Vicccccz's Profile

係旺角同啲朋友係金雞廣場篤完波，就上左去25樓一間留意左好耐嘅cafe度食飯一入到門口，就見到好多board game 我地被安排坐係一堆minions同三眼仔嘅隔離，真係令到我朋友好開心食物方面，我地叫左兩個main同一啲小食肉醬意粉煙三文魚卡邦尼闊條麵日式餃子洋蔥圈同埋肉丸再叫多杯latte餐後感：地理位置好方便食物質素又幾好價錢又相宜又多board game仲有好多minions 同三眼仔下次篤完波可以再幫襯…Read More

天氣一凍就想打邊爐聽過尚鮮呢間打邊爐個名好耐，見今日過開黎佐敦見客，咁就同個客一齊上黎幫襯下入到去覺得座位幾舒服，好闊落，幾個老友咁上黎食又真係幾好我地叫左個蟲草花花膠雞湯打邊爐識食的話一定係試左湯底先呢個湯真係清甜到不得了，我地一行四人飲晒成煲湯咁濟打邊爐食牛肉是基本常識吧我地叫左個牛尚盛，有成四種牛肉，真係好好食蟹皇餃入面有蟹膏同蟹肉，好似食咗隻蟹咁仲有最重要嘅午餐肉餐廳仲好有心思咁將佢砌成井字型，賣相真係一流最後就係個菜籃啦新鮮就好，唔需要講太多餐後感冬天打邊爐真係好重要！…Read More

今日想同女朋友浪漫一下，就揾左間Fine dining 黎試下法國諾曼第生蠔珍珠係食得嘅蠔味比較輕，醬汁帶點酸，好易入口食完有一陣生蠔嘅金屬味殘留口腔，回味冇窮油甘魚，即係紅鰤魚今次呢份刺身選材近腩位，不過又唔係腩，所以冇咁肥膩餐廳仲用左墨西哥辣椒雪芭，可以再去肥膩湯係Mushroom cappuccino 用espresso 杯裝住嘅磨菇湯奶泡上面嘅係牛肝菌磨成嘅粉魷魚豬腩手打貓耳粉個汁用左兩種蕃茄黎做，冇普通蕃茄咁酸豬西冷因為果飼，所以可以做七成熟，有粉紅色嘅效果，另外燒汁係用左肉汁黎煮餐後感估唔到觀塘有間咁高質嘅法國餐廳服務仲非常好，每道菜式都有專人講解感覺十分良好…Read More

今日嚟到荃灣，見到有間Cafe幾靚，咁啱又肚餓，所以就入去試吓。飲品當然叫做我最愛嘅dirty，另外一杯飲品叫左竹炭咖啡。呢間餐廳嘅咖啡帶少少酸味，dirty同平時飲開嘅差唔多，都係我鐘意嘅味，竹炭咖啡就比較特別，佢似係latte再帶少少炭燒味，用嚟打卡仲好靚，值得一試！ 小食我哋叫咗一口牛一口牛牛肉味幾香，再加埋蒜片味道幾好 慢煮安格斯牛肩肉蝴蝶粉呢個蝴蝶粉似用新鮮蕃茄黎整，牛肉都好嫩香煎帶子黑松露意大利飯帶子煎得幾香，好重黑松露味，先自己最鐘意呢個 餐後感餐廳裝修真係幾靚，價錢亦合理，如果經過我會選擇再黎…Read More

今日同朋友去咗荃灣打保齡，佢哋話有間隱世名店要介紹吓，咁就帶咗我嚟呢間越翠苑嚟食飯。餐廳係地舖嚟，唔算好難搵，不過內在環境啲位有少少窄，坐得有啲迫。但係都冇辦法，因為其實下午茶時間來講佢真係坐滿晒人。我哋好快就嗌左嘢食，首先嚟到嘅係呢一杯綠綠地色嘅飲品，佢就係傳說中嘅牛油果沙冰。杯嘢飲到牛油果嘅味，好似奶昔咁幾得意。之後上枱嘅就係呢個吹波雞髀飯，一睇見個Menu就好想知佢點樣吹波法，後尾據我哋研究，吹波應該係「炸」咁解。餐後感：呢間餐廳價錢唔算好平，不過真係幾好食。如果經過嘅話我都願意嚟食多次。…Read More

