茶樓，所以想感受下懷舊嘅感覺。嗌左豉汁蒸鳳爪、椰皇燕窩燉鮮奶、西米焗布甸、蟹粉小籠包、鮮蝦炸雲吞、鵪鶉蛋燒賣、脆皮奶卷、帶子蝦燒賣、韮菜餃，整體點心高質，每碟都滿意。豉汁蒸鳳爪 ，份量比想像中多，有成5、6隻，每隻都幾厚肉，唔會太鹹。椰皇燕窩燉鮮奶，甜得嚟好香奶味，食落唔會太膩，值得推薦。蟹粉小籠包，好醒目咁用左紅蘿蔔片墊底，令到夾起小籠包個陣因為唔會黐底而整穿咗，小籠包皮都做得夠薄。鮮蝦炸雲吞，個皮整得好薄，炸得好脆，入面嘅蝦亦彈牙，炸雲吞加埋甜酸汁幾開胃，令我食到成枱都係炸皮😂鵪鶉蛋燒賣，好耐冇見到呢款舊式嘅點心，無食過可以試下。帶子蝦餃，放左帶子係蝦餃上面，個皮做到好薄同好透，個餡好足料，有3、4隻蝦仔係入面，味道唔錯。…查看更多

由太子行去moko途中見到呢間餐廳裝修好有特色，停低望到個餐牌幾吸引就入左去試😂結果成餐飯都好滿意，環境舒服，價錢合理！今次試左佢嘅晚市二人餐，好想下次試埋佢嘅日式定食🥹晚市二人餐$478加一，有齊湯、飲品、主食、甜品🤤第一樣上嘅湯已經有驚喜，佢係用好似金寶湯嘅罐裝湯，好啱打卡！湯都好多磨菇，真材實料😋兩款主色都好食，叫左蕃茄香草肉丸粗管通粉同香烤羊架🤤鐘意食粗管通粉，裏外都有醬汁，一咬啲醬汁咇晒出嚟好正🥹香烤羊架比我想像中腍，完全無筋！甜品揀左阿華田牛角窩夫，鐘意佢配豆腐雪糕🤤同牛角窩夫一齊食都好夾，唔會太甜😋啱啱見到openrice訂座有88折！！咁真係要再黎試佢嘅日式定食同芝士蟹黃通心粉🥹…查看更多

估唔到行過尖沙咀小巷會搵到間咁滿意嘅泰國菜小店，搞到我忍唔住打食評，希望佢長做長有🥹首先第一樣上嘅沙冰已經嚇親我🫨超大杯！！完全無諗過會咁大杯😂😂飲落都好夠味，叫左一杯荔枝沙冰、一杯芒果沙冰，兩杯都值得叫！兩杯沙冰都夠綿密，食完成餐飯之後仲有一大杯未飲完，超抵🤣佢嘅焦糖鮮菠蘿都好值得叫，因為佢真係比我想像中大舊同甜好多！$38兩串呢個價錢好抵食🤤加埋砂糖一齊燒過之後更加帶出菠蘿嘅甜，仲要佢地揀嘅菠蘿無咩渣！酸甜多汁！好食👍🏻泰式豬頸肉都有驚喜！有燒烤過嘅焦香味，又唔會燒到乾柴！好食！份量仲要好足，大大塊，滿足晒我呢啲食肉獸😋金沙軟殼蟹都係令我好滿意嘅一道菜！佢炸得好香脆但又唔會好油膩，同埋佢嘅軟殼蟹夠大隻多肉，啲肉唔會霉🥹我覺得呢間好適合一班人happy hour聚會，見佢個menu啲cocktail都幾吸引，同埋佢happy hour好抵飲！仲要串燒同小食類呢啲送酒菜大份又好食😋…查看更多

呢間真係糧尾恩物！！又平又好食😭5隻韮菜湯餃+上海麵+豆漿 $47好抵食！！佢嘅質素完全值得我俾更高價錢食！！佢個湯底好好飲，係野葛菜生魚豬骨湯，飲得到魚味但唔會腥，我最後成碗飲晒😂韮菜餃都好足料，粒粒飽滿，比例做得好好，餃子皮做得薄但唔會易穿，好食！6隻粟米煎餃+米粉 $53煎得好出色！！我認為係全港數一數二煎得最好嘅一間！佢煎到外皮金黃色，一隻都無燶，最重要係完全無油膩感，煎得好乾身！餡料都好食，不過個人鐘意韮菜多啲，聽到員工推薦甘荀沙葛肉餃同芫荽餃，下次試埋佢先😋不過唔知係煎餃配嘅粉麵唔包野葛菜生魚豬骨湯完米粉唔包，我食米粉係無湯底😭總結黎講都十分推薦！！…查看更多

鐘意佢設計簡約，好中我審美！個日好好天揀左坐室外都唔會太熱，坐得好舒服！Pulled Pork Benedict $148好食！手撕豬肉完全唔韌，調味得好好😋Sourdough 值得一讚，外脆內軟，唔會硬到咬唔郁❤️神來之筆絕對係上面嘅青蘋果，酸甜爽口嘅青蘋果中和左豬肉嘅油膩感，好夾！Beef Ragu Pappardelle $148個肉醬好香濃！意粉煮得啱啱好，唔會過淋，而且掛汁，好惹味，碟意粉一上碟好快就清晒🤣French Toast $118朋友推介一定要試！賣相好靚！做到外脆內軟🤤鐘意佢加埋Mascarpone嘅配搭，好食！Banana & Mixed Berry Smoothie $60足料，味道唔會過甜😋份量比相象中少，幾啖就飲晒😂總結黎講會覆桌！…查看更多

一入到去唔係見到人人打卡嘅地方，靚靚走廊要直行轉左先到，晏畫去陽光打落黎真係好靚！好似去左教堂咁有種寂靜感！但最好book枱嘅時候講定要窗邊走廊位，如果唔係佢地可能會俾右面室內位，咁你就完全唔會見到條長廊🥲野食方面叫左兩個週末午市套餐，每個餐未加一$208包前菜、湯、主菜、甜品🤤主菜方面試左牛肉卡邦尼捲意粉同洋蔥德國腸酸種薄餅，捲意粉好食！意粉做到al dente，而且好掛汁😋調味恰當，但當然唔係傳統意大利carbonara做法啦😂洋蔥德國腸酸種薄餅餅底都鬆軟，整體未到驚艷，再有下次會試其他主菜！總括而言呢間係間坐得舒服，野食正常嘅打卡cafe！…查看更多

羊奶硬芝士黑胡椒馬鈴薯粉團 $138作為經典嘅Caco E Pepe，相比起意粉佢選擇用gnocchi🤣馬鈴薯粉團本身質地偏腍，但又唔會一咬即爛，個人接受到呢款口感，但同行友人就覺得一般😌不過唔關間餐廳事，只係個人口味嘅問題🙂‍↕️整體醬汁稠結度都適中，不過唔重黑椒味，味道較單一特大長通粉配意大利豬肉腸，茄子及芝士$138比起gnocchi，個人鍾意呢款長通粉多啲，長通粉做到al dente，而且好掛汁，呢款醬比起上面嗰款更加香，因為佢加咗意大利豬肉腸，令到呢碟意粉更加惹味🤤意大利風乾火腿薄餅 $178比我想像中大好多😂薄餅呈長方形，有八大塊，餅底夠薄身，薄餅邊都好脆，材料好簡單，只有Parma Ham, Mozzarella同蕃茄，簡簡單單已經好好食😋…查看更多

一行二人食咗上海排骨擔擔麵、炸素春卷擔擔麵、鮮肉煎鍋貼同黑豆漿😋最出色係煎鍋貼😋粒粒飽滿，皮都做得夠薄，咬落去有肉汁，食到豬肉香味👍🏻擔擔面都有花生同肉碎香味，麵質有咬口，炸春卷都好食，炸得夠脆😋排骨炸粉夠薄，醃肉都入味，不過炸得偏乾身🙂‍↕️黑豆漿有啲似自己整，比便利店買到嗰支黑豆漿重黑芝麻味😍呢間餐廳勝在性價比高，每人唔使$100，適合平日想平平哋食晚餐😌佢最出色應該係小籠包🤤之前食過真係出色，不過今次冇食到，唯有下次再食🤣…查看更多