今日工作關係去到大角咀，咁就同朋友食飯，朋友話想試呢間泰國嘢，咁我哋就一行三人去開飯。舖頭地點其實唔算難搵，喺利奧坊嘅對面，舖頭嘅牆身掛咗好多足球波衫，都幾有特色。午餐Menu有一個二人餐，二人餐入面就有三個餸，咁因為我哋三個人，所以決定嗌多個餸。二人餐我哋嗌左個花甲煲，菠蘿海鮮炒飯，同埋一個咖喱麵包軟殼蟹。再散嗌多個椰菜苗豬頸肉。餐後感：花甲煲，花甲冇乜沙，份量都足夠，賣相亦好好，所以個人幾推薦呢個菜式。菠蘿海鮮炒飯，唯一嘅缺點就唔係用菠蘿殻上。咖喱麵包軟殼蟹，軟殼蟹幾脆口，咖喱汁都夠多，可以點麵包食一流。椰菜苗豬頸肉，個人覺得要改善一下，因為無論菜同肉，都好硬身好有咬口，咬到我有啲攰🤣…Read More

傳聞中上水有兩間好好食嘅豆腐花，而其中一間就係呢間豆美味⋯⋯難得天晴氣朗，所以決定出車，去上水搵吓呢間隱世名店其實佢係比較難搵少少，因為喺單車徑度有條小路轉入去，所以大家要留意吓指示。去到舖頭最搶眼嘅就係豆腐神石像今次就叫咗呢度比較特別嘅黑豆花，聽朋友講黑豆花比白豆花滑，我個人都覺得係，而且黑豆花嘅味道比較香呢度除咗有豆腐花食之外，仲有其他小食例如燒賣，牛肉甚至乎粢飯都有餐後感：其實有時踩單車又或者行山呢啲咁體力勞動嘅活動，都只係志在搵呢啲出色嘅隱世美食…Read More

難得搭船嚟到山長水遠嘅蒲台島，一定要試吓呢間灣仔士多嘅紫菜麵。聽聞呢間士多嘅紫菜都係自己喺海入面撈返嚟再曬乾，所以都叫做比較「新鮮」佢呢個紫菜仲可以好多變化，例如有紫菜蛋花湯，又或者好似相片中嘅紫菜餐蛋麵佢個面仲要係出前一丁，試心想，山長水遠嘅蒲台島竟然有出前一丁麵食，真係幾驚喜。餐後感：呢間餐廳喺碼頭隔離，附近好似得一兩間士多，不過奇怪嘅係，佢價錢又唔係真係好貴。仲要佢嘅裝修其實都幾精緻，仲有得坐正喺海邊，放下假出蒲台島行吓有咁嘅享受都幾好。…Read More

之前都因為行山先認識呢一間餐廳，因為佢嗰度係有船飛賣可以搭大飛出返西貢。今次行西灣亭就決定以呢一間餐廳來做中途補給站。由於行山唔會太肚餓嘅緣故，我哋兩個人就嗌左個楊州炒飯，同埋一個豆腐花，再加兩杯飲品咁就作為一個簡單嘅午餐楊州炒飯就冇乜特別，唯一嘅特別之處就係佢價值$90 ，齋睇價錢我以為去緊五星級酒店。豆腐花還可以，夠滑亦夠凍，亦都有薑糖擺咗喺每一張枱面餐後感：呢間餐廳最大嘅賣點我覺得就係佢個無敵海景，對住個沙灘食飯望住過海感覺真係幾好，如果價錢平啲就更好啦。…Read More

因為想保持身體健康嘅關係，一般來講我都會skip早餐。不過有時亦都因為工作關係，需要同同事落去樓下餐廳坐低飲杯咖啡傾少少嘢話說有一次陪同事去咗翠華，見到隔離枱嗌左份魚柳早餐，就比佢深深咁吸引着。直到上個星期，我想去叫呢個魚柳早餐，點知佢竟然話今日冇魚柳，好失望不過去到今個星期，我終於食到一次雨柳做餐喇！其實份魚柳早餐冇乜特別賣點，唯一嘅賣點就係超超超超超大塊魚柳，外表炸得趣，入邊魚肉又軟林林，加埋個炒滑蛋，同埋兩塊麵包，基本上飽到連lunch都唔使食。餐後感：喺九龍灣來講$40嘅早餐比比皆是，但係飽到連lunch都唔使食嘅早餐，又真係比較少見…Read More

每次同班兄弟食飯都要唸去邊始終成班麻甩佬又唔需要話食環境食裝修最緊要平！靚！正！就得自從去過一次德興酒家之後，佢就成為左我地嘅飯堂今次我地有八個人，所以限聚嘅緣故被迫要分兩枱坐，餐廳亦十分體貼咁俾到兩張相鄰嘅枱我地我地今次揀左好普通嘅鴛鴦湯底，即係沙嗲拼清湯，沙嗲有沙嗲味，清湯亦都好清⋯⋯喺我哋呢班麻甩佬嘅角度嚟講已經好滿足最重要係肥牛係可以瘋狂咁嗌如果想要丸類，又或者午餐肉等等又可以喺自助區度拎，飲品方面，酒家仲提供自家製嘅薑蜜同菜蜜，汽水同啤酒仲可以任飲！餐後感：星期五晚人頭$240就有以上嘅享受，真係冇得輸，得閒去多幾次而最值得推介嘅原因，就係因為餐廳可以俾客人坐到11點，啱晒我哋呢啲食飽就坐喺度吹水懷緬過去嘅人星期一至四係會再平啲！…Read More

工作關係，嚟到石籬呢附近，據我表妹推介，佢話呢間餐廳嘅炸雞髀飯好有驚喜，所以就特登入咗嚟試。餐廳唔算難揾，佢係一間開係路邊嘅舖頭，亦係一間比較舊式嘅自助型快餐店。當我見到店員拎出嚟嘅炸雞髀，真係俾佢嚇一嚇，原來真係好大隻！仲要炸到好金黃，睇見就想食！拎到返埋位品嘗嘅時候，發覺雞髀嘅皮好脆，入邊啲雞俾肉仲要好滑！餐後感：估唔到呢一間店仔竟然有咁好食嘅炸雞髀！價錢仲要幾實惠，大概$50左右就包埋湯同飲品，當然佢仲有其他嘢食啦，不過我相信下次嚟到都係會叫返呢個炸雞髀餐。…Read More

今日黎到粉嶺聯和墟嘅新廣發即係以前沙角村大排檔果間打邊爐佢位置比較難揾喺市政大廈，即係街市，樓上嘅熟食中心$138卜卜蜆煲再加任飲任食打邊爐真係冇得輸其實佢仲有個平啲嘅卜卜蜆煲，啲蜆就會細隻啲，價錢亦都優惠啲，侍應亦都推介我哋食牛雜鍋，佢話都好好食，不過呢個要等下次再嚟試啦最可惜係佢冇左玻璃樽裝嘅汽水🤦🏻‍♂️其實今次已經係第二次黎呢度食希望第三次/第四次/第五次⋯⋯可以見到大家啦餐後感：最緊要！我食完冇肚痛🤣…Read More

香港其實好多間雞煲，呢一間雞煲係我覺得最值得回味嘅。第一次食一品雞煲係喺佢荃灣本店，而家開到已經全香港都係。以地點方便來講，我自己就經常去旺角呢間分店。我哋今次叫咗個BB辣，不過有啲唔係好食得辣嘅朋友都話覺得辣，我自己就覺得啱啱好。火鍋配料來講，佢有兩款牛肉，兩款都好出色！當然打邊爐就一定要嗌萵筍同埋午餐肉。最後嘅重點係，嚟到一品，就梗係要嗌佢個杯大檸茶啦！餐後感：以前食一品，都一定會爆場，但係啱啱上個星期去食，竟然舖頭有啲冷清………Read More

事情回帶至今年的六月，為咗某一啲緣故我同班同事決定食一餐豐盛嘅lunch！尖沙咀區雖然有好多選擇，不過我地最後都揀左牛角放題。因為眾所周知，牛角嘅放題係好難搵位，再加上以lunch嘅放題來講，個價錢又唔算好貴，仲要係燒肉！當然不得不提嘅就梗係牛角飯啦！我哋一份八個人，有男有女，應該都每人食超過兩碗或以上餐後感：天下無不散之筵席，尤其是經歷完呢個疫情，發覺所有嘢都會有最後一次，所以真係要享受當下，食得一次得一次…Read More