呢間外賣越南法包店好好食！之前已經聽過佢嘅大名，今次終於有機會試😋嗌左Cold Cut Sandwich $82，我遲左大約45分鐘食都好好食🥹個法包仲係好軟熟，完全唔難咬！新鮮熱辣辣食應該真係外脆內軟🤤呢款材料豐富，有扎肉、越式叉燒、豬肉鬆、肝醬、蛋黃醬、酸菜、青瓜、芫荽、蔥😍食落去好balanced，酸菜青瓜嘅清爽中和咗肉嘅油膩感，食到肉香亦食到酸菜嘅酸甜味😋食完已經諗緊幾時再買黎食🥹想試埋炆五花腩🤤…查看更多

聽過秋嵐大名好耐，終於有機會黎試😍好彩當日用google map訂當晚位都有位🥰餐廳喺東匯坊入面，有少少隱蔽🤣極味厚切牛舌定食 $158非常推薦！！$158有齊晒前菜、湯、主食、甜品，仲要好食，我無更多要求了🥹抵佢咁多人識同去食🤤主角牛舌有足足八大舊，超滿足！啲人話同東京牛舌の檸檬有得比，我信呀🤣咖喱牛舌都做得好出色，好腍😋睇相見到佢嘅魚生飯都好吸引，不過當日魚生飯暫停供應，希望有機會再試啦🥰…查看更多

Friday night 約左朋友喺中環食+飲野，經過門面幾吸引，就決定排隊試下，食完比想像中好食，有驚喜！係會想覆桌嘅pizza店😋餐牌好簡單，食物方面只有前菜、pizza同甜品叫左以下三款PizzaCalabrese 2.0 $198Simply Prosciutto $188Mortadella $178三款都好好食😭佢真係新鮮熱辣焗完上枱，一定要趁熱食！！個餅皮真係外脆內軟！！咬落去帶嚼勁，好香麵粉味🤤個人口味最鐘意Calabrese 2.0🥰鐘意食Salami, Nduja同Jalapeño, 呢款pizza食落最濃味同味道最豐富😋…查看更多

得登黎南丫島就係想試呢間餐廳🥹前幾日想book weekend食已經book唔到🥲好彩5點幾walk in有枱俾我！仲要對住個海😭😭臨近日落真係好靚個vibe好chill好似去外國海邊小鎮咁😍野食都好食，好滿意呢間餐廳，係好啱weekend getaway 嘅地方🫶🏻Hummus $65鷹嘴豆蓉真係未必個個人都鐘意食，但我就好鐘意攞pita 蘸hummus呢個食法，覺得好香🤤Lamb Picanha$250好滿意呢個羊🤤好腍🥰有羊肉香味但唔臊！鐘意羊下面嘅bulgur🤤bulgur係一種由小麥煮過、烘乾後碾碎而成嘅粒狀產品，地中海裏面都常見，食落去無咩味，最主要係吸引左羊嘅香味😋Spiced fries$50普通好食嘅薯條🤣新鮮炸起都好香😋…查看更多

新出個日本白桃冰好好食😭好足料，真係用白桃打出黎，唔係化學死甜🥹三舊日本白桃又多汁又甜🤤加埋啲西米同椰果增加口感，好好食😭😭😭芒果冰都好食🤤比白桃冰更甜，冰更綿密😋好多芒果好足料🥰但我鐘意白桃冰個甜度多啲🤣見住研香越開越多間真係好開心，好欣賞佢哋好真材實料，之前食過合桃露都係超足料勁濃合桃味！🤤裝修到成間甜品舖好高級坐得好舒服🥰又冇趕我哋走，甜品又快送到🥹價錢又唔貴，已經成為我嘅甜品愛店🤣…查看更多